روضه و عليا و مهره سارو فوق عسبت يبدلون سارت روضه لبست قميص و كان كات و بنطلون ابيض و عباه سوده و كانت مفتوحه و حطت شوي مكياج يبرز ملامحها و مهره لبست مخوره بيضه و حطت مكياج خفيف و لبست عباه سوده مفتوحه و عليا لبست قميص ابيض و بنطلون وسيع ابيض و حطت ميكب خفيف و نزلو سارو ركبو سيارت حمدان مهره يلست جدام و راها عليا و روضه ورا حمدان و تحركو
حمدان : اي مول تبو انزين
مهره : احسس امارات مول
حمدان : يلا عيل نسير
مهره : شغل اغاني
و يلسو يسولفون والي يغني و حمدان عينه ما نزلت من الجامه يالس و يجوف روضه
و صلو المول
مهره : اقولكم انا ابا اسير سيفورا ابا كم شغله من هناك
عليا : عيل انا بي وياج
روضه : اخييج انا ما ابا اي وياكم
حمدان : عيل تعالي ويايه
روضه : انت وين بتسير
حمدان : بيلس فالكوفي
روضه : خلاص عيل بي
حمدان : يلا
سارو مهره و عليا و حمدان و روضه
عند حمدان و روضه
حمدان : روضه
روضه : هم
حمدان : انتي بخير
روضه ابتسمت : هي
حمدان : متأكده
روضه : هي و الله مافيني شي
حمدان : جفت ويهج كيف كان وارم البارحه حطيتي كريم عليه
روضه : ما يحتاي لان خف بروحه
حمدان : و ايدج جفتها محمره من مسكة الخايس
روضه : لا ما فيه شي و تراه ابوك عيب اتقول عنه جي
حمدان : زين عيل ما بنقول شي
كانو يمشون مهره و عليا
عليا : مهاري هذي فطامي و حمده
مهره : خنسير عندهم
عليا : يلا
مهره : بوووو
حمده : نقزتيني
مهره : عيل ليش بقول بوو عسبت ترقصين يعني
فاطمه : شو تسون هني
عليا : ياين نتشرا
حمده : وين الشيخه روضه
عليا : وي سارت ويا حبيب القلب و قالت ما ابا اي وياكم
فاطمه :اونه من متى
عليا : من اليوم
حمده : خوش خوشش
فاطمه: الحين انتو شو تبون
مهره : بس جي ينا عندكم
عليا : يس
انرد عند حمدان و روضه كانو يمشون و الجو كان هادي محد يسولف و هم يمشون مره وحده حمدان زخ ايد روضه و روضه سيده لفت عليه مصدومه
روضه : هدني عورتني
حمدان : روضه اسكتي شوي
روضه : انزين هد ايدي
حصه : حمدان ما شاء لله شو يايبنك دبي
حمدان : شو تبين انتي الحين
حصه : اباك انت
روضه : و اقفه و مصدومه منهم
حمدان : خلاص انا تبت و ما عندي هالسوالف
حصه : و منو هاي بعد ليكون من البن
حمدان ما خلها اتكمل : خطيبتي
روضه فجت حلجها و تحاول اتمط ايدها و حمدان يرص عليها زياده
حصه : انتي ايه
روضه طالعة حمدان : ها ي اترمسني جي
حصه : لا ارمس ابويه
روضه : شو تبين الحين قالج خطب خوزي عن دربنا
حصه : و اذا ما خزت
روضه : بحش ريولج حش بس ما نبا وصاخه في حياتنا يلا حبيبي حمدان انسير
حمدان متخبل علي كلمة حبيبي : يلا حبيبتي فديتج حبيبتي انا
و حصه واقفه فاجه حلجها و ميته غيره عليه و قهر
روضه سحبت ايدها : عورتني
حمدان : شو اسوي انزين
روضه يالسه تنفخ علي ايدها تخفف الالم
حمدان : شكرا
روضه : على؟؟
حمدان : وقفتج ويايه
روضه : مابينا بس بتعزمني سمعت
حمدان و هو يضحك : انزين
روضه :ليكون صدقت عمرك بعد
حمدان : على شو
روضه : اني خطيبتك
حمدان : لا بس ان شاءالله
روضه : شو؟؟
حمدان : سلامتج
سارو يلسو في الكوفي و يلسو يسولفون و كانت شي شلت شباب جدام طاولتهم و كانو يجوفون روضه حمدان انتبهلهم
حمدان : سكري عباتج
روضه : مابا
حمدان : روضه سكري عباتج جوفي كيف يجوفونج
روضه : انزين انا لابسه لبس محتشم مب راص
حمدان : حتي لو سكري
روضه و هي تتأفأ : اتزين
حمدان : ياخي بلاج زعلتي
روضه : مااحب حد يتحكم فيني
حمدان : انا ما اتحكمت شو اسوي ما اقدر اجوفهم جي يجوفونج و اسكت يلا عاد مب لايق عليج الزعل
أنت تقرأ
حبك تجول فقلبي
Actionرواية اماراتيه ترمس عن عيال عم ما يعرفون شي عن بعض بس الصدف يتجمعهم و بتجمع العايله من اول و يديد
