بعد تقريبا اسبوع كامل خبرو مكتوم عن الخطبه و ابو اليازيه عرف عن الموضوع سار ورمس محمد
الكول :
سعيد (ابو اليازيه ) : محمد زخ اهلك
محمد : عن اي اهل ترمس انا ماعندي اهل متبري حتى من عيالي
سعيد : مكتوم ولد زايد يبا بنتي و انا ما ابا اعطيه بنتي
محمد : خلاص لا توافق البنت
سيعد : المشكله ان انا مالي خص فيها موقعيني المحكمه
محمد : بعد انت ما تعرف اتزخ عمرك شوي
سعيد : و ابشرك ان خوالها وافقو و هي وافقت و الملجه بتكون هذا الاسبوع يوم اليمعه
محمد بضحكه متروسه خبث : عادي بنخرب الملجة
سيعد : كيف
محمد : انا بقولك .....................
في بيت اليده : كل البنات يالسين يفكرون شو بيلبسون لان قررو هالسبوع بتكون الملجه و العرس شرات اليوم لان اهل البنت طلبو عسبت ما تستوي مشاكل و يا الابو و الموضوع يكون سريع
روضه : جوفو انا افكر البس فستان الاحمر
فاطمه : ياخي احس انا ابا كحلي
و يلسو يسولفون و قررو يسيرون المول عسبت يختارون الفستتين لان لو مصممة بتتأخر وهم ما عندهم وقت
فالمول :
مهره : خلاص عيل انا و عليو و روضه بنسير هناك و انتو سيرو هناك اوكيه
حمده. : اوكيه
و هم يمشون
مهره : دشو انتو هالمحل و انا ابا اسير هذاك الكوفي تبون شي
روضه و عليا : لاء
سارت مهره الكوفي.و قفت تتريا دورها عسب تتطلب شوي و اي واحد من وراها
الريال : هلا
لفت مهره : خير شو تبا
الريال : رقمج فديتج
مهره : اقول سير عند امك
الريال : بمشيلج لانج حلوه
مهره : اقولك خوز لا اهفك بتلفون
الريال : يلا عاد عطيني
ياي محمد : بتخوز ولا اجفتك
الريال : منو انت
محمد : مايخصك
الريال : خلاص بسير اف ما يخلون الواحد يغازل
مهره بستغراب : محمد
محمد الي توا انتبهلها : مهره شخبارج
مهره : بخير مشكور
محمد : مابينا
مهره :
محمد : يلا عيل انا اترخص
مهره : في حفض الرحمن
كملو البنات شوبنق و ردو البيت متأخرين
روضه : اوففف تعبت
هزاع : ليش ان شاءالله الي يقول الحين طابخين ذبيحه
عليا : اسكت
هزاع : انتي اذا رمستي بحطج في جيس زباله و بعقج برع
عليا : طلعت لسانها
هزاع : هاي تباني اقوملها
روضه : بلييز هدهاا. ختولي
و قامو يضاربون
نسرع الاحداث ليلة العرس او الملجه الكل راح يرقد لان باجر بيكون عرس مكتوم و اول حفيد بيتزوج و الكل مستانس
في غرفة روضه كانت منسدحه على الشبريه و تفكر في وايد اشيا و كانت تبا اترمس حد بس محد كان واعي هالوكت شوي جان يو صلها مسج
المحادثه
حمدان : اقولج روضه
روضه : هلا
حمدان. : اقولج مهره واعيه
روضه : لا
حمدان : اوك تمام
روضه : حمدان دقيقه بقولك شي
حمدان : فيج شي
روضه : لا
حمدان : تبيني اتصل
روضه : لا
حمدان : انزين قولي شو فيج
روضه : خلاص و لا شي
حمدان الي كان ذابحنه الفضول : روضه قولي
روضه ما ترد طلعت من المحادثه جان يسير يتصل فيها
الكول :
حمدان : روضه فيج شي قوليلي يمكن اقدر اساعدج
روضه : تبا الصدق في شي ناغز قلبي يقولي ان باجر بيستوي شي
حمدان. : هذا الشيطان ما في شي من هالكلام و اذكري ربج الشيطان شغال يوسوس في اذنج
روضه حست برتياح من كلامه : ان شاءالله
حمدان : يلا روحي ارقدي باجر وراج شغل
روضه : هي والله يلا مع السلامه
حمدان : مع السلامه
يوم اليمعه الضهر الكل نش و كان عرس الحريم في بيت اليده لانه الحوي كبير و يسد الحريم
و عرس الريايل في بيت بو منصور كانو الريايل برع يرتبون الورود و الكوشه و الزينه في البيتين و البنات في بيت بو حمد كانو هناك يتجهزون حق العرس و اليازيه كانت مع البنات بس فغرفه بروحها مع الحريم مال الميكب و الشعر دشت روضه على اليازيه
روضه : ها يزوي فديتج ناقصنج شي
اليازيه : لا حبيبتي
روضه : عيل انا بسير الميكب ارتست يت اذا احتجتي شي دقيلي اوكيه؟
اليازيه : ان شاء الله
و طلعت روضه سارت و يا البنات يجهزون
المغرب جريب العشا الكل كان زاهب و كل شي كان تمام
اليازيه كانت لابسه فستان ابيض مخصر على الجسم و فيه ذيل و هو المحلي الفستان و كان هادي و مسكتها كانت بيضه
روضه كانت لابسه فستان احمر مخصر و كان كات و ايد كان محليها
عليا كانت لابسه فستان وردي مخصر و يلق لق
مهره كانت لابسه فستان ازرق فاتح و كان قصير لين الركب. وايد كان حلوو
فاطمه كانت لابسه فستان كحلي و كان حلو
حمده كانت لابسه فستان بنفسجي و كان بفه و كان وايد حلووو
نزلو البنات و كل وحده احلا عن الثانيه و كل العيون عليهم سارو يسلمون علي الحريم الا روضه ما سارت كانت داخل اتساعد اليازيه طلعت روضه و سارت المطبخ عسبت اتجيك على الاكل و هالاشيا و هي اتجيك جافت واحد معطنها ضهره فالحوي و عرفت انه هزاع سارت شوي شوي عسبت اتلعوزه راحت وراه و فرت عليه كعب
روضه : بووووو شو يايبنك يالخايس هااا ياي اتغازل شكلك
لف حمدان و انصدم منها و روضه يوم عرفت انه حمدان صارخت صرخه عقت كعبها و شلته و شردت داخل و حمدان واقف مصدوم
حمدان يرمس عمره : ابوي انا شو ها الجمال ياخربيتج
دشت روضه داخل و هي تلقط انفاسها بسرعه شوي و اتجوف تلفونها يرن و تنصدم يوم اتجوف حمدان المتصل
روضه اترمس عمرها : هذا شو يبا والله شو اسوي ياليل البلشه خلاص برد
الكول :
حمدان : روضه
روضه :
حمدان : شو فيج ترا ماجفت شي
روضه : ها كله و ما جفت شي
حمدان : انزين بلاج معصبه لاتنسين انج فلعتيني باكعب
روضه : اتحسبتك هزاع والله
حمدان : لا والله
روضه : والله جنك هزاع من ورا
حمدان: زين عيل بقولج شي
روضه : شو
حمدان : خلاص بقولج الصدق
روضه اتوترت : شو.
حمدان : جوفي الصراحه انا من زمان احبج و انا ما ابا ارد على اشياء الحرام و مغازل و جي ابا اخذج بالحلال و الله اني امووت في حبج و قبل ما اخطبج ابا اسمع رايج و اذا ما تبيني انا اباج و احبج و بخليج اتحبيني و ما بقصر وياج موليه
روضه من الورطه سكرت في ويها
روضه بعد ما سكرت قلبها بدا يدق جنه طبول من التوتر و الخوف و هي كانت اتبادله الشعور بس اتخاف اتقول
و حمدان ما عرف ردها بس قال ان عقب بيرد يرمسها لان عرف انها متوتره و خايفه
اجوفكم الثلاث الياي شو تتوقعون بتكون ردت فعل روضه
و شو محمد و سعيد مخططيله
أنت تقرأ
حبك تجول فقلبي
Actionرواية اماراتيه ترمس عن عيال عم ما يعرفون شي عن بعض بس الصدف يتجمعهم و بتجمع العايله من اول و يديد
