لا تلهيكم القراءة عن الصلاه
.
.
وسرعان ماركض محمد ل السياره وراح على المستشفى وكان يكلم رهف(رهف تصير بنت خالته )محمد كان يمشي بسرعه جنونيه والسبب كان رهف الي كان صاير لها حادث
في المستشفى محمد كان يمشي بسرعه ووصل عند الاستقبال واخذ رقم الغرفه ودخل الغرفه وشاف رهف كانت معطيته ظهرها
محمد بصوت هادي:رهف
رهف: اوه محمد ارحب
محمد:البقى البقى كيف حالك عساك طيبه؟
رهف:ابشرك بخيير بس قالو لي انه اقعد كم يوم عشان يتأكدون وكذا
محمد:معليك اهم شي انتس بخير وانا بقعد عنك لين تطلعين
رهف حاولت تخفي ابتسامتها:والغداء حق جدك عبد الرحمن؟
محمد:عادي انتي اهم
رهف:اجل خلاص روح ل الغداء وصدقتي بتقعد معي لين تجي
محمد:متأكده ماتسحبين علي؟
رهف:غبي انت كيف اسحب عليك
محمد ضحك:والله مدري لكن أخاف تقدرين فيني
رهف ضحكت بصوت عالي: لالا مستحيل بس انت الحق على الغداء
محمد ابتسم من ضحكتها:دووم أن شاءالله ياله بروح اشوفتس بعد الغداء
رهف:درب السلامه
محمد:آمين
مشى محمد وركب السياره ورجع لبيت جده عبد الرحمن
.
.
استغفرالله
.
.
.
وصل بعد نص ساعه
كان حاط الشماغ على كتفه وشكله محيوس شاف سعود كان يتكلم مع مشعل اخوه
سعود:اوووب وش هذا يامحمد طالع من مصارعه ولا
محمد:وش الي طالع من مصارعه؟
مشعل ضحك :يقصد ان شكله محيووس
محمد:يقلع ابليسك اخرعتني شكيت بنفسي
سعود:الا يولد وش فيك قبل ساعه تركض مثل المجنون
محمد:انا ابي اعرف الحين انت وش دخلك؟؟
سعود:يخي كل تبن كنت أسألك بس يا النفسيه وش فيك انت هذا جزا الي يخاف عليك
محمد:زوجتي امي اختي اخوي مين بالظبط باله؟
سعود:خلاص اذلف
محمد ضحك وقام حب راسه وفز سعود وحب راسه هو الثاني
محمد: انت زعول ليش زعلت امزح ياخي
سعود:لا وشدعوه
.
.
.
.
سبحان الله
.
.
مشى محمد متجه داخل عشان يبلغ أمه انه بيروح لكن صادف اثير وفيصل
فيصل بصوت شبه عالي:هييه محمد
محمد:سم؟
فيصل: وش فيك قبل شوي كنت مخروع وجهك قلب اصفر وش العلم يولد
محمد:ابد بس رهف قالت إنها في المستشفى ورحت اتطمن عليها
اثير: بس ليش دقت عليك انت؟؟
فيصل كتم ضحكته:ايي حبيب القلب وش كنتي متوقعه
انفجرو ثلاثتهم ضحك ومحمد وهو يضحك:يلعن وجهك انتي وياه والله انه نشف دمي يوم دقت علي تقول انا في المستشفى لو تذبحوني ماطلع من دم!
اثير:خطأها الشر
محمد:خطاك اللاش
فيصل:صح غريبه رهف ماقلت بقعد معاك
محمد:ورع اسم محارمنا مايجي على لسانك
اثير وفيصل بوقت واحد:مسسسستعجل
محمد:اثيروه خليك من فيصل ذا وروحي جهزي ملابس لي بروح بعد الغداء ل المستشفى
اثير غمزت له:المستشفى ولا شي ثاني
محمد قام يركض وراها وهي تصارخ وجت ورا فيصل:تكفى يا اخوي اني في وجهك من اخوك
محمد:اسلم جحدتيني الحين
فيصل ضحك:والله ماتلمسها دامه في وجهي وشنبي منك
محمد:على هل خشم بس طلعي لي ملابس وقولي ل امي
اثير:تمام
.
.
.
اللهم اغفر لي ولوالدي وللمسلمين والمسلمات والمؤمنين والمؤمنات الأحياء منهم والأموات
.
.
مشى محمد مع فيصل ل مجلس الرجال.
بعد ساعتين تحديداً بعد الغداء
رعد: يا الله يا عيال مين يلعب كوره؟؟
الكل كان موافق الا محمد قال:اسف والله بروح لمستشفى بعد شوي
رعد:معذور يا ابو فهد
راح محمد لقسم للحريم عشان ياخذ ملابسه:يولد
راما كانت مره ومن الصدفه سمعته:هلا وش تبي؟
محمد:باله عليك نادي لي اثير
راما بصوت خفييف:ياليتني اثير ي عرب
محمد:سمي؟
راما فزت:هاه ولا شي
محمد:استعجلي بروح الحين ب المستشفى
راما:المستشفى؟ ليه عسى ماشر
محمد:مايجيك الشر بس بروح كامرافق
وراحت راما تنادي اثير:امسك ودعتك الله
محمد حب راسها:مع السلامة
ومشى محمد متجه لمستشفى
.
.
_______________________________________________
مدري الصراحه وين البطله ماطلعت للحين😭😭
لكن اكيد انها بتطلع بطله اكيد(ان شاء الله )
من الواااااضح انها اول روايه لي فا تجاهلوا اي غلط+تعبت وانا اعدل ل ان مع الوقت اكتشف ان الشخصيات قليله جدااا
وماحطيت الطول حق الشخصيات+لي ان لحد الان ماانذكر الا كم شخصيه بس فاء لا أحد يستغرب لو البطله ماطلعت الا في البارت الاخير وفترة ذي حقت اختبارات وقرف يكفي اني ادرس كل يوم غصب عشان ماانفصل
لعلي قمت الفضفض المِهم ان تجاهلوا اي غلط⛔️
