حبك تجول فقلبي

23

اليوم  بعد الظهر الكل كان متيمع في بيت اليده فرحانين لان حمدان رد بالسلامه و حمدان كان يالس يذكر واحد واحد هو ماكان ناسيه لا ما كان يذكرهم المهم اليده مستانسه على سلامة حفيدها و ازعاج و الي يسولفون والي يضحكون و مع هذا كله  كان سيف مشتاق حق حمده و نضراته ما خازت عنه شوي جان اتي روضه 
اليده : روضه تعالي عندي وينج
الكل لف يجوفها لان هي وايد متغيره من بعد سفرة حمدان
روضه سارت ويلست مجابل حمدان و كانت اطالعه بنضرات كلها حب و شوق و حمدان ياحاول يتجاهل نضراتها 
طلع حمدان من الصاله كان يبا يرمس ربيعه جافته روضه وركضة وراه كانت ادور لحضه يكون فيها بروحه
روضه وهي تركض : حمدان حمدان
حمدان لف :
روضه : حمدان شو فيك 
حمدان : انتي منو من البارحه لاحقتني شو تبين
روضه : حمدان : انا روضه روضه
حمدان : اوك شو اسوي
روضه : حمدان
حمدان و هو منفس  : نعم
روضه :
حمدان : خلصيني شو تبين
روضه بغصه : سلامتك
سار حمدان و هو حتى مب مهتملها مول و روضه داخلها شي يحترق دشت داخل و سارت عند مهره يلست
مهره تساسرها : بلاج
روضه و الدموع فعينها : رمسته
مهره : و شو قالج
روضه بزور ترمس : يرمسني جنا مب مهتملي او بزور تطلع الكلم منه
مهره : روضه حبيبتي لازم تتقبلين هالوضع لانه هو مب مذكرج لو مذكرج احلفلج ان انتي اول وحده بي عندج و بيطمنج و بيرمسج
روضه :

تسريع الاحداث مر اسبوع و حمدان مب معبر روضه و رد يرمس حصه بس هو كان ناسيها ما كان يعرف منو حصه بس حصه استغلت هشي وردت رمسته و حمدان حبها و روضه قلبها يحترق لان حمدان نساها و مايعبرها و كل ما تحاول اترمسه يطنشها 

فليل الكل كان راقد بس روضه و مهره كانو في الصاله الي فوق في بيت اليده كانو يالسين يشوفون فلم ياي حمدان و كان يرمس في التلفون و صوته كان مسموع
الكول :
حمدان  اوكي حبيبتي انتي
حصه : متى بترد اترمسني
حمدان : اول ما انش
حصه : اوكيه مب اترمس الضب الي عندك
حمدان : منو قصدج
حصه : روضه
حمدان : شو ابا فيها انتي اتكفين
حصه : حبيبي والله
و سكر و روضه سمعت كل شي لانه كان جدامها و هي تسمع دموعها تنزل جنها شلال
مهره بعصبيه : حمدان كنت اترمس منو
حمدان : و انتي شو يخصج
مهره : ليكون حصه
حمدان : مهره ما يخصج
روضه : ساكته و دموعها تنزل
مهره : حمدان هاي الي اترمسها حصه الي قبل كانت تستغلك حمدان اصحا
حمدان بعصبيه : مهره انتي مايخصج سمعتي
مهره : لا يخصني المسكينه الي عندي تتريا منك بس سلام بس انت و لا هامنك
حمدان : و انا شو يخصني تتريا مني الي تبا انا احب حصه احبها افهمي
روضه تسمع و قلبها يالس يحترق
مهره : حمدان انت قبل ما يستويلك الحادث كنت اتحب روضه شو الي استوا لا تقص عليك هاي
حمدان : انا ما ادري عن شو ترمسين و حتى لو كنت احبها هذا قبل افهمييي
روضه : حمدان يلست اترياك اشهر اخر شي تنساني بلسهوله
حمدان : و شو كان بينا ما كان في شي و لو كان فيه خلاص انسيه لاني احب حصه

و سار غرفته انسدح علي الشبريه و يلس يتلوم لانه مشتاقلها بس حمدان مسوي عمره فاقد الذاكره عسب ابوه ما يأذي روضه و هو يبا ينتقم من ابوه و حصه لانه يعرف ان ابوه الي مطرش حصه سار عند التسريحه و يلس يرمس عمره جان يجوف على طرف التسريحه ورقه ياله الفضول ان يقراها و قرا القصيده  الي كانت كاتبتله روضه قبل الحادث  فيه و كان مكتوب من روضه كان يبا يطلع و يقوللها انه ما نسها وان يذكرها و ان متلوم على الي سواه بس كان يهتم لسلامتها و يلس يفكر فيها لين ما رقد

اليوم الثاني نشت مهره و سارت عند حمدان
مهره : حمدان قوم ودني المول
حمدان : تعبان يوم ثاني
مهره : حمدان بليييز
حمدان : نزين اتريوني الحين بي
مهره : احبك
حمدان : اطلعي
مهره : انزين لا تصيح مب ويه كلام حلو والله
شوي جان ينزل و يجوف مهره
حمدان : يلا مهاري
سارو و ركبو السياره مهره و عليا لف حمدان يجوف منو ورا
حمدان : روضه مابتي
مهره : لا ماتبا
حمدان : مب عكيفها سيري ازقريها
عليا : انا بسير ازقرها و نزلت
مهره بستغراب: حمدان انت فيك شي
حمدان : لاء
مهره : البارحه ماكنت تباها و الحين تباها اتي شو سالفتك ترا انا شاكه فيك
حمدان : مهره سكري الموضوع
مهره : حمدان بتقولي ولا
حمدان : انزين لا تحنين
مهره : يلا خبرني
حمدان : الله يسلمج انا مب ناسي حد بس انا اتضاهر اني كنت فاقد الذاكره عسبت ابوج ما يأذي حد
مهره : شو قصدك
حمدان. : اوووف ابوج الي طاعنني
مهره بصدمه : مستحيل
حمدان : والله هذا الصدق انا ما انسى عينه نضرته الي كانت متروسه حقد و كره كل موجهنه لي
مهره : و ليش ما تخبر الشرطه
حمدان : لان ما عندي دليل
مهره : انزين كمل
حمدان : هذاك اليوم  انا كنت فالبلاد صح اني كنت فالغيبوبه بس ترا اسمع كل شي و هو كان يقول ان بيدمر حياتي و حياة اقرب الناس لي و انا خايف على روضه لان هو يعرف اني احبها
مهره : شو بتسوي يعني الحين
حمدان : بسوي الي يباه بزوج حصه و بطلقها نفس اليوم
مهره : لا حمدان لاتفكر حتى و الله ارحم روضه لا ليلها ليل ولا نهارها نهار كله منك
حمدان : والله اني اموت عهواها بس شو اسوي كل هذا عسبت سلامتكم كلكم مب بس هي
مهره : لا حمدان يا تخبرها يا ما تاخذ النيسه حصه
حمدان : عرفتي ليش ما كنت ابا اخبرج
مهره : حمدان فكر مليون مره قبل ما تسوي اي شي
مهره : بس يعنى انت مانسيتها
حمدان :لا اقولج مشتاقلها ودي اروح الحين اصارحها بكل شي بس ما اقدر عسب جي كل اتجاهلها
مهره : اوفففف تعبت من ابوك ليش ماتشتكي عليه
حمدان : اتري عليه جوفي شو بيستوي
شوي جان تتصل عليا في مهره
الكول :
عليا : مهاري اتقول ماتبا اتي
مهره : ليش
عليا : اتقول مالها بارض تتطلع
حمدان يساسرها : خلها اتي اقنعيها دخيلج
مهره : حطي اسبيكر رواضي يلا من اول ما رديت ماطلعنا ويا بعض مشتاقتلج
عليا : يلا روضه
روضه بتعب  : مهاري حبيبي والله تعبانه
مهره : بترديني يعني
روضه : بتسيرون ويا منو
عليا. : حمدان
روضه : لا مابي
مهره : روضه يلا دخيلج
روضه : خلاص اوكيه و سكرت
مهره : جفت كيف البنت حتى شوفتك ماتباها
حمدان : شو اسوي انزين
مهره : الله يكون في عونك