بارت(٦)
(لطفآ نجمه تقديرآ لتعبي )
---
يوم جديد وبدايه جديده
في المزرعه وبين النخل كان شرار وسلطان يذبحون ذبيحة رمضان
نياف جاي ركض بالصحن جبته جبته ياعيال
سلطان:لف يناظره مشالله يالأنجاز جبت الصحن
نياف:إي جبته وانا ولد أبوي
شرار:وهو يذبح الذبيحه ناظر لنايف وهو يعض على شفايفه ليت والله من علقك بدال هاذي الذبيحه
نياف :اففا ليه وش مسوي لكم
سلطان:تصارخ وجاي تركض بس عشان الصحن من متى ارسلناك
نياف:انصدم يوم شاف الصحن الثاني وشرار يقطع الحم ويحطه فيه لاتكفون وش ذا السرعه ياشباب ماتوقعت بتخلصون بسرعه كذا
سلطان:إي تصير ياحبيبي بس خلك باقي تعيدها والله لاااعلقك برجولك في ذا النخله اعنبوك ماابردك
نياف :رفع ثوبه جلس ياخي وش ذنبي اذا انتو سريعين بزياده لوااذبح ذبيحه يبي لي ٤ساعات عشان أخلصها
شرار:ضحك وهو يمسح عرق جبينه انت بتقدر تذبح دجاجه خل الذبيحه
نياف:تشك بقدرات ياشرشبيل
شرار:ضحك تعال أقطع هاذي الحمه بس ابغاك تقطعها
نياف:ياخي خلاص خلصتها وقفت على هاذي الحمه
سلطان:ضحك إي والله اني داري انك طقوع يابعدي
نياف:لاتجلس تفلسف فوق راسي وانت واقف تناظر بشرار
سلطان:ماني رخمه احط ايدي على خصري واجلس اناظر
نياف:اح احس فيها ايهانه لي ياكلب
سلطان :ضحك اي احسن مافيك تفهمها على الطاير
نياف :ياخي ماابغا افقع وجهك قبل رمضان
شرار:لا خلوها بعد صلاة التراويح الشياطين تنربط شهر كامل
سلطان:الحمدالله يعني بنرتاح من نياف ٣٠يوم
نياف :قام وهو ياخذ حذيانه ويحذف سلطان الي ركض ورى النخله انت حيوان زودتها
سلطان:انا اسف ياسيد نياف فكني شرك
شرار:المشكله هاذا الي يحذف بشماله يصيدك لو في بطن امك
سلطان:ايهيب كل ماحذفني صادني الكلب
وشالو لحم ودخلو الحوش وتحت السدره وهم يسولفون ويقطعون الحم لشوربه ولحم السمبوسه على جنب
سلطان:نياف ناد امي تجيب لنا الفرامه والمحول عشان نفرم لحم السمبوسه
نياف:لف وشاف العمه ساره طالعه رفع صوته لها ياعمه خلي احد يجيب لنا الفرامه والمحول
العمه ساره:ليش ماتودونها يفرمونها وتفوكونا من الحوسه هاذي
نياف:لامعليك خلصنا بس خلي احد يجيبها
العمه ساره:بقرف الحين اقولهم ودخلت على الجده والبنات الي يرتبون المطبخ ولقت حجه تسحب رند وريما منهم العيال يبون الفرامه والمحول تعالي يارند ودي الفرامه وتساعدك ريما
الجده صيته:أسرعو عطوهم وساعدو أخوانكم
ريما :طلعت وهي متقرفه ماما احنا جينا هنا شغالات
رند :تكفين ماما نبي نرجع تعبنا
العمه ساره:خذو هاذي عطوها العيال واجلسو معهم برى عشان ماينادونكم
طلعت رند وريما ومعهم الفرامه والمحول
رند :ها خذو هاذي الي تبون
سلطان:لف بصدمه لما سمع الصوت ورجع يناظر بشرار كيف واقفين وراهم ومن دون عبايات خلاص نزلوها وتقلعو
ريما:لو بيدي مو تقلعت من هنا وبس من الديره كلها
رند:وش الوقاحه هاذي طيب قول شكرآ على الأقل
شرار:خلاص شكرآ تقدرون تروحون
رند :لابنجلس معكم مانبي ندخل كرفونا اليوم الين متنا
شرار:يعني وش تبين تتكين وكل شي يجي الين عندك
رند :مااقصد كذا بس جده طلعت كل المواعين من كل الدورج وقالت يالله قومو نضفو تعبت الله يعين البنات بس
نياف:أجل بدال هرجتس علينا قومي ساعديهم
ريما:والله معاد ادخل تعبت بكيفهم محد جابرهم يشتغلون
رند :من جد مو خدمات احنا
نياف:ياكثر هروجتس انتي وياها
ريما:انت وش اسمك من يوم جينا وانت كارهنا وش مسوين لك
نياف:انصدم لااني مااحب اسولف مع البنات ولااحب البنات يطلعون كذا ليه ماتتغطون
رند :حبيبي موب على كيفك حتى حجابي تبون تغيرونه على كيفكم
نياف:الي أنصدم من كلمت حبيبي وبقق عيونه في شرار وهو يرفع حواجبه يعرف انها قالتها بلغلط لكن انحرج الله لايبلانا
شرار:الي مات من الضحك من ردة فعل نياف ولف لرند خلاص وش تبون تبون تجلسون هنا
رند :اي ماابي ادخل البيت وهاذا كااني سارقه حلاله
شرار:ضحك لامعليكم اجلسو هو يبي يسولف بس مايعرف
سلطان:الي قرب الفرامه وجلس بجنب شرار وش رايك افرمك بدال هالحم
شرار:ضحك وبهمس ياخي انتو مجانين كذا طبيعتهم مانقدر نغيرهم تقبل وسولف وش وراك
ريما:ليش ماتودونها يفرمونها برى ليش الشقى والتعب
نياف:متعودين على الشقى يابنت ساره عادي
نياف الي بدا هو وسلطان يتقبلونهم ويسولفون معهم بس سلطان الي مارفع عينه لهم حتى وهو يرد عليهم
شرار:الي خلص من الحم وزعه يالله انتي وياها خلو منكم فايده ودخلو الحم داخل
رند :مو منجدك شرار مستحيل أشيل مااقدر
نياف:بنفس النبره ماتقدر شرار واف منك
رند:ضحكة اوف منك انت نياف
نياف :الخفيف خق على طول على أسم نياف من نطقته وش تبين يابنت ساره
شرار:ضحك وقلد نبرتها قوم نياااف ساعدهم الله يخليك
نياف:ضحك وفهم على شرار يععع لاعاد تقولها تكفى
سلطان:انا بروح اتروش ذبحتني الشمس وريحة الحم وانتو مستمتعين قومو تنضفو
نياف:الله اكبر لك اسبوع يالسلطي ماتروشت
سلطان:ضحك ولف له يغمز له قم قم اخلص
رند:يالله ليش هو كذا هادي احسه رسمي بزياده
شرار:شوفي مو انه قام على طول تسبينه تراه اخونا ووخوينا وصديقنا حدتس هاه قبل تغلطين
نياف:اقولك كل تراب خذي راحتس ياابنت ساره
رند :هههههههههههههههههههه يمه منك مسوي بست فرند ولااحد يتكلم عليه طيب انا ماسبيته
شرار:وشنهو هالفرند
ريما:ضحكة مو منجدك ماتعرف وش يعني
نياف:ياخي هاذا يالله يركب جملتين مع بعض عربيه تبينه يفهم أنقليزي
شرار:ضحك أحلق شنبي هاه ان كنت تعرف وش يقصدون
نياف :ضحك تبين أقولك وش يقصدون
شرار:لااعرفك الله يطول ببعمرك
ريما:يعني الصديق المفضل بست فرند
نياف:شفت كنت بقولها لكن سبقتني
رند :اي مشالله واضح انك تعرف لدرجه فهمتها بسرعه
نياف :ضحك يعني ياشرشبيل لزم تحرجني ابغا اكشخ عليهم
ريما:عشتو من متى صار الي يعرف الأنقليزي كاشخ
رند:هههههههههههههههههههههههههههههه حبيت شرشبيل ليق عليه
شرار:قام يالله عاد دزو انا وراي شغل
نياف :تقلع محد مسك
شرار:لاتاخذ راحتك يالحبيب جدو جاي بعد شوي
نياف:الله يبعص جوك ياشيخ
ضحك شرار ودخل بالقسم حقه وهو ياخذ شاور وطلع لاف المنشفه على خصره وهو يسمع الصوت الي يتردد بالحوش مو صوت واحد اكثر من صوت لكن من بين هاذي الأصوات ميز صوتها وصوت ضحكتها الي مستحيل ينساها الصوت الي رق له قلبه قبل اذنه قرب من الشباك يسند ضهره ويسمع الصوت الي ماطول وماامداه يتهنى ودخلو كلهم تنهد براحه
وهو يسحب زقارته ويشغلها وفتح الشباك بعد مالبس وهو يتكي بيده على الشباك ويرجع للماضي ولذكريات الي معاد الا صداها واليوم تتجدد ت للروح فيه زفر براحه وهو يكرر أبيات خطرت على باله اول ماسمع صوتها
(ليت صوتك شي ينلمس والله ان أضمه
ضمة الي ضم له حاجه وهو يغليها )
فزمن هواجيسه على نياف لي طلع له من تحت الطاقه وخرشه
شرار:أعنبو هالخشه قطعت حبل أفكاري ياتبن ورجع للواقع المر صوت نياف واخذ ثوبه وهو يلبسه عندالباب ويفتح لنياف اعوذوبالله ياوجهك مااقشره
نياف:ههههههههههههههههههههههههههههههههههههههههههههههههههههههههههه وش كنت تهوجس فيه
شرار:
(سمعت لي صوتً عذب من بين الأصوات
فز له قلبي فزه المتلهف المشتاق يانياف
صوت يرد الروح ويلامس الأحساس مرات
ليته كل يوم يمر سمعي ويعانقه يانياف )
نياف:اوففف صح لسانك تقصد صوتي ولامتأثر بنات عمتك هاه وهو يدق شرار على كتفه
شرار:اهخخخ يازين ضربك ماعد ينقنصني غيرك انت وبنات عمتك المطفوقات زيك مايسد نحورهم شي من يوم جلسو وهم يهرجون كأنهم كانو محبوسين
نياف:عادي تدري بعد مارحت سألتهم قلت أيش فيكم ماتجتمعون مع البنات دايم أشوفكم لحالكم والبنات من عمركم قالو يع كريهات مو من جونا ابدآ قلت الله أكبر واحنا صونا من جوكم الحين
شرار:وليه مايجتمعون معهم
نياف:ماادري مايحبونهم والله انهم أطلق منهم
شرار:اسمع عاد لايشوفك جدي تسولف معهم قسم بالله يدبسك فيهم
نياف:ليه يدبسني فيهم وش مسوي
شرار:جدك ياحمار ماعنده تفاهم لويشوفك جالس تهرجهم زوجك وحده منهم
نياف:وانت وسلطان جالسين معي ليش بس انا
شرار:اقصد لايشوفك لحالك مع وحده منهم اوشي
نياف:ايش بيفكني منهم وانا مااقدر امسك لساني احب أسولف
شرار:والله عاد تحمل يارفيقي ومنهي امهم عمتي أبلش
نياف:شف لو امهم ماهي عمتي ساره كنت تزوجت وحده منهم بس امهم ياخي تخوف مدري ليه البنات طلعو كذا طيبات وهاديات عكسها
شرار:الله يكفينا شرها الين تنتهي هالأجازه وجدتي بتنفجر منهم
دخلو المجلس وشافو عمانهم الي يحيونهم من اول مادخلو
الجد محسن :وين كنتو
شرار:تونا خلصنا الذبيحه وقسمناها وجينا
الجد محسن :الحلال خلصتوه
نياف:ياقشر حظنا تونا تنضفنا قال الحلال ابن ابوي
شرار:لا شوي وبنروح له
الجد محسن :أخلصو الحلال يبغى له شغل واجد
العم عبدالرحمن :بنروح احنا نخلص شغل الحلال وانتو ارتاحو ماقصرتو من يوم صحيتو وانتو تكدون
الجد محسن:لا والله مايروح الاهم انهم ذيابه
شرار:عض على اسنانه الله ياخذ العدو
العم علي:أستغفر ياابوي بنروح معهم نبي نتمشى ونشوف الحلال ونتسلى شوي
الجده محسن :بكفيكم الكن ازهلوه بيخلصونه النشاما
دخل سلطان وهوحتى شعره باقي مبللو
الجد محسن:وراك ياولد بدريه أستعجلت اليوم ماهي من عادتك والحلال من الي بيسنعه
سلطان:ضحك ازهله بنسنعه ولف لشرار ونياف الي يضحكون على صدمته علي الحرام ماألوسه لويموت مااحترم حتى شعري مابعد جف
نياف:الحمدالله اني ماقد تروشت ولاكن مت هنا
شرار:قومو قومو خلونا نروح وننادي العمال يخلصون الشغل ويذلفون طلع شرار وسلطان ونياف والعم علي والعم عبدالرحمن والعم مترك واتجهو للحلال
العم مترك:والله ماتلمسونهاخلوه علينا اليوم
شرار:لبى قلبك من قال انا بنسوي شي العمال الحين يجون يخلصون الشغل والله ماالمسها ولاتلمسونها انتو بعد ارتاحو وصلو المزرعه ورفع صوته شرار من باب المزرعه الخلفي ينادي العمال الي بالغرفه الخارجيه وطلعو كلهم شرار ياالله سنعو الحلال طلعو العمال بسرعه وبدو يخلصون كل الشغل زي مادربهم شرار
العم علي:مشاالله على ذا العمال ياخي يشتغلون من دون كلام
سلطان:لو مايسون كذا كان قد ذبحهم جدي بذ المزرعه
نياف:ولاتنسى شرار الي معقب عليهم كل يوم وراهم يخاف يغلطون ويعلن خيره جدي
شرار:الي واقف مع العمال ويراقب شغلهم وبيده الزقاره لف للعم مترك الله حيه
العم مترك:الله يسلمك وراك ياولدي ماتترك هالبلى الي بيدك تضرنفسك ياولدي
شرار:وهو معصب من الجد محسن والله ياعمي لواني مااعصب ومايرتفع ضغطي كل يوم لااتركه لاكن مايغير مودي الا هو
العم مترك :حاول وانا ابوك تبتعد عنه بيجي رمضان وبتتعب على هاذا الوضع
تكى شرار على شبك الأبل أدع لي ياعمي أدع لي بالهدايه والله اني ابغا اتركه أكثرمنكم لكن وش السواه
العم مترك:الله يهديك وانا ابوك ويكرهك فيه
------
في المطبخ
وسط حوسة المواعين ريم الي رابطه راسها بشال اخ تعبت ماعد اقدر من الصباح واحنا نكرف
ضي:منجد معاد فيني طاقه وجدتي ماترحمنا
سلطانه:لاوبكره رمضان وشغل من الظهر واذا الشايب بيفطر نصحى الصباح الله يصبرنا
مها:يالله الحمدالله خلصنا الحين نبي نروح نتكي ونتقهوى ونروق وبعد المغرب ننام شوي ونصحى على صلاة التراويح
ريم:اخخخ يالبيه جات الطقوس الي أحبها
مها :والله اني أعشق رمضان بس اني اصحى بدري واكرف الين المغرب هاذا الي يخليني مااحبه بس الجمعه والسوالف والاجواء هي الي تجنن
سلطانه:انشالله شياطين عجوز قريح تختفي مع رمضان لااني مابتحمل صراحه
ضي :يالله بنات جهزت القهوه خل نطلع برى ونشم هوى من الصباح مكتوميين
طلعو البنات برى وشافو رند وريما يجالسين على جوالاتهم ومشغللين اغاني ويتمايلون معها ويضحكون ويصورون
مها :احنا على وجه المغرب وليلة رمضان قفلو الأغاني
ريما:موشغلك حياتي
ضي:تعالو تتقهون معنا بالدكه
رند:الي كانت محبوبه اكثر من ريما أي بنجي
ضي :يالله تعالو جهزنا القهوه والجلسه هنا
وراحو كلهم للجلسه يتقهون ويسولفون ويخططون وش يلعبون في ومضان وش بيكون جدولهم
ريم:شوفو بنصحى الظهر نخلص الفطور وبعدها كل وحده تقراء قراان الين يأذن المغرب وبعد المغرب كلنا نروح ناخذ راح ننام الين صلاة التراويح بعدها نقوم نصلي ونخلص باقي الشغل ونطلع نلعب كوره بالحوش
ريما:لا حبيبتي مواولاد نلعب كوره
سلطانه:الي ماتبي تلعب موضروري محد مجبور تسوي الي تبيه
مها :أعجبني جدولك ريوم تم
ضي :حلو الجدول بس مو كل يوم كوره بنغير احس كفايه تعب من الظهر واحنا نطبخ وبعد التراويح نلعب كوره بنموت من التعب
ريم:اي مو شرط كل يوم نلعب كوره
ضي :تمام انا بكلم بابا بنروح ناخذ ألعاب ونشتري مخور وجلابيات وش رايكم
رند:الله حماس قدام بنروح مع راجو السواق وبناخذ راحتنا
ضحكة مها:الله يسعدك يعني على بالك بيخلونا نروح معه يقطون رقابنا لو نقوله
ريما:ترى ماراح يسوي شي بكيفكم احنا بنروح معه
ضي :لابابا بيودينا
سلطانه:اي واذا مشغلو ىاحد من الأولاد
مها :بنروح مع شرار هو يروح كل بداية رمضان يسلم على امه بنقول نزلنا بسوق ورح سلم على امك اورجع لنا
ضي:لامو منجدك مستحيل يتركنا لوحدنا مجنونه
سلطانه:اي نسيتي يوم رحنا نقضي كان بيذبحنا عشان نياف مو معنا
ضي:اي لافكونا منه خل نروح بابا او نياف
مها:ليش مانروح مع سلطان مستحيل يرفض لنا طلب وبس ساكت
سلطانه:لاتكفون سلطان نفس شرار نبي نياف وسيع صدر ومايعصب علينا
ضي :تمام أنتو كلموه وخلو عنده خبر عشان مايرتبط
ويالله خلونا نخلص باقي شغلنا عشان اذا تأخرنا ماتهاوشنا جدتي
مها:وش باقي خلصنا كل شي
سلطانه:باقي البيت احنا خلصنا المطبخ بس البيت باقي
ريم:لاالبيت نضفوه الحريم واحنا نضفنا المطبخ ماعندنا
ضي:الحمدالله شالو هم من علينا خاطري اروح أمشي تروحون معي
البنات لاوالله معليش نبي نرتاح بعدها بنفر بالسوق
ضي :انا ابي اروح لنياق من يبي يروح معي
رند :انا بروح معك ابي اغيرجو
ريما:يع تغيرين جو عند النياق
ضي:تتوقعون باقي احد عندها
سلطانه:مستحيل قبل المغرب ماتلقين احد قد خلصو من بدري وهجو
ضي :اجل بنروح انا ورند واذا احد يبينا دقي علينا ياريما على جوال رند
مها:أنتبوه يشوفكم شرار والله ان يقطعكم
ضي خافت لاانه بعد ماراحو لسوق عرفت انه مره عصبي
طلعت هي ورند وهي بس تدعي وتراقب وخايفه
رند :ماعليك منه ليش خايفه
ضي :بيقلنا لو يشوفنا هنا وصوته عالي بزياده بيفضحنا عند الرجال
رند :ليش كذا تخافون منه بالكعس شرار مره لطيف ويسولف معنا ويضحك عادي
ضي :ناظرتها بصدمه شلون يسولف معكم انا ماعمري شفته يسولف اصلن
رند :والله العظيم ودينا الفرامه العصر وجلسنا نسولف معهم هو نياف لطيفين مره وسلطان مره رسمي مايتكلم كثير
ضي:اي هو عادي بس مايحب يشوف احد بالمزرعه ممحد معه من الرجال يخاف علينا
رند:اها اليوم الي جينا في طلعت انا وريما ناخذ الشاحن من السياره وطلع لنا فجأه يمه بغى ياكلنا ليش تطلعون وجلس يتكلم ويسب فينا
ضي :الله يستر يارب مايشوفنا
ومشو بهدوء لشبك الأبل وشرار الي واقف عند الشبك ويدخن من الجهه الخلفيه وماانتبهو له هو قدامهم وهم يتلفتون ايمين ويسار ضحك وعرف انهم خايفين منه وكانت الناقه حقتها عند شرار وهي تدور بعيونه ذين كل النياق وماشافتها نادتها بصوت عالي
رند :مو منجدك وش تبين فيها
ضي :أبي أسلم عليها هاذي ناقتي
وهم يلفون ويدورن عليها وفجأه شافو شرار واقف قدامهم هنا جاتهم أم الركب
شرار:مشاللله وش تسون هنا
ضي :يمهااا شرار
رند:بلعت ريقعا وهي تسوي مو خايفه ومو هامها جاين نشوف ناقة ضي وانت غريبه هنا
شرار:رفع حاجبه الغريب والله انكم هنا وش طلعكم من دون تقولون لااحد انتو ماتفهمون اقولكم فيه عمال بالمزرعه وتطلعون لحاللكم ليه ماتبلغون احد من الرجال يروح معكم
ضي :أسفه والله بس اعرف هاذا الوقت مافيه احد والعمال بغرفتهم
شرار:سمع نبرة صوتها الخايفه ولف وهو يمشي خذو راحتكم وطلع يشمي متضايق انها خافت منه وهي كانت تشوف مثدر الأمان بعد أبوها كانت تتخبى وراه من اي شي تخاف منه تخاف منه هو شخصيآ ضاقت فيهالأرض وتمنى يتكلم معها ويقول لها انتي الي يحق لك مالا يحق الغيرك انتي الوحيده الي أغلط يوبمشي معك في غلطك الين ينقلب خطاك صح تكلم مشى وصل الباب المزرعه الخلفي وقف عنده خوف عليهم من ان احد العمال يدخل المزرعه ويشوفهم جلس وهو يسند ضهره لجدار وينفث أخر رشفه من زقارته
رند :شفتي مايستاهل انك تخافين منه
ضي:ماادري البنات خوفوني ولفت تناظر شرار الين طلع من أسوار المزرعه حزنت وتضايقة انها خافت منه وفكرت فيه كذا وهي أكثر وحده تعرفه رجعت لضي ناقتها الي كانت وهي تحاوط رقبتها وتشم عطره الي عالق برقبة الناقه لااوالله نره يرجف قلبها وتحس بشعور غريب وكأنه حاضنته هو بنفسه طولت وهي بحضن الناقه
رند :ضي يالله ترى مليت وانتي عايشه قصة حب مع هاذي الغبيه
ضي :بعدة وهي تمسح على رقبتها وتبتسم تعرفين اذا كنت متضايقه وزعلانه من شي احي عندها وتفهمني وتحضني حتى لو طولت عنها ماتنساني وكل مره أجيها تحضني
رند :ماتخافين منها طيب ريحتها وصخ وتراب
ضي :ممكن انتي شوفين ان ريحتها كذا بس انا لااشوفها انضف ناقه
رند :وماتضايقك ريحتها
ضي :لاابد بلعكس احبها
رند:ابي المسها بس خليك معي لاتقرب مني
ضي :ضحكة طيب تعالي انا بمسك راسها وانتي المسيها
رند:قربت وهي تلمسها وهي متقرفه شوفي احسها كيوت بس تخوف مره كبيره
ضي :ضحكة من حق انتي مو متعوده عليها ولاهي حبوبه ماتسوي شي
وطلعو من المزرعه ورجعو للبيت والبنات كلهم نايمين بدكه
رند :اخخخ مجانين صدق وضعهم مئساوي
ضي :ياعمري تعبو من الفجر صاحين
رند :خلاص أذن المغرب خل نصحيهم
ضي :بروح أخذ شور واجي أصحيهم خليهم ينامون شوي
-----
لف شرار
لشبك الأبل أول مأذن للمغرب وقام يشوف الأبل ويسكر عليها كويس وطلع لصلاه المغرب وقابله نياف عند المغسله يوضون
نياف:وين أختفيت انت
شرار:كنت عند الأبل توني خلصت
نياف :يالله عندنا مشوار بعد المغرب جهز نفسك
شرار:عقد حواجبه وين والله مالي خلق
نياف:غصب عنك تمشي
شرار:لف له ابغا اخذ لي غفوه ساعه قبل التراويح بعدها بروح أسلم على أمي وأخواتي
نياف:عشان كذا بتروح معنا
شرار:وش عندك
نياف:البنات دقو على عمي علي يبون السوق وقال يانياف ودهم وباخذك مره على طريقنا عند امك تسلم عليها
شرار:يالله يعيني عليهم ذا البنات مايطفشون ولايتعبون من الصباح وهم يكرفون وعادي يروحون لسوق ماعندهم مشكله
ودخلو للمسجد يصلون انتهو من الصلاه وانسدح بالمسجد اوطى رجولي تكفى ياسلطان
نياف:شكلك متأثر بجدي
شرار:علي الحرام ان جسمي كله مكسر ابغا ارقد
نياف :ارقد بالسياره ماابغا اروح معهم لحالي اخاف يغتالوني
شرار:ضحك خذ اسلطي معك
سلطان:الله يكون بعون السلطي الي بكل درب انا بودي العجايز سوق الي هنا
شرار:ابن ابوي كلهم يبون السو ق
سلطان:ايو والله دق علي جدتي تقول ابغا هدايا رمضان لجيران وخوياتها
شرار:ضحك من كلمت خوياتها ازعجتنا بخوياتها على قولتك
نياف:ماتمل منهم كل عصر مقابلتهم بتحفيظ وتقابلهم باليل بعد
نياف:رد على جواله وهو يسمع صراخ سلطانه وينك تعال احنا بعباياتنا برى ننتظرك
نياف :شرار يقول خلو بعدالتراويح
سلطانه:نياف مو منجدك وش دخل ششرار انت الي بتودينا وش عليك منه
نياف:شرار بيروح معنا اخاف تستفردون فيني
سلطانه:قول لشرار اذا يبي يروح معنا الحين بنروح مو على كيفه
نياف :رفع حاجبه بسأله اذا قال مافيه مافيه تروحون ها شرار اوديهم الحين
شرار:الله ال له يعين عليكم رح جبهم وجب السياره ومروني هنا
طلع نياف واخذ السياره وقف عند باب الحريم ينادي عليهم يطلعون
سلطانه:وجع نياف وش ذا الاازعاج يالله بس لايكثر اركبو
ريم :شف احنا فينا الي مكفينا تكفى لاتزعجنا راسي مصدع اسكت الين نوصل
نياف:دايمه ياروحي اقصد سلامتس وراتس ماجلستي يوم انتس مصدعه وسكت من شاف رند وريما طالعين وعباياتهم مفتوح وشال على كتوفهم يالله نتقابل هناك
نياف:اركبي اركبي انتي وياها لااشيلكم على الصدام ورايحين السوق كذا
ريما:مالك شغل فينا ياخي
نياف :اقول انتي ياام السان ركبي بسرعه
رند :لانياف بنروح مع راجو برى ينتظرنا
نياف :رفع حاجبه عجيب مع راجو اجل اركبو اقول مافيه ودق بوري لراجو توكل الحبيب روح
ريما:مو على كيفك وقف راجو
راجو الي سمع كلام نياف وطلع من المزرعه خايف منه وطلع لغرفة العمل برى
نياف :تبون تروحون يالله اركبو
ريما:مستحيل اروح معك يالغثيث وش دخلك
نياف :ليكون زعلتي بس يعلتس ماترضين
رند :فتح الباب وركبت يالله ريما
ريما:ركبت ياويلك اقول مكان وماتوديني والله لعلم ماما
سلطانه :عصبت كيف تتأمر على نياف اقول اركدي مو تبيني السوق
ريما:ناظرتها بستحقار ولفت تناظر مع القزاز ومطنشتها
وصل للمسجد وهو ينزل يصحي شرار الي طلع متلثم بشماغه
ريما:الحمدالله شرار بيروح معنا يلعن شكله
ركب شرار وهو يسلم وتربع على المرتبه وركب نياف ومعه مويه اعطاها البنات
ريما:شرار شوف نياف ماخلانا نروح مع راجو وخلى راجو يروح
شرار:أمسي أمسي والله ماني رايق لها السوالف
رند:وش فيك كذا
شرار:مافيني الا العافيه
نياف:افا ياريما تشكيني لشرار ماهقيتها منك
ريما:خلاص اسكت معاد ابي اسمع صوتك الين اوصل
نياف :وهو يضحك مااقدر سولفي معي ابغا اتناقرمعك الين اوصل شرار:نياف تكفى فكنا راسي مصدع
نياف :على خشمي بس خلها تسكت هي
شرار:مانتو صغار اعنبوكم عشان اقعد اسكتكم البخ انت وياها الين نوصل
ريم :الله يقويك عليهم ازعجونا وروسنا مصدعه ماسكتو من يوم ركبت
ريما:موشغلك انتي اسكتي احسن بزعجكم ليش ماخليتوني اروح مع راجو
شرار:لف له وهو من الصداع والنوم الي فيه عيونه حمراء البخي وليه يوم انتس ماتبين تروحين الا مع راجو ليه ماذلفتي معه
ريما:اسئل الي بجنبك هو السبب
شرار:خلاص لاعاد اسمع كلمه
ريما:يع فوق انكم غاصبيني اروح معكم تجبروني اسكت
نياف:خلاص ريما كفايه دراما
رند :خلاص تراك اوفر يعني اسكتي
ريما:رجعتي البيت ماابغا ارو ح
شرار:ارجع البيت خلها تنزل بسرعه
رند :لا خلاص ماعليكم منها
ريما:ماابغا رجعني البيت
شرار:وليه يوم انتس ماتبغين ماجلستي من البدايه هاه تبين انزلتس هنا
ريما:هههههههههههههههههه ضحكة بأستهزاء نزلي وياويلك من جدي
لف لها شرار:نذر علي لو ماتسكتي لاانزلتس هنا سمعتي
ريما:نزلني وش تنتظر طيب لفو البنات وهم يسكتونها وشرار الي عصب واحترق وقف عند البوابه خلها ترجع على رجوالها
نياف :اهدى ماعليك منها
شرار:لا بربيها عشان ماعد تطول لسانها
وحس باليد الي لمسة كتفه من ورى لف عيونه وشاف الكف الي على ذراعه نزل المرايه يشوف مين وهو يبلع ريقه ولف للعيون الي تناظره وقف يناظرها ومن عيونها فهم كل كلامها قربت منه تهمس بهدوء اهداء شرار ماعليك منها صغيره ميل راسه عشان يسمع كلامها وكلهم مشغولين بريما ناظر بعيونها بالمرايه رهو يأشر لها على خشمه بعدة يدها ورجعت تسند ضهرها للورى وتناظر بريما الي قامت تصيح وتسب في شرار ونياف
شرار بلع وهو قلبه يدق بقوه كان مصدع ومعصب وفجأه صار رايق وهادي لف له نياف يشوف هدوئه وكأنه شي انصب عليه
نياف:هي ولد
شرار:لف له سم
نياف:اهخخخخ الله يعين نياف عليك انا اكلمك من اليوم معاد بتعيدها خلاص
شرار:ولعنه تبغا تروح تسكت وتفكنا شراها تبغى تنرل تذلف الحين
ماهي مجبوره تروح معنى
رند :اعتذري بسرعه من شرار هو تعبان وانتي قمتي تهاوشين
ريما:مستحيل اعتتذر منه
رند :قسم بالله لو ماتتعتذرين لااقول لاامي كل شي وانتي تعرفين اعتذري واسكتي الين نوصل
ريما:لفت بعصبيه وتحاول تهدي نفسها وهي ماتبي تعتذر ابدا
شرار انا اسفه بس كنت زعلانه شوي ماقصدت ازعلك
شرار:يصير خير وانا اخوك
ريما :رجعت على ورى وهمست لرند عجبك عجبك كيف خليتني كذا من دون كرامه
رند :لا كذا انتي شاطره غلطتي على الي اكبر منك ولزم تعتذرين
كان نياف يناظر برند في النرايه ويشوفها هي تتكلم مع ريما حب شخصيتها وكيف كذا طيبه وهم عكسها تماما
نزل شرار المرتبه شوي وارتخى بجسمه وهو مكتف يدينه على صدره ومسكرعيونه وطول الطريق يفكر وش تعدني الحين اخوها ولاولد عمها وبنفس الوقت تذكر العصر كيف كانت خايفه منه وتتخبى ورى رند والحين تهديه بسياره دخل براسه مليون فكر ومليون راي يبي يطلع زقارته ويدخن بس يحترم البنات الي معه لف لنياف وقف عند بيت امي اول بنزل عندها
نياف:لف له انت فيك شي
شرار:اي والله اني تعبان يانياف
سمعت كلامه لنياف وحست قلبها ينعصر وخاطرها تسأله وتقول وش فيك وماودها ينزل عند امه وهو بهاذا الشكل التعبان تبي تقول له لكن الكل حولها ومعها وبيسمعونها وياخذون عنهم فكره وهي ماتشوفه الااخوها وتخاف عليه من كل شي وتضيق اذا هو تعبان او شافت متضايق رفعت عيونها للمرايه الي تعكس وجه شرار لها وهي تميل براسها على القزاز وتتأمله بصمت والهدوء الي عم في السياره بعد الهوشه كلهم على جوال ضي ورند وريما على جوالاتهم
وهي تتاظر وتناظر ملامحه الذابله التعبانه ماتدري وش فيه وليه كذا
تذكرت معها حبوب حقت صداع ولفت لسلطانه عطيها نياف يعطيها شرار ياخذ منها واضح تعبان وبيزل لاامه وهو كذا تعبان حرام
سلطانه:اخذت الحبوب وعطتها نياف شوف شرار يبي
نياف:بيض الله وجهتس يالمحزم شوشو قم خذ لك حبتين من هاذي ودع الصداع
فتح عيونه شرار واخذها واخذ ٢ورجع يسكر عيونه وينسدح وهو ملاحظ العيون الي تراقبه ويبي ينزل ويهرب منها لاابعد مكان
وقف نياف عند بيت ام شرار
نزل شرار:انتبهو ولاعاد تتهاوشون وراح للباب الي خلف نياف وهو يفتح الباب ريما اعذريني ان غلط عليتس والله اني تعبان ومصدع وماادري وش قلت
ريما:الي نزلت دموعه وهي تمسحها تمام عادي
شرار:مسح على راسها لاتزعلين تكفين ولاتبكين والله ماني قاصد
كل البنات انصدمو من لطافة شرار وكلهم دمعت عيونهم من حنيته صح ماعمرهم تكلم عليهم شرار بس هم كانو يخافون منه كذا ولامره صار موقف زي كذا وشافو حنية شرار على بنات عمه كلهم هويحبهم ويخاف عليهم ومن حبه فيهم مايبي يصير فيهم شي وكان دايم حريص عليهم بكل شي واي شي يطلبونه يجيهم
لف لنياف انتبه للبنات وخلوكم كلكم معه ولاتروحون مكان من دون ماتقولون له يالله ودعتكم الله لاتطول علي ابغا ارقد
نياف :ابشربي ساعه ونص وانا عندك
شرار:ضحك يالله انتظرك
-------
part7
