حبك تجول فقلبي

26

و صلو البيت و الكل كان متيمع في بيت اليده دشو سارو سلمو على الكل
اليده : روضه
روضه : عيونها
اليده : لبا ها  الصوت من زمان ماسمعت هالرمسه الحلوه منج
زايد : ماشاءالله روضه اتقول عيوني شكله الموضوع فيه انه
مهره : لا انه و لا شي هي بس كانت تعبانه و الطلعه خففت عنها وايد
مكتوم : يالهيسه عيل انا و هزاع هالقد انقولج نشي خلنا نطلع ما تبين بس معا حمدانو طلعتي
حمدان : انا غير صح
روضه : ارد مهاري يعني لا مايستوي
هزاع : بس عادي اتردين اخوانج صح
روضه : لا خلاص كل شي ولا زعلكم متى تبون نطلع بنطلع و لا يهمك
هزاع : الحين ترمسين
روضه : هي
اليده : بسكم هدوها هاي الغاليه بنت الغالي تعالي فديتج ايلسي عندي و لهانه عليج و على شوفتج كله حابسه عمرها فالغرفه اتقولون سجن
زايد : و انا شو مب غالي بس على غالي قولي ولدي العود خلاص عرفنا
علي : بدينا
اليده : انت بعد غالي على قلبي
حمدان : يلا عيل انا بترخص الربع يتريوني
اليده : وين توا الناس
حمدان : وراي شغل لازم اسير
شيخه : حمدان بتكون موجود حق العشا ولا
حمدان : لا اميه مادري متى برد يلا مع السلامه
شيخه : مع السلامه في حفض الرحمن
روضه : انا بعد اترخص بسير اريح
اليده : تونا انقول اتغيرت شو استوا
روضه : والله دارو المول كامل تعبت بريح و بردلج العشا وعد
اليده : العشا وايد انا بصلي وبرقد
روضه : يدوه منو يرقد الساعه 8 ديايه
اليده. : يالهيسه انا ديايه يالطيطاره
روضه : انا طيطاره حرام عليج
اليده : اقول زولي بس
روضه : خلاص لاتزعلين اذا ما ييت عقب اوكيه
اليده : منو قال اصلا بفتكرج سيري
روضه سارت عندها : اووف طاعو الحب زعلانه
اليده : خوزي عني
روضه : ما بخوز لين ماتسامحيني
اليده : مسامحتنج سيري
روضه : اكيد ولا
اليده : اكيد سيري
روضه : باااااي
اليده : ما يقولون باي يقولون مع السلامه
روضه : انزين باي
اليده : لاهاي الي تباني انشلها صح
روضه : اوه نسيت مع السلامه و طلعت
اليده  : الحمدالله انها ردت شرات قبل والله كنت خايفه عليها
امنه : الحمدلله
انرد عند روضه الي كانت تمشي و الابتسامه مب طايعه اتخوز عن ويها
مهره يت من وراها : بووو
روضه : ما خفت
مهره : شو استوا
روضه : شو تقصدين
مهره : الي انتي خابرتنه
روضه : اوه تعالي غرفتي بخبرج يلا
مهره : حمستيني يلا
سارو فوق
مهره : يلا شو استوا
روضه خبرتها كل شي
مهره : جذابه
روضه : والله
مهره : ياخي ليش ماكنت موجوده حرام والله
روضه : بسج لقافه
مهره : هلا بمرت اخوي
روضه : اطلعي برع انا الغبيه الي اخبرج كل شي حسافه ابا اخبر عليو بس المشكله لسانها متبري منها
مهره : فالنهايه بتعرف كل شي ترى بيخطبج ولا
روضه : اضهري من غرفتي بسرعه لا اهفج بالعطر
مهره : خيبه عطر مره وحده راسي بينشل
روضه : ترى هذا الي بيستوي لو ماضهرتي
مهره : لا تصيحين بضهر
روضه : شغلي المكيف و سكري الليت والباب تعبانه فيه رقاد
مهره : انتي ماكله شي
روضه : لا مب مشتهيه
مهره : بسج استعباط روضه جوفي كيف مستويه
روضه : باكل من عيني بس يوم بنش يلا اضهري
مهره : لا تهملين صحتج
روضه : ان شاءالله من عيوني
مهره : يلا تصبحين على خير و ضهرت شوي جان تلفونها يرن
علي : مهره ابويه
مهره : هلا عمي
علي : تعالي الميلس فديتج ابا ارمسج فموضوع
مهره : امر في شي
علي :تعالي ابويه و بتعرفين كل شي
مهره : ان شاءالله
سارت مهره الميلس و جافت عمها علي و عمها زايد و سارت يلس جدامهم
مهره : هلا عمي مستوي شي
على : لا عمي بس كنت ابا اشاورج فشي
مهره : فشو
زايد : سمعي مهره شي واحد متقدملج ريال ونعم فيه اخوج يعرفه نحن سألنا عنه و طلع ريال و نعم فيه انتي استخيري و اذا ارتحتي عسب انسوي شوفه شرعيه
مهره الي مصدومه : عمي انا ما اعرف شو اسوي
علي : بنتي انتي فكري اذا ما تبين تزوجين نحن ما بنجبرج على شي
مهره : ان شاءالله عمي
زايد : مهره رمسي حمدان لانه ربيعه
مهره : ان شاءالله و طلعت و هي مصدومه سارت غرفتها يالسه اتفكر تتريا حمدان يرد عسبت اترمسه
الساعه 12 الفليل مهره يالسه فصاله تفكر دش حمدان
حمدان : هلا والله بمهاري شو تسوي
مهره الي ويها كان كله خوف
حمدان : بلاج
مهره : ابا ارمسك في موضوع
حمدان : ارمسي
مهره : تعال الغرفه
حمدان الي مستغرب منها : يلا
سارو الغرف و حمدان انسدح علي الغنفه: نعم شو تبين
مهره : حمدان انت تعرف ان في حد متقدملي
حمدان : هي ليش عمي ما خبرج
مهره : امبلا خبرني بس
حمدان : بس شو
مهره : ما اعرف منو هذا
حمدان : الله يسلمج الي متقدملج محمد ربيعي حمود ايقول يبا يكمل نص دينه و يبا القرب منا و يباج و انا قلتله الشور شور البنت
مهره : حمدان
حمدان : لبيه
مهره : هو زين
حمدان : و الله ما بمدحه عسب ان هو ربيعي بس ريال و نعم فيه تحيدين يوم انا كنت ارمس بنات
مهره : هي
حمدان : ترا هو كان ينصحني و هو من الاشخاص الي خلوني اهد هالسوالف جوفي محد بيجبرج على شي فكري عراحتج و هي تراه قال لو وافقتي هو بس بيخطبج و اول ما تتخرجين بيتزوج سيده
مهره : ان شاءالله بستخير يلا بسير
حمدان : تعالي دقيقه
مهره : نعم
حمدان : روضه واعيه
مهره : لا راقده
حمدان : خيبه هاي وايد ترقد
مهره. : تعبانه البنت
حمدان : من شو
مهره : ما تاكل رمس حبيبتك تعبتنا وياها
حمدان فلعها بالمخده : ايه شو حبيبتك احترمي نفسج
مهره. : اوي ما قلت غير الصدق
حمدان : طلعي لا اعطيج كف اشيل راسج
مهره : بلاكم كلكم تبون اتشيلون راسي حرام عليكم