دمـــــــاء الـــــخطــــيئـــــة | THE BLOOD OF SIN

Part__14

             "هــــدوء العـــــــاصفة "

"بـــين ســــواد قـــلبـــك و بيــــاض قلبـــي دماء الخـــطيـــئـــة "

✏️ : ᏰᎽ : ᏕᎾᎰᎨᎯ

          VoTe + Comment فضلا وليس أمرا

                  نبدأ على بركة الله 🤍
-----------------------------------------------------------------

مشات كتجري عندها مزامنه مع سيارة جاية بسرعة فاتجاهها .. كلشي غوت باش توقف .. و هي توقف مباشره امام السيارة و دارت يديها على عينيها محسات براسها حتى تزدحات فالارض ..

ميرنا شافتها وقفات امام السيارة بداك الشكل ضرها خاطرها عليها بزاف ماداز عليها محسات برجليها حتى داوها بالزربة عندها جراتها من يديها و طاحو بزوج فالأرض .. كمشات ملامحها بألم منين تقصحات فجراحها .. كانت هي طايحه و ميراي فوق منها .. جاو كيجريو عندها كل واحد جر بنتو كيقلب فيها واش مافيها والو ...

نوضوها من عليها ميراي عنقات مها كتبوس فيها و ميرنا جراتها ماماها .. كتقلب فيها ..

فيروز : بنتي مافيك والو ياك .. نتي بخير ..

ميرنا :  بخير .. اماما .. بخير ..

فيروز : مالك فجبهتك و رجليك ..

قادر : طحتي عاوتاني ياك ..

ميرنا : غي قبيله شداتني الدوخة .. و طحت

ليليان: كاملين عارفين باللي ماشي الدوخة .. عفاك خلينا نمشيو للطبيب ..

ميرنا : انا بخير مافيا والو .. دابا يبراو ..

يوسف شدها من يديها موقفها .. و شدها عندو مزير عليها حيت ختل توازنها ..

يوسف : ماغادي تهناي حتى تقتلي راسك ياك ..

ميرنا : انا بخير .. شحال من مرة غادي نعاودها ..

قادر : واش حتى تقتلي راسك عاد غادي تهناي ..

ميرنا : صافي .. عفاكم منين يخرجو ليغيوزلطا ديال ليزاناليز  .. غادي ندير داكشي اللي كيقولي الطبيب ..

قاطعاتهم غزلان اللي جات عندها وشكراتها و طلبات منهم يدخلوا ..

ميرنا شدات فيوسف و تقدمات هي اللوله عاد تبعاتها فيروز و ليليان و قادر و البقية تحت أنظارهم على عائلتها .. دخلو للداخل و مشاو نيشان للصالة جلسو مقابلين مع بعضياتهم ..

غزلان : شنو درتو مع البارون ..

فيروز : مرهون عندنا حتى نلقاو ليه الحل ..