يسرى: الخطة ماشية مية مية
فايا: بس انا خايفة لاسد يعرف ان انا مش حامل ده عايز ياخدني لدكتورة بكرة عشان تكشف عليا
يسرى: انا هتصرف في الموضوع ده متاخديش في بالك
فايا جريت على الحمام بسرعة و رجعت
يسرى: شكلك اندمجتي في الدور شوية
فايا: دور ايه يا طنط يسرى انا مش عارفة مالي
يسرى: شكل الكدبة هتتقلب جد
فايا: تفتكري
يسرى: و ما افتكرش ليه
فايا: و هنعمل ايه دلوقتي
يسرى: لو طلع جد فده لصالحنا عشان نبقى عاملين الخطة على المظبوط و مش هنخاف من حاجة استني هبعث وحدة من الخدم تجيبلك اختبار حمل
و في ظرف دقايق كان اختبار الحمل في ايد فايا كانت يسرى بتستنى بفارغ الصبر و بتدعي ان فايا تكون حامل بجد خرجت فايا و يسرى جريت ناحيتها و قالت: ها قوليلي سالب و لا موجب
فايا: موجب
يسرى بفرحة حضنت فايا و قالتلها: مبروك يا قلبي
فايا: الله يبارك فيكي يا طنط
يسرى: انتي مش فرحانة و لا ايه
فايا: لا يا طنط فرحانة جدا بس خايفة
يسرى: خايفة من ايه
فايا: خايفة لاسد يكون مش عايز البيبي
يسرى: استحالة اسد كان نفسه يكون اب من زمان من لما اتجوز البومة اللي هنا
فايا: و ماجبوش طفل ليه
يسرى: قال ايه مش عاوزة تبوظ شكل جسمها بالحمل
فايا: انا عايزة اقوم و اديها حتة علقة اخلي ودنها ترن اسبوع
يسرى بضحك: دمك خفيف على طول حتى في المواقف الصعبة
فايا اختفت ضحكتها و قالت: طنط هو ممكن تنامي جنبي شوية
يسرى: طبعا و دي عايزة كلام
حطت فايا دماغها على حجر يسرى اللي بدات تمسح على شعرها بحنية
يسرى: فايا بتعيطي ايه يا حبيبتي
فايا بدموع: مش عارفة يا طنط بس انا عاوزة
يسرى: اللي يريحك يا حبيبتي
بعد شوية دخل اسد و وراه اسامة و هما شايلين اكياس كتيرة بس لقو فايا نايمة
اسد: هي مالها
يسرى: عيطت كتير و بعديها نامت
اسد: ليه في حاجة بتوجعها
يسرى بصتله و قالت: قلبها
اسد سكت و اسامة قال: طب و الحاجات اللي جبتهالها اعمل بيها ايه
يسرى خليها هنا لما تفوق هتلاقيهم
صوت دق على الباب فتح اسامة و قابلته صافي
يسرى: يااا نععععم عايزة ايه
صافي: انا عايزة اسد اتكلم معاه
يسرى: شوفها عايزة ايه
اسد: في ايه يا صافي
صافي بدلع: سايبني لوحدي ليه يا اسد نسيت انك متجوز جديد و لا ايه
اسد: لا منسيتش بس فايا تعبانة و هفضل معاها
صافي: و انا افضل لوحدي يرضيك يعني
يسرى: ابقي شغلي التيليفزيون يا حبيبتي عشان تتوانسي بيه
فايا قامت و قالت و هي بتتثاوب: في ايه كلكم عندي بتعملو ايه
يسرى: مفيش حاجة ارجعي نامي انتي بس
صافي: يعني مش هتيجي يا اسد
اسد: لا يا صافي
فايا: لا و النبي روح معاها عايزة انام لوحدي النهاردة
يسرى بهمس: اكتمي يا هبلة يا عبيطة
فايا: هو انا قولت حاجة
صافي: ماشي يا اسد و مشيت و دخلت اوضتها
اسامة: اهو جيبنالك كل الحاجات اللي قولتي عليها
فايا و هي بتفتح الشنط: شكرا
يسرى: انا رايحة انام لو عايزة حاجة تعالي
اسامة: و انا كمان هروح انام تصبحو على خير
اسامة خد امه و خرجو من الاوضة
فايا و هي بتاكل الهبرغر: مش هتتكل على الله انت كمان و لا مطول شوية
اسد: مسمعتيش لما قولت اني هنام معاكي الليلة دي و لا وقعتي على ودنك و انتي صغيرة
فايا: و بتزعق فيا كده ليه لو عايز تروح عند ست الحسن و الجمال اتفضل الباب يفوت جمل انت مش ملزم تقعد معايا انا اعرف اخد بالي من نفسي كويس اوي مش محتاجة خدمات سيادتك
اسد: انتي عايزة تتخانقي و خلاص
فايا: لا انا بقولك بس و بفكرك كمان ان بكرة اخر يوم في المهلة اللي ادتهالك
اسد: ده انتي بتحلمي
فايا: هنشوف مين اللي بيحلم
عدى اليوم اللي بعده بسرعة و احداثه زي العادة
دخل اسد و فايا لعيادة نسائية و اتكلم شوية مع الممرضة و بعديها قال لفايا: يالا ندخل
فايا: ندخل فين معلش انت مش شايف الزحمة ازاي
اسد: انا اتكلمت مع الممرضة اكيد اسد الصياد و مراته مش هيستنو الناس دي كلها
فايا: ليه هو كان على دماغ اهل اللي خلفونا ريشة احنا هنستنى دورنا زينا زي الناس اللي هنا
اسد: انا مش هستنى عندي اجتماع مهم
فايا قعدت على كرسي و قالت: لو مش عايز انا ممكن اقعد لوحدي
اسد قعد قدامها و هو نفسه يولع فيها
بعد ساعتين و نص من الانتظار اخيرا جا دورهم دخلو على الدكتورة و كشفت عليها
الدكتورة: مبروك يا مدام انتي حامل في الشهر الاول بس البيبي مش ثابت فيمكن يوقع في اي لحظة ممنوع عليكي الحركة الكتير و الاجهاد و لازم تتغذي كويس جدا لانك ضعيفة هكتبلك على شوية فيتامينات تساعدك
اسد:ميرسي يا دكتورة
الدكتور:العفو و الف مبروك
فايا:الله يبارك فيكي
رجعو تاني للقصر و فايا طلعت ترتاح و بعد شوية دخلت على مكتب اسد و قالت: فين ورقتي
اسد: ورقة ايه
فايا: متستعبطش ورقة طلاقي فين احنا مش اتفاهمنا
اسد: انا متفهمتش مع حد طلاق مش هطلق يا فايا لو على موتي مش هطلقك و اخرجي برا عشان عندي شغل لازم اخلص
فايا: ماشي بس خليك فاكرها
طلعت اوضتها استنت لحد ما الكل نام و لحسن حظها اسد نام مع صافي لمت كل هدومها في شنطتها و خرجت من الباب الموجود في المطبخ اللي يودي للجهة الخلفية للقصر لانها عارفة ان مفيش حرس هناك خدت سلم و طلعت شنطتها و زقتها من على السور رجعت السلم مكانه و طلعت على السور بصعوبة و نطت
فايا: يس يس نجحت اهو البيبي في مكانه اومال الدكتورة خوفتني ليه الحمد لله ان غادة سابت مفتاح الشقة معايا طب اروح من اي اتجاه لو روحت اللي على اليمين همشي من ناحية القصر و لو مسكوني اسد هيشلوحني اروح اللي على الشمال و امري لله
فضلت تمشي في عز الظلمة و هي شايلة الشنطة و بتقول: انا مني لله في وحدة عاقلة تهرب الساعة ثلاثة بالليل مفيش لا تاكسي و لا تكتوك و لا اي نيلة اركبها رجلي وجعاني ايه ده دي الجامعة بتاعتي يعني مش فاضل كتير و اوصل
كملت مشي لحد ما وصلت للحارة و قفت قدام العمارة و قالت: حمد و شكر ليك يا رب ااااه يا رجلي
شهقت مرة وحدة و قالت: واد يا عجوة ايه اللي جابك هنا
عجوة: ابلة فايا بتعملي هنا ايه في الوقت ده
فايا: حكاية طويلة ابقى احكيهالك بعدين
عجوة: طب عايزة مني حاجة
فايا: طلعلي الشنطة الهي تنستر
عجوة شال الشنطة و طلعها لشقة فايا و قال: عايزة حاجة تاني
فايا: اااه لو لمحت اي عربيات سودة داخلة الحارة او واقفة تحت بيتي تتصل بيا على طول
عجوة: عيني انا هقعد قدام باب الحارة و أراقبلك الوضع
فايا و هي بتدخل الشقة: جدع يا واد هبقى اراضيك بقرشين يالا بقى تصبح على الخير
عجوة: قصدك صباح الخير دي الساعة 5 و نص الصبح على العموم و انتي من اهله
نزل من العمارة و هي قفلت الشقة و دخلت اوضتها و استسلمت للنوم
VOUS LISEZ
متاهة الحب في عالم الظلال
Mystery / Thrillerفي عالم مليء بالأسرار والخيانة، تتقاطع طرق ابطالنا. صلة غامضة تجمعهما، وماضٍ مظلم يهدد بالكشف. تتشابك الأحداث وتتعقد العلاقات، وسط أجواء من الشك والإثارة. ستكتشف في هذه الرواية الغامضة أن الأحداث ليست كما تبدو على السطح. ستنغمس في عالم المؤامرات وال...
