على فطرة الإسلام

الفصل الثالث

عارفة انى قولت هنزل فى وقت الغروب بس ما قدرتش استنى لحد اخر النهار 😂🌚

وغالباً المواعيد هتبق زي ما قولت حد واربع بس الساعة كام؟ فـ فى اى وقت 🌚♥

يلا قرائة ممتعة وماتنسوش الفوت ☆

ـــــــــــــــــــــــــــــــــــــــــــــــــــــــــــــــ

كانت هنا تغسل الاطباق بعد تناولهم العشاء، وفجأة صدح صوت من خلفها أفزعها، يقول..

"بــــــــــــــــخ..!!!!!!"

نظرت خلفها بضيق ظناً منها انه اخوها هشام لكنها صرخت بفرحة وقالت "آســــــــــــر..!!!!!!!"

ابتسم آسر بحب وفتح ذراعيه لتركض هي له وتضمه بشدة وتقول بتأثر "وحشتني يا آسر اوي، عامل اي؟! كدا تغيب دا كله عننا"

ابتسم آسر باشتياق وقال وهو يضمها "وانتى كمان وحشتيني يا هنا، انا خلاص جيت وهقعد معاكو علطول"

خرجت من حضنه وابتعدت قليلا وقالت بفرحة "بجد يا آسر؟!!!"

ابتسم وقال "اه انا نزلت انا ورامى وهنرجع على الامتحنات اخد الشهادة وارجع تاني واستقر هنا بق، ان شاء الله"

تبدلت معالم وجهها بضجر فور سماعها لاسم رامى، قالت بحنق "انت جبت رامى معاك لي؟!"

ضحك آسر فهو يعلم ان هنا لا تطيق رامى منذ صغرهم، فهى تراه مزعجا، قال بضحك "ماله رامي يا ست هنا؟!"

قالت بضيق "انت عارف انى مبحبوش وهو رخم"

ابتسم آسر وقال بتحذير "عيب يا هنا، رامى ابن عمى وانتى عارفة ان معزته بالنسبالى زيك انتى وهشام بالظبط"

زفرت بضيق وقالت "ماشى يا آسر، هتقبل وجوده بس علشانك، وهعصر على نفسى حظيرة لمون"

ضحك آسر بصخب، ثم تركها ليصعد شقته مع ابن عمه ليرتاح، فهو لديه شقة فى ذلك المبنى المكون من أربعة طوابق، الطابق الاول تعيش به خالته مع هنا وهشام، والطابق الثانى خاص بآسر ليتزوج فيه ويجلس به أحيانا عندما يكون معه رامى، والطابق الثالث ليتزوج به هشام ومريم، والطابق الرابع لايزال تحت الانشاء، وهو يخص هنا لتأتى به مستقبلا عندما تتزوج..

ـــــــــــــــــــــــــــــــــــــــــــــــــــــــــــــــ

وفى منزل ريم صديقة يوستينا..

كانت تجلس فى غرفتها بملل حينما هاتفتها صديقتها المقربة هايدى، ابتسمت وردت عليها وقالت "هاى ديدي"

جائها الرد على الناحية الاخرى وهايدي تقول "هاي ريمو، اي اخبارك"

"انا بخير يا قلبى، زهقانة بس"

قالت هايدي بنبرة حماسية "وعلشان الزهق دا ياستى هفسحك بكرة بق، هيصى"

ضحكت ريم وقالت "هتفسحيني فين ياستى؟!"