අද හවස කැම්පස් එකේ ඉවෙන්ට් එකක් තියේ.අපේ බැජ් එකේ හැමෝම ඒකට එන්න ඕන කියලා තියෙන්නෙ. ඒත් ඉතින් අඩුම තුනෙන් එකක්වත් අද ගෙවල්වල යනවා. කොහොමත් අපේ බැජ් එකේ කෙල්ලො දෙසිය අසූ ගානක් ඉද්දි කොල්ලො හිටියෙ සීයක් වගේ. ඕකුන්ගෙන් ගොඩක් අය ඊයෙම ගෙදර ගියා. අද ඉතුරු එව්වොත් යයි.
ඔය කොල්ලො සීය අර කෙල්ලො දෙසිය අසූවම කරන ගොන් වැඩවලට කොමන්වලදී කනේපාර කන්න සැදී පැහැදී ඉන්න ඕන.
ඕකුන්ට කොච්චර කිව්වත් වැඩකුත් නෑ. එකෙක් දෙන්නෙක් හරි ඉන්නවා මොකක් හරි පණ්ඩිතකමක් කරලා බැජ් එකටම කෙලවන්න බලාගෙන.
අද තියෙන වැඩේ පටන් ගන්නෙ 6ට. අපේ සින්නොයි සුපර් සින්නොයි ඇරේන්ජ් කරන්නෙ. අපිට තියෙන්නෙ ගිහින් වාඩි වෙලා බලන් ඉන්න. අනිත් ෆැකල්ටි වල අයත් එන නිසා අපිට නීති දහසක් දාල තමයි එන්න කිව්වෙත්.
"දම්පාට හැන්දෑව "
කලමනාකරන හා මූල්ය පීඨ සහෝදරත්වයසමනල පාලම පහු කරගෙන ඉස්සරහට ගියාම Y හංදියට ඉස්සරහ තියෙන වලේ තමයි වැඩේ යන්නෙ.
මම, වතික, පසා, සිනිදු පේලියට වාඩි උනේ අපිට ඉස්සරහ වතිකට කෙලින් මදහස් වාඩි වෙද්දි. පසායි වතිකයි වෙලාසනම එන්න ඕන කිව්වෙ මූට ගල් බැම්ම පැත්තෙ ගහ ලග වාඩි වෙන්න ඕන කියලා. මනෝකාරයාවනම් මූ එක්ක ආවෙබෑ කියද්දි. ඇත්තටම මට ඒ ඩයල් එක තේරුම් ගන්න බෑ. බෑ නෙවෙයි ඇත්තටම කිව්වොත් මට මෙච්චර දවසකට ඌ ගැන තේරුම් ගන්න උවමනාවක් උනේ නෑ.
ඒත් මං අද උවමනාවෙන් ඌ දිහා බැලුවා. පන්දම් එලියට කහ පාටට පෙන්න මූන... ඒ මූන මැලවිලා මහන්සි පාටයි...
වැලමිට ලගට නවපු ශර්ට් එකේ ගැලවිලා තියෙන බටන් එක ඇතූලෙන් පේන කොලර් බෝන් එක... ඒකට ගින්දර එලියට තව හයිලයිට් වෙලා පේනවා.. වැලමිටට පහල මැණික් කටුව ලග ටැටූ එකක්.. අඩ අදුරත් එක්ක හරියට නොපෙනුනත් පේන විදියට ඒක අලුත් එකක් වගේ. හරියට බැලුවොත් ඌ මගේ ගානටම උසයි. මහතත් නෑ කෙට්ටුත් නෑ. ලංකාවෙ අනිත් අවුරුදු 20/21 කොල්ලො වගේම තමයි.
පෙනුමෙන් මිනිස්සු තේරුම් ගන්න බැරි උනත් ඒ ඇස් ලොකු කතාවක් කියනවා වගේ...
YOU ARE READING
COME WITH ME
Non-Fictionඋඹ කවද්ද ඔය අරක්කු බොන එක නවත්තන්නේ... උබ cigarettes බොන එක නවත්තපු දවසට ....