بارت٤
(نجمه )تقيدير لتعبي
------
بديره الساعه ١١باليل
بعد ليله جميله وجمعه جميله طفة انوار الديره كامله وصار الوقت الي يحبونه البنات والشباب الوقت الي يفضون فيه ويرتاحون من الشغل
طلعو البنات وبزاوية الحوش وتحت السدره فرشو الفرشه والتمو كلهم حول ضي وهي تشغل الأيباد وكان كل شي حلولهم ضلام ومافيه الانور الأيباد وهي تشغل لهم فلم والبنات كلهم متحمسين
وقدامهم سنكات وفشار
ضي :تبون فلم رعب ولاكوميدي وش تبون
مها :وهي متكيه بيدها على ضي شوفي صراحه احنا مانفهم ولاشي لكن انتي شغلي الي تشوفينه حلو
سلطانه:لاتكفين رعب على الرعب الي احنا فيه الحين يمكن نموت كلنا
ضي :ههههههههههههههههههههههههههه تمام بشغل فلم قصه حقيقيه حلو مره مو رعب فيه شوي أكشن بس حلو
ريم:اخخخخ جوي القصص الحقيقيه
نوف:تلقون ريم بكره تكتبها بدفتر وتقصها علينا كل ليله
البنات:ههههههههههههههههههههههههه ربي عوضنا عن قصص ريم
ريم:ياحيوانات مردكم لي ولقصصي
ضي :اخخ بس ياحلوك وحلوقصصك الي مالنا غناه عنها
وبدات سهرتهم اول مااشتغل الفلم وانسجمو كلهم بالفلم وبنص الفلم لفولسلطانه الي بسابع نومه
البنات ههههههههههههههههههههههههههههههههه تو بدا الفلم والحماس هاذا كله وبالأخير نامت ماقد انتهى
مها:والله صراحه مالومها وهي تحط يدها على فمها وهي تتثاوب حتى انا بنام خلاص معاد فينا طاقه نبي نام الجو جو نوم وقفوه نكمله بكره
ريم:مستحيل لزم اشوفه كله ولاماراح يجيني نوم تكفين ضي
نوف :لاامانه لاتخربون علينا بنشوف احنا الحين واهم بكره يكملونه
ضي :والله تبون الصدق حتى انا ميته نوم ومواصله بنام مع البنات خذو انتو كملوه لحالكم انا قد شفته
ريم:اخخخخ من غدر الأصحاب يالله نوم العافيه
وكملت ريم ونوف الفلم وبعد ماخلص الفلم انسدحو بجنب البنات ونامو كلهم وعم الهدوء على البيت كامل
طلعت رند وريما يبون ياخذون الشاحن من السياره وانصدمو من اشكالهم وكيف نايمين بالحوش
رند :وش ذا المجانين الحمدالله والشكر كأنهم هوملس
ريما:ههههههههههههههههههههه يمه والله منجد كيف ينامون بهاذا الرعب يخوف مره كيف نطلع الحين اخاف
رند:خل نطل نشوف احد من العيال صاحي يروح معنا
ريما:مجنونه لاكبيهم مانبيهم
رند :يمه مقدر اطلع لوحدنا اخاف
ريما:السياره عند الباب بنطلع بسرعه ونرجع
رند :يالله دن بسم الله اللهم اني استودعتك نفسي وأختي
ريما:طلت مع الباب الي كان مفتوح وتلف ايمين ويسار تتأكد مافيه احد تعالي مافيه احد
شرار :كان عند الحلال والأبل كالعاده دايم قبل ينام يروح يشوفها ويرجع ينام وقف باأستغراب اول ماشاف الباب فتح وشاف الفلاشات
وقف يناظر فيهم شاف رند وريما وعرفهم مشى وصل عند السيار سلامات طالعه انتي وياها هالوقت
شهقت ريما ورند بخوف يمه يامجنون وش تبي خوفتنا
شرار:وهو ناقد عليهم مره وش مطلعك من البيت
رند :اوف منك شرار نبي الشاحن من السياره
شرار:وهو معقد حواجبه تقدرين تقولين لواحد منا ادخلو البيت بجيبه
ريما:لا خلاص شكرآ بناخذه احنا وندخل
شرار:بسرعه خذوه وادخلو ولاتشوفكم عيني مره ثانيه طالعين كذا بذالوقت المزرعه كلها عمال
ريما:وهي كارهه الديره مالك شغل معليش يعني
شرار:شكلتس ماتفهمين بالكلام ورفع صوته بعصبيه ادخلي انتي وياه وجع انشالله
ريما ورند الي فزو برعب وهم يدخلون بعد مااخذو الشاحن ودخل وراهم شرار وهو يأشر بأصبع علي الحرام ان باقي شفتكم برى لاااذبحكم ولامااكون شرار تفهمين انتي وياها ياللله تقلعو من وجهي قلع الله ذا الأشكل المعفنه
ريما:طيب والي نايمين بالحوش ولابس احنا الي عينك علينا
شرار:صوتك اقطعيه لااقطع لسانتس من الي بالحوش
رند:شوف وراك
لف شرار وانصدم من الي متغطين بالبطاينه خلفه ونايمين رجع لف لهم مالتس شغل فيهم ماطلعو برى الحوش نايمين بالحوش انقلعي انثبري معهم انتي وياها ولااشوفكم تعدون عتبت الباب هاذا فاماراح يصير خير سمعتو
رند:خلاص سمعنا هففف منك
ولف وطلع لحوش الرجال وهو معصب وجمع بيالات الشاي وطفى النار وراح لفراشه بالحوش مع الشباب وعمانه واتغطى ونام ونامو كلهم
------
صباح يوم جديد على الديره صحو البنات على صوت العصافير الي بسدره
ضي :اهخخخخ ياصباح الخير فعلآ
مها الي كانت تسولف مع سلطانه بهمس عشان مايصحون احد لفو على صوت ضي ياصباح الخير
ضي :ابتسمت وهي مبسوطه لهاذا الصباح الحلو ياصباح الحب
مها:ضحكة الله وش هالحب والكلام الحلو من الصباح
ضي الي رجعت انسدحة اعشق صباحات الديره وجلست بحماس بنات وش رايكم نروح نسوي فطورنا بالمزرعه معاد بقى على رمضان لا ثلاثه ايام خل نستانس ونحلل اجواء الصباح
سلطانه :يالله قدام والله مانردك يابنت علي معنا لويشوفنا شرار ذبحنا
ضي:الي خذتها الذاكره لورى وتذكرت كل شي كانت تسويه هي وشرار اخر مره جت الديره كان ياخذها ويوريها الناقه حقتها وكانو مايرجعون من عند المزرعه والحلال الاالمغرب شعور صعب عليها الحين تتغطى منه وهي تشوفه اخوه واقرب صديق لها كان يواسيها ويقويها اذا خاصمها الشايب او العجوز كان يقويها بكلامه ويقنعها تكبر عقلها وماترد عليهم تعلمت من شرار كثير دروس بالحياه وتقدر تحلف انه ماخلاها كذا ملتزمه وتسمع الكلام وحنونه مع الكبار والصغار الا شرار رغم قساوت الناس عليها كانت تقابلهم وتتقبل كل شي بأبتسامه وصدر رحب على انها تتأثر داخلينا بس علمها ماتشكي لاااحد ابدآ وماتوري ضعفها احد علمها تكون قويه وماتنهزم لااحد علمها ماتثق في احد بسرعه وماتكون علاقات كثير كانت علاقاتها محدوده مره وعلمها ان الي راح لاتركض وراه الي كاتبه ربي بيجيك لوبعد مده لو فيه خيرلها وعلمها تكون عزيزة نفس وماتطلب من احد وعلمها كيف تعتمد على نفسها من وهي صغيره
جلست تهوجس والبنات عندها يخططون وهي بعيده عنهم كل البعد حز بخاطرها انها كانت تجي تفضفض له دايم والحين من باقي تفضفض له عن سنواتها الي راحت وماشافته عندها كلام كثير تمنى لوالعمر وقف على قبل اربع سنوات وتقدر تشوفه وتكلمه بدون قيود وحدد كيف بتصير تشوف الحين زي الغريب عجزت تتستوعب
وهي الي طول هاذي السنين تمشي على كلامه وعلى كل وصيه قالها لها دقتها ريم الي صحتها من الهواجيس لفت لبيه ياريم
ريم:مو وقت هواجيسك قومي يالله خلينا نروح بسرعه قبل يصحى شرار وسلطان بيذبحونا
سلطانه :لابنات تكفون بنفطر هنا اخاف والله ان يذبحونا
مها :اي والله بنسوي هنا أفضل
ضي :تمام مافيه مشكل بدخل ابدل واجيكم ودخلت لبست جلابيتها بسرعه وهي تلبس الجلال وتطلع بهدوء من دون احد يحس عليها الساعه٥:٠٠الصباح ودخلت المزرعه وهي تروح بهدوء صح انها خايفه ومرعبوبه خصوصآ انها راحت ومااحد يدري عنها خايفه العمال يصحون يسون فيها شي وهي كانت تبي تشوف الناقه حقتها
ودخلت وهي من الخوف تسمع صوت نبضاتها وهي تمشي بسرعه لشبك الأبل وقفت وهي تشوف الناقه حقت بالوسم الي تعرفه حرفها خلف اذن الناقه
رفعت صوتها تناديها تشوف اهي بتسمع لها بتجيها زي قبل ولاقدنستها صوت لها مره مرتين ثلاث وحزنت انها ماجاتها الناقه حاولت ترفع صوتها شوي وهي تلف يمين يسار خايفه فجأه تشوف الناقه متجهه لها وهي تمشي جههتها بكت وهي تشوف هاذي الحظه فرحت انها مانستها وقفت على الشبك وهي تمسح عليها وقررت تدخل الشبك وتحضنها طبت الشبك ودخلت والناقه تحاوطها برقبتها وتشد ضي عليها بكت ضي وهي تمسح على رقبتها ياروحي انتي مانسيتيني
-----
بدكة الرجال
صحى شرار وهو يتمطط ويحاول يصحيح يبي يخلص الشغل مع العمال وهو يبيهم يروحون وخايف البنات يطلعون للمزرعه والعمال فيها فز وأخذ ثوبه وطلع يغسل وجهه واتجه للمزرعه ودخل وهو يمشي بتعب بيروح يعلف الأبل بعدين يصحي العمال بما ان الوقت باقي بدري وصل شبك الأبل وبردت أطرافه وجمد بمكانه وهو يشوف الي واقفه والناقه محاوطتها وقف يشوفها ويتأكد انها ضي وانصدم كيف كبرت وصارت كذا
وقف من بعيد وهو يناظرها ولف يصد عنها وهو معصب لكن مايبي يقول لها شي يعرف انها مستحيل تجي هاذا الوقت الاخايفه من انها تقابل احد راح وتخبى بمكان عشان ماتشوفه وهو يصد عنها يبيها تروح عشان يطلع يخلص شغله وكان خايف احد من العمال يصحى ويطلع ويشوفها كان يبي يقولها تمشي بسرعه لكن عجز عجز يخرب فرحتها وبعد عدت دقايق لف يشوف هي باقي ولاراحت وماشاف لها أثر هنا عرف انها رجعت وطلع من مكانه وصل لشبك وهو يشوف باب الحوش الي تسكر عرف انها دخلت وتطمن ورجع للأبل يعلفها
ودخل على العمال وبصوت عالي يناديهم ويصحيهم يخلصون الشغل ويطلعون من المزرعه لمكان الدايم خارج اسوار المزرعه يجلسون فيه الين تنتهي الأجازه ويرجعون لمكانهم
طلع من الحلال ومع دلو الحليب اخذ وصل الدكه وهو يصوت للنايمين يصحون
فزنياف:أيش فيه كم الساعه
شرار:الساعه٦ونص وللحين نايمين قومو
نياف :الي اخذ علبة المويه وهو يحذف شرار ياحيوانه وانا احسب الساعه٩ولا١٠مجنون نفرح اذا ماصحانا جدي تجي تبعص انت
سلطان :الي قام وغسل وجهه ورجع وهو يشوف نياف باقي يهاوش ياكثر هروجك يانياف هاذا وانت توك صاحي قوم خلصنا
نياف:الحين اقوم وش اسوي خلوني ارقد
سلطان:الي قام ورجع سدحه وغطاه سكر فمك طيب وارقد ماانقد الاعلى الي يصحيك علي الحرام انك تجيب الصداع ياولد
شرار:وهو ميت ضحك على شكل نياف واحد يصحيه واحد يرجعه ينام قوم قوم خلاص من النوم
سلطان:امانه انك تحليه يرقد فكنا خلنا نخلص شغلنا ونجي
صحى العم علي على أصواتهم يالله صباح خير
شرار:مبسوط صحيت عمي ياحيوانه يالله قوم مايبدى صباحي الابالقهوه معك والسوالف معك
نياف:انا الحيوان الي مارحت البيت ورقدة فيه وقام يهاوش ومعصب
شرار:هههههههههههههههههههههههههههه اهخخخ ياحلوه حلواه وهو معصب
سلطان:قوم امش نروح نخلص شغلنا ونرجع نفطر
شرار:لبيه سمي يابعد حييي ارتاح ياعين أخوك قدخلصت كل شي
سلطان:لف يشوف كم الساعه لاوالله الوضع مو تمام فيك شي انت مسحن وش ذا النشاط والروقان مع ذا الصبح
شرار:افففا وش جاكم اذا روقت تستغربون
سلطان:ضحك لاانها ماهي من عادتك تروق هاذا الوقت وعندك اشغال الدنيا
شرار:والله قد خلصت كل شي يارفيقي
سلطان:متى امداك تخلص تو الساعه ٦متى صحيت
شرار:النوم ماخلق لعيون الذيابه صاحي من الفجر يابعد حيي
نياف :يعني اذا صاحي من الفجر تنكد علينا وتصحينا معك
شرار:يامرحبا يادهر قلبي ورجعانه تو يبداء صباحي ياحي ها الصوت
نياف :اهخخخ يقهر يقهر يارجال ولف لعمه علي الي بفراشه ويصور هوشتهم وماخذهم محتوى سكر على عيونه من الشمس يبي يتأكد عمه يصور عمي تصور
العم علي :ههههههههههههههههههههههه اي بالله اصوركم وانتو تهاوشون كنكم حريم
شرار لف هو سلطان يتأكدون هو يصور يوم قال هاذا الكلام
شرار:ههههههههههههههههههههه عمي ماهو منجدك هاذي لاتنزلها انت بتفضحنا
سلطان:انفضحنا وانتهينا من صحيت وهو يصور
شرار:الحمدالله اني مروق ياعمي ولاكان وريتك كيف تصور واحنا ماندري
نياف :حذف شرار بالفنجال وش مخليك مروق مع الصباح
شرار:هههههههههههههههههههههههه شف ياعمي اذا روقت زعلو واذا عصبت يقولون نبي تثحى مروق
نياف:لا انا ابغا اعرف وش الي مخليك مروق
شرار:واللله ياحبيب أخوك محد صحاني وصاحي من لحالي عشان كذا مروق مااحب احد يصحيني وجدي دايم يخرب علي روقاني يصحيني ويخرب المود
العم علي:والله انك عريب الأطباع ياشرار يعني معاد نصحيك من اليوم رايح
شرار:اذا تبوني كذا دايم كلمو حدي معاد يصحيني ولاتحملو الي يجيكم
العم علي :لا والله ذيب وحالب لنا الأبل ياجعل أبوك بالجنه
شرار:أمين يارب أبشر بسعدك أحلبها لك كل يوم والله ماهو وقت انا حلبها لكن قلت لزم على الفطور حليب
سلطان:بيض الله وحهك ريحتنا من الشغل لو ادري قد خلصت كملت نوم
شرار:لا عجبني الوقت كل يوم بنروح نخلص الشغل بعد الفجر الحو حلو وعلى رمضان نبي نعدل الوقت موب أحسن
سلطان:إي والله شور العز وأحسن عشان معاد ننام بعدين نصحى بعز الشمس
نياف :وليه ماعلمتنا من الفجر عشان ماتصحينا
شرار:قام وهو يقوم عند نياف ويجلس على المركى ويحاوط رايسه بذراعه ويلمه لصدره روق ياحبيبي
نياف:وهو يحاول ينفك منه حسبي عليك ياشرار أيدك يحمار قويه فكني
سلطان:أي عليك به وسكر فمه بالله ازعجتنا اعوذ بالله
شرار:أبشر بسعدك أسكر على فمه الحين وعض على شفايفه وهو يسكر على فمه نياف الي على طول وبحركه سريعه عض بقوه على ايد شرار
شرار:قام يصيح ويسحب نياف مع شعره عشان يفك يده فكني ياحمار فكني
نياف :فكه وطاح من الضحك تستاهل مافكيتني شرك ياشرار أهجد أهجد
شرار:أعقب وأنا ولد أبوي
وانها الحرب الي بينهم العم علي الي دخل وبيده صحن الفطور افرشو السفره ياعيال
نياف:يالبيه هنا يبداء صباحي
شرار:أوريك بعد الفطور
والتمو كلهم على السفره يفطرون والسوالف الحلوه معا عمهم علي والقصص والشباب ماوقفو أسئله كل شوي واحد يسئله عن أمور كثير تجهلهم بحكم عيشهم بالديره ونادر مايطلعون للمدينه
------
part5
