سار حمدان فوق دش غرفة مهره
حمدان هو يتنفس بسرعه : خلصتي
مهره : هي خلاص بلاك
حمدان : ابويه ضرب روضه
مهره بصدمه و خوف : ليش
حمدان : اونها حراميه و اونها من البنات الي يرمسوني
مهره : وينها الحين
حمدان : فالسياره اتصيح
مهره : شيل الشنطه بسرعه انا بسير عندها
حمدان : اتري انزين
طلعت مهره من الغرفه و كانت خايفه على روضه و هي تربع علي الدري اتجوف ابوها تحت
محمد : هلا بنتي هلا
مهره : خوز عني انت مب ابويه
محمد : انا ابوج و طلعه من البيت ماشي
مهره : والله بطلع و بجوف كيف بتوقفني
محمد : مهره ردي احسلج
مهره دزت ابوها و فتحت الباب و ربعت لين السياره
محمد : بنت الجلبه الله يلعنج انتي و امج
حمدان نزل و جافه يالس يقوم من علي الارض سكت و شل اغراضه و طلع
حمدان : الله يهديك
محمد : اقول اطلع لا ايب الشرطه
حمدان :
محمد : اتذكر كلامي
انروح السياره ركبت مهره السياره و جافت روضه راقده و يها محمر من الصياح اتنهدت و تساندت علي السيت دخل حمدان و شغل السياره لف راسه و جافها راقده
مهره : شو سوالها
حمدان تنهد : صفعها
مهره : لا هذا مب معقول شو ذنب البنت
حمدان : مادري
بعد ساعتين و نص كاملين و صلو دبي و كان الوكت متأخر و صلو البيت حمدان و عاهم و مهره سارت ترقد لانها كانت تعبانه و حمدان سار بيت بو منصور عسب مكتوم و هزاع في الميلس هناك نزلت روضه و سارت فوق غرفتها بدلت و لبست هودي و بنطلون وسيع و نزلت تحت سارت الميلس و الي في الميلس هزاع و مكتوم و حمدان
روضه ويها تعبان : هلوووو
كلهم رفعو راسهم يجوفونها
مكتوم : هاييي تعالي بقولج شي
سارت روضه و يلست عند مكتوم و حمدان عينه عليهم مكتوم جاف ويها كيف وارم و محمر جان يمسك فجها
مكتوم و هو زاخ فجها و لفه يمين و يسار : شو ها
و حمدان فاج عيونه ان كيف جي و هزاع ما يالس يقول شي
روضه : شو
مجتوم : منو صافعنج
روضه : محد
مكتوم : لا تجذين
روضه : صدق ليش بجذب
مكتوم : انزين ليش جي و يهج
روضه : لاني توني ناشه من الرقاد
مكتوم هو مب مقتنع : انزين
هزاع : اقولك حمدان تعال بنلعب
حمدان : اوك يلا و سار يلس عند هزاع يلعب معاه و اذنه كانت مع روضه و مكتوم
روضه : انزين يلا خبرني شو فيك
مكتوم : انزين همزي راسي و انا بقلج
روضه : اوك يلا و يلست اتهمز راسه و هو منسدح علي التكيه
مكتوم : اتخيلي اليازيه
روضه : بلاها
مكتوم : قررت اخطبها
روضه : حلو
مكتوم : شي مشكله
روضه : شو هي
مكتوم : اونه ابوها ما تاخذينه
روضه : و اليازيه شو قالت
مكتوم : ماردت عليه من رمست ابوها بس رمستها اليوم وردت
روضه : شو قالت
مكتوم : قالت ان ابوها قال لاء و ان هي بتحاول ويا خوالها
روضه : اذا جي حلو خ ترمس خوالها و يمكن يقتنعون و اذا ما قتنعو بنخلي امايه اترمس امها عسبت تقنع خوالها
مكتوم : صح بعد
روضه : جفت شي وايد حلول مب تيلس و ان خلاص هي مب من نصيبك
مكتوم قام من على التكيه و يحس ان روضه خلت في قلبه امل : ياخي رويض اقسم بالله احبج شو تبين اسويلج
روضه و هي مبتسمه : ما ابا شي
حمدان كان يالس و مركز معاهم و كان يحس بغصه في قلبه من قربهم من بعض
حمدان فداخله : انت شو تبا فيها خلها خلاص ليكون انا لاالا ما في شي حمدان اصحى
هزاع : حمدان
حمدان :
هزاع : حمداان
حمدان : هلا
هزاع : وين سرت
حمدان : معاك
هزاع : ياخي ركز بنخسر
حمدان : معاك
هزاع : رويض
روضه : نعم
هزاع : تعالي همزي جتفي
روضه : لا والله
هزاع : هي لو مكتوم ما بيقلج ما بتقوليله شي بس انا بتذليني
روضه : لا حشى وين انا اقول حق الهزعي شي و سارت اتهمزله
هزاع : الله و يلوموني في حبج
روضه : انطم بس و اللعب و يلست اتهمزله
حمدان : وين مهاري ختي اتهمزلي انا
روضه : وي اخت راحت و رقدت
حمدان : حسافه
روضه : يلا عيل انا بسير ارقد تعبانه
هزاع : ياخي ما شبعت ابا بعد همزي رقبتي اتعورني
روضه : باجر بي بكسر راس مكتوم و بسويلك
مكتوم : اتحداج
روضه : قد كلمتك
مكتوم : قد و قدود
روضه : خلاص الوعد باجر يلا جاااو
هزاع : جااااو
و سارت غرفتها انسدحت علي الشبريا بعد يوم طويل كله تعب حاولت ترقد بس مخها كان مشغول فالتفكير ليش عمها جي عاملها و ليش جي عامل عياله يلست تفكر في الموضوع لين مارقدت اليوم الثاني نشت و هي اتحس بتعب قوي سارت بيت يدتها
روضه : هلا والله بالحب مالي و باست راس يدتها
يدتها : شو بعد الحب مالي رمسي عدل
روضه : بتلوميني في حبج
يدتها : ليش ناشه متأخر
روضه : والله تعبانه
فاطمه : ابويه
على : نعم
فاطمه : عادي انسير اليوم المول انا و حمده نبا نتشرا
علي : هي ابويه عادي
روضه : نحن بعد نبا اني
امنه : انتي ما تعرفين اتقرين مكانج كل هياته
روضه : ابويه جوف امك
علي : صح كلامها
روضه بوزت
حمدان ماهان عليه ايجوفها زعلانه : انا بوديكم عادي
روضه : ياخي حمدان انت قدوتي
عليا : لا و الله مب انتي قلتي ان انا قدوتج هذاك اليوم
روضه : اسكتي بيودينا جب
حمدان يالس يضحك عسخافتها و روضه يلست اتجوف كيف يضحك و هي ذايبه على الضحكه
عليا : روضه
روضه روضه سرحت في ويه حمدان و هي خلاص غمازاته ذوبتها ماقدرت تتحكم في عيونها
عليا : رويض
روضه وعينها على حمدان : ها نعم
عليا : وين سرتي
روضه : معاج
عليا : ليكون
روضه : لا بعطيج كف
حمدان : يلا عيل شوي و بطلع بسرعه خلصو
مهره : عيل يلا انسير
روضه : هي ما نبا مذلت ناس
عليا : صح
حمده : جنهم يقصدونا
روضه : يعني نقصد منو
اليده : روضوه اذا ما سرتي اتبدلين و الله ما بتسيرين
روضه : خلاص انزين
يتبععععع ..................
أنت تقرأ
حبك تجول فقلبي
Actionرواية اماراتيه ترمس عن عيال عم ما يعرفون شي عن بعض بس الصدف يتجمعهم و بتجمع العايله من اول و يديد
