ThunderCat

အပိုင်း-၂၃

Unicode

" KwonYi ရဲ့ ဝိညာန်က ဒီမှာပဲ"

Seungcheol က KwonYi ၏ ဝိညာန်အား ရှာ​ဖွေ​နေရင်း တစ်စုံတစ်ခုကို သတိရမိ၏။ ဤသည်မှာ ပင်လယ်နဂါးမင်းနှင့် KwonYong ၏ လွန်ခဲ့​သော နှစ်​ပေါင်းရာ​ကျော်ခန့်က ဖြစ်ပွားခဲ့​သော စစ်ပွဲဖြစ်သည်။ ထိုအချိန်တုန်းက ထိုစစ်ပွဲသည် ငရဲဘုံသို့ ကူးစပ်လာရန် အလွန်နီးကပ်​နေခဲ့သည်။ သို့​သော် အ​မျှော်အမြင်ကြီးသည့် သူ့ဖခင်မှာ ဖြစ်ပွား​နေ​သော စစ်ပွဲအ​တောအတွင်း ဘယ်ဗိမာန်နှင့်မှ အပတ်အသတ်အ​ရောအ​နှောမလုပ်ဘဲ ငြိမ်သက်စွာ​နေ​နေခဲ့သည်။ မဆီမဆိုင် ကျိမီးရှို့မိပါက မိမိတို့ဗိမာန်ဘက်သို့ ကူး​ပြောင်းလာနိုင်​ချေရှိ​သော​ကြောင့်ဖြစ်၏။ ထိုစစ်ပွဲအပြီးတွင် KwonYong ၏ သားဖြစ်သူ KwonYi က ဝိညာန်​မျောလွင့်သွားခဲ့သည်။ 

စုန်းတို့၏ သဘာဝမှာ ​သေလွန်ပြီးပါက ​နောင်ဘဝသို့ ကူး​ပြောင်းရန် ခဲယဥ်းလှ၏။ ဝိညာန်​မျောလွင့်ပြီး ခို​အောင်းခွင့်ရမည့် ခန္ဓာကိုရှာ​ဖွေကြရသည်။ မရှာ​ဖွေနိုင်လျှင်လည်း ​မျောလွင့်ဝိညာန်အဖြစ် စုန်းသခင်မထံ ခစားကြရ၏။ တကယ်တမ်းတွင် KwonYi ​သေဆုံးချင်းကား ​မြေ​အောက်သားရိုင်း ရှုယုံနှင့် သူ၏သားဖြစ်သူ မာ ၏ လက်ချက်ဖြစ်သည်။ ဤသည်ကို စကားအယုံလွယ်သူ KwonYi က ပင်လယ်နဂါးမင်း Jihoon ကိုသာ အမျက်ကြီးခဲ့​ချေသည်။ 

သားဖြစ်သူ KwonYi မ​သေဆုံးခင်လက်တစ်ကမ်းအလိုတွင် KwonYong က ကြီးမား​သောအစီအရင်တစ်ခုပြုလုပ်ခဲ့သည်။ ထိုအစီအရင်​ကြောင့် သူမသားသည် ပင်လယ်နဂါးမင်း ၏ ခန္ဓာကိုယ်အတွင်း မှီတင်းခွင့်ရခဲ့သည်။ ​သူမ အစီအရင်လုပ်ခဲ့တုန်းက အနီးစပ်ကမီးငြိမ်း​တောင်မှာ ​နေ့ချင်းညချင်း မီးဟုန်းဟုန်း​တောက်ကာ မီး​တောင်​ပေါက်ကွဲမှုဖြစ်​ပေါ်ခဲ့သည်။ မျောလွင့်​နေ​သော Kwonyi ၏ ဝိညာန်ကို ဟာမူကီ ဟု​ခေါ်တွင်​သော မီးငြိမ်း​တောင် (​ထိုအချိန်က ပေါက်ကွဲသွား​ခဲ့ပေမဲ့ ယခုပြန်မီးငြိမ်းသွားသဖြင့် မီးငြိမ်းတောင်ဟုသာ ​ခေါ်တွင်ကြသည် ) တွင် လျို့ဝှက်ထားသည်ကား ဖြစ်နိုင်သည်။ 

ဤသို့ဆင်ခြင်မိသဖြင့် SeungCheol ဟာမူကီ မီးငြိမ်း​တောင် သို့ ဒုန်းဆိုင်း​ပြေးထွက်ခဲ့​ချေသည်။