♥️ رواية " روح " ♥️

البارت السادس عشر ♥️✨

عندما تتمكن من السيطرة علي حياتك وسعادتك ستصبح سعادتك معدية . لايوجد في العالم شئ يجعل المرء يبدو جميلا افضل من ان يشع وجهه بالسعادة ، لن يمكنك ان تدرك مدي تأثير ابتسامة بسيطة او سؤالك كيف حالك علي احد اصدقائك او حتي علي الحياة بأكملها .
ابتسم واظهر للعالم مدي جمالك ، كن مراعيا مشاعر الآخرين من حولك وتذكر تأثيرك عليهم .

قام مالك وهو يحتضن صديقه في ألفة ومودة وحب وهو يهمس اليه: خلي بالك منها يا حازم حاول تسعدها وتحتويها وتفرحها حتي لو بحاجة بسيطة كل يوم ديه بنت طيبة والدنيا جات عليها كتير

ليقوم حازم بالابتعاد عنه وهو ينظر اليها ليجدها تقف مع روح وهي تضحك بعفوية وبراءة ابتسم هو علي اثرها لينظر الي صديقه وهو يهمس اليه : ديه في عنيا يا مالك انت مش عارف صاحبك ولا ايه .. مريم مش بس زوجتي مريم هتبقي صاحبتي وكل حاجة ليا انا اه بحب سارة بس حبي ليها مش هيمنعني اني اخد بالي من مريم سارة هتفضل في قلبي مهما حصل

ليبتسم مالك لصديقه وهو يوجه حديثه للكل : يلا بقي يا جماعة علي ابو طارق نضرب كشري وبعد كده نروح المقطم نقعد شوية عشان نحتفل بالعرسان

ليبتسم الجميع وهم يذهبون الي وسط البلد لكي يقوموا بتناول هذه الوجبة المصرية العريقة ليجلس كل ثنائي بجانب بعضهم البعض والجو كان مشحون بكم هائل من المشاعر الطيبة الجميلة ليأتي النادل : وسع وسع وسع تطلبوا اي ياباشا

ليبتسم اليه مالك وهو يطلب منه الاوردر : بص ياباشا عاوزك تنزلنا كده باطباق كشري مفيش منها اتنين هاتلنا الحجم الكبير هاااه وعيشك وسلطاتك وظبطنا كده يامعلم

ليقوم الرجل بوضع يديه تحت عينيه وهو يقول له : من عينينا يا راجل يا سكرة

ليبتسم الجميع ولكن الفتاتين كانوا سعداء الي الحد الذي لا حد له فكانوا يشعرون بسعادة لم يعاصروا من قبيلها قط ليقترب مالك من هذه التي تجلس بجانبه وابتسامتها الخلابة قد جعلت مشاعره تتحرك ليهمس اليها برقة : مبسوطة يا روح

لتنظر اليه بحنو وتتلاقي عينيها بلون العسل الصافي مع عينيه الرماديتين المغازلتين وهي تهمس برقة وتنطق بدلع : اوي اوي اوي اول مرة افرح في حياتي كده

ليقترب منها اكثر وقلبه قد تزايدت دقاته ليهمس اليها: طيب اي

لتنظر اليه بتعجب وهي مندهشة : اي

ليبتعد عنها مالك وهو ينظر امامه ودقات قلبه تتزايد ليهمس لنفسه : اسكت يابن الكلب فضحتني