COME WITH ME

10 කොටස

මද.. අතෑරපං.. මොකක්ද කරන්නෙ..

තොපි මේක නවත්තන්නෙම නැද්ද යකෝ... මෙච්චර කෙලවලත් ඒත් මදිද.... උඹල සේරටම ඕනි මාව මරාගන්නද.... දැන්වත් මට පාඩුවෙ ඉන්න දීපල්ල... මොකක්ද මේකෙ තේරුම...

මොනවද බං මේ කියන්නෙ.. බෙල්ල අතෑරපං ඉස්සෙල්ල.. 

කියන්නෙ.. කියන්නෙ උබ සංඛ එක්ක එකතු වෙලා කරන සෙල්ලම ගැන..  ඌ ද කිව්වෙ මෙහෙම කරපං කියල.. ඌ කිව්වද මාව රවට්ටපු තරම මදි කියල...

කතාකරපං ඉතින්.. ගිහින් සංඛට කියපං.... සංඛට තව ගන්න තියෙන්නෙ මගෙ පණ විතරයි කියල.. ඌට ඒකනම් ඕන මං ඒකත් දෙන්නම් කියල... පලයං .. පලයං යකෝ..

මගෙ බෙල්ල අතෑරල මදහස් එහෙමම බිත්තිය දිගේ රූටල ගිහින් බිම වාඩි උනා.. උගෙ ඇස් රතු වෙලා.. ඉදිමිලා.. කම්මුල් පුරාම කදුලු... කේන්තියට ද දුකටද  දන්නෙ නෑ උගෙ මුලු ඇගම වෙවලනවා.. මගෙ ඇස් පහලට යද්දි දැක්කෙ එහාපැත්තෙ වැටිල තියෙන නෙතූගෙ වෙඩින් කාර්ඩ් එක...

වෙලා තියෙන දේ මොකක්ද කියල හොදටම තේරුණත් හිත පිලිගන්න අකමැති වෙද්දි මම ඌ ඉස්සරහ දනගහගෙන අත් දෙකෙන්ම ඒ කම්මුල් දෙක උඩට ඉස්සුවා..

උඹට මෙහෙම උනේ  සංඛ නිසාද?

....

කතාකරපං බං.. ඒ සංඛ ද? උඹ එදා මට කිව්වෙ සංඛ ගැනද?

ඉකි ගහන ගමන් ඌ ඔලුව උඩ පාත වනනව..

ඇත්තටම මෙහෙම දේවල් වෙන්න පුලුවන් ද? අහම්බයක් උනත් මේ විදියට...

මේ අහපන්.. සංඛ කියන්නෙ නෙතූගෙ හස්බන්ඩ්.. ඊට එහා දෙයක් මට සංඛ එක්ක නෑ... මේ මොහොත වෙනකන් මං දන්නෙ නෑ සංඛ කියන්නෙ උබේ ex කියලා..
මං උඹව රවට්ටල නෑ.. රවට්ටනෙත් නෑ.. ආයෙ වැටෙන්න දෙන්නෙත් නෑ.. උඹගෙ පණ ඌට දෙන්නෙත් නෑ... තේරුණාද උඹට.. ම්ම්ම්ම්..  🥺🥺

මං එහෙමම ඌව බදාගත්තෙ උගෙ ඔලුව මගෙ උරහිසට බර කර ගන්න ගමන්.. අඩන එක නැවතුනත් සැරින් සැරේ ඉකි ගහන එක නතර උනේ නෑ..

මගෙ ඔලුව යකාගෙ කම්මල වගේ.. හිතාගන්න බෑ කවුරු කියන දේ විශ්වාස කරන්නද කියල..

මදහස් කියන දේවල් ඇත්‍තනම් සංඛ තරම් බල්ලෙක් කොහෙවත් නෑ... ඒත් මං ඌව ආශ්‍රය කරපු කාලෙටම මෙහෙමයි කියන්න තරමේ  උගේ කිසිම වැරැද්දක් මට  පෙනුනෙ නෑ..