حبك تجول فقلبي

25

روضه الي كانت واعيه ما قدرت اتكمل تسمع  نشت فتحت تلفونها و وقفت غصب عسب  تمشي
حمدان الي كان خايف عليها : روضه وين سايره
روضه : خوز عني شو تبا
حمدان : ارمسج روضه وين سايره!!
روضه بعصبيه : اقولك خوز اخوي بي ياخذني
حمدان : روضه اتري انزين
روضه  : شو تبا انت الحين
حمدان : روضه اخوانج كلهم دوامات شو تبين انا بيبلج
روضه و دموعها تنزل : ما اباك خوز عندي
حمدان حزت بخاطره الكلمه : انزين اتري
روضه. : اقولك خوز انت مب قايل اني ما اهمك خلاص هدني الحين خلاص
حمدان سحبها لين السياره و ركبها و سكر الباب
معلومه : ان هي طلعت و سارت  عند الباركنات لان  الكوفي و السياره سيده جدام الباركنات
روضه : افتح الباب ابا اطلع
حمدان : هدي
روضه : اقولك افتح الباب ما ابا اتم عندك
حمدان : يوم بتهدين بعدين برمسج و حرك السياره
روضه يالسه اتصارخ و اتصيح  : اقولك ما ابا اركب وياك انت شو تبا مني خلاص مب انت الي ما تباني  عسب حصه خلاص شو تبا هدني فحالي
حمدان و قف على صوب و لف عليها : روضه بتسمعيني ولاء
روضه بصراخ متروس قهرر : لا انا يالسه اترياك طول هالاشهر فنهايه اتي و اتقول انتي منو انا منو الحين انا يا حم
حمدان قاطعها: مجبور
روضه : شو مجبور انك اتعور قلبي عليك و فنهايه انت ما تحبني شو ابا فيك خلاص هدني بروح
حمدان : انا ما برمس لين ما تهدين
روضه : و منو قالك بهدا ها منووو اتساندت على السيت و حطت ايدها على ويها و دموعها تنزل و يلست تشاهق  و شوي شوي شهقاتها يالس تخف لين ما اصوت راح
حمدان : عادي ارمس الحين
روضه :
حمدان : عطيني فرصه اشرح كل شي
روضه :
حمدان : روضه روضه
حمدان فج الحزام و قرب من عندها و جافهها  مغمي عليها نزل بسرعه من السياره و سار صو بها و فتح الباب و طاحت عليه سيده
حمدان بخوف يالس يضرب ويها شوي شوي عشان اتنش : روضه روضه نشي
روضه طايحه
حمدان : روضه يابعد قلبي نشي سار وياب دبت ماي من الدبه و شوي شوي يلس يرش على و يها لين ما فجت عينها و جافت انها طايحه عليه نشت بسرعه
روضه دزته : خوز
حمدان : روضه.انتي بخير
روضه : 
حمدان  : عادي ارمس
روضه.:
حمدان : انزين عطيني فرصه
روضه و هي ترمس بزور : شو بتقول
حمدان : انزين جوفيني
روضه : اخاف احطي عيني فعينك و اجوف اشيا ما ابا اجوفها ما اقدر اتخيل احط عيني فعينك متخيل انت
حمدان : روضه لا تعبين عمرج بروحج انتي تعبانه
روضه : تعرف انك انت الي متعبني قلت بي و بيخف عني التعب بس ما توقعت ان انت الي بتزيد التعب زياده
حمدان : انتي ما عطيتيني فرصه ابرر
روضه :
حمدان : ترا انا ما نسيتج و لا بنساج
لفت عليه روضه بصدمه : عيل ليش جي سوت فيه
حمدان يلس يقولها القصه كامله
روضه و هي تمسح دموعها  : و الله اني احبك من اول ما جفتك حمدان تعرف كيف تعبت ليش ما قتلي من زمان والله اشتقتلك وايد ليش هديتني جي تعبت وايد وايد
نزل حمدان لمستواها و مسح دموعها : حبيبتي انتي ما قدرت والله الضروف حدتني 
روضه : اوعدني انك ما بتهدني لو شو مايستوي
حمدان : وعد وعد  بس انتي بعد اوعديني
روضه : امر عليا شو
حمدان : اتردين شرات قبل و احسن ابا اجوف روضتي الكشوخه الحلوه الي طول الوقت الابتسامه على ويها
روضه بأبتسامه متروسه وناسه  : وعد
حمدان : انزين انروح الحين
روضه هزت راسها و سار حمدان و ركب السياره لف عليها و جاف ابتسامتها الي ما جافها من زمان
حمدان : يعلني افدا هالبتسامه
روضه لفت عليه و دموع الوناسه في عينها : تفداك الابتسامه و راعيت الابتسامه
حمدان : فديتهمن رواضي حبيبي لازم محد يعرف شي
روضه : ان شاء الله
حمدان : و لا شي و انا بيلس اطنشج جدام الكل و لا كنا بينا شي اوكيه اتحمليني عشاني حبيبي اوكيه
روضه : اتحمل كل شي عشانك
حمدان : هي و حصه حتى
روضه : ما عليه بصبر
حمدان : اوعدج بعد ها كله ان شاء الله بي سيده عند ابوج اباج  اتكونين حلالي
روضه لفت على الجامه مستحيه حرك حمدان بيسير عندهم لان مهره و عليا في المول و طول الوقت قلب روضه فراشات و صلو المول نزلت روضه ويا حمدان و سارو عند مهره و عليا و هم مستغربين من روضه من الوناسه الي ماليه ويها
عليا : روضه فيج شي
روضه : لاء
حضنتها عليا : من زمان ما جفتج مستانسه شو الي خلاج تستانسين فجأه
روضه. : شوفتج
عليا : يالجذوب اربع و عشرين ساعه جدامج ما ابتسمتي جي شو غيرج
مهره : الي عرفت كل شي هدوها ما بغينا انجوفها جي مستانسه سارو ركبو السياره
حمدان طول الدرب يطالع روضه و روضه مستحيه منه و حاط اغاني حب و عايش الجو
مهره : عيل بدايت الطلعه مكتأب و الحين حب حبيبي شو استوا فجأه
حمدان : ولا شي والله
مهره تغمزله : متأكد
حمدان يردلها الغمزه  : هي