دمـــــــاء الـــــخطــــيئـــــة | THE BLOOD OF SIN

Part__13

"هــــدوء العـــــــاصفة "

"بـــين ســــواد قـــلبـــك و بيــــاض قلبـــي دماء الخـــطيـــئـــة "

✏️ : ᏰᎽ : ᏕᎾᎰᎨᎯ

VoTe + Comment فضلا وليس أمرا

نبدأ على بركة الله 🤍
-----------------------------------------------------------------

ميرنا : (ضربات الباب بكل قوتها ) عــــمـــتــي حلي الباب ... حلي ...

شافت فيوسف و أشارتلو بعينيها باش يهرسو تقدم و هو يتفتح الباب .. و بانت ليليان وجها مرشوش بالدم تخلعو من منظرها جراتها ميرنا قلباتها واش فيها شي جرحة ولا شي حاجة .. مالقات فيها والو دفعاتها عند فيروز و دخلات للمكتب و هي تلمح البارون مليوح فالأرض و قابط فرجليه اللي عامرة دم .. شافت فيه باشمئزاز و مشات قبطات فرجليه و جراتو منها خرجاتو على الباب. و بقات جاراه مدوزاه من الطريق اللي جاو منها و هو كينين بألم و الدروج ضروه فظهرو خرجو من داك المقر .. مشا يوسف جاب لي بيدو ديال ليصانص من اللوطو و عطاه لفيروز و قادر دوروه على داك المقر و بعدو شوية ركبو فاللوطو و ميرنا شعلات الوقيدة و لاحتها عاد ركبات .. كان يوسف سايݣ و قادر فجنبو و اللور كانت ݣالسة فيروز و حداها ميراي ليليان عاد ميرنا و البارون ربطوه و سدولو فمو و لاحوه فالكوفر و نطالقو نحو وجهتهم شوية و ليليان شافت فيوسف و نطقات بهمس

:وقــــف ...وقــــف بــــغــــيـــت نهبط ..

ميرنا : (شافت فيها ) عمتي مالك ..

ليليان غمضات عينيها بقوة و نطقات : بغيت نهبط دابا .. وقف .. وقف

ميرنا : (شافت فيه و نطقات ) وقف أ يوسف ..

وقف اللوطو جنب و حلات ميرنا الباب و هبطات و تبعاتها ليليان بالزربة حتى هي هابطة .. تبعهوم يوسف و هبط ..

يوسف : عمتي مالك .. شنو بيك ...

ليليان : بغيت نشم الهواء .. تخنقت ..

يوسف : نمشيو نوصلوهم و نخرجو ..

ليليان :(برفض) لا ..

ميرنا : عمتي .. مالك واش كضرك شي حاجة ..

ليليان : صافي ما بيا والو بغيت غي نشم الهواء نرتاح ..

ميرنا (شافت فيوسف ) صافي غي سير وصلهم .. انا معاها .. منين ترتاح وتبغي ترجع انا غادي نعيطلك ..

يوسف : (بتساؤل محتاج تأكيد ) واش متأكدة ؟؟

ميرنا : اه غي سير .. قول لماما تغسل لميراي و تنقيلها حالتها و تعطيها شي حاجة من حوايجي و تخليها ترتاح حتى نجي ..