حبك تجول فقلبي

12

بعد صلاة المغرب يت روضة بتزل و لا اتجوف غرفة هزاع بابها مصكر و يطلع هوا بارد من تحت الباب اتوقعت ان هزاع راقد داخل دشت داخل و فجت اليت و يلست تنقز علي الشبريه
روضه : هزاع ويه النبج ويه الفستق المحطوط فتوست و يا خبيصه ويويويويويويوي لو فيك خير تعال اضربني يلا اجوفف نششش
حمدان نش و طلع راسه من تحت البرنوص : ايه انتي يالياهل ضهري برع
روضه : يمااااااا منو انت طلعت تربع من الخوف سارت  بيت يدتتها عسبت اتسولف و ياها
عند يتها يالسه اتسولف و البنات تمو فوق
روضه : امايه
اليده : ها حبيبتي
روضه : ليش عمي محمد جي
اليده و هي تتنهد : من بعد ما توفا يدج الله يرحمه كان يدج عنده خير من مزارع و شركات و بيوت و خير و الحمدلله الله كان منعم علينا و مع هذا يدج ماكان يقصر عليه و لا علي عياله الين ما ياه سرطان و تعب و سفرناه و دينه كل مكان بس الله كتبله يومه مات بعد ما توفا يدج عمج محمد كانت الفلوس عامتنا كان يبا الورث كامل حقه بروحه يقول : ان هو العود و من حقه كل شي ايسير عنده فالقانون ما شي هالكلام فا يدج كان مسجل الشركات بأسم ابوج و البيوت بأسم عمج زايد و المزارع بأسم عمج محمد فهو من عرف ان المزارع بأسم عصب و ضارب و اتهم ابوج و عمج ان هم لاعبين فالوصيه و ان هم معطين عمارهم الشركات و البيوت فا ابوج قال ماعليه بيعطونه نص املاكهم و هو يعطيهم نص املاكه يعني الحلال يكون مشترك ما بينهم
بس عمج ما اقتنع ابدا و جذب عليهم و افق و سار عمج و ابوج و سجلو نص املاكهم بأسمه من عرف ان سجلو سوا مشكله و شل حرمته و سار
روضه : هل تعتقدين ان في يوم يمكن اي و يتأسف
اليده : الله اعلم
روضه : انتي مشتاقتله
اليده : روضه حبيبتي هذا و لدي طبعا بشتاقله طول هسنين ما جفته و كان قلبي يحترق علي عيال اجوفهم جي و لا اقدر اسوي شي
روضه قامت و حضنت يدتها : ما عليه هذوهم احفادج عندج مهره و حمدان
اليده : الحمدلله
روضه : يلا ما ابا اجوفج زعلانه
شوي دش حمدان.
حمدان : سلام عليكم
اليده : وعليكم السلام هلا بولدي
سار و باس راسها
اليده : حمدان و ين كنتو
حمدان :كنت مع هزاع و مكتوم كنا انسولف خلصنا وسرت ارقد فغرفت هزاع
اليده. : ليش ما ييت رقدت هني
حمدان : هزاع حن عراسي و استسلمت
هني روضه يتلها لحضتة ادراك ان هذاك حمدان مب هزاع و سوت عمرها غبيه و يلست ساكته و حمدان يالسه يطالعها بنضرات ان انا اراويج
اليده : عيل دقايق و بي بسير اجوف الخدامه شو سوت فالمخزن و سارت
حمدان : عيل هزاع و يه النبج صح
روضه : منو
حمدان : مادري انتي تدرين
روضه : والله اتحسبتك هزاع شو عرفني ان انت الي راقد
حمدان : انزين خلاص لاتصيحين سامحتج
روضه : وانا ما ييت اعتذر
حمدان : بعتبر تبريرج اعتذار
روضه : منو قالك اني ابرر
حمدان : انتي ليش جي اسلوبج خايس ويايه
روضه : كيفي و قامت بتسير
حمدان : انزين تعالي دقيقه
روضه : شو تبا
حمدان : عادي تيلسين شوي برمسج ترا
روضه : واذا ما ابا
حمدان : شو فيج شوي ترا
روضه يلست : شو تبا
حمدان : ترا خلاص تبت
روضه : شو اسوي
حمدان : يعني اقولج لانج كارهتني من يوم المطعم صح
روضه : انت ما تفكر ان عادي الي تسويه يرد علي اختك
حمدان : هي فكرت و تبت الحمدلله
روضه : حمدان ترا صدق فكر في اختك ترا عادي الي تسويه فبنت الناس اي حق مهره او حقنا و هي ما لها ذنب
حمدان : عسب جي خلاص و درت الدرب هذا
روضه : زين سويت
حمدان : خلاص طاب قلبج الحين
روضه : هي
حمدان : زين عيل مب اتحرضين مكتوم عليه
روضه ابتسمت : انزين
حمدان : وصح تعالي و يانا باجر العين
روضه : بجوف ابويه و بردلكم خبر
حمدان : تمام عيل
نشت روضه و سارت الميلس عند ابوها و كان. كل الريايل هناك ريايل العايله يعني
علي : اندوك جوف منو يت
زايد : استغفر الله
روضه : ابويه
علي : هابويه
روضه : عادي اسير و يا مهره و حمدان العين
علي : ليش
روضه : مهره بتسير اتيب ملفها و اغرضها ابا اسير وياها
علي : و انتي شو يخصج
روضه : هي قالتلي تعالي و يايه و جي
علي : سيري الحين بفكر
سارت روضه عند مكتوم و مكتوم كان يالس يجوف تلفونه
روضه : مكتوم
مكتوم : ها مكتوم
روضه : عادي اترمس ابويه ابا اسير مع مهره
مكتوم :وين
روضه : العين
مكتوم : و منو بعد
روضه : حمدان
مكتوم : لا ما يستوي بعدين إلعوزج انا مب موجود
روضه : خلاص سامحته بليييز رمس ابوي ابوي يحبك ياخي
مجتوم : عمي خلها اتسير
علي : هي اي شي استوا سارت مكتوم ومكتوم صح
مكتوم : خلها عمي عورت راسنا على الاقل يوم واحد بدون ما نسمع صوتها
زايد : ياريال خلها عادي ترا ولد عمها و بنت عمها
علي : سيري سيري ذبحتيني
روضه بصوت عالي : شكرا وااايد احبكم كلكم كلكم و عطتهم بوسه
علي : طع هاي قليلت ادب خلاص ماشي روحه
روضه : سوري خلاص ها رديتها
علي : يلا اطلعي برع الحين ريايل بيون
روضه : باااي
وهي يايه تطلع دعمت حمدان الي كان بيدش
روضه : ايييي
حمدان بخوف : اتعورتي
روضه : لاء
حمدان : يلا عيل سيري الحين ريايل بيون بسرعه
روضه : ان شاءالله

يتبعععع .........

اجوفكم يوم الثلاث باااي