بارت٣
(نجمه)تقدير لتعبي
------
بعد مرور اسبوع كامل العصر بديره وتحديدآ بشبك الأبل
كان نياف وسلطان وشرار يحلبون الأبل
نياف وهو ماسك الدلو لشرار انا اكره ناقتك هاذي واخاف منها
شرار:ضحك وهو يشوف وجهه المنخرش مهبول انت مابتسوي بك شي وراك خايف
نياف:ماعد صرت اثق فيها من بعد مالحقتني بنت الكلب
شرار الي انفجر من الضحك لما تذكر موقف نياف وناقته انت الحمار والله ماسك الخبز في يدك وتركض ليه مافكيته لها تستاهل
نياف :وش عرفني انها تبي الخبز المهبوله
شرار:قايلك حمار وكاانك اول مره تشوف النياق
نياف:مكنك زودتها ياخضير كل شوي تقولي حمار وشاته على رجله
شرار:ههههههههههههههههههههههههه وهو مبسوط ومروق من يوم صحى اخيرآ جا اليوم الي بيجون عمانه كلهم حضك اني مستانس ولاكان وريتك شغلك
سلطان:وهو مشتط خلصتو ولاباقي تضحكون
نياف:خلصنا يااخوي خلصنا لوحنا سالمين من خضير كان انجزنا من اليوم
شرار :ضحك وعض على شفايفه اهجد يانياف
الجده صيته :بصوت عالي من خلف الشبك تنادي على شرار
شرار :لبيه ياجده سمي
الجده صيته: وجع انت وياها لكم ساعه تحلبون اخلصو عمانكم بيجون والله لايجي جدك وانتو ماقد انجزتو ان يهد عليكم قدام الرجال اطلعو
طلع شرار: يالله مساء خير ياوجه الخير امريني
الجده صيته :رفعت عصاها تضرب شرار اخلص انت وياه ضحك شرار عسل على قلبي الضربه وتقدم يبوس كتفها تبين اعلمك من الي اخرنا
الجده صيته:لاحول والاقوة الابالله بيجلس يسولف ساعه
شرار:ضحك بعلمك واروح نياف ياجده اخرنا
الجده صيته:وااحد ياخذ المصروع ذا معه الحلال يطير منها وتدخلونه عليها
ضحك شرار وهو يشوف الجده أستلمت نياف وراح يساعد سلطان
نياف:ماقول الى الله ينصرني ياجده
الجده صيته :وهي تحاول تلحقه وتضرب بعصاتها لكن ماوقف لها جلس يركض فيها وتعالت اصواتهم بالضحك على شكل الجده وهي تركض ورى نياف وتحلف عليه يوقف تضربه
ضحك نياف ورجع لها يحضنها وهي تضربه وتبعده انشالله جدك يجي ويشوف انكم ماقد انجزتو شي
نياف:لاتكفين قولي الله يكفينا منه الين نخلص
سلطان طلع وبيده الذبيحه شايلها ويصوت على شرار يجيب السكين ويبدون يذبحونها
الجده صيته:والله مايبرد خاطري الا سلطان الله يسعده
نياف :جده ناديه تكفين قولي ياسوسو بسرعه قبل يجي جدك
الجده صيته.ضحكت والله انك خبيث انت ومنهو سوسو ذا
نياف :سلطان يقول دلعوني سوسو
الجده صيته:رفعت صوتها بضحك ياسوسو أخلص علينا قبل يجي جدك
سلطان:ضحك ياحلو سوسو من فمتس
الجده صيته وهي تسحب نياف امش انت مامنك فايد تعال افرش زل بحوش الحريم والرجال وجهز القهوه على مايخلصون اخوانك
نياف :بشرط تساعديني ياجده
الجده صيته :يالله امش ققدامي معاد بك طب انت ابااسوي القهوه وازهبها وانت افرش مير الله يعني عليك اطول مابك لسانك
نياف :ضحك وهو يميل راسه على كتفه ويضمها والله ماتحطين ايدتس بشي انتي بس اجلسي واشرفي وامري علي بس
الجده صيته:وهي تستعجل خطواته خايفه على شرار من جده امش بسرعه خلنا نخلص معاد به وقت
نياف :كم افرش وحده عند الرجال
الجده صيته:افرش اربع بحوش الحريم واربع بحوش الرجال
رفع ثوبه وربطه على خصره وهو يركض ويشيل اربع من الزل مع بعض ويفرشها بحوش الرجال واخذ البرادي وهو يركض ويحط فيه مويه ويرجع يحطه على النار عشان يمديه يفور قبل يخلص
واخذ المراكي وبدا يوزعها ويرتبها ورجع المستودع جاخذ باقي الزل وهو وينزله بحوش الحريم وقف وحط يدينه على خصره وهو يحاول يتنفس ويرتاح شوي
ورفع صوته ينادي العمه بدريه
ومها وريم وسلطانه بالمطبخ كل وحده تحظرطبق لفت مها على صوت الي تسمعه وناظرت مع الشباك وهي تشوفه على الجنب واقف عند الزل تعرف انه نياف وقفت تناظر فيه
مها:اخ بنات احب اذا طلعو الزل وفرشوه احس فعاليات
سلطانه:الله واكبر يالفعاليات من ذا الي جايب الزل
مها :اتوقع نياف
ريم:غريبه منه يشتغل لحاله وين سلطان وشرار مالهم حس
مها:اكيد الشايب راكزهم بحوش الرجال الحين
سلطانه :جدي راح مع عمي عبدالرحمن
ريم:متى يجي عمي والبنات هنا عاد بس متحمسه لنوف الباقين سكب لهم
سلطان :عشتو وشو سكب ذا
ريم:ضحكة اخخ منتس ياسلطانه يعني مايهموني
سلطانه:وراتس ماتقوولين مايهموني بدال سكب ذا
ريم:اسهل كلمة سكب جربي
دخل شرار الحوش وبيده نص الذبيحه ورافعها وهو يشوف العمه بدريه ونياف الي يفرشون الزل وسلطان وراه بباقي الذبيحه
مها :اففف وصل شبيه الشيبه
ريم:حرام عليك عاد مااحسه يشبهه
مها:اوففف نفسه نفس الاطباع كريه بس مشكلته حلو
ريم :شهقت ياويلتس يامها لوعجوز قريح سمعتس والله لتقص لسانتس
سلطانه:اتوقع الشيبه مأثر عليه ولا هو احس ماعنده سالفه
مها :خلاص اسكتو دلوع العجوز لااححد يقول فيه شي تذبحنا
سلطانه:ماادري ليش احسها تحب الاولاد اكثر من البنات ليش كلنا عيال اولادتس وبناتس
ريم:اي واضح تعاملها معهم غير واحنا بس شايشه علينا
مها: خلنا نشغل ايدينا بدال السنتنا عشان ماتجي تفضحنا
بالحوش عند نياف الي طلعت له العمه بدريه لبيه يانياف
نياف:يالبى قلبتس ياعمه افزعي لولد اخوتس
بدريه:بعمري انا عنك وين سلطان مايساعدك
نياف:خلوني اشتغل لحالي وهم متكي عندالنياق اخاف جدي يجي يربطهم معا النياق اذا ماقدخلصو
دخل شرار :وبيده نص الذبيحه يامرحبا حي ذا الزول ياعميمه
سلطان:ارحبي ياعين ابوي انتي
بدريه:الله يسلمكم جعلني ماعدمكم
وقف شرار وهو يبوس راسها يالبيه ياأغلى من عيوني امريني
بدريه:ضحكة مايمر عليك عدو ياحبيبي نزلوو الحم تعبكم
نزل سلطان الصحن وتوجه لاامه يبوس راسها وين ثوبي ياامي وشماغي
بدريه:شفها في غرفتك جاهزه وانت ياشرار ثوبك وشماغ على السرير ادخلو خلصو بسرعه وتعالو ساعدو نياف
نياف :اههخخ الحمدالله تذكرتوني ياعمه
بدريه :ماعش من يناسك ياحيبيبي انت
نياف :يالبيه ياعمه يازين كلامتس وانا خلصت معاد فيه شي وخل الشيبه ينطق حرف
سلطان:لايقول شي بنقول نياف
نياف:يااسود الوجه هاذي جزاتي يالله يالله انا استاهل
ضحك شرار :تموت لو ماتسوي دراما ياحياة الفهد ودخل يتروش ويبدل ملابسه كل واحد راح يتنظف ويتجهز
بينما البنات بالمطبخ خلصو من شغلهم وتجهزو وجالسين ينتظرون عمانهم يشرفون
دخلت الجده صيته:يمال الوجع وارتس جالسه انتي وياها قمن خلصن الشغل
مها :خلصنا ياجده معاد فيه شي
الجده صيته :خلصتن وين السفره والفناجيل حقت الحريم هاه ولاحمير لزم ارسلكم كل شوي ماتسنعن الدرب من حالكن
سلطانه:ياجده كلها جاهز وهنا بالمطبخ عشان ماتتوصخ خلينها الين يجون
الجده صيته:قمن افرش السفره وحطن كل شي عليها
قامو البنات وهم خلاص معصبين من العجوز وراح يرتبون السفره بالحوش الحريم وسمعو صوت السياره الي وقفت عند باب الحريم وقفو ينتظرون ويشوفون مين دخل العم علي وهو يصوت فيه احد
سلطانه فزت بفرحه:لا ادخل الله يحيك ياعمي مافيه احد
دخل العم علي وزوجته وضي والبنات يصرخون ويرحبون فيهم
طلعت الجده صيته وهي تشوف علي وزوجته وهي ترفع صوتها ترحب فيهم وتهلي فرحانه بجيتهم لديره
ضي وهي تحضن البنات وحشتوني وحشتوني
مها:وهي تناظر ضي يوه ياضي مشاللله كيف كبرتي وطلتي من زمان عنتس
سلطانه:كبرتي واحلوتي ياحلوتس حلواه
ضي :ياعمري يابنات وانتو مره تعيرتو واحلويتن
ريم:اخخ من زمان عنتس وراتس قطعتينا
ضي :والله الأيام مرت وكنت مشغول باامي كانت تعبانه وهاذي المره جاين بنسكن هنا وبتملون مني
البنات :بحماس امانه يالبيه احلى من يسكن معنا بديره
ريم:اخخخ بس اغلى من بيجلس معنا والله وبهمس قالت الله يعينك على العجوز
ضي :ضحكة عادي بنتحمل مع بعض خلها تهرج واحنا بنطنشها وش نسوي حكم القوي على الضعيف
العم علي :كيفكن ياحبيباتي
البنات:الحمدالله ياعمي كيفك انت وحشتنا الديره اليوم منوره بكم
العم علي :ياحبني لكم الله يسعدك قلوبكم ويحفظن عاد هاه لاوصيكم على ضي عمري
البنات:بعيونا والله ياعمي لاتشيل همها
العم علي :عاد ماشفتن حماسها يوم قلت بنسكن بالديره فراحنه بكم ولاعاد رقدة
سلطانه:ياحلوها والله ان احنا اشتقنا لها طولنا ماشفناها
العم علي:يالله انا استاذنكم بروح اسلم على الشباب
وطلع متجه لحوش الرجال وهو يشوف شرار الي واقف والزقاره بيده على عتبت الدكه وسلطان ونياف يتحارشون قدامه وهو مبسوط يطالع فيهم رفع صوته العم علي وهو يضحك عليهم ياهل البيت فزو كلهم والتفتو على صوت عمهم علي وهم يرحبون بأعلى صوتهم ويركضون له يسلمون عليه معاد شرار الي انحرج من الزقاره الي بيده مايبي عنه علي يشوفه وهو يدخن نزل ودفنها برجل بالتراب وتوجه لعمه علي وهو يرحب فيه ارحب مليون ياأعز وأغلى من جاء
العم علي :اللله يبقيك يولدي ويسلم عمرك ياحبيبي انت
شرار :وهو ماسك يد العم علي ويمشي فيه يجلسه بمكانه الله يحيك
ياعمي اخيرآ جيت وراك تبطي علينا وانت تدري انا نغليك
العم علي :ضحك الله يعزكم مااغليتو الاالي يغليكم وش علومكم وين ابوي والناس
نياف :والله ياعمي جدي راح مع عمي عبدالرحمن من الظهر ماندري وينهم لكن شوي ويجون
العم علي :حي الله نقال العلوم تعال تعال اجلس بجنبي وعطني علوم الديره
نياف :ضحك الله يسامحك ياعمي
العم علي :ضحك احب اسمع العلوم منك لاانك تنقلها بتفصيل اما سلطان وشوار يزبدون لي
سلطان:ضحك محشوم ياعمي
شرار:خير الكلام ماقل ودل مانبي نوجع راسك
العم علي :احب علومكم ماعليك مني بس هرجو علي وانا برتاح
نياف:اجل الله يعينك ياعمي تعال كل ظهر بهاذي الدكه وابشر بالعلوم كلها
العم علي :اخذ فنجان القهوه من شرار الي طير الهوى شعره وشاف العم الجرح الي بحاجبه لاوالله سلامات ياابو محمد وش الي بحاجبك
شرار:ضحك تعرف ولدك يحب شغل الأبل جدا وشقني الشبك
العم علي :سلامتك والله لكن انتبه تكفى لاتدخل بعينك خلك نبيه
نياف:الي كمل الكذبه يوم ياعمي مارحت معه وصار فيه كذا بس انا الي انبه
شرار:اي ونعم مايلحقني شك يارفيقي
العم علي :ضحك الله يسعدك يانياف ليكون انت السبب
نياف:افاااا ياعمي الا خاذي والله لو اني لي دخل فيها تلقاني موسم من شرار
شرار:ماني ردي ياولد وافي ماني ردي مثلك
نياف:اعقب ياولد محمد انا ردي
العم علي :وهو يضحك من شرار ونياف الي كل شوي يتناقرون محشومين كلكم يازينك ياسلطان وانت عابل وراكد
شرار:اي عاقل مشالله ليت بعض الناس يتعلمون
سلطان:نسيت عمرك انت
شرار:هههههههههههههههههههههههههههههههه امدحني يارفيقي
نياف:بذمتك ياعمي انا ماني عاقل
العم علي :هههههههههههههههههههههههههه عاقل لكن اعقل واحد فيكم سلطان وبعده شرار وبعد انت يانياف
نياف :اخ ياعمي جرحتني وانت غالي علي بالحيل
العم علي:ههههههههههههههههههههههههه اقولك انت اعقل واحد واحسن واحد بهم ولاعليك من احد
نياف:هههههههههههههههههه اللله يجبر بخاطرك وترى ياعمي لايغرك هدوء سلطان ترى عشان لطمته قبل تجي وقلت له اذا جاو عماني لااسمع حسك
سلطان:ههههههههههههههههههههههههههه اعقب ياذذا السوسه
العم علي:بضحك شفتك شفتك مشالله مايلحقني بك شك
وقف على صوت السسياره الي دخلت الحوش وكانت العمه ساره وبناتها وكلهم كانو مايتغطون وكانو جاين مع السواق حقهم وقفت السياره ونزلو
شرار :بأستغراب من الي جاي بهاذي الطريقه وبحوش الرجال لف بظهره اول ماشاف الحريم نزل ورفع صوته حوش الحريم من الخلف
العمه ساره:مافيه غريب ياشرار
لف شرار:ارحبي ياعمه ارحبي وعلامت التعجب على وجهه انرسمت من البنات الي راقفين بعبايات ملونه ونظارات وشعور المفكوكه انصدم وهو يصد عنهم ويسلم على عمته خلي بناتك يروحون من هنا للحوش الثاني
العم ساره:يروحون معي بناتي
شرار :وهو يعض على شفايفه براحتك لكن لايحي احد ويشوفهم هنا ماهي حلوه
العم ساره:ليه وش فيهم بناتي ناقصهن شي
سلطان:بهمس لنياف يلعن ابو ربط المواضيع عندها
شرار:ونعم بهم ماقلت شي خذو راحتكم
العم علي :اعلومتس ياسوير
العم ساره:الحمدالله ياعلي كيفك انت وحشتنا انشالله جايب اهلك نشوفهم من زمان عنهم
العم علي :اي جايبهم وهذاهم داخل
العمه ساره:أخيرآ تنازلو وجاو لديره تعالو يابنات سلمو على خالكم وعيال خوالكم وراكم واقفين
شرار وسلطان ونياف الي تراجعو بصدمه والبنات يقربون منهم
سلطان:انا ولد ابوي وراهم هالماصخات بيسلمون
تقدمة ريما:وهي تمد يدها لنياف بتصافحه وقف نياف يرد السلام ومامد يده كيفك نياف
نياف :هالحمدالله سلمو على عمي
شرار :الي يحاول يخفي ضحكته من صدمت نياف وتقدمة ريما ورند يصافحون شرار وصافحهم هنا انصدم نياف وسلطان الي ماصافحوهم وقامو يدقونه مهبول انت انجنيت
شرار:ضحك والله ياحبيبي مااستحت على وجهه وجة تصافح بصافح وشهو له ارد يدي الي مفروض يسحتي هي مو انا يالرخمه انت وياه
سلطان:اعقب والله مارخمه الاانت تصافح البنات لو شافك جدي دفنك برضك
شرار:وهو يبي يقهر نياف وسلطان علومكم يابنات العمه
ريما ورند الي استلطفو شرار الحمدالله كيفك انت
شرار:انقول الحمدالله وهو يلف وجهه ياهلا ياهلا
العمه ساره:يالله عاد انا بستأذنكم بروح اسلم عل امي والحريم داخل
العم علي :الله معكم ياحبايبي
العمه ساره:سلطان اذا ماعليك امر دلو راجو يدخل حوش الحريم وينزل الشنط
سلطان:دليه انتي اناا مااقدر ادخل حوش الحريم
العمه ساره:نياف دله انت ولاشرار انا دخله وهي تستحقر سلطان وتدخل
لف نياف وهو يضرب شرار وراك انهبلت انت انجنيت كيف تصافح بنات مايحلون لك
شرار:ضحك انت المهبول
العم علي :وهو يضحك من سلطان ونياف الي انفجرو على شرار يضربونه ويهدون عليه
شرار وهو يركض ورى العم علي انا بوجهك
العم علي:والله معاد تقربونه
نياف :ماشفت ياعمي كيف يسلم على البنات
شرار:اسمع ياعمي قبل تفهمين غلط والله اني صافحتهم لن المفروض هم الي يستحون ماهو انا هم الي مدو يديهم ماهو انا الي مديتها
العم علي:لا تصرفه صح هم الي مفروض يستحون على وجيهم لاانهم بنات
شرار:شفتو هاذا الكلام اخيرا انصفني احد ها يانياف وهو يغمر له ويضحك
نياف:خساره ودي اني صافحتهم
سلطان:انا ولد ابوي انجنيتو انتو
نياف:صدقني انك مقهور لانها راحت عليك
سلطان :وهو يضربه مهبول انت
شرار:هههههههههههههههههههههههههههههههههه راحت عليكم كلكم
العم علي :الله يصلحكم وطلع جواله وهو يصور بسناب وشرار ونياف وسلطان الي واقفين ويتحارشون واول ماشفو عمهم رفع الكميره كلهم لفو له ويسون حبتين يضحكون كان عمهم علي مشهور بسناب والكل يحب سناباته اذا نزل لديره مع الثلاثي المرح صورهم ونزلها وكتب عليها ثلاثي الديره المرح
نياف :نطت بجنب عمه يشوف الصوره واخذ جوال عمه يقرا الكومنت ويضحك ومبسوط يعيال تعالو شوف كيف يمدحونا
شرار وسلطان نطو بحماس بجنب نياف يشوفون الكومنت ومبسوطين
نياف :اخخخ بس اكثرهم يمدحونك يالكلب وهو يدق شرار برجله
شرار:هههههههههههههههههههههههههههه يمه يالغيره ياعمي بذمتك قد شفت رجال يغار
العم علي :ههههههههههههههههههههههه المتابعين ينصدمون ماتنفتح الكومنتا ت الا اذا جيت لديره واخذ الجوال من نياف وهو يرفعه ويصور شرار وهو جالس يشرب الشاي قدام عمه ويسولف مع سلطان
العم علي :ياشرار الجمهور يطلبون منك قصيده
شرار:ضحك لاياعمي علمني قبل تصور الله يحيك واخذ الطاقيه المنقطه بذهبي وهو يلبسها
العم علي :اعرف حتى لو فاجئتك بتعده ياابومحمد
شرار ضحك :وهو ينحرج من الكميرات وهو يفكر ويمسك شنبه
ضحك وهو يقول
(يامرحبا ترحيبة كلها شوق
ترحيبة وفاء بها حزل المعاني
ترحيبة بدو جتهم المزن سوق
وترحيب معزب بمجلس يماني )
العم علي:صح والله لسانك والله يسلمك ويبقيك
ولف على سلطان سمعنا ياسلطي اطربنا
سلطان :ضحك وبدا يغني وهو يناظر بشرار ويده على كتف شرار ويضحك ويغني الأغنيه الي يحبه شرار ودايم يغنيها
(خبروه اني على وصله حيت
وانتفارقنا ترى موتي دنا
لي حبيب يوم روح وماسليت
يعلم الله توماذقت العنا )
وارتفع صوت شرار معه وهو الي يحب هاذي الأغنيه وخصوصآ من صوت سلطان الي على طول يوديه بعالم ثاني
شرار:اخخخخ صح صوتك ياسوسو
نياف :اخخخ يلعن ابو القهر وانا ماعندي شي اقوله
العم علي:وهو يضحك ويصور نياف وهو يتحلطم عطنا قصيده يناف
نياف:اخخخ ياعمي مافلحت لا بقصيده ولااغنيه خلني احفظ بيت واجيك
العم علي :ههههههههههههههههههههههههههه وقطع التصوير اول ماشاف عبدالرحمن وابوه وصلو وهو يرحب فيهم
الجد محسن :بفرحه وهو يحضن علي يامرحبا ياولدي الله يحيك
العم علي :الله يبقيك يااوبوي وهو يجلس بمكانه ويجلس بجنبهم وياخذ علومه
------
qart4
