وتِيرة النكبَاء "7:7 "

part 7

السلام عليكُِم
بقلمي : مياسين الكِوخي

أول مره أحس بروحي مو صياد
شفت عيونك وسلاحي تيهته•

الماِق:-

:- كمت بخوف ارجفَ لكيت رأحِيل واكفه تباوع على بابة ووجه نوعًا ما اصفر صحت بصوت شكو شصاير ؟؟

:- اني الغرفة كم مرَه حذرت محد يدخللها منو دخل للغرفة؟؟؟

:- ياغرفة بابه ؟ وعلى شنو دتحجي فهموني! .

:- غرفه الخلفني ركع البلازما وشال الطبله وركعها .

:- يارجال فهمنا شصايَر لا تأخذنا بصوتك .

:-بنت **** ياكو** داخل للغرفةة نقص ملفات بالغرفة احركُم أليوم اذا ماطلعن الملفات .

:- وجهي صار اصفر رحت يم رأحِيل وهمست منو ناخذ الملفات تتوقعين؟

:- شمدريني نارهم تاكل حطبهم وشدعوا هيجي الملفات مهمات .

:- متشوفي متعصب اكيد مهمات اليوم يسمطنا ويسوينه فول مصري .

:- حصرتني الضحكة باوعلي بابة وعاط .

:- عليمن تتبسبسن بنات النع** وتتمضحكن .

:- ماكو شيء يابة بس اتذكرت شغلة .

أدهم خزرناا وكال .

:- يابة يجوز منطي الملفات الشخص وناسي شو المفتاح يمك ومحد يتجرأ يدخل للغرفة .

:- هين هين اني اعرف من وراها اله اذبحة هيه الغرفه بيها كامرات رايح اعيدهن .

:- رأحِيل امشي نصعد نبدل ونطلع نشتغل احسن من ماكاعدين .

صعدت رأحِيل وكالت الماق انتظريني ابدل هزيت راسي وكفت ودخلت قفل الباب .

:- رأحِيل دخلت للغرفة واني متوترة افكر شسوي جريت التلفون واتصلت على مُلهم ضِل يرن ..

:- نعم لازم شتاقيتيلي اني هم اشتاقتيلج .

:- اسكت اسكت بابه عرف بالسالفة .

:- اي همزين هوَ اني اريده يدري .

:- لك اني اخذت الملفات يعني راح توكع براسي .

:- يا شكد بواكة شلون هيجي تخونين ابوج وتبوكين ملفاته .

:- لك مُلهممممممم لاتخبلني اكو كامرات بغرفتة .

:- يضحك عليج يامضحكة يلا باي امي ماتقبل احجي ويا بواكة وضل يضحك وسد التلفون .

:- اعصابي تلفت وهوَ باردَ ويستفز هين هين يامُلهم .

:- رحت بدلت فستان أسود على روح مُلهم بيّ خيوط من الجانبين الخصر عدلت الفستان ولبست كعب ابيض ورفعت شعري عالي خليت حُمره لشفايفي وعدلت حواجبي ورشيت عطِر وطلعت فتحت الباب تلكتني الماِق .