Unicode
ယမမင်းနဲ့ ဓါတ်ကြီးလေးပါးအရှင်သခင်တို့ ရုတ်တရက်ရောက်ရှိလာခြင်းကြောင့် စုန်းမြေတွင် မောင်းတီးလိုက်သကဲ့သို့ တုန်တက်သွားလေသည်။ သို့သော် စုန်းသခင်မ KwonYong မှာ ဤသို့ရောက်ရှိလာခြင်း၏ အကြောင်းပြချက်ကို သိနှင့်နေတာကြောင့် ဟားတိုက်သကဲ့သို့ အားရပါးရရယ်မောလိုက်ပြီး
"ရောက်လာတော့လည်း မထင်မှတ်ထားတဲ့ နှစ်ယောက်ပါလား"
SeungCheol က စုန်းတို့နှင့် နဂိုရန်ငြိုးရှိဖူးတာကြောင့် ထိုမြေကို ခြေချရုံနှင့် စိတ်တို့မသတီပါ။ SeungCheol ကရောက်ရောက်ချင်းပဲ KwonYi ၏ ဝိဉာန်ကို သူ့အာရုံထဲနှံ့စပ်စွာရှာဖွေမိ၏။ သို့သော်လည်း မတွေ့။ KwonYong က စူးရှရှအော်ရယ်လိုက်ပြန်ပြီး
"ဘယ့်နှယ့်လဲ တွေ့ရဲ့လား"
"KwonYong ငါတို့ ဒီလာတဲ့အကြောင်းကို မင်းသိနှင့်ပြီးသားမလား။ အေး ငါတို့ရှာတွေ့ခဲ့ရင် မင်းရဲ့သားဝိညာန်ကို ငါမီးမြှိုက်ပြီး ချုပ်ထားမယ်"
KwonYong ၏ မျက်နှာထားက တင်းမာလာ၏။ တကယ်တမ်း သူမမှာ ယမမင်း SeungCheol ကို မယှဥ်ပြိုင်နိုင်ပါ။ SeungCheol ဟာ လောကသုံးပါး အကြီးအကဲထဲကတစ်ယောက်မို့ အစွမ်းသတ္တိမှာ သူတုပဖို့ရာ ဝေးကွာလှသည်။ သူ့ဗိမာန်တွင်သာ ခြယ်လှယ်အုပ်စိုးနေသူ ယမမင်းက အင်အားကို တစ်ခြားဗိမာန်တွေသိအောင် ချမပြသူဖြစ်၏။ သို့သော် စုန်းမြေနှင့် စစ်မက်ခင်းဖူးသည်မို့ SeungCheol ၏ မည်မျှအစွမ်းအင်အားသက်ရောက်သည်ကို လက်တွေ့မြင်ဖူးထားတာကြောင့် မခံချင်စိတ်ဖြင့် တောင်ဝှေးကို ဆွဲယူပြီး မကောင်းဆိုးဝါးတို့ကို ဆင့်ခေါ်လိုက်၏။
"Wonwoo အသင့်ပြင်"
"ယမမင်းခင်ဗျ၊ အတတ်နိုင်ဆုံး ရန်မပွားအောင် ဆောင်ရွက်မယ်ဆို"
"သူတို့ဘက်က အရင်စလာတဲ့ ရန်ပွဲမှာ ငါကလက်ပိုက်ကြည့်မနေနိုင်ဘူး"
ယမမင်းဟာလည်း သူ့တူတော်မောင်နှင့် ထူးမခြားနားဟု Wonwoo တွေးမိပြီး ခေါင်းယမ်းရ၏။ ဘယ်ဗိမာန်နဲ့မှ ပြဿနာမဖြစ်စေရန် အမိန့်ပေးခဲ့သူက ယမမင်း၊ တစ်ဖက်ကရန်ကို ရန်နှင့်တုံ့ပြန်မည်ဟု အမိန့်ပေးနေပြန်သူကလည်း ယမမင်း။ Wonwoo ခေါင်းကို ဒုတိယအကြိမ်ခါယမ်းလိုက်ပြီး လှံတော်ကိုကျစ်ကျစ်ပါအောင် ဆုပ်ကိုင်ကာ KwonYong ဖန်တီးထားသည့် မကောင်းဆိုးဝါးတို့ကို တိုက်ခတ်နေရ၏။
YOU ARE READING
ThunderCat
Fanfictionစစ်ပွဲတို့၏ နတ်ဘုရားဟု တင်စားခေါ်ဝေါကြတဲ့ မိုးကြိုးစွမ်းဆောင်ရှင် ခြင်္သေ့မင်း Kim Mingyu။ မီး၊ ရေ၊ လေ၊ မြေ စတဲ့ ဓါတ်ကြီးလေးပါးတို့ရဲ့ အရှင်သခင် Jeon Wonwoo။ ကွဲပြားခြားနားတဲ့ အခြေအနေ၊ မျိုးနွယ်စုတွေကို ကျော်လွန်ပြီး တည်မြဲတဲ့ ချစ်ခြင်းကြိုးထုံးတစ်ခ...
