حبك تجول فقلبي

14

فالسيار اتصل هزاع
هزاع : اقولج رواضي
روضه : عيون رواضي قول
هزاع : وين جرج الآب
روضه : مادري
مكتوم كان يالس عند هزاع
مكتوم يقول حق حمدان : هاي رويض
هزاع : هي
مكتوم : عطني شوي برمس الحماره
هزاع : خذ
روضه : ترا سمعتك
مكتوم : وين كرامتج
روضه : موجوده ليش
مكتوم : سايره مع حمدان الي قالج لا تين
روضه : ترا انت الي قنعت ابويه
مكتوم : اوه ونسيت انزين تعالي بسرعه و رانا جولة سوني و ابا اكسر راسج
روضه : وليش يا حبيبي العب و يا هزاع
مجكوم : ياخي اخوج ما يعرف يلعب
روض : ما يعرف يلعب و لا انت الي كله تخسر
مكتوم : خلاص يلا تعالي و عندي سالفه ابا حلوولج
روضه : اوك
مكتوم : يلا باي
روضه : باي و سكرت
حمدان : روضه عندي سوال
روضه : اسأل
حمدان : هل علاقتج انتي و مكتوم وراها شي
روضه : كيف يعني
حمدان : يعني اتحبينه و يحبج مب معقوله انتو جي قراب من بعض و ما تحبون بعض
روضه : مب شرط ان نحب بعض
حمدان : بعد صح يلا انزلي
روضه : اوك بس بعدل شيلتي و بي
حمدان فر عليها المفتاح : اوك اقفلي السياره وراج
روضه اوك
دش حمدان الكوفي روضه يلست اتلف شيلتها و حطتلها شوي قلوز و نزلت دشت روضه الكوفي و كان زحمه و دور حمدان و هي متوتره لان نص الكوفي شباب شوي جان اي عندها واحد
الريال :ادورين شي يالمزيونه
روضه :
الريال : انزين ردي يمكن نقدر انساعدج
روضه : شو تبا انت الحين
الريال : رقمج
روضه : سيري اقول الله يستر عليكم
الريال : ليش الحلوه زعلانه علني افداج
روضه يت بتمشي وي الريال يزخ ايدها
روضه لفت عليه و كاتمه الصيحه و بصوت عالي : هدني
هد ايدها و كل الكوفي لف عليها و حمدان شمع الصوت بس ما انتبه انها هي
روضه بصوت عالي و فيها صيحه : ليش ادقني هاااا ليش ما تحترم عمرك نيس خايس
هني اول ما سمع حمدان صوتها عالطول ركض عندها
حمدان بعصبيه : شو مستوي
روضه ما سكه الصيحه
حمدان بعصبيه : على اي اساس اتزخ ايدها هااا
الريال : اسموحه اتحسبتها اختي
حمدان زخها من ايدها و مطاها برع و سارو السياره
حمدان : بلاج روضه شو فيج
روضه و دموعها تنزل : زخ ايدي عمدا
حمدان و هو معصب بعده : و ليش ما قلتيلي داخل عسب اخليه يلحس الارض
روضه :
حمدان سكت و حرك السياره و روضه حاطه راسها على الجامه و دموعها تنزل و صلو البيت
حمدان : روضه انزلي
روضه :
حمدان لف يجوف شو اتسوي جان يجوفها راقده نزل عسبت يزقر مهرة وروضة تمت في سيارة راقدة
‏حمدان بصوت عالي: مهاري يلا بنروح
مهره : اتريا الحين بي
حمدان سار و ركب السياره و يتريا مهره اتي روضه اتحركت حمدان سيده لف عليها
روضه : نحن وين
حمدان : في بيتنا
روضه : متي بنرد دبي
حمدان : الحين
روضه : اوك انا برد ورا عسب مهره بتي
حمدان : اوك
و سارت ورا
حمدان : روضه
روضه : نعم
حمدان بحنان : بعدج مضايجه
روضه : من شو
حمدان : من هذاك
روضه : اوه لا خلاص
حمدان : اوك بتسيرين تزقرين مهره
روضه :اوك
و نزلت سارت تزقر روضه و هي تمشي سمعت صوت شخص من وراها و معصب
محمد : انتي ايييوو يالحراميه شو تسوين في بيتي
لفت روضه على مصدر الصوت : اترمسني انا
محمد : لا ارمس الايدار شي حد غيرج هني
روضه : لاء
محمد : الحين بدق على الشرطه يشلونج يالحراميه
روضه : لو سمحت انا هب حراميه
محمد سرع مشيته و سار عندها و زخها من ايدها بلقو
روضه وهي تتألم من مسكته القويه : هدني اييي يالس اتعورني
محمد : اذا ما سكتي بتنصفعين و طلع تلفونه
روضه بصوت عالي : اقولك هدني هدني ما تفهم
كان حمدان فالسياره و سمع صوت صريخ نزل من السياره بس ما جاف حد كمل يمشي لين مادخل مدخل البيت و جاف ابوه زاخ روضه و روضه يالسه اتحاول تفج ايدها
روضه و دموعها تنزل: هدني اييي يعور شو فيك
محمد عطاها كف سكتها
روضه من الكف صنمت و دموعها تنزل جنها شلال
حمدان جاف كل شي و ركض سار عند ابوه
محمد : ما شالله متى ييت
حمدان بعصبيه : هد البنت
محمد : ليش حرمتك
حمدان : هدها بزين
محمد : ليكون هاي من هالبنات الي اترمسهم
روضه بصوت عالي : اقولك هدني
محمد : انتي ما تأدبتي من الكف الاول
حمدان قام ير روضه بالقوه من ايد ابوه
حمدان : ولله اذا دقيت شعره من شعرها و الله شوف شو بيستوي
محمد : يلا يلا شيل هالبت الي مادري من وين يايبنها و اطلع من بيتي بسرعه
حمدان : هاي اشرف عنك و اصلا منو قالك برد عندك انا ما عندي ابو سمعت
محمد : الحمدلله يلا اطلع بسرعه
حمدان زاخ ايد روضه و داها لين السياره
حمدان : روضه
روضه و هي اتشاهق :
حمدان : بسير ايب مهره اخاف يسويلها شي لا تنزلين اوك
روضه هزت راسها و سارت
دش حمدان البيت جاف محمد يالس ماسواله سالفه
محمد : اتحبها
حمدان لف جافه و ياي بيكمل
محمد بحقد : جوف شو بسوي فيك
حمدان بقهر : ليش شو سويتلك عسب تكرهني جي
محمد : لازم يكون في شي لا بس ابا اعيشكم فعذاب

يتبععععع ... ............