Unicode
"ကိုယ်တော်က သိပ်ဆိုးပါတယ်၊ မင်းဘာလို့ ကပ်တွယ်နေသေးတာလဲ"
သည်လိုစကားကို ကြားရတာ အခုဆို နဝမအကြိမ်ရှိနေခဲ့ပြီ။ SoonYoung လည်း မတတ်နိုင်ဘဲ အဖြူရိပ်ကလေး ပေါင်ပေါ်သာ ခေါင်းအုံးလိုက်ပြီး မျက်ဝန်းမှေးမှေးလေးတွေကို မော့ကြည့်နေမိသည်။ ကြယ်တာရာတွေအလား ထင်မှတ်ရပေမဲ့ မဟုတ်ပါ၊ အဖြူရိပ်ကလေး မျက်ဝန်းတို့သည့် ကြယ်တာရာပေါင်းများစွာထက်ပင် လှပ၍လင်းလက်ပါ၏။ အနမ်းဂဟေဆက်ခဲ့ပြီးကတည်းက ပိုမိုနီးကပ်လာကြတာ သိသာသော်ငြား၊ စိတ်ပါရင် ပါသလို အထက်ပါစကားမျိုးကို သူလေး နှုတ်ခမ်းဖျားက ပြောမြဲပြောစမြဲ။
ဘယ်လိုတွေပဲ ငြင်းဆန်နေပါစေ၊ SoonYoung က အနှောင့်အယှက်မဖြစ်စေတဲ့ ကပ်တွယ်ခြင်းမျိုးနှင့် ကြိုးစားနေတာမို့ Jihoon လည်း မုန်းဖို့မေ့ဖို့ဆိုသည့် လမ်းမှာ မယိုင်ချင်တော့။ မုန်းရန်လည်း လမ်းစမရှိသလို၊ မေ့ပစ်လိုက်ဖို့ ဆိုတာဟာလည်း မဖြစ်နိုင်လွန်းသော ခဲယဥ်းထွေပြားသည့် အရာရယ်ပါ။ Soonyoung ခင်းကျင်းထားသည့် နှလုံးသားတံတားပေါ်မှာ သူဖြတ်လျှောက်လိုက်ရမလား ဆိုသည့် အတွေးတို့ဟာ နေ့နေ့ညည လွှမ်းမိုးနေမြဲပါ။
ဒါပေမဲ့ တစ်ခါတလေ ဆုံးဖြတ်ရခက်တဲ့ အခိုက်အတန့်တွေရှိတယ်။ ကိုယ့်ကိုယ်ကိုယ် သံချပ်ပေးရင်းနေလာရတဲ့အခါ လူကတဖြည်းဖြည်းနဲ့ နုံးလာတယ်။ SoonYoung အပေါ် ခံစားချက်တွေဖွဲ့နွဲ့မိနေတာ သေချာသလောက်ရှိနေတော့ နှလုံးသားအရာ ထုံပေသူမို့ ရှေ့ဆက်ဖို့ သူမဝံ့ရဲ။ သူနဲ့ပတ်သတ်ရင် ဆိုတဲ့ ဝေါဟာရအပေါ် နှစ်ခြိုက်လာတာ သတိထားမိတော့ ရှက်စိတ်တွေလည်း ပြည့်နှက်လာတယ်။
SoonYoung ရှိနေတဲ့ သူ့ဘဝဟာ ပြည့်စုံခြင်းလို့ ခေါ်တွင်မယ်ဆိုရင် SoonYoung မရှိနေတဲ့ သူ့ဘဝဟာ ဆုံးရှုံးခြင်းပဲ ဖြစ်ပါလိမ့်မယ်။ ခဏတာ ရင်ခုန်ခြင်းမို့ ချစ်ခြင်းတွေ တည်တံ့နေတဲ့ နတ်ဘုရားကလေးတစ်ပါးကို သူငိုကြွေးခြင်းတွေ ပေးအပ်မိမှာ စိုးရွံ့ပါတယ်။ ဒါပေမဲ့ ခဏတာရင်ခုန်ခြင်း ဖြစ်မနေခဲ့တာ အံ့ဩစရာပါ။ သူ့ဘဝကို ကိုယ့်ဘဝထဲ ဆွဲခေါ်ချင်မိတဲ့ စိတ်ဆန္ဒမျိုး၊ ကိုယ့်ဘဝကို သူ့ဘဝထဲ ပုံအောပစ်လိုက်ချင်သည့် စိတ်ဆန္ဒမျိုးက ဝုန်းခနဲ ပေါ်ထွက်လာသည့်အခါမျိုးမှာ သူ့စိတ်သူ နိုင်အောင်ထိန်းရပါသည်။
YOU ARE READING
ThunderCat
Fanfictionစစ်ပွဲတို့၏ နတ်ဘုရားဟု တင်စားခေါ်ဝေါကြတဲ့ မိုးကြိုးစွမ်းဆောင်ရှင် ခြင်္သေ့မင်း Kim Mingyu။ မီး၊ ရေ၊ လေ၊ မြေ စတဲ့ ဓါတ်ကြီးလေးပါးတို့ရဲ့ အရှင်သခင် Jeon Wonwoo။ ကွဲပြားခြားနားတဲ့ အခြေအနေ၊ မျိုးနွယ်စုတွေကို ကျော်လွန်ပြီး တည်မြဲတဲ့ ချစ်ခြင်းကြိုးထုံးတစ်ခ...
