"هــــدوء الــــعــــاصفة"
"بـــين ســــواد قـــلبـــك و بيــــاض قلبـــي دماء الخـــطيـــئـــة "
✏️ : ᏰᎽ : ᏕᎾᎰᎨᎯ
VoTe + Comment فضلا وليس أمرا
نبدأ على بركة الله 🤍
_________________________________________
بدات كضرب فوجهها محاولة انها تفيقها ... ولكن لا من مستجيب .. خدات شوية من الدم و صيفطاتو لابوغاطواغ تشوف شنو السبب .. عطاتها مهدئات و حبساتلها النزيف .. طلبات من الممرضات يبدلولها وهي خرجات لقات تامر واقف كيعاينها ...
تامر : الواليدة اش تما ..
جيهان : بون .. Tous va bien ...ماكين لاش تخلع على والو .. غي اموغاجي خفيفة .. صيفطنا نسبة من الدم ديالها لابوغاطواغ يخرجو les analyses و نعرفو السبب .. مايكون عندها باس ..
تامر : الله يحفظك ا الواليدة .. انا عند ولد العم ..
جيهان : واخا الله يرضي عليك ..
مشات جيهان و بقات هضرة انصاف كضور فراسها .. علاش قالتلها .. نتي .. وباش كتعرفها .. و فاش كذبات عليها .. هاد التساؤلات كاملين جاوبهم عندها .. حتى تفيق عاد تعرف شنو كاين ...
*عند ميرنا ...
وصلو لوجهتهم كانو متافقين يخرجو يدوزو النهار مع بعضياتهم... دازو للبحر هو الاول ݣلسو كيتمشاو فالرملة قربو للجيهة بعض الشباب كيلعبو لڤولي بول .. شافت فيه و رغباتو بعينيها زعمه باش يلعبو معاهم .. لبى الطلب و مشا طلب من أحد الشباب أنهم يلعبو .. وافق بسرعة و جرها معاه لعندهم .. كل واحد ضد لاخور .. كانو كيلعبو مزيان حتى لشوية رمالها كرة باش تصدالها .. ساعة خواو بيها يديها وجات فوجهها .. كشرات ملامحها بألم ورجعات اللور ... حنات باش تهز الكرة .. وهي تمشي لجنبها وبقات كتحادي فالخوا ... عينيها ضببو عليها ولات الرؤية عندها مضببة... وقفات كتحك فعينيها .. و انساحبات
ميرنا: صافي بركة عليا ...
قيس : غادي نزيد معاهم هاد الطرح ..
ميرنا : صافي واخة ...
ݣلسات فالجنب كتفرج فيهم و ضحك .. حتى سالا طرحو و جا عندها نوضها و تمشاو خارجين من الكورنيش باش يتغداو ... مشاو لأقرب ريسطو للبحر ودخلو ݣلسو وطلبو ماياكلو و بقاو كيهدرو على مايجيبولهم الماكلة ...
*عند ميليس و صوفيا
خداو لي غوب اللي بغاو و دازو لاكيس خلصو و خرجو غاديين فين خلاوهم ... قلبو عليهم مالقاوهمش ... تخلعو قالو واقيله مشاو يتغداو طلعو للريسطو ... سولو عاودولهم شنو وقع ..
صوفيا : (بهلع ) اويييييييلييييي .. مالها ... فين مشاو دابا ...
النادل : معرفتش ا ختي .. و لكن غالبا غادي يكون داها لشي اوبيطال ....
أنت تقرأ
دمـــــــاء الـــــخطــــيئـــــة | THE BLOOD OF SIN
Action_____________🆕EXCLUSIVE!!!!!🆕_____________ ♤ حـــــصــــريــا و فـــــقـــط عـــلـــى الـــــواتبــــاد ♤ روايـــة بــعـــنـــوان : ○○○○○○○○○○○○○○○○ 🩸 دِمـــَـاء ُآلْــــخَطــِـيـــئــَة 🩸 ♡...
