شكا قلبي العناءَ.. ولكن تلك أقداري

البارت الخامس

فيصل ضحك بعدم وعي وقال لسعود:حلويين مشاء الله من وين ذولي
سعود:شكلهم الي يتكلمون عنهم
الين:خلاص انتهى الفلم الهندي ارتاح
نايف ابتسم:ماتقصرين وكمل بضحك يحظرت الين الين
ابتسمت بخفه ومشت وانتهت ليلة زواج عيال ال عايض بنهاية غير
______________________________________________ في القسم كانو يمشون نايف ومحمد
جاهم عسكري ودق التحيه العسكريه واستراح بعد ماقالوا له
العسكري:العميد محمد بن فهد بن عبد المجيد ال عايض ترقيت بأمر ملكي لمنصب اللواء
التفت نايف وضحك وضمه له وقال:مبروك يا ابو فهد
محمد ضحك وقال:الله يبارك فيك الحين نشوف مين يوصل للفريق قبل الثاني
نايف ضحك بأعلى صوت وقال:لا انت تحمست هذي صدق بعيده كل البعد عن شواربك
التفت محمد للعسكري وقال بصوته الجهوري:انصراف يعسكري
العسكري دق التحيه العسكريه ومشى
محمد التفت لنايف وقال:نشوف يابو سالم ضحك ومشى نايف كان بيمشي لكن وقف من صوت وكأنه يعرفه
الين:الواء نايف؟
نايف التفت وشافها ودق التحيه العسكريه بحكم انها أعلى منصب منه
الين بهدوء:استرح يا عسكري
استراح نايف بعد ماقالت له وقال:أرحبي من محاسن الصدف حظرت الفريق
الين ابتسمت وقالت:البقى افضل تقولي الين
نايف:طيب ياالين الصراحه يوم انقذتي اختي وخلصتي الفلم الهندي على قولتس
امي كانت بتشكرتس لكن انتي مشيتي فا قالت إنها بتعزمتس عندنا في البيت
الين:مايحتاج الشكر هذا واجبنا وهذا شغلنا من الاساس وان شاء الله بحاول
نايف ابتسم ومد لها يده:هذا رقم امي
الين بصدمه:وش اسوي فيه؟؟
نايف:خذيه وهي بتكلمتس
الين ضحكت بفشله:مستحيل اخذه لو ايش انت وصل لها سلامي
نايف ضحك وقال:انتي قولي لها هي تبي تكلمتس
الين هزت راسها بالفي
نايف:اجل هذا رقمي تكلمتس منه
اخذته الي بعد تفكير وقالت(شكرا) بعدها مشى كل منهم على طريق متعاكس.
عند سعود دخلت حلا(سكرتيرة)ابتسمت ومدت يدها تسلم عليه
سعود ببرود:ماتعرفين تدقين الباب؟
حلاتفشلت وسحبت يدها وقالت:مابيننا ياسعود وأمسك و**#
ماكملت وسعود قاطعها وقال وهو رافع حجاج ونزل حجاج:وكلمت العميد سعود كثيره عليتس ووش الي مابيننا ماعرفتس اصلا فا لو سمحتي ممكن تخلين بيننا مسافه شوي
حلا ابسمت:ولو ماسمحت؟
سعود بحده:تحبين تسولفين شكلتس نزلي الأوراق واطلعي برا
حلا بصدمه:بس سعود..
سعود صد بقرف:انتي الي بس واطلع لا اكفر فيتس
وفعلاً نزلت الوراق ودخل نايف على طلعتهاوقال بمزح:مشاء الله سعيد جاي تشتغل ولا؟
سعود ضحك:يبوي فكنا بس
نايف ضحك وجالس وقال:ابشرك بشاره؟
يسعود هز راسه وكمل نايف:تحولي خمس ميه الان!
سعود خزه:يخي اعجل علي
نايف هز راسه بالنفي وقال:مافيه
سعود:يشينك بس اخذ جواله وحول لنايف خمس ميه
ضحك نايف بانتصار وقال:حمود صار لواء
سعود فز وقال:اجل نروح نبارك له
نايف فتل شنبه وقال:طالع من زمان تعال لمكتبي ووقع ودربك خضر
وقف نايف ووقف سعود وتقدم والتفت نايف وقال بصوته الجهوري:التحيه ياعسكري!
سعود ظرب التحيه وضحك نايف ومشوا للمكتب
نايف فجأه وقف صدم سعود بنايف بحكم انه يمشي وراه سعود قال بحده:وش فيك عساك للموت وانا استغفر الله العظيم
نايف ماتكلم والتفت سعود وشاف الين واقفه تتكلم مع عسكري سعود رجع التفت لنايف الي قال:تكفى يابو خالد
سعود مسك كتف نايف:احتزم بي
نايف ابتسم بهدوء:ابيها
سعود انصدم وسحب نايف ودخلوا مكتب نايف ونطق سعود بحده:الله يخذ نفسك منهي!!
نايف:وياك وانقلع لا تزعجني
سعود:نايف انطق منهي تعيست الحظ ذي؟
نايف:يارجال انسى
سعود:لا ماراح انسى وبتقول لي
نايف فتح الزرار العلوي للبدله وزفر وقال:الين
سعود بسخريه:امداك تعرفها اصلا
نايف:هذا الي مجنني وبعدين تعال وقع واذلف
ووقع سعود ومشى وركب سياره متجه للبيت
دخل البيت ودخل وشاف أمه وابوه ونجلاء جالسين في الصاله
ابتسم وتقدم وباس راسهم ووقف عند نجلاء وضحكت وقالت:ياله اختك حب راسها
ضحك سعود وقال:ياكبر شرهتس بس
ام مشعل:اختك وحيدتي يسعود عطها في عيونك
سعود ابتسم:ابي اعرس
التفتو اهله بصدمه وضحك بوهقه:وش فيكم؟
ابو مشعل بصدمه :وش ببالك احد يوليدي
سعود هز راسه بنعم وضحكت ام مشعل وقالت:اخيراً تبشر بلخير
سعود:شكلكم صدقتم امزح ماهو الحين
ابو مشعل:ايه ذا عقلت ذاك الوقت نفكر
نجلاء بضحكه:نفكرر يعني ماهو اكيد
جلس سعود جنبها وضرب راسها بخفه وقال:اقول اسكتي وابشركم محمد صار الواء
ابو مشعل:مشاء الله عقبالك يارب
نجلاء بحماس:وناسه يعني بتصير العزومة ذاك محمد والتفتت على سعود وكملت فا لذالك ابيك توديني لسوق
سعود:ابشري من عيوني بس قومي سوي لي اكل بموت جوع
نجلاء:بسم الله عليك لا تموت الحين موت بعد ماتوديني السوق
ضحك سعود وقال ابو مشعل بحده:بنت اعقلي احسن لتس
نجلاء:سم
ضحك سعود وقال:احسن والله انتس تستاهلين
مشت نجلاء وخزته وراحت للمطبخ
نايف كان يلف بالكرسي ويدور كان باقي أربعين دقيقه وينتهي دوامه وفز من رقم غريب
،..:السلام عليكم حظرت اللواء نايف بن سالم معك حظرت الفريق الين
ابتسم لا شعورياً وكمل الرساله يعني ذا تقدر تجي انت وال عايض لحفل ترقيات الظباط واللواء محمد بن فهد والحفل الساعه ٨:١٠
رد نايف(وعليكم السلام ورحمة هلا والله ياحظرت الفريق وأبشري ان شاءالله)
طلع من رد على طول وراح لسيارته وسجل رساله صوتيه في قروب ال عايض قال فيها(السلام عليكم ي اهلي اليوم على الساعه ثمان وربع ثمان ونص فيه حفل الترقيات السنوي عندنا في القسم ووصلتني دعوه من فريق وابيكم كلكم موجدين والي مايجي ماهو من ال عايض ابد ابد لي انه قال خل ال عايض يجون وسلامتكم ياهلي).
مشى نايف وركب سيارته وراح مر محمد الي مايبعد كثير عنه ووقف وشاف محمد واقف وكانت البطاريه خربانه نايف تقدم وطنب وركب محمد ولف نايف وشاف وجهه الي كان اصفر محمد وانفجرو اثنينهم ضحك محمد وهو يمسح دموعه:الله لايوريك ينيوف
نايف ضحك:ويش فيك؟
محمد:جاني شايب والله اني شاكً انه من بني آدم
نايف ابتسم ابتسامه خبيثه وصارخ بأعلى صوته وقال:ورااااااك يامحمددد
محمد قمز من الشباك وهو مايدري وش السالفه انفجر نايف ضحك ونزل وقال:ابوي الخايف ابووي
محمد استوعب وطار ومسك نايف من رقبته وقال:الله يخذك يزفت
نايف ابتسم وحط يده على يد محممد يبعده:لحضنك
محمد بقرف:تعقب فجأه دق جوال محمد وركبوا السياره ورد على المتصل(رهوف)نايف لمح الاسم وسد ضحكته
رد محمد:لبيه يارهف
ماسمع شي الا شهيق وبكاء رهف محمد انصدم ونزل من السياره
محمد بصدمه:وش فيتس تكلمني
رهف كانت تردد كلمت اسفه اسفه
محمد باستغراب:وش الي اسفه زفر من ماردت كمل يرحم والديتس وش فيتس دموعتس تكفين لا تنزل
رهف:ولد صديق ابوي رجعت تبكي
محمد كان ماسك اعصابه مايبي بعصب عليها وهي تبكي
محمد:ولعنه استغفرالله وش فيه؟
رهف تخذت نفس عمييق وقالت ل محمد السالفه(ولد صديق ابو رهف جبرها تتزوجه بحكم فلوسه ومنصبه العالي جدا وكانت هذي فرصه ذهبيه له وهو يدري ان محمد كان يبي رهف وان رهف تحبه لكن المنصب والفلوس اعمته)
محمد صارت عيونه حمراء وعروق يده ورقبته برزت
محمد:دقايق دقايق بس وانا عندتس
مشى محمد وركب السياره واستغرب نايف من شكله لكن هذا محمد دمه حامي واي شي بيعصب فيه فا كان متعود على المنظر ذا
محمد لف لنايف وقال:تعرف بيت خالتي ام رهف
نايف عرف قصده وبنص الطريق تكلم نايف: محمد هد مايصير شي هدي لا تقلب الأمور فوق تحت وتهدمها
محمد صارخ:الا بالله بهدمها واكسرها فوق رأسه الرخمه ذا لجل الفلوس باع بنته ووحيدته ويعرف ان محمد بن فهد يحبها وتبيني اهدا؟ لكن طبه عندي
نايف بهدوء:هونها وتهون يابو فهد
بعد ربع ساعه وصلوا طلع محمد ودق على ابو رهف ودخلهم في المجلس
ابو رهف:حي الله محمد*##
مكمل الجمله الا محمد تكلم:وش عذرك ليش تسوي كذا
ابو رهف مثل الغبى:وش نوحك
محمد ضحك بقهر وسحب يده وسدد له لكمه من بطنه وفز نايف ومسك محمد
محمد ضحك بقهر وقال:مسوي غبي ياللشايب مزوجها وتعرف اني احبها؟
ابو رهف:والله انك تخسي وبنتي وانا اعرف بمصلحتها
نايف بحده:ميتين عليك انت وبنتك عاد ياالشايب
مسك محمد وراحو للسياره محمد نزلت دموعه بهدوء وضحك وقال:راحت مني راحت يانيف راح سهر الليالي وراحت الاوهام والوعود الكاذبه راحت راحت
التفت نايف بصدمه وحرك السياره ونزل منها وفتح الباب وسحب محمد وقال:تكفى يبو فهد دموعك لا تنزل تكفى لا تكسرني فيك يمحمد راحت بخيرها وشرها انت قلت بنفسك اوهام كلها خيال لو انها تحبك حاولت تقنع ابوها ياويلك يا محمد يابكر عمي فهد تحزن على شي راح ياويلك  الدموع ذي مراح ترجع الماضي ابدا ولا تحرق قلبك على شي مايسوى يبو فهد
محمد حط راسه على كتف اخوه الي مجابته امه الي من يوم وهم صغار مايتفارقون ابد كان ذراعه اليمين وكان اول من يلجى له في الأوقات الصعبه سند راسه على كتف نايف وقال:
يانايف مابيه يراضيني ولا ابيه يرجع لي
ابي الناس تنسى انه كان يعني لي
يانايف طابت خواطرنا من الدنيا والي فيها
معاد فيني صدر يانايف يستحمل اوجاع
ولا عاد فيني احب واجامل
__
ابتسم نايف وشد عليه وقال:اطلق حجاجك واضرب الأرض ولا تسمي وانا وراك وحزامك
محمد رفع راسه وتقدم وسلموا على بعض"سلام رجال"
محمد ابتسم:لا خلا ولا عدم يبو سالم
نايف:مشينا؟
محمد هز راسه وانتهت ليلة من الليالي وانتهت قصت(محمد ورهف)
الساعه ٨:٠٠
نايف بصوت عالي:يرحم والديكم استعجلوا
ام فهد:صبي علامك طاير كذا؟
تقدم نايف وحب راسها وقال:ابد والله بس بيتاخرون وبيفشلوني عند الفريق
ام فهد ابتسمت وبعد ربع ساعه الكل مشى للحفل محمد سال نايف وقال:وش فيك طاير؟
نايف ابتسم وقال:
خذتني سود الليالي وللومضى بعيد
عشقت واحدٍ انشهد انه بالصدر موجود
لكن ليا مني جيت المحه فقيد
انا ي محمد ميتٍ عند نظرات عيونه عيونه السود
__
صارخوا كل من كان في السياره
راما بضحكه:ادعسس نيوف مين تعيست الحظ ذي الي جات راسك؟
سعود ابتسم وقال بهمس وسمعته راما بحكم انها وراه بالظبط:
يشدني لتس صوتس الدافي تعالي ويشديني لتس