شكا قلبي العناءَ.. ولكن تلك أقداري

البارت السابع

جلست نجلاء وقالت:اسمع بقولك من الاخير انا ماعندي واحد اثنين ثلاثه اول شي انا تراي مجبورتن عليك ولا احبك ولا عمري فكرت فيك كزوج ابدا ابوي جبرني اتزوجك وترا عشان رضاه انا قبلت فيك يامحمد وعشان كذا قررت نخذ سنه سنه ونص كذا على بال مااخلص الجامعه وننفصل والله يوفق كل واحد بطريقه والله يقويك على اسعادي وكذالك انا بالمثل
محمد ابتسم بهدوء وقال:معليتس يبنت عمي ماراح اجيتس وزواجنا بيصير على الورق بس وانا تراي تزوجتس عشان انساها فقط لا أكثر عشان تسذا ماابيتس تبنين أحلامتس على اوهام وحب ماراح يصير بيننا بكون فيه احترام وتقدير وسلامتس
ابتسم نجلاء ومدت يدها وصافحت يده وقالت:تمام يولد العم
بدلها محمد وقام وقبل لايطلع قال:ترا الزواج بعد اسبوع من الان
نجلاء بصدمه:اهاااااااه
محمد:مالي شغل كلمي جدي هذي من عاداتنا وتقاليدنا يبنت
نجلاء:OK
"اوكيه"
محمد:وش اك ذي
نجلاء قالت:يوووه الله يعينني صدق
محمد تجاهلها وطلع
طلعت نجلاء وافجعت من البنات الي سحبوها وجلسوها
رولا:الحين تقولين لنا كللل شي بالتفصيل الممل
اثير:ايي يزوجت اخوي
نجلاء ابتسمت بضيق وبدت تفلم وتكذب عليهم لي انه ماصار شي ابد من الي هي قالته
وانتهت اليله وعرف محمد الشعور الغريب الي جاه وهو ماتوقع ولا واحد بالميه ان نجلاء بتقول له هذا الكلام وتأكد ان وراه ايام شاقه ومتعبه.
_______________________________
بعد اسبوع دون أي شيء مهم.
<<<<<<<(محمد&نجلاء)>>>>>>>>>
في بيت ابو دانه
دانه:رند وين الاستشوار؟
رند:مشاء الله وانا وش دراني يمكن عند نجلاء اخر مره هي اخذته
دانه بصدمه:تستاهلين صح؟الحين كيف استشور شعري؟
رند:بسيطه دقي عليها وهي تطلعه بيتهم قريب ترا
دانه:هي في المشغل
رند:دقي عليها تخلي عمتي ام مشعل تطلعه لتس
وفعلاً اخذت دانه جوالها ودقت على نجلاء
عند نجلاء الي كانت في الصالون تسوي اظافرها رفع الجوال وردت
نجلاء:هلا دنوس وش بغيتي؟
دانه:باله نجلاء دقي على امتس تطلع استشوار احتاجه ضروري
نجلاء:من عيوني
ابتسم دانه:شكلتس مستانسه وش الردود العسل ذي!
ضحكت نجلاء وسكرت بدون رد وقالت ل امها تطلع الاستشوار لدانه
عند دانه لبست عبايتها وطرحتها بدون نقاب عشان المسافه قصيره
ابو دانه:على وين يبنتي
دانه:بروح ل بيت عمي ابو مشعل واخذ استشواري منهم
ابو دانه هز راسه بمعنى"فهمت"ومشت دانه متجهه لبيت ابو مشعل.
وبعد خمس دقايق وصلت ودقت الباب وماوصلها الرد رجعت دقت للمره الثانيه وانفتح الباب لها
عند وليد الي صحى من الدق وراح له وكان لبس سروال نوم فقط من دون تشيرت وكان شعره على وجهه وشكله مبعثر
فتح الباب وناظر بدانه الي من الصدمه ماحطت الطرحه على وجهها
ابتسم وليد على جنب وقال:وش تبين؟
دانه بتعجب:يعني الحين زواج اختك الوحيده وتوك تصحى
وليد ناظر ومكان فيه احد سحبها وحاصرها مابين الباب والجدار
قال بصوته الثقيل بسبب انه توه صاحي:ليه وش يهمتس انتي
دانه كانت تتنفس بصعوبه من قربه لها
كانت بتدفه لكن مسك يدها وقال:سلامات ي بنت
دانه نزلت دموعها وقالت بصوت باكي:ابعد الله يخذك ابعد
ابتسم وليد وقرب من اذنها وقال بهمس:الله ياخذني لوين؟
نزلت دموعها بحرقه وماتدري وقتها ليش كانت عجزه من الكلام
مسح دموعها بخفه وقال:ليه تغرقين جفونتس بدموعتس وانتي تعرفين مايصلح على ملامحتس الفتانه الزعل ليش الدموع ذي
دانه شهقت من دقنه الخشن الي كان كل ماتكلم يجرحها بسبب خشونته قالت:ابعد وليد مااحل لك
ضحك ضحكه داوت في مسمعها وزوايا البيت
وليد:تصدقين توني حبيت اسمي من منطوقتس ي دانتي؟
دانه:وصرت دانتك الحين؟
هز راسه وكملت دانه:وليد يخي ابعد خلاص وانقلع تجهز زواج اختك ذا
وليد مثل التعب وقال:مااقدر بطني يوجعني وقلبي مدري ويش فيه
دانه بشبه اهتمام:طيب روح اكشف على قلبك يمكن فيك شي من غير شر
ضحك وليد وقال:خايفه علي يابعد اهلي؟
التفت واخذ الاستشوار وقال:هذا الستشوار خقتس
اخذته وقالت:ابعد طيب
وليد:اههخخ لذييذه لولا خوفي من الله كان بستس
دانه بصدمه:عمى صدق مقرف يع خلاص ابعد
ضحك وليد وابعد وقال بصوت عالي:لنا لقاء ي دانتي
دانه مسكت قلبها وقالت:وجع وش فيني انا ابتسمت من تذكرت كيف كان قريب منها وكيف كان كلامه وجرئته وشكله تلاشت الابتسامة وقالت:دانه وجع وجع خلاص خليه عن بالتس الولد واضح ان وراه بلى ولا حق بنات حاولت تبعده عن بالها
في الصالون دخلت اثير على نجلاء الي كانت ملكه جمال فعلاً كان الفستان الأبيض الكبير محليها وكان يبرز مفاتن جسمها بشكل واضح وجرئ
اثير ضحكت بصدمه وقالت:واااو ماهو معقوله وش هل الجمال تبارك الرحمن عليتس
نجلاء ابتسمت بنرجسيه وقالت:طبيعي نجلاء بنت خالد وش متوقعه
اثير ابتسمت خبُث وقالت:الله يعين قلب اخوي ويقويه عليتس
نجلاء انصبغ وجهها احمر ورمت المشط عليها
اثير:وش ترا ماقلت شي
نجلاء:يع صدز ليتس ماجيتي
اثير:خلاص ولا تزعلين ي عروست اخوي باسكت واتأمل الجمال ذا صح نجلاء تدرين وش
نجلاء:وش
اثير بهمس:فيصل اخوي يحب نوره بنت عمي سالم
نجلاء شهقت وقالت:تدرين حتى هي قالت لي انها تحبه!
اثير ضحكت وقالت:شكل فيه عرس بعد عرسكم على طول بس هاه السر وين؟
نجلاء:في بير الكل يشرب منُه
ضحكت واثير ضربتها وقالت:عشانتس عروسة رحمتس ولا كان توطيت في بطني
نجلاء بدون وعي قالت:عشان يتوطى محمد ببطنتس
سكتت من استوعبت وصارخت اثير صرخه مكتومه وقالت بضحكه:أدق اسأله
نجلاء:لا يحمار وش بتقولين
اثير طنشتها ودقت على محمد
رد محمد وقال:لبيه وش بغيتي
اثير فتحت السبكر وقالت:اسمع حمود اذا تهاوشنا انا وزوجتك بتوقف بصف مين
محمد:مع الحق
اثير:يليل يشينك لا صدق تخيل معي
محمد:قولي
اثير:تهاوشت مع نجلاء وتضاربت معاها مين الي بتوقف بصفها؟
محمد ضحك وقال بمزح:وش ابي فيتس انتي اكيد بوقف مع زوجتي وركزيلي على ياء التملك
صارخت اثير وقالت:الحمدالله الحمدالله كنت فاتحه السبكر سمعتك ي حمار وانت تمدحها
محمد:طيب زوجتي ترا
لفت اثير وناظرت بي نجلاء الي كان وجهها أصغر من الفشله
انفجرت ضحك وقالت:ياله يحبيبي مانطول عليك مع السلامة
محمد:طيري بس
اثير:شف الوقاحه صدز يع
محمد ضحك وسكر بدون رد
عند العيال كانو كلهم عند الحلاق
فيصل:يلعن ام الوناسه أخوي العريس وعرسي قريب
محمد ضرب راسه:درج انت درج؟ماهو كذا
نايف حك شنبه وقال:ماش اظن انا بعرس قبلك
فيصل بحماس:وش رايك يصير العرس مع بعض؟
محمد:يليل البزر ذا اهجد وكمل بهمس ترا بيشوفك بزر ومتسرع وبتطير نوره عنك
فيصل تنحنح وقال:عيال وش الجو ذا
رعد:وش فيه
فيصل:مدري بس مايعجبني
فهد:ترا محد سألك يعجبك مايعجبك
فيصل:يخي خلوني اهرج وش فيكم بسم الله
ضحك نايف وقال:شكل يفصولي وليد بيعرس قبلنا ضحك سعود وضرب كتف وليد وقال:وش فيك منت على بعضك؟
وليد:اخاف تفهموني غلط
مشعل:يرجال قول حرف واحد وحنا نسويه احتزم بس وراك اخوانك وش تبي أكثر...قاطعه نايف يوم قال:تكفى اسكت خله يكمل
ضحك وليد:اجل اسمعوا يخي وش اقول
محمد:ورع اخلص محنا فاضين نسحب منك كلام
وليد:انا احب دانه بنت عمي عبد الرحيم
سعود:ياعيال وش الحاله ذي كلن طايح له على وحده
رعد:ليصير انت بعد تحب
هز راسه سعود
محمد:دامي انا متزوج الحمد لله طالع برا الحسبه فعشان كذا الي يحب يرفع يده
الكل رفع يده معاد رعد وفهد ومشعل عشانه متزوج
ضحك رعد وقال:خلاص لزُم اطلب وحده اليوم
ضحك الكل
فهد:شكلي بموت مااحب رايق انا وجع راس
وقف محمد وكان جالس سعود جنبه وقال بهمس:يويلي حالي على المسكينه نجلاء اخذت لها أطول واحد
محمد:ليه كم طولها
سعود وقف وقال:طولها اتوقع 150
ضحك محمد وبقوه وقال:اجل الفرق كبيررر
ضحك سعود والتفت مشعل وقال:سلامات؟
محمد:كم طول اختك
مشعل بمزح:اعقب عقبت وش دخلك ب اختي؟
محمد:كم طول زوجتي
ضحك مشعل:اخر مره سألتها قبل سبوع قالت انه ١٥٢
سعود:يعني دقيقه اووح حمود انت وحش بالنسبه لبنتنا
محمد:اقول انقلع بس.
<<<<<<الساعه٨:٠٠ في القاعه>>>>>>
سالم سلم على محمد وقال:مبروك ي محمد عساها عروس الدهر ان شاءالله
محمد ابتسم وقال:الله يبارك فيك ي سويلم
سالم:احس وناسه امس تبارك لي واليوم ابارك لك
انفجر محمد يضحك وقال ابو فهد:وجع تراك معرس اهجد
نايف بهمس:وش دخل؟
محمد ناظر بنايف وحس ان فيه شي توجه لعنده وجلس
نايف:خير؟
محمد:نايف وش فيك؟
نايف:مافيني شي
محمد:انا اعرفك لا تسوقها علي
نايف بعصبيه:يخوي وش دخلك ابي افهم الحين؟
محمد بصدمه:سلامات الحين تأكدت ان فيك شي
نايف لف عنه وقال:خلاص مالك شغل
محمد سحبه ومشى فيه شافهم ابو محمد وقال:عسى ماشر على وين؟
محمد ابتسم بتصريفه:ابد بس جنا اتصال مهم في الدوام
ابو محمد:لاتتاخرون!
محمد:على هل خشم
مشى ب نايف وفتح السياره وجلسه وجلس عند ركبه وقال:بتعلمني الحين وش فيك ماهو معقوله ليلة عمري يكون فيها صديق عمري متضايق
نايف تنهد وقال:مدري من وين ابدا
محمد:قول يبو سالم مافيها شي
نايف بهدوء:الين
محمد باستغراب:وش فيها؟
نايف:ماترد وخايف يكون فيها شي او حصل لها شي
محمد:يخي تفال بلخير تجده معليك ان شاءالله انها بخير ومايسوى كل هذا
نايف ابتسم ووقف ضمه وقال:اخر مره تجلس هنا(كان يقصد انه كان عند رجله)
محمد:امش بس
ضحك نايف وابتسم محمد من ضحكته وقال:جعله دوم يبو سالم هذا الي حنا معودين عليه
عند نجلاء والبنات
رولا:اثير كم باقي على الزفه؟
اثير:تقريبا نص ساعه كذا
نجلاء فركت يدها وزفرت:بنات متوتره
اثير ضحكت وضمتها:يحبيبي ي نجلاء ليش تتوترين معليتس ماهو صاير شي
مريم:بنات الزفه صح بتصير في القاعه
دانه:لا في السطح وش رايتس انتي؟
مريم ضحكت:ماهو قصدي بس عشان اشوف اذا بنلبس عبيات ولا
نجلاء:طبعا
نوره صارخت:ليصير تغارينن
نجلاء تفشلت:لا طبعا امداني اصلا
اثير:واذا تغار على زوجها؟
ودقت على فيصل تعلمه وقت الزفه
فيصل:أرحبي
اثير:البقى فيصل ترا الزفه الساعه تسعه وربع
فيصل بعد الجوال وشاف الساعه وقال:يعني بعد عشرين دقيقه؟
اثير:اي علم محمد وترا أنت بتدخل بالبدايه عشان تصور وبتطلع عشان نجلاء
فيصل:تمام
سكرت وناظرت بنوره وغمزت ولفت نوره فتحت عيونها بصدمه وقالت بينها وبين نفسها(يمه شفيها ذي تغمز ليكن نجلاء علمتها مسرع على حركات زوجت الأخ لا ان شاءالله انها ماقلت)ولفت تسوي نفسها عادي وهي كل شوي تناظر اثير الي تتبسم لها
عند العيال وقف فيصل وقال:ي رجال بعد خمس دقايق الزفه(وكان يقصد ب رجال الي هم مشعل وسعود وابو مشعل ومحمد وابو محمد)
ابو مشعل:اجل حنا بنسبقكم
مشى ابو مشعل وعياله ودخلوا على نجلاء الي كانت بغرفة العروسه
ابو مشعل تقدم وحب راسها وقال بدموع:مبروك ي بنيتي عساه عرس الدهر ي قلب ابوتس انتي وان شاء الله محمد قد الهقوه وزود
نجلاء ابتسمت بكلافه وهي زعلانه منه عشانه جبرها:الله يبارك فيك ي يبه
سعود تقدم وقال بمزح: النتفه بتتزوج مين بيسوي شكشوكة الصباح مين بيتهاوش معي اذا اكلت الحلويات الي في الثلاجه من بعد اليوم
نجلاء هفت على نفسها وهي ماتبي تبكي:شف المشفوح الحمد لله فكه بروح ببيت زوجي وافتك من صحيت الصباح عشان اسوي شكشوكة لاحد
مشعل ضحك وقال:بيجيتس زوجتس لاتخافين
ام مشعل:بس عاد بتبدأ الزفه اطلعوا وياسعود خلي محمد يجي
سعود أشر على خشمه وقال:على هل خشم ي جنتي
دخل سعود وقال بصوت عالي:حمود ياله اذلف يمهم
محمد:كلتبن بس
سعود بجديه:اسمع يمحمد عطناك بنتنا امانه وحنا واثقين فيك يولد العم وان زعلتها بيوم ولا سويت شي يزعلها والله اني لاانسى العشره الي بيننا وانك ولد عمي ودمي دمك واني لا اذبحك كل شي يهون الا زعل اوخيتي
محمد ابتسم وفعلاً الكل يعرف سعود كيف يقدس اهله ويحبهم حب عظيم:والله انها في وجهي وشنبي من جور الدنيا ولا توصي حريص ي سعود نجلاء بعيوني والله مايمسها زعل ولا حزن وهي معي وعلى ذمتي وفي وجهي وشنبي
سعود ابتسم وقال:هذا العشم فيك يولد عمي
ابتسم محمد سلموا على خشوم بعض"سلام رجال"مشى محمد ودخل الغرفه وانصعق من جمالها ومكان متوقع ولا واحد بالميه انها بتكون جميله هل قد
تنحنح وتقدم لها وباس راسها وقال:اول شي مبروك لنا وعساه عرس الدهر ان شاءالله ثاني شي ماابي الي قبل شوي يتكرر(وكان يقصد يوم صارخت على اثير وسمعها رعد وفهد)
نجلاء قالت باحراج:الله يبارك فيك
ضحك محمد:نعم ليش مستحيه
نجلاء قالت بقوه عكس العواصف الي داخلها:ومين قال اني مستحيه؟
محمد تزل بمستواها وقرب من وجهها وقال:اشوى على بالي
نجلاء انصبغ وجهها بلون الأحمر من الاحراج وكيف كان قريب منها وكانت قلبها يدق بشكل مرعب وهي بنفسها ماتدري ليش
ابعته من صدره من دخلت اثير
ابتسم محمد ابتسامه عريضه وقال:تعالي ي بنتي تعالي
اثير ركضت له وحضنته وقالت بصوت باكي:حمود مين بيصدق انك تزوجت ميين وبتروح و بتخلينا
محمد:مين قال اني بخليكم عندكم ب البيت
اثير استوعبت ونزلت وقالت:توني استوعب تصدق عاد
انفجرت نجلاء تضحك وابتسم من ضحكتها
اثير:بلا سنون ان شاءالله
محمد ويمثل الحده:لتس انتي ان شاءالله كلش الا زوجتي
اثير بصدمه:امداك صدق وبعدين اشوفك زوجتي زوجتي شكلك مستانس انك تزوجت
محمد التفت لنجلاء وقال:ماخذ نجلاء الله يلوم الي يلومني
ضحكت اثير:الله يخليكم لبعض وترا المصوره بتدخل الحين عشان بعدها تزفكم
طلعت هي ودخلت المصوره وقالت:السلام عليكم
هم:وعليكم السلام
نسرع ب الأحداث شوي يوم قالت المصوره على وضعيت التصوير الي كانت محمد يمسكها من خصرها وهي بدورها بتحط يدها على كتفه
محمد ابتسم على جنب ومسك نجلاء من خصرها وقربها له او ب الاصح خلاها تلصق فيه
ضربته مع صده وقالت بصدمه:وجع شكلك صدقت ان زواجنا صدق
محمد:اشش مني فاضي ابي اخلاص بسرعه مصدع بروح البيت
المصوره:يالله يعروسه زوجتس ترا حطي يدتس
انصاخت نجلاء لكلامها وحطت يدها على كتفه
ضحكت المصوره وقالت:مشاء الله فرق الطول بينكم فضيع
نجلاء:يمه وربي صادقه توني انتبه
وكملوا على هذا الموال لين خلصوا وصار وقت الزفه
دخلت ام مشعل وأم محمد
ام مشعل:الله يوليد تعالوا الزفه بدت
مشى محمد ونجلاء وراها وبدت الزفه وتسلطت النوار عليهم ومسك محمد يد نجلاء مشى فيها بهدوء وكان الورد ينثر عليهم جلسوا على الكوشه
ورفع محمد نظر على رهف
انصدم وقال بنفسه(دقيقه مين ذي لكون رهف دقق وكانت فعلاً رهف وكان سهل عليه يعرفها بحكم انها كاشفه) عرف انها رهف ومايدري ليه انعاد شريط الذكريات الي بينهم نزل عيون بحزن استوعب وقال بينه وبين نفسه اعقب عقبت ي محمد راسك المفروض يبقى مرفوع ماهو انت ولد فهد رفع راسه ونظره على نجلاء ابتسم وقال عندك هذي الموت الحّمر الي تسوى رهف والقبيلة وكانت نجلاء فعلاً أجمل من رهف بمرراحل وكانت أجمل بنات ال عايض
وبعد دموع وصياح انتهت الزفه على خير
عند محمد ونجلاء نزلوا للفندق التفت محمد ل نجلاء وقال:بدلي ملابستس وانا بزل بجيب العشاء
نجلاء:جوعان انت؟
هز راسه وقال:اكلت ب الزواج بس انتي
نجلاء:طيب فيك نوم؟
محمد استغرب:لا ليه؟
نجلاء ابتسمت وقالت:اجل خلاص انت روح جيب أغراض من البقاله وانا بدور فلم نتابعه
محمد ضحك:تم بس ارسلي الأغراض الي تبينها ترا ماعرف
نجلاء عطت يدها على خشمها وقالت:على هل خشم
تقدم وبعد يدها وباس خشمها وقال:عليه الشحم
نجلاء بضحكه:خير؟
محمد رفع حاجبه:زوجتي
نجلاء:هلا
انفجر ضحك ونزل يجب الأغراض من البقاله
نجلاء جهزت الفلم والقعده
بعد ربع ساعه دخل محمد وسكر الباب
سمع نجلاء كانت تغني وكان صوتها جمييل دخل وسمعها:
شينها لازان لك غالي ثم التوا