دمـــــــاء الـــــخطــــيئـــــة | THE BLOOD OF SIN

Part__O1 : هــــدوء الــــعاصفـــة

"هــــدوء العـــــــاصفة "

"بـــين ســــواد قـــلبـــك و بيــــاض قلبـــي دماء الخـــطيـــئـــة "

✏️ : ᏰᎽ : ᏕᎾᎰᎨᎯ

VoTe + Comment فضلا وليس أمرا

نبدأ على بركة الله 🤍

---------------------------------------------------------------

#الدار البيضاء

♢ في أحد ملاجئ الأيتام الخاصة بالإناث ♢

الساعة تشير الى 00:00 منتصف الليل

ناضت بالحس كتمشى على صبيعات رجيلاتها هازة صبادرين ديالها فيدها لابسة حوايجها اللي كانوا عبارة على قبية سوداء و سروال جينز مغلوق و لايحة القب على راسها حنات تحت الكامة جرات الشانطة اللي فيها حوايجها و لقات نظرة على البنات اللي مشاركين معها الغرفة و خرجات بالحس كتسلت بشوية لبسات صبادرينها و هبطات مع الدروج دخلات مع الكلوار تمشات جيهة احد الغرف المتواجدة تماك حلات الباب لقاتها ݣالسة على أحر من الجمر كتعاينها
.......: (ندات عليها بخفوت ) صـــــوفيا

صوفيا تلفتات عندها وناضت بالجرة هازة شانطتها قبطات فيدها مزيرة عليها و نطقات بالشوية

صوفيا : سحابني نسيتيني أ ميرنا

ميرنا : نسا كلشي الا نتوما .. يلاه دغيا .. إنصاف كتعايننا حتى هي ..

خرجو من تما مسلتين و توجهو للطابق الأرضي لقاو إنصاف كتعاينهم قبطات فيهم هي الأخرى و توجهو بثلاتة للباب اللوراني خارجين فجأة وقفو مخبيين منين سمعو الحس .. خلاو الحارس حتى داز و كملو طريقهم للباب دفعوه و خرجو بالزربة لقاو قبالتهم الجردة الخاصة بالملجأ شافو موراهم و طلقو رجليهم للريح حتى للصور عاد حبسو تعلات ميرنا كتشوف لقات اللوطو اللي غادي تديهم واقفة .. لاحت الشانطة ونقزات ݣالسة على الصور شدات فالبنات حتى طلعو عاد نقزو للجيهة اللخرة تمشاو بالزربة جيهة اللوطو و دقو فالشرجم حلات الباب و هبطات كانت دايرة كاسكيط ونضاضر غي لمحاتهم و طلقاتها بتنهيدة

.....: اوووووف كنت خايفة بزاااف لما تقدروش تخرجو

صوفيا : معانا ميرنا و مانخرجوش ده نتي بتحلمي (نقزات معنقاها ) توحشتك أ ميليس

ميليس : (عنقاتها حتى هي ) حتى انا توحشتكم البنات بزاااااااااااف .. يلاه نتحركو قبل مايشوفنا شي حد

ركبو فاللوطو و تحركو من تما بأقصى سرعة نص ساعة كانت كافية باش يوصلو للوجهة ديالهم