شكا قلبي العناءَ.. ولكن تلك أقداري

البارت الثالث

شى محمد مع فيصل ل مجلس الرجال.
بعد ساعتين تحديداً بعد الغداء
رعد: ي الله ي عيال مين يلعب كوره؟؟
الكل كان جوالهم اي،تم،أنا جيتكم
الا محمد كان:اسف والله بروح لمستشفى بعد شوي
رعد:معذور ي ابو فهد
راح محمد لقسم للحريم عشان ياخذ ملابسه:يولد
راما كانت مره ومن الصدفه سمعته:هلا وش تبي؟
محمد:باله عليتس نادي لي اثير
راما بصوت خفييف:ياليتني اثير ي عرب
محمد:سمي؟
راما فزت:هاه ولا شي
محمد:استعجلي بروح الحين ب المستشفى
راما:المستشفى؟ ليه عسى ماشر
محمد:مايجيتس الشر بس بروح كامرافق
وراحت راما تنادي اثير:امسك ودعتك الله
محمد حب راسها:مع السلامة
ومشى محمد متجه لمستشفى.
___________________________
عند رهف ومحمد.
محمد كان يسولف على رهف عن الدوره وكيف دخل كليه الظباط
رهف:تخيل بس لو اني ولد ودخلت دوره وربي بموت بأول يوم لي هناك
محمد ضحك:اي انتي مدلعه بس عليتس شغل المطبخ والبيت
رهف:اقول وش الي المطبخ والبيت انا زين ان رتبت غرفتي
محمد:أحلفي؟
رهف:والله اخاف تنكسر اظافري عاد يووه احس اذا انكسرت تجيني ضيقه كني يد عمر اخوي
محمد:الزين زين بكل حالاته ماله دخل الأظافر والأشياء ذي
رهف:احلف
محمد ابتسم:والله
رهف ضحكت:يعني تطقطق علي
محمد:لا وشدعوه اطقطق عليتس
سكت محمد من دخل الدكتور عليهم
محمد بحده:سلامات يخوي طق الباب اول شي
الدكتور:معليش بس انا مادريت ان فيه احد
محمد بصوت عالي:مشاء الله يعني لو دريت ان فيه احد دخلت يرخمه
الدكتور بصوت على منه:سلامات ي الطيب على اي اساس تهوش وتنفخ
محمد ضحك وقال:خطيبها يحلو
رهف نظرت محمد و سدت ضحكتها
الدكتور وجهه برد
محمد:ياله تلايط قدامي وتعلم الاحترام شوي ودق قبل ما تدخل وتكشف على بنات الناس
الدكتور:تمام بس اشوف كيفها مع الاجهزه
محمد بتهديد: علي الطلاق لو ماطلعت اني لا اجرم فيك
رهف شهقت وقالت وهي تمثل بصوت باكي:محمد تطلقني انا ي محمد تطلقني وحنا ما بدينا مشوارنا مع بعض
الدكتور راح ووجه الوان من الفشله
محمد انفجر ضحك ورهف ماهي أقل منه قال وهو يقلدها:بتطلقني وحنا مابدينا مشوارنا
رهف ضحكت: وش اسوي لخمتني يخي
محمد ضحك وقال:اي ماكذب بس سرعت الأحداث
رهف:كيف يعني
محمد جلس وقال:يعني لو صار هذا الموقف بعد شهرين كان كنت صادق
رهف صارخت ورمت المخدة عليه محمد ضحك وقام وقال: وش فيس مسويه مستحيه
رهف باحراج:محمد انقلع من وجهي
محمد:افا تطرديني يرهوف
رهف:اي
محمد ضحك وقال:اجل من عيوني بروح لأمي اسلم عليها وعلى العيال هناك ثم بجي اشوف اذا بيخلونتس تطلعين ولا اهربك
رهف بهمس:ابوسهم لك ثم كملت تم طفشت من المستشفى
محمد ودعها ومشى
لبيت جده عبد المجيد بحكم ان اليوم يوم الخميس والكل هناك.
.

.

.

.

عند نايف وفهد وفيصل وسعود.
وقف محمد سيارته ونزل منها
محمد ابتسم واخذ خمسين ريال من جيبه وجدعها على العيال:يالله انك تكتب اجري يوم تصدقت على هل متسولين اللهم امين
نايف قام واخذ الخمسين وطلع من جيبه الف:يالله انك تكتب اجري يوم تصدقت على هل المريض ذا
العيال انفجرو ضحك على ردت فعل محمد الي قال بضحكه:نسيت اللهم امين
نايف ضحك:اللهم امين ولا تزعل
محمد:الا صدق الحين اخذها؟
نايف ابتسم:فداك يبو فهد بس دز امها الف ريال ذي
محمد طلع من جيبه الف ثانيه وقال بعباطه:الفين وخمسين ريال سعودي كاش يحبيبي فداك
رعد بصوت عالي:وحنا عيال البطه السود؟
سعود:شف بس
فيصل ضحك وقال:محمد متاكد انك كنت في المستشفى ولا كنت في البنك
فهد ابتسم بتسليك:واو الحين ذي ذبه ولا
محمد:المفروض لكن شكلها اخذت طريق ثاني
نايف:ياله اسال ليش طلعين برا
محمد:امم خليني افكر
سعود:يدبشه قال اسأل ماهو انت تفكر وتجاوب
محمد:ياله ليش طلعين برا
نايف:ابد بس جدي قال اذلف برا انت والعيال عشانه شم ريحت دخان مع فهد
محمد ضحك وقال:اني داري ماينكبنا الا فهد وكمل والله ياعيال مصدع
سعود مد له دخان:تبي؟
محمد: محد يفهمني أكثر من سعيد
فيصل:افا جحدنا ي عيال
نايف:انشهد سحب علينا
محمد:شدعوه ياعيال
رعد فز ووقف وقال فهد:سكنهم مساكنهم وش قرصتك نمله
رعد ضحك وقال:لا بس اسمعو دام ماعندنا جدول نروح بعد يومين لشاليه
محمد ونايف وفيصل بصوت واحد:تم
عكس سعود وفهد الي قالو ان السفر ازين وكذا
نايف: يخوي صعبه ومعنا فوق الثنعش نفر
فهد:عادي كلن يمسك اهله
محمد:اصلا ليش نخطط بدون ماشورنا شيباننا
سعود:وهو صادز
رعد:اجل نشورهم ونشوف.

.

.

.

.

.

.

عند البنات كانو يسون الحلويات بكره.
نجلاء بصوت عالي:نوف وين الصنيه حقت الحلويات
نوف دخلت وهي شايله حنان:مدري بس اسألي راما وراحت
نجلاء كانت منحاسه حرفياً بسبب المطبخ الوصخ والاغراض الي نصها ناقص دخلت اثير عليها وضحكت
اثير:سلامات وش فيتس كذا ووين البنات عنتس
نجلاء:اندري عنهم والبركه باَخوك فيصل الي جاب نص الأغراض
اثير:ياله بس عن الدلع روحي وصي اي واحد من العيال وخليه يجيب الأغراض الباقيه
نجلاء:اجل انتي سويها دام اقترحتي الفكره
اثير سحبت نجلاء وراحت للصاله ووقفت على الطاوله وقالت بصوت شبه عالي:مشاء الله محد فيكم فيه طب؟مخلين هل بنت المسكينه لحاله وكانت تأشر على نفسها وبعد مخلين البنت المسكينه الثانيه لحالها
نجلاء قالت بهمس:ليش الكذب تو دخلتي المطبخ
اثير:باله نجول اكرمينا بسكوتس
راما قالت بضحكة:بسكوتس ولا عصيرتس( على اساس ذبه🌚)
المجلس كله قام يضحك واثير معاهم وقالت:بس خلاص قوموا يبنوتات معي انا ونجلاء للمطبخ
وفعلا قامو .

.

.

اما عند نوره راحت عند الباب للباب عشان تنادي واحد من اخوانها عشان يجيب الناقص من الأغراض
نوره شافت واحد ومشابه لشكل نايف من ورا
راحت وكبت القروره عليه وقالت:مشاء الله ماهو انا الي تطفي الكيف حق غرفتي وتروح بارده مبرده ولا حساب ولا عقاب
اما عند فيصل الي كان طالع يشم هوا.
لكن التفت وشاف أنثى اول مره يشوفها من زماان الي هي نوره حب الطفولة .
كانت لبسه لبس وردي ضيق من فوق وواسع من تحت وعاري الأكتاف وكانت حطه ميكب خفيف لكن يبرز ملامحها الحاده
التفت وشافها فيصل بكل هدوء:وش ينسمى الي سويتيه قبل شوي؟
نوره ماعرفته وقالت بخرشه:ا..ا. اسفه على بالي انت نايف اخوي
فيصل ضحك وقال:وش جاب فيصل بن فهد ل نايف بن سالم نوره تضحكين على مين وبعدين وش مطلعتس برا بالحوش والحوش كله رجال
نوره بحده :يخي مالك شغل وصد جعل عيونك للفقع
فيصل ابتسم وصد:اذا انتي تبين تتزوجين واحد عيونه مفقعه ماعندي مشكله ابد وخليتس هنا بروح انادي الرعد لتس
مشى وخلى نوره وراه وهي ترجف وخايفه ان احد شافهم وهم مع بعض وش بيقلون الناس عنهم؟