"هـــدوء الــــعـــاصفـــة "
"بـــيـــن ســـواد قـــلبك و بــــياض قــــلـــبي دمــــاء الخــطــيــئـــة"
✏️ ᏰᎽ : ᏕᎾᎰᎨ ᏁᎯ
VOTE + COMMENT فضلا وليس أمرااا 💮
نبدأ على بركة الله 🤍
-------------------------
ميرنا : ( هزات راسها لقات كلشي كيشوف فيها بحزن مسحات طرف عينيها و نطقات ) بلاش من الشفقة .. ماتوا الله يرحمهم ...
تمشات غادة جيهة الدروج طالعة لبيت ميليس ... دخلات و مشات للحمام سدات عليها و تكات على الباب طالقة العنان لدموعها ياخدو مجراهم فخدودها واصلين لذقنها... حطات راسها على الحيط بقات كتبكي بصمت ... غمضات عينيها مرجعة ذاكرتها للوراء للحديث ديالها مع واليديها قبل 12 لعام ..
"
فيروز : بنتي هادشي اللي شفتي قدامك مخاصوش يهرسك ... عرفي دابا غادي دوزي أصعب أيام حياتك بوحدك .. ولكن قلبي علاش تعيشي ... عيشي على قبل راسك و متنسايش نتي بنت من .. نتي راك بنت فيروز و قادر اليعقوبي .. عنداك تنساي هاد الهدرة .. متخلي حتى حاجة تهرسك .. كوني قوية .. كوني جبل مايهزو ريح .. كوني الظالم و متكونيش المظلوم .. كوني الحݣارة و متكونيش المحݣورة .. كوني قوية و ديال راسك تهلاي فراسك أبنتي .. عرفي راني بغيتك و كنبغيك و غادي نبقى كنبغيك حتى يوفى الأجل .. ميرنا نيلاي اليعقوبي ... متنسايش شكون نتي
قادر : صافي جا الوقت باش كلشي يسالي ... و لكن متنسايش اليعقوبي مكيتسالاوش ... فريد غادي يكون فجنبك .. فأي وقت حتاجيتيه غادي يكون رهن الإشارة .. نهار نموت غادي نبقى فقلبك و عينيك حي.. معمرني نموت أ ميرنا .. و فوقما حسيتي راسك وحيدة .. غمضي عينيك و غادي تلقاينا فجنبك .. تهلاي فراسك أبنتي... الله يرضي عليك
"
مسحات دموعها و غسلات وجهها و خرجات من الحمام لبسات حوايجها و جمعات شعرها و هزات التيلي ديالها دوزات الخط
ميرنا : تلاقاني فالقصر
فصلات الخط .. وهبطات بالحس سمعاتهم كيهدرو على الحادث تنهدات فخاطرها وتمشات خارجة من القصر ... ركبات فاللوطو ديال ميليس.. أشترت للݣارد يحلها الباب.. و خرجات قاصدة طريق القصر ..
وصلات نزلات كان قصر شبه مهجور النوافذ مهرسة الباب محلول شوية و الغبرة معمرة المكان .. تمشات طالعة فالدروج الأمامية للباب دفعات تنفضات عليها الغبرة الشئ اللي خلاها دير يديها على وجهها م كحات بقوة ... سمعات الحس دارت موراها بالزربة .. لقات المحامي واقف.. شافت فيه و تنهدات براحة
ميرنا : خلعتيني ا فريد .. دير الحس
فريد : سمحيلي ٱنسة ميرنا.. مقصدتش ..
أنت تقرأ
دمـــــــاء الـــــخطــــيئـــــة | THE BLOOD OF SIN
Akcja_____________🆕EXCLUSIVE!!!!!🆕_____________ ♤ حـــــصــــريــا و فـــــقـــط عـــلـــى الـــــواتبــــاد ♤ روايـــة بــعـــنـــوان : ○○○○○○○○○○○○○○○○ 🩸 دِمـــَـاء ُآلْــــخَطــِـيـــئــَة 🩸 ♡...
