Unicode
"ငြင်းမယ်ဆို စစ်ခင်းပစ်မယ်"
ဆိုတဲ့ ထိုသူ့စကားက သူ့နားထဲ ပဲ့တင်ထပ်နေသည်။ Wonwoo ဘာမှမစဉ်းစားတတ်တော့။ သူနဲ့ပတ်သတ်လျှင် ရင်ဘတ်တစ်နေရာက ဗြောင်းဆန်နေတာသိပေမဲ့ လျစ်လျူရှုထားမိသည်။ အချိန်တန်လျှင်တော့ ပုံမှန်ပြန်ဖြစ်မည် ဆိုသည့်စိတ်နှင့်။ သို့သော် ညနေဘက်တွေဆို နန်းဆောင်ပြတင်းပေါက်ကနေဖြစ်စေ၊ ပန်းဥယျာဉ်ကနေဖြစ်နေ တစ်စုံတစ်ယောက်ကို မျှော်နေမိတာ တကယ်ရှက်စရာကောင်းလှသည်။ အိပ်စက်ဖို့ ကြိုးစားတော့လည်း ထိုသူ့ပုံရိပ်က အထင်းသား ပေါ်လာသည်။ အိပ်ပျော်သွားပြန်တော့လည်း ထိုသူက အိမ်မက်ထဲအထိပါ ကျူးကျူးကျော်ကျော် ဝင်ရောက်လာသည်။ အိမ်မက်ထဲမှာလည်း ထိုသူနှင့် ချစ်ရေးဖွဲ့ဆိုသတဲ့။ ဘယ်လိုတောင် အဓိပ္ပါယ်မရှိတာလဲ။
လျှပ်တပြက်ရောက်လာတဲ့ မိုးကြိုးစွမ်းဆောင်ရှင်က သူ့စိတ်ကို ဘာကြောင့်များ သည်လောက်စိုးမိုးနိုင်ရတာလဲ။ သူ့ရဲ့မျက်နှာအစိတ်အပိုင်းတစ်ခုချင်းစီကို ထင်ထင်ရှာရှား မြင်မိတဲ့အခါ ကိုယ်ကိုယ်တိုင်တောင်မသိလိုက်ပါဘဲ ပြုံးနေမိတာ။ မနေ့ညကမက်ခဲ့သည့်အိမ်မက်ဆို ပြန်တွေးမိတိုင်း ဓါတ်ကြီးလေးပါးလုံး တုန်လှုပ်သွားသလိုပင်။ နားထဲ ထိုသူ့ရဲ့အသံက ကြိမ်ဖန်များစွာ ပဲ့တင်ထွက်လာသည်။
"မောင့် Wonnu လေးခင်ဗျ"
"မောင့်အချစ်ဆုံး"
"ဟော် ဒီလောက်ချစ်စရာကောင်းနေမှတော့ ဒီမောင်ရူးဖို့ပဲရှိတော့မယ်"
နားစည်မှာ ထိုအသံတွေက ချိတ်ဆွဲထားသလိုကို ကြားယောင်မိနေတော့ Wonwoo တစ်ယောက် ကုတင်ပေါ်က ချက်ချင်းဆင်းပြီး ဓါးရှည်ကိုဆွဲယူကာ စစ်ရေးလေ့ကျင့်ခန်းဆီ သွားမိသည်။ ကွင်းပြင်ကျယ်ကျယ်မှာ တစ်ယောက်တည်း ဓါးရေးကျင့်နေလျှင် စိတ်သက်သာမည်ဟု တွေး၍ လေညင်းနုနုတို့ကိုအဖော်ပြုကာ လှပသေသပ်သော ဓါးကွက်တို့ကို ဖန်တီးနေသည်။
ထိုစဥ်မှာပင် လေညင်းနုနုတို့က တရွှီးရွှီးအသံတွေထွက်လာသည်။ များမကြာမီ ကောင်းကင်ထက် လျှပ်စီးတစ်စင်းက ရင်သက်ရှုမောဖွယ် ပေါ်လာသည်။ Wonwoo ထိုလျှပ်စီးတို့ကို မျက်နှာမလွှဲကြည့်နေရင်းကနေ လျှပ်စီးကြောင်းတို့ကနေ စာတန်းတွေထွက်လာသည်။ Wonwoo မျက်မှောင်ကြုတ်မိသည်။ ဒါဖြစ်ရိုးဖြစ်စဥ်မှမဟုတ်တာ။ ထိုမိုးကြိုးစွမ်းဆောင်ရှင် ဘာတွေများလုပ်နေသလဲ။
YOU ARE READING
ThunderCat
Fanfictionစစ်ပွဲတို့၏ နတ်ဘုရားဟု တင်စားခေါ်ဝေါကြတဲ့ မိုးကြိုးစွမ်းဆောင်ရှင် ခြင်္သေ့မင်း Kim Mingyu။ မီး၊ ရေ၊ လေ၊ မြေ စတဲ့ ဓါတ်ကြီးလေးပါးတို့ရဲ့ အရှင်သခင် Jeon Wonwoo။ ကွဲပြားခြားနားတဲ့ အခြေအနေ၊ မျိုးနွယ်စုတွေကို ကျော်လွန်ပြီး တည်မြဲတဲ့ ချစ်ခြင်းကြိုးထုံးတစ်ခ...
