♥️ رواية " روح " ♥️

البارت الخامس عشر ♥️✨

قد يكون الصبر أمرا بالغ الصعوبة ، سواء كان مع أشخاص داخل حياتك أو مع شئ كنت ترغب فيه بشدة وانتظرته لوقت طويل ، فالبعض ينتظر لسنوات ربما أكثر قبل أن يحصلوا علي ما يعملون بجد من اجله ، ثق بأن هذه الأمور ستتحقق لك عندما يحين الوقت لذلك ، وأعلم أنك إذا كنت صادقًا فبصبرك ستكون جائزتك أفضل مما تتخيل .
كن صبورا مع من يحيطون بك ومع أحلامك والأهم مع نفسك

وهو قد صبر كثيرا .. قد صبر الي ان نال الصبر منه ما نال وتحطم فؤاده بالاشتياق والعذاب ولكنه يشعر بها تحاوط ذكرياته يراها دائما في منامه وكأنها تناديه وكأنها في مأزق لا يعلم ..حقا لا يعلم كيف يتخلص من هذه الافكار فهو لا ينسي هذا اليوم الذي ارتكب الجريمة التي لن يسامح نفسه عليها قط ..

فلاش بااااااااك ....

كانوا يجلسون اعلي المائدة يتناولون طعامهم ولكن الجو كان مشحون بالغضب والطاقة السلبية ليردف هو بكلماته الحارقة في نفس الموضوع الذي لم تسأم هي من ارتكابه : انا مش قولتلك يا ليان انك ملكيش اي علاقة بمحمد ليه الاقيه بيقولي الف سلامة علي مراتك وعارف ماشاء الله انك سقطتي وعارف ان الطفل الي في بطنك الرئة مكتملتش وعارف تقريبا تفاصيل التفاصيل انتي شكلك بتحني للماضي ولا ايه

لتجيبه هي بانفعال فهي قد سئمت من هذا الموضوع : هو فيه اي يا مالك انا ميت مرة قولتلك انا مكنش فيه حاجة بيني وبين محمد انت مش عاوز تصدق ليه مش فاهمة احنا بقالنا سنة متجوزين وبردوا كل شوية شك شك شك انا زهقت اوي بجد مش اسلوب ده ابدا لو شايف اني ست زبالة اوي كده وبخونك مع صاحبك اتجوزتني ليه

ليجيبها وقد تطاير الغضب من عينيه الرماديتين فهو قد وصل الي الذروة كما يقولون ليصرخ بها بغضب : اما تتكلمي معايا توطي صوتك انتي ساااامعة واه شك شك عشان حضرتك مش محترمة ان ليييكي راجل وعمالة بتكلميه ولا كأنه بنت خالتك عمالة تحكيله كل يوم عن الي بنعيشه في يومنا ده انتي يا شيخة بتكلميه اكتر من حنين صاحبتنا ماااالك كده ما تظبطي ياما ...

لتجيبه الاخري وهي تصرخ بغضب وتنهض منتفضة من جلستها : ااه بكلمه عارف ليه لان حضرتك مش مهتم اساسا تعرف انا عايشة ايه وايه الي انا بعاصره في يومي هو انت اساسا موجود يا مالك انا مبقتش حاسة اننا متجوزين انت ياما في الشغل ياما تيجي تاكل وتنام علي الاقل هو صاحبي من زمان وبيسمعني وقت ما احس اني مضايقة وبيهون عليا مش زيك