حياكم بارت ٧
.
(لطفً نجمه تقديرًلتعبي )
.
-------
بيت ام شرار
دخل شرار وهو يسلم على أمه وأخواته وأخوانه وفرح يوم شافهم كلهم مجتمعين
نواف:يالله حي شرار أخيرآ شرفتنا
شرار:الله يبيقيك ويسلمك والله اني ماافضى يانواف الحق عليكم تمروني
طيف :لا الحق عليك انت لزم تجي امي مو هي الي تجيك
شرار:امي مايمر أسبوع الا واجيه وأسلم عليها لكن ماالقاكم
أم شرار :أي والله انك أبيض وجه وماتقصر جا بخاطرها وهي تشوفه كأنه تعبان وعيونه حمراء كانت تنقهر عليه وتسأله ومكان يجاوبها ويقولها وش متعبه وش فيه وش مضايقه كانت تناظر في بصمت وهو يسولف مع اخوانه ويرد عليهم بكلمه ويسكت كانت تنقهر ودها لو يعيش معها وبين اخوانه واخواته هي تعرف انه صار كذا من الوحده الي كان عايش فيها مااحد كان معه ومعتمد على نفسه من وهو بسن٧سنوات وهو الي يغسل ملابس ويطبخ لنفسه الين صار مايبي احد يحب العزله والوحده أكثر من التجمعات صارت شخصيته هاديه وماله صوت عكس يوم يكون معه نياف وسلطان يسولف ويضحك لكن من دونهم مايقدر يحس بالغربه ختى مع أخوانه الي ماكنو على جوه وكان يسلك لهم بالسوالف
طلع مع أمه يمشي بالحوش ويفرشون فرشه يجلسون عليها يغيرون جو وتعرف ان شوار يحب الجلوس في الأحواش كثير عكس البيت ينكتم ويتضايق جلس بعد ماصلحو الجلسه
ام شرار:شرار ياوالدي فيك شي وجهك اليوم ماهو عاجبني
شرار أنسدح على المركى لبيتس مافيني الاالعافيه لكن صاحي من الفجر وماابغا ارقد الحين
ام شرار:ارقد عندنا اليوم وافطر معي انا واخوانك بكره
شرار:الله يكثر خيرتس ياعيوني لكن والله مامن فرصه وان عندي شغل مره واذا جاتني الفرصه أبشري على خشمي أني لااجي افطر عندكم
تضايقة أم شرار لااانه أذا قال كلمه يصمل عليها مايغير رايه
طيب السحور تسحر معنا
شرار:والله ان نياف بسوق هنا معه الحريم ولامعي سياره وبيرجع ياخذني لو معي سياره انه على خشمي
ام شرار:ان شاءالله أعوضك والشهر تو بدى
شرار:تعوضيني بسلامتس لكن ناقصتس شي ولامضايقتس شي
ام شرار:الي تعودت على سؤل شرار هاذا دايم بكل مره يجيها خاطرها تقول كل شي داخلها لكن مقيده ماتقدر ولاتتحمل ولاتقول له ويطب بمشاكل وتكون هي السبب تعرف لو تقوله عن زوجها وش يسوي معها عن الضرب ولا الأيهانه بالكلام تعرف ان بيقتله وبدون تردد تخاف من ردة فعله تكون قاسيه وتأثر عليه وعلى مستقبله أضطرت تكتم غصتها وضيقتها مافيني الا العافيه ياولدي
شرار:الي بكل مره كان يسأل امه كان يشوف نظره تقطع قلبه وكانت تجاوب وهي تفرك يدينها وتناظر تحت كان هاذا الشي يضايقه كثير يعرف انها مو مرتاحه وفيه شي مضايقها يمه انا اعرف ان فيه شي مضايقتس انكان ودتس تقولين انا اسمعتس لاتخافين علي ولاتشيلين همي وقولي وش الي يضايقتس
ام شرار:تنهدة الي يضايقني انك بعيد عن عيني وانك ماعشت مع أخوانك هاذا الي يضايقني ويذبحني
شرار:قام وجلس قدامها على ركبه وهو يمسك يدينها يايمه انا بخير ولافيني الاالعافيه يشهد علي ربي لاتشيلين همي أنا مبسوط ياربي لك الحمد لكني مااحب أهرج واجد اذا أنتي متضايقه اني مااسولف مع اخواني
ام شرار:وهي تمسح على كفوفه أول مره تلمس هاذي الحنيه من شرار ياحبيبي جعلك دايم بسوط ومرتاح والله يسخر لك عباده
شرار :أمين ماابي والله منتس الا أنتس ترضين علي وتدعين لي
ام شرار:والله انك بكفه والناس بكفه أني أدعي لك وقبل نفسي وأحيانا أنسى نفسي وادعليك
شرار:ضحك وهو يبوس راسه ويدينها ياجعل ربي مايحرمني منتس
ولف على صوت بوري السياره الي وقفت عند الباب فز ولف يبي يشوف مين رفع جواله على أتصال من نياف أطلع انا عند الباب
شرار:يالله يالله طالع ودع أمه وباس فوق راسها وطلع
نياف:ها وش رايك ساعتين ونص ماطولنا عليك يامدير
شرار:ضحك مهبول انت أهم شي خلصو كل الي يبون
رند :اخخخ ياشرار فضحنا هاذا فضيحه محد ياخذه لسوق أنواع الصياح والأزعاج شرار وشرار كل دقيقه تأخروا عليه يالله اطلعو
شرار:وخلصتو طيب
رند :لا ماخلصنا
شرار:لف لنياف رح الحين خلهم يخلصون كل الي يبون وراك مريض
نياف:أعقب بس تعبت معاد فيني طاقه الأحقهم
شرار:عطاه نظره وقال بنبرة تهديد لف وأرجع الحين ياحبيبي
نياف:رد لشرار نفس النظره طيب ياحبيبي والله لاأكرهك السوق
ريما:بشرط ماينزل نياف معنا
نياف:انا معتس انتي ورند مسؤل عنكم الباقين مع شرار
رند :لاتكفى نياف بشرط تسكت معاد تصارخ أحنا مو بالشارع بالسوق
نياف:الله أكبر الي يشوفكم يقول أنكم بأكبر مول تراكم بسوق البلد
رند :اخخخ ياربي أنا تعبت خلاص أسكت الين نوصل السوق شغل لنا شي
نياف:أعوذو بالله في رمضان يارند في رمضان
البنات كلهم أنفجرو ضحك من نياف الي فاصل عليهم من يوم راحو لسوق وهو أنواع الأستهبال معهم جنن رند وريما كرهم حياتهم
شرار:والله مأكثر من هروج نياف ألاأنتي
رند:وش أسوي هو الي يحارشني مايسكت
نياف :الي أنفجر من الضحك وهو يدق بيده البوري فاتك ياشرار وش صار بالسوق وهو ميت ضحك
شرار:طيب أسكت بعدين علمني
نياف:لا لا بعلمك الحين أخ يابطني في ولد صغير جا يطلب من رند فلوس يشحذ حلو وهو بين كلمه وكلمه يفطس ضحك
شرار:الي صار يضحك وهو مايدري وش السالفه بس يضحك من ضحكة نياف البنات مستغربين أول مره يشوفون شرار يضحك كذا اول مره يسمعون ضحكته كمل ياحمار
نياف:جا الولد ماادري هو يبي يبوس يدها ماادري وش فيه جالس يعض كف عباية رند تعال تشوف صياح رند
شرار:هههههههههههههههههههههههههههههههه وليه يعض العبايه الكلب
نياف:رند قامت تصيح وتركض بسوق تقول يدي بقطعها يععع يعع
ههههههههههههههههههههههههههههههههههههههههههههههههههههههههههههههه
شرار:ههههههههههههههههههههههههه الله يلوم الي يلومتس
رند :حمار جالس يضحك علي وانا يععع متقرفه بموت اقوله ساعدني يضحك
نياف:وهو يضحك وش أساعدتس وش أسوي مهبوله
رند:لا كنت ابغا سوق عبايات أغير عبايتي صارة كلها سعابيل
شرار:يععع الله يقرفكم حومتي كبدي
رند :ليتك كنت معي بدال مجنون هاذا بس يضحك
شرار:أنتو شكلكم فضحتونا بالسوق كامل
نياف :ياخي ولاشي عجبهم مادري وش يبون الله يقعل وجهتس أنتي وياها البنات كلهم شرو الأهم يبون ماركه ياابوي كش على وجهتس أنتي وهي
ريما:كش على وجهك انت يالمروح
نياف :افففاا يابنت ساره انا صرت مروح الحين الله أكبرعليتس يالعوبا
ريما:ماادري وش ترطن صراحه
وصلو السوق ونزلو وكلهم كانو مع بعض ونياف يطقطق على رند وريما وماخذهم جدول ولعب فيهم لعب وشرار والبنات بس يضحكون عليهم
وأخيرآ وقفو عند جلابيات وأعجبتهم وأخذت كل وحده ثلاث جلابيات
رند :أي هاذي الجلابيات الصح
نياف:يالله أطلعو قطع الله ذا الجلد الي كأنه جلد سحليه أطلعو
هنا شرار أنفجر من الضحك وهو بالعاده بالأسواق يعصب ويتضايق
بس نياف مع بنات عمته غيرو موده كامل ومن يوم نزل وهو يضحك عليهم
لف ضي وهي تمسع صوت ضحكته العالي وتضحك من ضحكته
أنبسطة أنها شافته يضحك عكس أول ماطلعو كان متضايق ومعصب
ريم :تكفون أخخخ يابطني مجنون نياف
سلطانه:ذبحني ذبحني قسم بالله جننهم
مها :الله يوسع صدره اليوم ضحكة حق سنه كامله
ريم:لقى له محتوى والله عطوه على جوه ولعب فيهم
سلطانه:جننهم قسم بالله يتوبون بعد هاذي المره معاد يروحون معه
مها:تدرون ماكنت أتقبلهم أبدا بس بعد اليوم عرفت شخصياتهم بديت أتقبلهم
ضي :والله أنهم عسولات من زمان بس لاانهم ماكانو على جونا وماكانو يجلسون معنا
نياف:يالله مشينا تعبت باقي بتسون السحور
سلطانه:ليش تذكرنا طيب أحنا مبسوطين
نياف:أبيكم تستانسون زياده قلت أذكركم يمكن نسيتو والحين الساعه١٢ ومتى نوصل وحده ٢السحور مو جاهز يويلكم من جدي
ريم:الله يسد نفسك ياشيخ خلنا نستانس الين ندخل المزرعه
نياف :ههههههههههههههههههههههه ماعليكم شرار حلف مايسوي السحور الى هو الله يرضى عليه
شرار:لف وعطاه نظره أمش أمش الله يرضى عليك تبيني أسوي على خشمي أقسم بالله مايسويه غيرك
نياف:ياخي أمزح أشفيك أنت
وصلو عند السياره وقف شرار وهو يشوف سيارت الأسكريم بحنبه وتذكر ضي تموت على أسكريم السيارات كان دايم يجيب لها منه
أركبو بجيكم وصل سيارة الأسكريم وطلب على عددهم أخذها ورجع ركب وهو يوزع عليهم
نياف :الله يبرد عليك حلقي ناشف
شرار:اي بعذره ينشف من مثر الهرج يانياف
نياف :تبيني أسكت غن لنا الين نوصل مانقدر نشغل بس عادي انت موجود تغني لنا
نياف:تكفى ياشرار طلبتك وهاذا برقع رند قدامك
شرار:ضحك بقوه وشرق بالأيسكريم حسبي الله على عدوك ياكلب ونياف يضرب على ضهره صحه صحه شرار يارجال فكني شرك بغيت تذبحني
نياف:يالله تكفى شوشو بليززز
رند:اما صوته حلو شرار
نياف:افففف ماقد سمعتيه بحق والله ان تسمع أم ساره الحين غن عشانها
رند:تكفى شرار تحمست إبي أسمع صوتك
نياف :عطنا حبه بنا بالضمير خيام
شرار:بدا يغني لهم وسط الهدوء والضلام في طريق المزرعه ماكان فيه الانور السياره
(حبه بنى بالضمير خيام -خلو عشيري وخلوني
أبتبعه وفالسلام ختام-لو المخاليق يدروني )
كان يغني بصوت هادي
نياف:يخرب بيتك ياشوشو
كل البنات كانو منصدمين من صوته طلع حلو وكلهم دخلو جو مع صوته وبدو يهوجسون بالطريق على صوت شرار وهو يغني ويعيد الأغنيه سكت ولفو كلهم له تكفى شرار عيدها
ريما:صدمه صوتك مره حلو
رند :قسم بالله صوتك أيجننن وبحتك مره حلو مشالله امانه لاتسكت
مها :تكفى غن شي لخالد عبدالرحمن صوتك مره يشبه له
شرار:تنحنح وبدا يغني لهم
(تلقى حياتي كلها لذة غرام -لذة غرام مهما سهر طرفي
اوجارت ظروفي ..اوعشت انا الحرمان -تلقى حياتي كلها لذة غرام )
سلطانه:يمه صوتك حلو لى هاذي الدرجه وتبخل علينا ماتسمعنا
شرار:مو كل مره بيصادفكم الحظ
نياف:ترى مايغني الا بطلعت روح اذا قدهو مروق ومايروق الا في السنه حسنه المحظوظ سلطان يغني له كل دقيقه يزعجه
رند:اخخخ قسم بالله أيجننن صوتك مرهه غن وحده ثانيه تكفى
شرار :وصلنا بيت جدتس ياام ساره
رند:حتى انت ناوي تغثني
شرار:ضحك ليه ياام ساره ماهو عاجبتس
لفو كلهم بصدمه نياف سكتت خمس دقايق
شرار:الله ياقشر حظ الي تهوجس به
نياف:هههههههههههاااااااييييي ياحمار وش عليك
شرار:ضحك من مقرود الحظ
نياف :هههههههههههههههههههههههههه كل تراب ياحيوان يعني الواحد مايفكر
شرار:ايه ايه يحق لك فكردايم خلك كذا
نياف:ماأعجبتني شخصية الهواجيس
شرار:هههههههههههههههههههههههههههه ياثقل دمك يالله أنزل
نياف :يالله أسمعو قبل تنزلو السوق لاعاد تطرونه الا قبل العيد سمعتو
الكل :ردو عليه يصير خير
نزل شرار المرايه يبي يشوف ضي ماسمع صوتها ومالها حس كلهم يسولفون وهي ساكته طول الطريق أستغرب وعقد حواجبه وشافها تشيل أكياسها نزل وهو مايدري ليش ماكانت تسولف ولامدحت صوته مع البنات تكلم ضي صاحيه ولانايمه وين مالها حس وهو يبي يسمع صوتها يبيها تتكلم
يعرف انها ماكانت معهم وكانت تكفر طول الطريق الدرجه ماسمعت وش قال الين دقتها نها وقالت لها
ضي:اي موجوده
شرار:وراتس مالتس صوت بتس شي
ضي :ها لا مافيني شي
نياف:ياخي هاذي متربيه مليون مره ماتتلكم بدال ماكان لسان طريل وهي صغيره شكله انقص لسانها
ضي :اهههه ضريف يانياف
نياف:ضحك اي اخيرا سمعنا صوتس يابنت علي شكلتس باقي مستحيه
شرار:ضحك وهو يبي نياف ينرفزها يبي صوتها يطلع زياده بس كانت تقول كلمه وتسكت
سلطانه:اففف تغيرت نسحب الكلام سحب منها
ضي :سلطانه ايش دعوه قمتي معهم
سلطانه:أعلمهم على شخصيتس الجديده
ريم:البنت عاقله بس انتو بكم خبلان ماتسكتن
نياف:اففففا ياجده وانتي ماسمعنا صوتس من يوم طلعنا انعديتي من بنت علي
ريم:وش تبيني أتكلم زيك معاد أسكت
شرار:خلاص كل تبن وأنزل باقي وراهم شغل وأشغلتهم
نياف:شاف ريما نزلت يالله ريما سوي لنا كبسة لحم من أيديتس
ريما:أي تحلم تحلم ان شاءالله
نياف:رند ياام ساره نخيتس كبسة لحم
رند:دز مانقصني غيرتس
نياف:سود الله وجيهكم
شرار:هههههههههههههههههههههههههه أنزل انزل الله يخلف على عمي
نزلو وهم يروحون لدكه وشافو سلطان وعمهم علي جالسين جلسه هاديه وسواليف وفجأه يبو الأثنين ذولا خربو روقانهم وجلستهم
شرار:سطسط وحشتني
سلطان:ياقلب سطسط انت
نياف:قرر يجرب حظه سطسط أحبك
سلطانه:كل تبن ياشيخ
شرار:ضحك بصوت عالي وهو يطيح من على المركى اخخخ يانياف
نياف:اهم شي ان فيها شيخ جبرت فيها خاطري بعد التبن ياتبن
شرار:الي معاد قدر يمسك نفسه من الضحك اخخخ ياعمي هاذا مريض ذبحني قسم بالله
العم علي:مسوي خارج منها انت
شرار:والله ياعمي اني هادي وحليل جرب روح معنامشوار وشوف من الهدي ومن السوسه
نياف:ياربي أدخل الجنه على كثر مايظلموني ان شاءالله أني مأجور
سلطان:أي ان شاءالله لوبتحفظ لسانك وتفك الناس شرك
نياف :شف شف وكلهم قلبو علي وشرشبيل مايزعج صرت انا الحين لحالي الي أزعج
سلطان:كلكم مزعجين لكن شرشبيل على قولتك يتعب ويستريح شوي انت مشالله عليك ماتتعب
نياف:انا بروح أقرى قران وأخذ حسنات وأفتكم منكم ومن كلامكم الي يسم
شرار:وهو متكي على المركى ويدخن أحسن قرار أخذته وأنا أخوك وأمسك السجاده الين الفجر
نياف :وأنت ليه ماتقوم هاه ولاتبي الفكه مني ياكلب
شرار:صحك اففففااااا انت ولد عمي ومحزمي في الدهر لاضاق
نياف:أبشر بسعدك أجل بجلس معكم
شرار:يارجال فكنا شرك أنقلع
نياف:والله معاد بتكلم بقراء هنا في الزاويه بس بسمع سوالفكم ياحيوان
العم علي :مشالله وتقولون هادين هاذاكم من يوم جيتو وانتو تهذرون ماسكتو ياأثنين
شرار:انا أحاول أسكته بس هو مايفهم
لعم علي :وأنت تحاول تسكته صرت نفسه
شرار:عض على شفايف وضحك وش نسوي
العم علي :والله كانت جلسه هادي وكل شوي يطربنا السلطي ومستمتع خربتو أبو جوي
نياف:قسم بالله يافاتكم حتى شرار غنا لنا الين رجعنا طول الطريق
العم علي :تكفى غن لنا أنت وسلطان سمعونا دويتو كذا حلو بينكم وبصور
شرار:ياعم أستحي معاد أعرف أتكلم أذا صورت صور من دون تعلمنا
العم علي :بلاي الي في أيدك أصورك بزقارتك عادي
شرار:وش نسوي خلها على ربك
العم علي :يالله أطربونا
سلطان:غن إي شي وأنا بدخل معك
شرار:بدا يغني ويدخل بالمود وهو أحلى فقره عنده أذا غنا مع سلطان (ياجميله قام يطوي الحال طاوي -والله ان كبدي على شوفك غليله )
سلطان :الي دخل معه بالأغنيه الي يحبونه الأثنين ومستحيل اذا أجتمعو وغنو مايغنونها (لوتمورين الشيوخ أهل الفتاوي -عودو مثلي يجرون الطويله)
رد شرار:بصوت ثقيل وهادي (لعنبوك أنتي مكاسر عود جاوي-ملبسك سندس وشرابك سلسبيله)
سلطان:(ياجميله قام يطوي الحال طاوي -والله ان كبدي على شوفك غليله )
شرار:أهخخخ صح صوتك ياسوسو ويلموني فيك وفي صوتك
سلطان:صح بدنك
العم علي:قسم بالله صدمتني ياشرار طلع صوتك حلو مره
شرار:إي بس ماأحب أغني الا اذا روقت
نياف:الحمدالله من المغرب وهو مروق شكل شياطينه راحت
شرار:ضحك أذكر الله علي عشان ماترجع الحاله
نياف :يارب جعلها دايمه
العم علي :طالبك تسمعنا وحده ثانيه من صوتك
شرار:أبشر على خشمي وتنحنح وبدا يغني
(ليت الغرابيل جتني من عدو الي -اما تقاضيت ولا بيتقاضى لي
لكن من واخد ذكره غناة الي -مازلت أحبه وأبا أحبه ولاابالي )
العم علي :صح والله صوتك علي الحرام أنه أحلى صوت قد سمعته ولاقصور فيك ياسلطان ياولد مشالله تبارك الله عندك بحه في صوتك عالميه
شرار:جعلني فداك ياأطلق عم
العم علي :والله ياشرار ماأقوله مجامل لكن صدق صوتك جبار
سلطان:قايله والله صوته حلوبس مايفهم
شرار:ياخي أحب الشعر أكثر أميله أكثر مااحب أغني الا أذا ودي وأنا مروق
العم علي :بسم الله عليك فيها كلها مشالله ربي موفقك فيها الشعر والشيلات
سلطانه :عطنا بيتني قبل يصحى جدي
شرار:ضحك والله لويصحى ويسمعني أغني برمضان يعلقني برقبتي بذي البايكه
سلطان:يارجال جدي أكبر فانز لقصايدك بس أنه يكابر
شرار:ضحك وتنهد براحه وبدا يقول لهم أبيات يحبها ويحس انه وقتها ودايم يقول القصايد على حسب موده
(أحنه من الدنيا وأحبه نقا وأغليه
وهو في الغلا عندي يجي بعد شيباني
واداريه حتى من النسانيس لاتوذيه
واخصه بدعواتي لاصليت ونساني
له عهود قلبي تالي الوقت وماضيه
ماابدل مكانه لويقفي ويجفاني
بعود على العزله واردد قصيدي فيه
وهو لوقسى وقته بيرجع ويلقاني )وسلامتكم
الكل صح والله لسانك
