بارت١٠
حياكم
(نجمه تقديرً لتعبي)
-----
ليلة العيد والكل منتشر ويخلص شغله بنسبه للعيال الي توهم راجعين من الحلاق ويضحكون على زلف نياف الي خربه الحلاق
نياف:شات شرار كلها بسببك ياشرشبيل
شرار:ههههههههههههههههههههههه الله يسامحك حطيتها فيني انت الي ماتجلس
سلطان:اللهم الاشماته
نياف:حسبي عليكم ياأثنين روح انت وياه ياجعل الكلب يعضكم
شرار:ههههههههههههههههههههههههههههه وأسكتو اول ماسمعو صوت السماعه والأغاني وقفو بحوش الرجال وهم يسمعون الصوت الي بحوش الحريم كانو مشغلين (أغنية ياليلة العيد انستينا )
ويصفقون ويغنون معها ويرتبون الطاوله
ضي :بنات بنحط شرشف أبيض على الطاوله
رند:أيوه انا جايبه اكسسوارت لطاوله بتطلع تجننن وجايبه شموع
وفازات
سلطانه:يالبييه ياللله وش ذا الحماس
ريم:اول مره يكون ليلة العيد وناسه ومو كرف
مها:ان شالله تكمل وماتطلع جدتي تبعص علينا
ريما:أخ تكفين مااقدر اروق من دون أغاني والله يارب ماتسمع
سلطانه:ههههههههههههههه كل الديره الحين سمعو مو بس جدتي
والي ماحسبو حسابه ان جدهم يسمع الصوت طلع للعيال الي متكين في الدكه بعصبيه وحده وش ذا الصوت أعنبوكم يالدشير
هنا بلع ريقه شرار يعرف ان البنات بيلقمون ضرب منه ليلة العيد وهم مستانسين
نياف :البنات مواحنا ياجد
شرار وسلطان الي بققو عيونهم في نياف الي منخرش من جده لا ياجد شكل فيه ناس برى المزرعه مشغلين
الجد محسن:لاوش شايفني انت يوم انك تكذب علي
شرار: انا ياجد مشغل السياره ليلة عيد ونبا نستانس
الجد محسن :وشهو تستانس على الأغاني أعنبوك انت صاحي ولامجنون
شرار:وهو يغمز لسلطان يروح للبنات قبل يوصلهم جده
لكن الجد الي طنش كلام شرار واتجه يتبع الصوت وهو يدخل حوش الحريم ويشوف ضي جالسه تنقص بالصوت على طول أتجه لها وهو يسحبها بشعرها أني والله داري مابيشغل هالخراب الا أنتي يالماصخه ضي وهي تصيح والبنات يصيحون معها يحاولون يفكون شعر ضي من يده ويطلبونه
شرار:الي اول ماسمع صوت الصراخ ركض لديوانيه يصحي عمه علي تكفى قوم جدي عند البنات وهو جاهل من الي قاعده تصيح
العم علي:صحى برعب طيب واذا هو عندهم
شرار:قم قم تكفى ماهو وقت اسئلتك والله ان يلعب فيهم قم تكفى
قام العم علي اول ماسمع صوت الصراخ وراح ركض وهو يشوف ابوه يسحب ضي بشعرها بالحوش ويجلدها بالعصى الي بيده يالماصخه يالداشره تبين تخربين البنات علينا
دخل العم علي ركض وبعصبيه يبه فك ضي
الجد محسن :لاانت مبسوط بهاذا الي تسوي الماصخه بنت الحرام
العم علي:الي وقف قلبه يوم حس ابوه بيكب العفش فكها يبه الا ضي لاتلمسها الا ضي
الجد محسن:فكها وبحده وهو رافع يده بوجهها والله وبيتً بناه الله لوباقي اسمع هالخراب وهالدشاره لااطردتس برى هالبيت
العم علي :وهو حاضن ضي بحضنه ويهديها تكفين ياضي سامحيني والله مادريت
طلعت ام ضي تصيح وتبكي ياويلي على بنتي ياويلي على بنتي وش جاه عليها وهي تحضن ضي الي تبكي بحرقه انه ماضرب الا هي الي مالها دخل والسبب بنات ساره هم الي جابو السماعات وهم الي مشغلينها ولااعترفو وهربو اول ماشافو جدهم حاولت تتماسك وتبعد دموعها من عيونها عشان امها وابوها الي انهارو معها
ضي :خلاص يمه الله لايسامحه والله مااسامحه الين اموت على كل شي يسويه ويقوله حسبي الله عليه وقامت وهي تدخل الشقه حقتهم وتسكر الباب وتدخل الحمام تتروش وتبكي الين طلعت كل الي بقلبها وطلعت وامها تنتظرها هي وابوها في الصاله ناظرتهم وأبتسمت
وراحت تحضنهم اخ اللله لايحرمني منكم
العم علي :ولايحرمني منتس يابنتي سامحيني والله اني مادريت لين صحاني شرار يقول جدي عند البنات
هنا نزلت دموعها مره ثانيه وحست بوقفته معها حتى وهو موقريب منها لكن انه ماتغير دايم يوقف معها من يوم هي صغيره هو الي ينضرب بدالها ﮼
ام ضي :وشلون عرف جدتس وليه ضربتس انتي لحالتس
ضي :انا رحت انقص بالسماعه لاان البنات مرفعين فيها وكنت خايفه جدتي اوجدي يقومون وماامداني الا وشافني عند السماعه
وسحبني بشعري
العم علي:وانتو الله يصلحكم ماشغلتوها الى يوم جدتس نايم
ضي :بابا مو انا الي شغلتها والسماعه مولي لبنات عمتي ساره
انا مالي دخل انا ارتب مع البنات الطاوله وهم الي طلعوها
ام ضي:حسبي الله ونعم الوكيل ماعليك يابنتي شايب وكبير بسن لاتواخذينه شوفي كم مره ضرب شرار وسيل دمه وهو باقي يسمع له ويطيع أوامره
ضي:بكت بحرقه وهي تشهق ماذبحني الا انه شايب ومااقدر ارد عليه
العم علي:ان شالله يابنتي انها اخر مره وانه معاد يمد يده عليتس ولابزعل زعل ولاعاد ارجع بعده
ضي:الي شافت وجهه ابوها كيف محمر وعروقه بارزه قامت من حضن امها وراحت تحضن ابوها بابا عادي بنسى بس لااني كنت مصدومه ومتألمه بس خلاص قفل على الموضوع انساه عادي بصبر نفس البنات والعيال الي هنا يضربهم ويتحملون
العم علي:بس انا مااقوى اشوف دموعتس
ضي :حضنته بقوه ياعيوني يابابا أهم شي انكم معي بهاذي الحياه والقى حضن ارتمي فيه اذا انجلدت اوزعلت المسكين شرار الي لاابو ولاام وصابر على هاذي الحياه القاسيه
العم علي:تنهد بغصه الله يكون بعونه والله انه مسكين واني ارحمه
ام ضي:الله يسخر عمي له يارب ويهديه من بعض العنى والشقى الي ماله لزوم
ضي مسحت عيونها وقفت تبوسهم يالله يأحلى بابا وأحلى ماما انسو كل شي ويالله نتجهز للعيد قامو بحماس يوم شافو ضحكتها ودخل العم علي :الغرفه ياام ضي جهزي ملابسي الله يعطيتس العافيه
ام ضي: الي دخلت الغرفه بعد مادخلت ضي غرفتها وراك ضايق
العم علي :أبوي ناوي يدمر ضي علينا
ام ضي:ليه ياابو ضي ماعليك بتصبر ان شالله واخر مره يضربها
العم علي:ماهمني الضرب همني يوم يخاصمها ويقولها يابنت الحرام
ام ضي:تكفى ياعلي لايعلمها ولايقولها شي حذره تكفى
العم علي: ليتني ماعلمته من البدايه هو يكرها عشان ماهي بنتنا ومتبنينها
ام ضي:أستودعت الله لا ان شاءلله مايقول شي
العم علي:شكلي بقول لضي قبل تعرف من ابوي ويصدمها وتنصدم منا
ام ضي:لاتكفى لاتدمرها خلاص عاشت على هاذا الشي مستحيل عمي يقولها بعد كل هاذي السنين
العم علي:ان شالله ياام ضي ودخل يااخذ شور
اما ام ضي الي جلست تبكي وتقكر بضي كيف لوتعرف وش بيصير فيها
وضي بالجهه الثانيه تستشور شعرها وتبكي ماتدري ليش كثر هالبكاء الا انها فعلآ حزينه على شرار الي ماعنده لا ام ولا اب ولايدرون عن حاله امه عايشه لكن بعيده عنه وماتدري وش يصير فيه مع جدانه
------
عند العيال بدكه
بعد مارجع عليهم الجد محسن وجلدهم بعصاته
كان شرار معصب ويمسك شنبه بقهر وهو من شدة زعله صدره يرتفع وينزل
طلعت رند ومعها فناجيل القهوه والشاي حقت الرجل نزلتها بدكه وشافتهم وش فيكم
نياف:وش فينا يعني بس جدي حب يعيد علينا
رند:جلست بحزن ضربكم حتى انتو
شرار:كوبيتس منا ضربكم جدي ولابس تصايحون كذا
رند:نزلت عيونها تحت الصدق ماضربنا
شرار:اجل وشهو له الدلع والصياح ذا كله
رند :بس ضرب ضي المسكينه سحبها بشعرها وضربها بالعصى ماادري وش يحس فيه
شرار:الي جن جنون ضرب ضي ضي لحالها
رند :ايوه شافها تنقص بالسماعات وسحبها بشعرها بالحوش قهرني قهرني
شرار:الي وقف ومايدري وين بيروح وش بيسوي ماوقف الا بنص المجلس وهو مشغل الأنوار ليه تضربها ماقويت الا عليها اضربنا احنا نتحمل لكن تفرد عضلاتك على البنات ليه
الجدالمحسن:وشهو يقول ذا
شرار:اقول والله مافيك خير ولاانت برجال
الجد محسن:أعقب وأخس أقطع الله صوتك انا ماني رجال ياابن الكلب
شرار :الي احترق بعد الكلمه هاذي ولاعاد عنده في جده الي اتجه لشرار وكان بيضربه كف لكن شرار بقهر لف يديه اسمع اسمح لك بكل شي لا كن ابوي لاتمادى عليه
الجد محسن:معصي اعنبوك تمد ايدك على جدك
شرار:انكان براسك شر واجهني البنات لا عاد اشوفك تمد ايدك على وحده خير شر والله لتشوف واحد ماهوب انا قدامك
سلطان ونياف وهم يسحبون شرار يبون يطلعونه وسلطان يسكر بيده على فم شرارعشان معاد يتكلم
والجد محسن:الي يلعن ويدعي ويهاوش أذلف المزرعه تعذرك يالحمار لا عاد تشوفك عيني لا معاد الاهي بتضربني سود الله وجهك يااسود الوجه والفعل جدك وتضربه
شرار :بصوت حاد ايه ابضرب وبمد ايدي وبتمادى على اي احد يمد ايده على بنت قدامي او من وراي
العم علي ولعم وافي الي طلعو على صوت الهواش وكلام شرار وانصدم من ردت فعله
العم علي :دق شرار خلاص اسكت
شرار:ياعم انا بنفجر انا معاد اتحمل جدي لاعادد يتمادى علي الحرام معاد اعرفه وان ايصير فيها ملعنت ولدين
العم علي:وش عليك انت احنا بنحلها
شرار:وش الي تحلها هاه تحل ايش علمني
العم علي:رفع صوته انقلع بيتك قلت لك بحلها رح انا بحلها مالك شغل
شرار:رفع السبابه وبجه عمه علي البنات عموم والحريم لاعاد يمد ايده عليهم علي الحرام مايحصل خير هاذا هو العلم ماحب الي يستقوي قدام الحريم الضعوف اكسر ايده سمعت يالله رح حلها
ورجع بعصبيه لبيته وهو يهاوش ويلعن واي شي قدامه يشوته ويحوسه
سلطان:شرار اركد خلاص
شرار:لف لسلطان بعصبيه كيف تبيني اركد وهاذا مدمر فرحتهم ليلة العيد كيف وهو يضرب الباب بحرقه يكفي انه حابسهم بهاذا البيت وهاذي الديره سلطان ماابغا اغلط انا طالبك ابعد عني الين اهدئ
سلطان :تم بس اركد ولاعاد تعيدها تكفى ان كان لي خاطر عندك
شرار :ابشر على خشمي
سلطان:طلع بعد ماتأكد ان شرار ببيته وخلاص معاد بيطلع الا على الصلاه توجه لبيتهم وهو معصب من حركة جده وكيف فعلآ ماضرب الى ضي كلهم يحبونها ويستلطفونها ويرحمونها لانها وحيده وماعمرها سببت مشكله او سوت شي
طلع نياف وهو يركض لحوش الحريم وينادي على سلطانه
سلطانه:خير ينياف ماهو وقتك
نياف :وين بنت عمي علي يبونها جدي وعماني
سلطانه:وش يبون فيها
نياف:وش عرفني قولي لها تروح لهم في الديوانيه انا بجلس هنا كفايه الجلده الي جاتني
سلطانه:جلدك بعد انت
نياف :اي والله جلدني وجلد شرار وسلطان
سلطانه:دخلت مع باب الشقه حقتهم وطلعت لضي مع الدرج وقالت لها انهم يبونها ونزلو مع بعض لديوانيه
الجد محسن :الي بعد تهديد عياله كلهم بأنهم يروحون من عنده ولاعاد يجونه قرر يستسلم ويعتذر من ضي وهو يكرها بس مااعتذر من فراغ هو ناوي عليها نيه بس يبي يهجدهم شوي عشان ياخذ راحته في مخططاته
ضي:مسموح ياجدي وقربة وهي تبوس راسه وايده
الجد محسن:سحب ايده يكفي ارجعي البيت
طلعت ضي وهي كارهته اصلن بس تسلك عشان ابوها وعمانها
رجعت البيت وهي تتجهز وتتضبط وتحاول تسلي نفسها
عند نياف بدكة الحريم نادا رند وجلس يفضفض لها عن كل شي صار وش سوى شرار كيف تصرف مع جده
رند:قسم بالله شرار رجال وعن الف رجال
نياف:بس ماسلم من كلام جدي الي يسم البدن
رند:ياروحي ياشرار ارحمه مسكين
نياف:لا مو مسكين شرار رجال ويعرف يتصرف وجدي هو الي يبي شرار يكون كذا واحيانا يتعمد يسوي شي غلط ويستفزه عشان يشوف ردت فعله
رند:طيب وليش يسوي كذا
نياف:ترى جدي مايحب اي رجال يتقوى على الحريم وربى شرار على هاذا الشي بس هو يبي يشوف تربيته هي أثمرة ولا لاا لاانه مبسوط يوم شرار يهد عليه ويعصب
رند:يعععع يعععع كريه شكله ينبسط اذا شافه معصب مايحبه يكون مستانس
نياف:تشوفين اكثر حركاته ماتطلع الا بلأجازاة
رند:اخخخ بس الله يعين شرار عليه صدق لو انا مكانه معاد بتحمل
نياف :يالله ماكأنتس زوديتها بسوالف أبغا اروح اتروش وأتجهز للعيد
رند:أبتسمت يعععع وانت كريه زي جدك
نياف:افااا الحين بعد ذا كله تقولين عني كريه
رند:بعض الأحيان يالله أقلب وجهك حتى انا بروح اصلح شعري
نياف :يالله أشوفك بعد صلاة العيد نروح للمزرعه ونطرقع ونفل امها
رند:بحماس جبت طراطيع
نياف:وهو يقلد صوتها اي جبت طراطيع ورفع ثوبه وقام يركض قبل تسوي شي
رند:ضحكة مجنون قسم بالله وجلست تناظره وهي الي بدت تتعلق فيه وتحبه وتبي كل وقتها معه وتسمع سواليفه صح انه يغثها بس تحب الوقت الي يكون معه ودخلت تصلح شعرها وهي تتذكر سواليف وتقولها للبنات وهم ينصدمون من تصرف شرار اول مره يسوي كذا في جده
سلطانه:قسم بالله مصدومه كيف كذا بس يستاهل جدي
مها:اخخخخ الله يسعد شرار برد قلبي
ريم:عاد انا مااتحمل بروح اقول لضي عشان تبرد حرتها هي المسكينه وتحس انه احد اخذ حقها منه طلعت بحماس وهي تدق الباب
ام ضي:حي الله الريم
ريم:وين ضي ياعمه بصلح شعري معها
ام ضي :الله يسعدتس تعالي غيري جوها
ريم:وتعالي ابغا اعلمكم وش صار
ام ضي :وش صار بعد ذا
ريم دخلت على ضي ابيتس تصلحين شعري وتسرمكينه وانا بعلمتس بسالفه انتي وعمتي
ضي:ضحكة وش السالفه الي مخليتك مبسوطه ان شالله تكون حلو وتغير مودنا
ريم بدت تعلمهم بسالفه كامله وش صار وكيف شرار تهاوش مع جده ومد يده عليه
ضي :اها يعني جدي اعتذر عشان شرار مااتوقع
ريم:اقولتس شرار لف ايد جدي ومافكه الا نياف وسلطان ولاكان كمل عليه
ضي :الي تضايقة وتعرف ان جدها مستحيل يمررها مرور الكرام والا مايسوي فيه شي
ام ضي:ياروحي ياشرار والله ياجده مايخليها له لكن ان شالله انه مايسوي فيه شي هاليتيم الصغير
ضي:ابتسمت يوم شافت امها نفس تفكيرها مستحيل جدي يمررها له والى مايسوي له شي
ريم:وراكم تضايقتو وانا ابغا افرحكم
ضي :تضايقنا على شرار
ريم:بس برد كبودنا بجدي
ام ضي :لايبنتي مايصلح هاذا الكلام مهما كان هاذا كبيركم ولزم تحترمونه
وضي بعالم ثاني سرحانه وتفكر وام ضي تنصح ريم ويسولفون مع بعض وضي عايشه بعالم ثاني وماهي معهم
ريم:ضي خلاص شعري بيحترق
ضي :اوههه معليش انا اسف ماانتبهة الحمدالله انتس نبهتيني
ريم:يوههه عقلتس ماهو معتس اليوم
ضي :بضحكه متصعنه سحبه جدتس مع الشعر الي طاح بالحوش
ريم:ياعمري ياضي والله انا كلنا انقهرنا وبكينا عليك
ضي:حضنتها ياعيوني انتو احبكم والله الله لايحرمني منكم
وطلعت ريم وجلست ضي تكمل مكياجها الي عجزت تخلصه من دموعها الي ماوقفت ماتدري وش مصير شرار بس تبي تكلمه تبي تتكلم معه لبسة جلالها وطلعت بسرعه وكان الحوش فاضي وشرار فاتح باب الشقه وجالس قدامه بسروال وفنيله وبيده الزقاره ويدخن
شافت نور الزقاره وخافت ماتدري لييش تحسها قاعده تسوي شي غلط كانت تبي تكلمه تبي تنبهه من جده تبيه يروح لأمه يومين الين يهدى جده وقفت ورى الجدار ونادته بصوت واطي شرار
شرار:فز من سمع الصوت لكن ماعرف من الي يناديه توقع رند وريما ماخطر في باله انها ضي
شرار:جلس بمكانه سمي وش بغيتي
ضي :ابا اقول لك كلام وبروح
شرار:وراتس ماتجين هنا
ضي :بلعت ريقها لا بقولك من هنا
شرار:بداء يستغرب الصوت انها مو رند او ريما من انتي
ضي :انا ضي
شرار :فزمن مكانه ضي وشلونتس ياضي عسى مااوجعتس جدي
ضي:لامعليك مني انا مافيني الا العافيه لكن ليش تسوي كذا ياشرار في جدي ليه
شرار الي ارتخى بجسمه على الجدار ذبحني ياضي قهرني معاد شفت قدامي معاد اعرف منهو الي قدام
ضي :تكفى شرار جدي والله مايمررها مرور الكرام والله اني يسوي فيك شي تكفى روح لااامك اجلس عندها يومين بعدين تعال
شرار:ابتسم وليه اروح لاامي قصدتس انا خايف منه
ضي:شرار جدي بيوجعك هالمره تكفى جدي ناوي بك شر
شرار:الي حس انها تسمع صوت قلبه من كثر رجفته وخوفه عيلها
وذبحته غصتها الي بصوتها ليلة العيد عاش شعور اول مره بحياته يعيشه ماهو انا الي يخاف ويهرب يابنت علي والله لواجهه واوقف بوجهه ولاتخافين علي انا رجال واعرف اتصرف معه ومن باب يطمن قلبها لاتشيلين همي
ضي :شرار طيب أعتذر له تكفى يااخو ضي قالتها متعمده عشان وقفاته معها وقالتها تذكره بكلامه وهي صغيره ان أخو ضي بكل صغيره وكبير
شرار:الي تنهد براحه وأبتسم لاوالله معصي وانا أخو ضي ماهو انا الي أعتذر ماغلطة
ضي :شرار تكفى عشاني
شرار:أرتجف قلبه يوم قالت له تكفى وده مايردها لكن الي ضربها مايستاهل ضي أسمعيني وأنا أخوتس جدتس أعتذرت ولاماأعتذرت الي براسه بيسويه لاتخافين انا متعود
ضي:بصوت يرجف وغصه بحلقها تجبرها نص الحروف ماتطلع صح لايسوي فيك شي وانا اسبب مابسامح نفسي
شرار:ذبحته الكلمه عجز يقاوم شعوره حاول يتقدم ويمسكها ويهديها لكن يخاف عليها يركبها ذنب هي في غنى عنه ويخاف يوم أستأمنته ينفرها منه انا ولد أبوي طالبتس ياضي لااشوفتس كذا مره ثانيه انا ماتوقعتس تكونين كذا توقعتس أقوى وين ضي القويه الي تتحمل كل شي ولاتخاف من احد وينها ليه الصوت هاذاوليه الخوف
ضي:يوم حست انه حس بضعفها سندة ضهرها على الجدار وجلست وهي تشهق وتضم رجولها لصدرها عجزت عجزت ماني الي خبرك ياشرار انا الحين ضعيفه واي موقف يهزني ويذبحني
شرار:أنكوى وأحرقته شهقاتها عض على شفايفه بقوه تكفين ياضي لاتمسكيني مع أيدي الي توجعني تكفين انا طالبتس معاد تبكين انا طالبتس يابنت علي
ضي :وش تبيني أسوي قول لي شي زي يوم كنت صغيره يخلين أقوى قول لي شي يقوني انا معاد أقدر أتحمل
شرار:وشلون تبيني أواسيت وانا يبي لي من يواسيني ياضي
قالها بغصه بنبره مايدري كيف طلع منه هاذا الكلام هي تبيه يقويها وطلع هو الي يحتاج احد يقويه
ضي :حست فيه حست بوحدته حاولت توقف بكى وتوقف معه هاذي المره وتحاول ماتضعف تنهدة ومسحت دموعها
شرار:ضي جدي هاذي حركاته مايتوب منها عشت معه٢٨ سنه من وانا صغير وهو كذا بكيت مره مرتين انجرحة انقهرة وبعدها معاد صار يهمني لو يبي يذبحني مايهمني لاأني اكتشتفت مالي الى الله كل ماانقهرة ولازعلت رحت تسننت وفضفضت لربي انه يعوضني في حياتي
وهاذا انا زي ماتشوفين على حالي والحمدالله شايب وفسقان ماعلي منه كل كلمه وقحه قالها لي كل سبه ممكن تخطر على بالتس قالهاحتى الوالد الي بقبره ماسلم منه ياجعل ربي يرحمه قوية نفسي ومااستسلمت له
أبغاتس تكونين مثلي وماتنزل دمعتس على شي مايستاهل ادري انتس بنت وحساسه لكن هنا يبي لتس تكونين قويه وقحه في نفس الوقت ردي عليه ادخلي بعينه لاان هو اذا بغى يسوي شي سواه حتى لو مادافعتي عن نفستس
ضي:تدري انه أعتذر لي
شرار:رفع حاجبه وشو جدي أعتذر لتس
ضي:اي والله أنصدم معي لكن ماكانت من نيه
شرار:ضحك هو وش الي قد سواه من نيه
ضي:ضحكة من ضحكته ماادري أحسه مجبور جيت أبوس يده وسحبها
شرار:قال بنفسه هاذا رافس النعمه حلو أهم شي أعتذر منتس وانتي لو يذبحك لو في مشنقه لاتستسلمين له ودافعي عن نفستس مايعيش الا القوي هنا لاتجلسين كذا معاد بتتحملين
ضي:الي ارتاحت بعد كلام شرار زي كل مره تجيه حامله هموم الدنيا وتروح مبسوطه وكل همومها راحت عاد انا أستئذنك أجل ابغا اروح اجهز
شرار:ضي قبل تروحين لاعاد تفكرين في شي ولاعليتس من الشايب انا بعرف اتصرف معه اهم شي انتي هو مااعتذر من الباب لطاقه ناوي على شي لكن انتبهي لنفستس انا اعرف خططه ودارسه دراسه لكن انتي تجهلينها ماعشتي معه انتبهي لنفستس
ضي:وشلون انتبه لنفسي
شرار:خليتس حذره منه ولاتطلعين الا مع احد بالحوش عشان مايورطتس بشي
ضي:شرار خوفتني وشلون يورطني
شرار:ضحك انا هنا ويخسي يسوي شي بس انتي انتبهي ولاتطلعين لحالتس بس الباقي ماعليتس منه روحي اجهزي عشان مايسوي دراما ويعيد عليتس
ضي:ضحكت هو أصلن عيد علي قبل العيدعيديه مستحيل أنساها
شرار:علي الحرام لخذ حقتس منه لو يكلفني روحي
ضي:شرار لاتكفى طالبتك مو انت تقول خذي حقتس بيدتس انا باخذه تكفى هاذي المره خلها علي انا اعرف أشلون أوجعه
شرار:ضحك بعدي اي هاذي ضي الي اعرف
ضي:انا اخت شرار وشلون مااخذ حقي
شرار:ضحك بصوت عالي ونعم ونعم ياأخت شرار أنتظرتس
ضي:ضحكت من ضحكته يالله انا رايح
شرار:ودعتس الله ورجع وهو يضحك عجز يخفي أبتسامته تحول غضبه لرماد خلاص يوم تكلم معها ارتاح حس بوجعها في البدايه من الي صار بس أنبسط انها ماراحت الا وهي تضحك
رجع مكانه وشغل زقارة وهو مبسوط هاذي المره وجلس يقول أبياته الي توصف حاله وحالها بنفس الوقت
(أجيه شايل همومي وهو مايدري
وأفتح معه مواضيع أدور أبتسامته
لاني واثقه باانه مايخيب ضني
وتعود لي البسمه من عقب كلامه
مجرد ماأسمع أسمه ينشرح صدري
وتبان بوجهي من غلاته علامه
اجيه مهوم ومتكدر وضايق صدري
وارجع والحزن فيني معلن انهزامه )
------
part11'
