සීතල කුසුම් | COLD FLOWERS | BL ✔️

19 කොටස

" Men in purple won the toss and elected to field first "

මැච් එකේ ටොස් එක තුන හමාරට විතර දැම්ම.. අපේ ඉස්කෝලෙයි අනිත් ඉස්කෝලෙයි ලමයි ගොඩක් ඇවිත් හිටියා.. ලහිරු අයියා ටොස් එකෙන් දිනලා ඉස්සෙල්ලම ෆීල්ඩ් කරන්න ගත්තා.. ටොස් එක දාල ටීම් දෙක ග්‍රවුන්ඩ් එකට ගිහින් පාසල් ගීතේ කියලා ෆීල්ඩ් කරන්න ගියා.. මායි ෆරුකයයි ෆස්ට් ඒඩ් බඩු ඇරන් අපේ ඉස්කෝලේ හට් එකට ගිහින් ඉදගෙන මැච් එක බැලුවා.. අපි හිතුවේ මේ වැඩේ මහලොකු දෙයක් නැති වෙයි ආතල් එකේ ඉදගෙන මැච් එක බලන්න පුලුවන් වෙයි කියලා.. රෙද්ද තමා පැය කාලෙන් කාලට එකා එකා එනවා කකුලවල් ඇද කරන් අමාසෙ බඩවැල් අඹරන් උගුරේ බෝලේ හිර කරන්.. හයියෝ උන්ගේ ලෙඩ වලට බෙහෙත් දුන්නම මැච් බලන්න වෙන්නෑ.. අපේ අය ෆීල්ඩින් එලටම කරා.. ඕවර්ස් පනහා ඉවර වෙනකොට හත හමාර උනා.. අපේ අය අනිත් ටීම් එක ඕලවුට් කරලා තිබ්බා ලකුනු 299ට ටාගට් එක උනේ 300 ගේමක් තියෙනවා නැතුව නෙවේ බෝල 300 ලකුණු 300 හුම්ම්.. අයාන් මල්ලි දාඩියත් පිහ දදා ඇවිත් මගේ එහා පැත්තෙන් ඉදගත්තා.. මන් නම් පැත්ත බැලුවේ නෑ.. මට තේරුණා උ මාත් එක්ක කතා කරන්න හැදුවේ කියලා ඒත් මම ලහිරු අයියා එක්ක කයියක් දාන් හිටියා.  මට ඕනේ නෑ ඕකාගේ පච අහන්න.. රෙද්ද..

" අයියේ එලටම ප්ලේ කරා හොදේ "

" ඔව් උබ ගත්ත විකට් ටික මරු "

මායි ෆරුකයයි ලහිරු අයියට කිව්වම ඌ හිනා වෙලා රෙඩ් බුල් එක්ක කටේ ගහගත්තා.. අනිත් එවුන් ටිකත් පොඩි පොඩි දේවල් ටිකක් කාල පැය බාගයක් රෙස්ට් කරලා ආයෙ සෙකන්ඩ් ඉනින්ග්ස් වලට ග්‍රවුන්ඩ් එකට ගියා.. ඕපන් කරේ ලහිරු අයියයි පොඩි කැ#යයි.. පොඩි කැ#යත් එල ප්ලේයර් කෙනෙක්ද කොහෙද... ඕවර්ස් පහක් හොදට ප්ලේ කරන් ආව.. පොඩි කැ#යා රනවුට් උනා.. ඊට පස්සෙ ගියේ අයාන් මල්ලි.. ඌ යකා වගේ හතර අතේට හයේ එව්වයි හතරේ එව්වයි ගැහුවා.. වයින් වෙලා වගේ.. ලහිරු අයියට කරන දෙයක් තිබ්බෙ නෑ ඌට තිබ්බෙ විකට් එක යවාගන්නෙ නැතුව ඉන්න.. අයාන් මල්ලි බෝල 23ට 50 ගැහුවා.. වාහ් සුපිරියක් තමා.. එතකොට ඕවර්ස් අටට අපේ අය ලකුණු හැටපහක් ගහලා හිටියේ.. හැමදේම සේප් එකේ ගියා..