حبك تجول فقلبي

10

سارو البنات بيت بو منصور يلست روضه تعرف مهره علي البيت و سارو يلسو فغرفة روضه
روضه : اتريو بسير ايب سناك
عليا : لا طولين
نزلت روضه و هي نازله جافت مكتوم و هزاع و حمدان يالسين فالصاله و يلعبون سوني و علي حضها كانت حاطه الشيله علي راسها اول ما جافت حمدان عدلت الشيله
روضه : اخيج انتو فكل مكان ناشبيلنا
هزاع : جب ترا هذا بيت ابويه
روضه : انزين لا تصيح  بيت ابوك عرفنا
مكتوم : رواضي عادي اتيبيلي ببسي و جبس
روضه : لا
مكتوم : ياخي بلاج
روضه : عسب مره ثانيه ما تضربني و هذاك الحيوان يمسكني عورتوني ترا
مكتوم : ياخي روضو بلاج اللي فات مات
روضه : لا ما فات
حمدان يالس مصدوم كيف جي ميانه و هو ولد عمتها بس
مكتوم: ياخي رويض بلاج
روضه : بشرط
مكتوم : شو بعد
روضه : اتوديني الكوفي
مكتوم : اخيج ترا الا هو ببسي و جبس بلاج انتي مستويه جي زعوله
روضه : تبا و لاء بسرعه
مجتوم : انزين بوديج بس ايبيلي الحين انتي
روضه : انزين اتريا
سارت روضه المطبخ اطلع اسناكات انرد الصاله عند. قم هزاع شوي الا علي يزقر مكتوم وهزاع عسبت ينزلون الاغراض فتم حمدان يالس يجوف تلفونه شوي وطلعت روضه و سارت عند حمدان حطت الببسي و الجبس
حمدان كان يطالعها و هو ساكت : انزين ما شي سلام
روضه بدون نفس : و منو. انت عسبت اسلم عليك
حمدان : ولد عمج
روضه : و اذا يعني
حمدان : ليكون انتي كارهتني عسبت هذاك اليوم
روضه : هي كارهتنك ارتحت
حمدان : لا مارتحت
روضه : انزين خلاص ليش يالس اترمسني
حمدان : عادي ما فيها شي و لد عم يرمس بنت عمه
روضه : انزين خلصت
حمدان : لاء
روضه : شو تبا
‏حمدان : ابا اعرف ليش مادانيني
روضه : الحمدلله مافيك قبول مول
حمدان: مع الايام بنجوف لو فيه قبول و لا لاء
روضه : اقولك مع نفسك و سارت فوق و هي متنرفزه منه و من بروده سارت و دشت الغرفه
عليا : مب سناك ضبيحه و الله
روضه : اف مهاري اخوج ما ينبلع
مهرا و هي تضحك : ماعليه ترا بتحبينه مع الايام هو شويه بارد بزياده
عليا : روضه خسي اتحبه
مهره : ليش
روضه عطت عليا نضره انها تسكت و لا كن ما بليد حيله عليا يوم حلجها ينفتح ما يتبند
عليا : و قالتلها كل القصه
مهره : بدايت الحب ضرابه صح و لا انا غلطانه
عليا : لا صح كلامج
روضه : ايو انتو هاسالفه ما تضهر من الغرفه سامعين و الله يا عليو ان عرفت ان حد عرف عن السالفه ما تلو مين الا نفسج سامعه
عليا : بلاج ما بخبر حد
روضه : هي عبالي
عليا : متخيلين ان خلاص بندش الجامعه
روضه : الله و ناسه افتكينا من المدرسه
عليا : صح تعالي مهاري قدمتي علي الجامعه
مهره : هي بس فالعين
روضه : ويه عباله لازم اتسيرين العين تسحبين ملفج و تنقلين ملفج هني و الله عباله
مهره : اووووف هي و الله سالفه شو اسوي
عليا : ما يبالها تفكير باجر ولا و را باجر خلي حمدان يوديج العين اتخلصين امورج و تردين
مهره : صح والله باجر بسير بعدين لازم اتريا لين ما يقبولين اخاف سنه كامله اتسير عني
روضه : هي سيري و تعالي
مهره : انزين شو رايكم اتون ويايه
عليا : الصراحه انا ما اقدر اي باجر بسير بيت خالتي
مهره : و انتي روضه تعالي ويايه ياخي مللل طول ادرب ايلس بروحي و اجابل ويه البعير
روضه : برمس ابويه و بردلج خبر
مهره : يالله يارب يوافق
روضه : و لا شو رايج انتي اترمسنه ما بيقولج لاء صدقيني
مهره : انزين اول شي بسير ارمس حمدان
عليا : يلا اتصلي فيه الحين
مهره : تمام
عليا : حطي اسبيكر
روضه : مب عليا اذا ما تلقفت
الكول :
حمدان : خير
مهره: عادي باجر اتوديني العين
حمدان : مسرع ما مليتي
مهره : لا وين امل
حمدان : عيل
مهره : و قالتله عن الموضوع
حمدان : الساعه كم
مهره: الوكت اللي تباه
حمدان : نطلع العصر
مهره: ما عندي مشكله
حمدان : عيل تمام
مهره : دقيقه حمدون
حمدان : ها
مهره : انا و روضه بني
حمدان: ليش سايرين عرس
هني روضه حز بخاطره جان اتساسر مهره : لا ما بي قوليله ما بتي
مهره بصوت اعلي : ليش ترا عادي يتمصخر
حمدان : لا ما اتمصخر
روضه : لا ما.ابا اي بسير اساعد امي و نشت روضه طلعت برع الغرفه
مهره : حمدان ياخي ما تقدر اتزخ لسانك اشوي
حمدان : ليكون زعلت
مهره : هي
حمدان : انزين شو عرفني ان انتي حاطه سبيكر
مهره : استغفر الله الحين طول الدرب اجابل و يهك الخايس
حمدان : بلاه ويهي و الله اني مزيون
مهره : كل تبن بس و صكرت في ويه

يتبععععع ............