حبك تجول فقلبي

29

مهره ترمس بزور : جفتو روضه
الكل كان لاف عليها هي و عليا و مستغربين بلاهم خايفين
زايد : مهره ابويه شو مستوي بلاج
مهره : عمي روضه ماندري وينها
علي : كيف يعني ما تدرون وينها
مهره : كانت سايره اتيب ملفها و اختفت لفينا الجامعه كلها و ما خلينا حد ماسألنا و مالقيناها و تلفونها يرن بس ماترد
زايد : و ين بتسير يعني ياهل هي يمكن سارت و يا ربيعاتها بس نست اتخبركم
عليا : روضه ما عندها ربيعات فالجامعه نحن الي ويها دوم
امنه بخوف : بسم الله بنتي وين سارت يعني
اليده : هدي وين بتكون يعني
امنه : قلبي ناغزني يقول بنتي فيها شي دوروها
علي : هدي يا حرمه بنلقاها وين بتسير يعنى تراها حرمه عوده مب ياهل اتضيع

انسير عند محمد و سعيد و صلو المخزن و كان المكان كتمه و ضلام و مافيه حد شلو روضه و حطوها على الكرسي و ربطو ايدها و ريلها يتريونها اتنش بس كان المنوم قوي
محمد : سعيد ليكون ماتت البنيه
سعيد : لا راقده
محمد : متأكد
سعيد : من متى المنوم يجتل
محمد : لين متى بنترياها اتنش يعني
سعيد : اتريا ما بتخسر شي

انرد عند الاهل علي طلع و زايد سارو يدورون عليها اتصل علي في هزاع
الكول
هزاع : هلا الوالد امر شو بغيت
علي : هزاع اسمعني انت وين
هزاع : فالدوام
علي : اسمع عيل روضه مب موجوده مختفيه من الساعه 10 الصبح
هزاع : وين بتسير يعني
علي : مادري بس ما خلينا مكان مادورناها انا و عمك والبنات
هزاع : ما عليه ابويه ببلغ الدوريه يدورونها لا تحاتي الامور بتكون بخير
علي : خلاص اذا لقو شي سيده خبروني امك خايف و يدتك بعد يلا فمان الله و صكر
هزاع صكر و اتوتر لان ما يعرف الحين شو يسوي حمدان لاحض عليه الخوف ،
حمدان : بلاك
هزاع زخ راسه : روضه مب موجوده ما دري وينها ابوي يقول دوروها كل مكان
حمدان بخوف بس ما بين عليه : لا تحاتي انا الحين ببلغ الدوريه لا تحاتي
هزاع : ترا هذا الي كنت بسويه بس
حمدان قاطعه : ريح انا بتصرف
هزاع : تمام
حمدان : لا تحاتي الموضوع عندي
سار حمدان وزع الدوريات يدورونها و طرش محقق يروح الجامعه يدورون علي اي اثر لان اخر مكان كانت فيه الجامعه ، اذن العشا و لين الحين محد لقى اي اثر و الكل متوتر و خايف عليها قرر حمدان يطلع و يسير الجامعه و يلسو يدورون طلع حمدان و شغل تتبع التلفون ويلس يمشي لين لقا تلفونها طايح على الارض شلاه و جاف الاتصات و كان هو اخر شخص رمسها و يلس يتلوم علي نفسه انه ليش زعلها و صكر التلفون

انرد عند روضه الي نشت و هي دايخه
روضه : انا وين
محمد : هلا روضه
روضه وهي اتحس بدوخه : انت منو
محمد : افا ما عرفتيني
روضه : هدوني شو تبون مني
سعيد : نبا نذبحج انتي و اهلج
روضه ما قدرت اتكمل و رد اغمى عليها لان المنوم كان وايد قوي
محمد ياب طش ماي و رشه عويها
روضه من برودة الماي نشت : اه ه ه ه ه ه
سعيد : ما بغيتي اتنشين
روضه ترمس بصعوبه : شو تبا مني
محمد : نبا نحرق قلب اهلج
روضه خافت : هدوني
محمد : اسكتي بس
روضه : هدني والله مابخبر حد
ياي محمد عطاها كف من قوته طاحت هي و الكرسي روضه يلست اتصيح من قوت الكف
روضه و هي اتصيح انا شو سويتلكم
محمد بصراخ انا ما قتلج لا ترمسين
سكتت روضه و يلست اتصيح بدون صوت
سعيد يرمس فالتلفون
الكول :
سعيد : جوني يبتلك البضاعه اليديده و حلوه و نضيفه تبا اتجوفها
جوني : طبعا بدي شوفها
سعيد : خلاص تعال باجر و جوف السعر مليون و اميت الف
جوني : خلاص ما في مشكله بكرا انا بجي و بجوف البضاعه اذا عجبتني راح حولك المبلغ كامل
سعيد بأبتسامه مستفزه: تمام نترياك
جوني : خلاص موعدنا بكره و صكر
روضه الي سمعت كل شي يلست اتصيح : انتو شو بتسون فيه
سعيد ياي قريب من عندها : كل شي فوكته حلو يا حلوه اتري لا تستعيلين
روضه ضربته براسها : خوز عني الله يقرفك خايس نيس واحد
محمد ياي و جاف الي استوا زخاها من عباتها بصوت عالي : انتي ما تفهمين اسكتي و عطاها كف اقو عن الي قبل من قوته خشمها نزف
روضه يلست اتصيح بحرقت قلب ما تعرف شو بيستويلها كانت خايف و تصيح من العوار
انرد عند الشرطه كانو يالسين و يحاولون يعرفون اي معلومه من سجلات الكيمره بس للأسف المكان الي سارته ما كان فيه كيمره و هم ايجوفون
حمدان : اخوي تقدر اتكبر علي ويه الريال
الريال : هي
زوم و جاف الريال صوره بتلفونه يحس ان جايف هالويه من قبل بس ما يعرف سار المركز يلس يفكر فالريال و فصوره