هلا هلا بيكو يا حبايب 🥺♥♥♥
انا بجد بعتذر جدا جدا جدا علشان بقالى فترة كبيرة اوي ما نزلتش البارت بس والله الواتباد بقاله يجي 3 اسابيع مش راضي يشتغل معايا وحاولت معاه بكل الطرق انه يشتغل وهو مش راضى، لحد امبارح بالليل جربته كدا لقيته فتح وانا بجد مكنتش عارفة اي السبب اللى خلاه يقفل اصلا 🙂
ما علينا المهم ان البارت اهو وباذن الله انزلكو كتير الفترة الجاية 🥰♥♥♥♥♥♥
يلا قرائة ممتعة ♥
ـــــــــــــــــــــــــــــــــــــــــــــــــــــــــــــــ
"يعني اي جايين تشربو الشاى عندنا يوم الجمعة..؟!!"
قالتها رقية باستنكار وهى تخرج من السيارة وتتجه للسائق لدفع الأجرة فشكرها السائق وذهب بعدما تأكد من هبوط الجميع
جاورتها هنا فى حديقة منزل عبد الرحمن "والد رقية" وهى تقول بمرح "زى ما فهمتى كدا"
نظرت لها رقية بصدمة وظلت تتلعثم فى الحديث بسبب خجلها وهى تقول "هنا انتِ.. اا انت اا..!!!!"
ضحكت هنا بشدة فابتسمت سلمى وهى تقول بنبرة ماكرة "اي دا يا هنا هو رامى ناوى يتجوز رقية ولا اي؟!!"
نظرت لها هنا بشر ثم قالت مندفعة "رامى مين دا اللى يتجوز رقية؟!!!"
ضحكت سلمى بشدة وشاركتها مريم الضحك ورقية ايضا متناسية خجلها لتنظر لهم هنا بحنق من كشفهم لأمر اعجابها برامي
هدأت ضحكاتهم حتى قالت مريم "لا بجد احكى.."
ابتسمت هنا ثم قالت بحماس "انا هقلكو، من كام يوم كدا آسر جالى وقالى.. "
Flash back
"هنـا انا عايز اتجوز"
نظرت هنا لآسر بدهشة من هذه الدخلة الغريبة، أهكذا فجأة..!! يريد ان يتزوج..؟!!! هذه الأمور تحتاج الى مقدمات أو أشياء من هذا القبيل..!!! لخصت هنا كل أفكارها تلك فى قولها المتعجب "اي؟!"
ضحك آسر بخفة ثم قال "يعنى انا شايف انى جاهز وكدا وعندى شقة ومعايا فلوس فى البنك وان شاء الله هتثبت فى المستشفى اللى بشتغل فيها فـ.. شوفيلى عروسة كدا"
ابتسمت هنا بفرحة وقالت بحماس "بجد يا آسر؟!! بجد بجد..!!!!"
ابتسم على فرحتها هذه فأومأ بهدوء لتقول هى بتلقائية "انا عندى عرايس كتير، هتحبهم اوي..!!!"
ضحك وهو يضربها على مؤخرة رأسها بخفة قائلا "يعبيطة..!! انا عايز واحدة بس احبها مش عايزهم كلهم"
نظرت له هنا ببلاهة ثم قالت ببسمة غبية "اه صح، طب بص.. اا"
قاطعها هو بقوله المتوتر "بصى يا هنا، هو فى بنت كدا كانت معاكى فى المستشفى انتِ ومريم مرات هشام، ساعت لما كنتى بتزورى البنت اللى اسمها يوستينا دى، احم.. هو انا.. اا"
أنت تقرأ
على فطرة الإسلام
Fiksi Umum"نصفين افترقا.. أصبح كل منهما فى وادى.. إختلفت الاديان.. والبيئة.. والطباع.. والعائلة والأقارب والاصدقاء.. لكن..!! الشكل ظل كما هو.. فهل هناك من عودة..؟! ربما لا.. وربما..!! سيظل نصفها على فطرة الاسلام 💕".
