دمـــــــاء الـــــخطــــيئـــــة | THE BLOOD OF SIN

Part__15

"هــــدوء العـــــــاصفة "

"بـــين ســــواد قـــلبـــك و بيــــاض قلبـــي دماء الخـــطيـــئـــة "

✏️ : ᏰᎽ : ᏕᎾᎰᎨᎯ

VoTe + Comment فضلا وليس أمرا

نبدأ على بركة الله 🤍

" عـــــزاء_نــــفـــــســــي "
ــــــــــــــــــــــــــــــــــــــــــــــــــــــــــــــــــــــــــــــــــ

قرب عندهم و تحدر جيهتها و شافت فختو

ديابلو : مالها ..

كاميلا : (بتأسف ) ساقت الخبار لخالتي كورديليا ماتت .. و هي تسخف ..

ديابلو : (بعتاب ) زعمه مالقيتي فوقاش تقوليهالها غي دابا ..

كاميلا : معرفتهاش غادي تسخف .. دابا هزها نديوها عندنا ..

ديابلو هزها بين يديه و كاميلا جراتليها الڤاليز ديالها و الساك و تحركو غاديين للكوخ ديالهم .. ثواني و وصلو حيت كان قريب .. دفع الباب برجليه و دخل حطها فوق الكامة و خرج .. كاميلا كذلك حطاتليها حوايجها حداها و خرجات تبعات خوها ...

لقاتو ݣالس على الكنابي كيلعب فالتيلي شافت فيه و نطقات

كاميلا : واش مغادي تقول والو ..

ديابلو :(هز عينيه و شاف فيها ) شنو بغيتي نقول مثلا ..

كاميلا : راه إليانور رجعات .. واش كتسمع إليانور ..

ديابلو : سمعت و عرفت إليانور على ما تفيق و تحرك تقود لدارها .. معندها مادير عندي هنا ..

كاميلا : و لكن ..

ديابلو : (قاطعها ) ولكن شنو ... الموضوع ديال إليانور تسد 10 اشهر هادي .. دابا ولات بحالها بحال بنات القحاب اللي كنعرف ..

كاميلا : (جلسات فجنبو و شافت فيه ) ولكن كانت غادي تكون مراتك و مت ولدك ..

ديابلو : ( شاف فيها بعصبية ) هانتي قلتيها كانت غادي تكون .. دابا عفاك راني عيان سدي هاد الموضوع ..

كاميلا : ( بقلة حيله ) على خاطرك ...

ناضت من حداه و طلات عليها من النافذة لقاتها باقة ناعسه و تحركات غادة لخدمتها بضع أقدام و كانت وصلات .. لقات بيترا كتشطب الأرضية ديال الباب .. بقات واقفة و دارت يديها فجيب الكونبين اللي لابسة و هزات راسها كتشوف المنتجع اللي فوق راسها قد السخط .. و هازة حملو بوحدها .. ديابلو ساهم معاها غي فالفلوس ديالو باش شراتو و صافي.. حتى الربح ديالو و مكيسولش عليه .. دخلات منين سالات بيترا التشطاب .. و جلسات فالريسيبسيون كتلعب فالتيلي .. حتى جات عندها بيترا ..