بعد صلاة العصر عند العيال
وقف فيصل وجلس جنب جده وناظر فيه
ابو فهد"الجد"التفت له وناظر بيده الي كان يحكها بتوتر ورفع نظره له مره ثانيه :بغيت شي وانا جدك؟
فيصل بهمس:وش صار على موضوعنا الي قلت لك
ابو فهد:الحين انت جاي تسالني؟
فيصل:اي
ابو فهد:مدري ياوليدي والله اني ناسي
فيصل زفر وقرب منه وقال بهمس:جد اقصد موضوع نوره
بنفس الهمس ابو فهد:اها موضوع نوره
فيصل ابعد:اي يا جد
ابو فهد:خلاص لما يصحى اخوك على خير ان شاء الله اكلم عمك نخطب لك نوره
فيصل فز وحب راسه وقال بضحكه:حي الجد البطل
التفتو اثنينهم وكل المجلس على رعد الي دخل وتربع بنص المجلس وقال:مين قال صحكت بالوت
قام ابو وجدان وتربع جنب رعد وقال:ومين بعد
ضحك رعد وتكى على عمه واشر على نايف الي كان على جواله وجالس بزاويه:هذا من راح محمد وصار بالمستشفى ماله حس ابد
نايف رفع نظره وقال ببتسامه:اكيد ماراح يطلع لي حس وش يقعدني مع بزران مثلكم
فهد ناطر نايف وقال بستحقار:شايف نفسك على ايش ترا الفرق بسيط لا تقعد ترفع خشمك علينا
نايف رمى علبة المنديل وجلس تحت ويتربع جنب رعد وعمه وقال وهو يناظر فهد:شفيك يا بوي شديتها تعال خلينا نسوي حزب على رعد وعمه
ابو وجدان رفع اصبعه وقال:لو سمحت عمكم كلكم
نايف ابتسم وقال:لا اخو ابوي
ابو فهد رمى الفنجال على ظهره وقال بحده:ولد اعقل لا الحين اهبدك بهل الدله
فهد قام وجلس عند نايف وربت على ظهر وقال وهو يناظر وجه نايف:اكيد ياجدي نيوف مكان يقصد صح نيوفي؟
نايف ناظر فيه:الظاهر مانفع فيك المنديل تبيني اتوطى ببطنك وش نيوفي اصغر عيالك
قبل مايتكلم فهد صفق رعد وقال:ياله ياعيال ماصارت المهم انا وعمي وانت يا فهد ويا نايف
وبدو يلعبون
سعود بهمس ل ابو نايف:عم وش فيه ولدك
ابو نايف بنفس الهمس:والله مدري وانا عمك
نايف بصوت عالي:الشخص الي يتكلم عني اصرف النظر لاجيك
ضحك فهد وقال:آجي اتوطى بطنه معاك؟
نايف وهو يناظر سعود:أي أكيد
ضحك نايف وظرب كفه بكف فهد وكملو لعب
فجأة صارخ رعد وهو يرمي البالوت
ضحك نايف وقال:هدي اعصابك لا يطق فيك عرق ونبتلش فيك
فهد:المستشفى بعيد
ابو وجدان قام:انا وش مجلسني مع وراعين زيكم كل لعبكم سب وصياح
وليد ضحك وناظر فيه:اشوف عمي بدا يصرف
ضحك فيصل وقال:مشكلك البرشلوني لا خسر
ابو وجدان:انتم ناس غير محترمين بدا
نايف انسدح على فهد وقال:ابي اتزوج
مره لحظه صمت في المجلس يحاولون يستوعبون وش قال الا سعود الي يناظر بنايف ويحاول مايضحك
ابو نايف:ليه عندك احد في بالك
نايف:لا بس لو اتزوج من برا القبيله عادي ياجد؟
ابو فهد مسك لحيته البيضاء من الشيب وقال بهدوء:اذا صارت من عائله محترمه مافيه مشكله
نايف:هي تشتغل معي
ابو محمد:قصدك تشتغل سكرتيره عندك ولا عند احد في القسم
نايف هز راسه بالنفي وقال:لا تشتغل نفس شغلتي بس هي برتبه اعلى
رعد بصدمه:كيف تحب واحده اكبر منك
نايف ناظر فيه وقال:اصغر مني بسنتين
ابو نايف تنهد وقال:دوامك مختلط صح وهي كاشفه اتوقع هي الي دخلت بالعرس وانقذت اختك
نايف ابتسم:اي هي
ابو نايف ناظر فيه لثواني وقال:نجوم السماء اقرب لك منها
تلاشت ابتسامة نايف وتبدلت بملامح بارده محد قدر يفسرها وقام من المجلس وطلع من دون كلمه
ابو فهد ناظر ولده وقال بحده:لو تكلم وقال انه يبي يتزوجها مره ثانيه ورفضت صدقني ماراح يصيرلك طيب
ابو نايف:بس يايبه البنت دوامها مختلط وماهي من سلومنا وانا شفتها ماهي لابسه مغطى
ابو فهد:مالك شغل بالبنت ووش تلبس دام الولد حبها ويبيها بالحلال لاتمنعونه عشان بكره ماتنصدمون لاتزوج مسيار
ابو نايف نزل راسه وقال:سم
قام ابو فهد بعصاه من برا المجلس وتنهدو العيال وصارو يطلعون واحد وراء الثاني
تنهد سعود وهو يشوف نايف جالس على عتبت الباب ويدخن تقدم وجلس جنبه وهو ساكت نفث الدخان من فمه وناظر بسعود ورجع يدخن
سعود بهدوء:ماهو حل ترا انك تجلس وتدخن كل مصار لك شي انا لاحظت في الفتره الاخيره انك بس تدخن صرت مدمن يـ نايف المفروض تواجه الواقع وتحل المشاكل
نايف سكت للحظات وبعدها قال:ماحب الواقع اكره الحقيقة
ناظر فيه سعود بستغراب وكمل نايف صح صرت مدمن بس مستعد ادفع ثمن إدماني ولا مستعد اواجه الواقع والحقيقه الحقيقيه دائماً مُظلمه وتكون مُره طول عمري خايف من وش ورا السِتار والمشاكل الي بتطلع بعد ماينفتح هذا السِتار
ابتسم سعود وهو يحط يده على كتف نايف وقال:بس تبقى حقيقه لابد انك تعيشها وتتعايش معاه ماهو معقول انك بتصير تهرب من الواقع طول عمرك بدال ماتوقف وتسند نفسك وتواجه مخاوفك ومشاكلك ماراح تقدر تعيش ابداً كيف بتتزوج وتعيش حياه طبيعية وانت تخاف من الواقع انت يـ نايف اقوئ من انك تخاف من شي مصار او ممكن يصير والدخان والتهرب من الحقيقه عمرهم ماكانو حل
شاف نايف شارد وربت على كتفه وقام ودخل
نايف رمى الدخان وركب سيارته واتجهه للقسم
اما عند سعود بعد ماراح من عند نايف راح للمجلس الداخلي للرجال وناظر وليد بستغراب الي كان راكب سلم ويغلق برواز صوره
سعود:ليش راكب فوق؟
وليد نزل ناظره تحت لسعود:الظاهر قاعد تشوف وش اسوي
سعود:طيب تعلق الصوره ذي بس المفروض ماتكون مرتفعه كذا
وليد تنهد:جدي قالي كذا وش رايك بدال هرجك الزايد الي ماله نفع تجيب الغراء في المطبخ في الدرج البني الي بالوسط
سعود:رحمتك عشانك قمت تشرح لي وكانك واثق اني بروح اجيب
وليد بحده:سعود اخلص علي
تأفف سعود وراح للمطبخ من الباب الخلفي وفتحه وشاف بنت لابسه بنطلون وردي عريض وبلوزه بيضاء مكتوب عليها بالخط الوردي امامك حربية 111🎀"لا ترا امزح"بلوزه بيضاء ومكتوب عليها بالخط الاسود عباره الامانيه"قد لاتكون النهايه بل قد تكون بداية شيً جديد"ابتسم من عرفها من غيرها؟راما تلاشت ابتسامته من سمع صوتها تقول:بسم الله سعود؟
سعود عقد حواجبه وكتف يدينه وتكى على الباب:وش بسم الله شايفه جني انتي؟
راما:لا بس انفجعت
ضحك بخف وقال بهمس:بسم الله عليتس
راما ناظرت بعدين قالت:وش جابك هنا
شهق سعود وقال:حرام انتي خلتيني بدون عقل نسيت وليد قالي اجيب الغراء عشان يعلق الصوره بالجدار وشكلي تاخرت عليه بالله عطيني الغراء ماعرف وينه
رفعت حواجبها ولفت واخذت الغراء ومدت يدها له واخذه منها وراحت تمشي بتطلع من المطبخ بس وقفت ثواني والتفتت على سعود وشافته سرحان فيها ابتسمت وارسلت له بوسه طائره ضحك هو واخدها وحدها على مبسمه ومسك قلبه وطلع
تصنمت مكانه وتحسست وجهها الاحمر من الخجل وقالت بنفسها(احسن مسويه جريئه وبوست وحركت ولقمت اخر شي احسن احسن)وقرصت نفسها وكملت مشي عادي دخلت الصاله وشافت البنات جالسات ونجلاء وسطهم وتلعب مع البسه"القطوه القطو المياو الي هي"وشارده جلست جنبها ولمست كتفها وانتبهت نجلاء لها
نجلاء:وش فيتس ؟
راما:انا الي وش فيني ولا انتي الي وش فيتس
نجلاء:انا مافيني شي
راما:افف ياربي طول عمرتس ماتعرفين تفضفضين وتعبرين عن مشاعرتس
ناظرت فيها نجلاء بعده صدت بدون كلام
في القسم طق نايف الباب ودخل بعد ماسمع الجواب
وقف احمد بستغراب وسلم عليه:غريب وش جابك هنا ماهو وقت شغلك
نايف:ادري بس بخلاص سويت اوراق عشان بكره اخذ إجازة
احمد:ليش ماجيت بزي الدوام الرسمي؟
ابتسم نايف وقال:عشانه ماهو وقت دوامي
احمد ضرب جبته وقال:نسيت اعذرني جاي عشان تاخذ مفتاح المكتب؟
هز نايف راسه وعطاه احمد المفتاح وطلع من المكتب وتوجه لمكتبه وجلس ورفع جواله ودق على رعد
وصل صوت رعد وهو يتكلم:اخلص فيصل
نايف تنهد وقال:يالرعد
رعد رفع السماعه ورد:يس حبي
نايف ضحك:لا تعيدها مره ثانيه المهم شوف نوره قالت لي بتروح هي وصالحه لسوق ومعاهن بنات عماني
شهق رعد:كل البنات!
نايف ضحك وقال:اكيد لا يعني مايتعدون الخمس بنات
رعد:طيب انت الحين وينك؟
نايف:بالقسم بغيت شي؟
رعد:هممم
نايف:شفيك
رعد:واضح زعلت من كلام ابوي ورحت للشغل صح؟
نايف:لا لا بس بخلص كمين شغله عشان اخذ اجازه بكره
رعد:زين وسكر
تنهد نايف وهو يطلع دخانه من جيب الثوب وطلع الطفايه (حقت الدخان للي ماعرفها)من درج المكتب وسحب وحده وشغلها وصار يقلب بالاوراق ويشوفها ودق الباب ورفع نظره وشاف احمد فتح الباب وجلس على الكرسي المقابل للمكتب وقال وهو يرخي ظهره على الكرسي:الفريق عقاب يبيك وذا شافك كذا بدون الزي الرسمي لدوامي بيفصل عليك وبيوقعك تعهد
نايف زفر دخانه وطفاها وقال:مفتاح مكتب محمد عندك؟
احمد:اي وش تبي فيه؟
نايف:باخد من البدلات الي عنده اخوي رعد مقاسه اصغر مني في الطول وبيعرف عقاب انها ماهي اي
احمد بتفكير:همم طيب شراتك عندك صح؟
هز راسه ووقف احمد وقال:اجل برسل احد يعطيك المفتاح ووقف لحظات والتفت لنايف وقال:نايف يرحم اثنين جابوك فكر بكل كلمه بتقولها لعقاب ولا ترفع صوتك عليه ولا تتلفظ عليه بكلمه محد ناقص لكم
ضحك نايف وقال:معليك ماراح تنهاوش ماحنا بزران
احمد عطاه نظر وكان بيطلع بس وقف يسمع لنايف
نايف كان يدور بالكرسي ويقول:حموتشي استعجل علي بالله
احمد حذف القلم الي بجيبه على نايف ومشى وقفل الباب
عند البنات دقت نوره على رعد
رعد:لبيه
نوره بستعجال:لبيت حاج وينك ترا جهزنا
رعد:مين بيروح معاكم ياخواتي؟
نوره:انا وراما ورولا ومريم اثير وصالحه
رعد:هذي والله البلشه الربع ماتصلح لكم(الربع سياره🌚)
نوره:اف منك يارعد خوذ الجمس حقت مشعل
رعد:تمام دقايق وانا عند الباب اطلعن لي
نوره:اوكيه
طلعت هي والبنات وانتظرو ثلاث دقائق وشافو السياره وراحو لها
في القسم تحديدًا مكتب ديم
كانت جالسه قدامها الين وهو تشوف اوراقها
تكلمت الين:انا احب الفخوذ المليانه
ديم ناظرتها بستغراب بعدين انفجرت ضحك
الين حكت راسها وناظرت فيها:وش؟
ديم وقفت ضحك وقالت:الحين ساعه ساكته تتكلمين عن الموضوع ذا
الين:اي ياخي ماحبيت الجو كذا
ديم:انا عكسك احبها نحيفه
الين ركت ظهرها وناظرت فيها وقالت:شوفي ماعندي مشكله اذا هي نحيفه او مليانه بس مايكون بينهم فراغ احسه مقزز
ديم بتفاعل:على كيفك وربي الفراغ بينهم حلو
الين قامت من الكرسي وقالت:هش بس انا اصلا غاسله يدي من عرفت انك تحبين دركول مدري وش اسمه
ديم:قصدش دراكولا انتي ماتفهمين لو تفهمين عشقتيه
الين رفعت حاجبها وقالت:خلي مافهم المهم بروح ل مكتب عقاب يبيني اذا حتجتي شيً ما
ديم:مع السلامة
الين طيرت بوسه بالهواء:باي حبي
ديم هزت راسها باسف عليها وضحكت الين وطلعت وسكرت الباب وراها وشافت نايف الي كانت بتصك فيه بس وقف
الين نزلت راسها باحراج:امم اسفه ماشفتك
نايف ابتسم بهدوء:ماله داعي الاعتذار
رفعت راسها وقالت:غريبه اليوم ليش مداوم ماعليك دوام
نايف رفع حواجبه الثنتين وقال:مشاءالله حافظه متى اوقات دوامي
ضحكت الين بستهزاء وقالت:عفوا؟مين انت عشان احفظ اوقات دوامك انا ماسكه الدفتر واشوف مين الي حظر والي ماحظر وحفظتهم
نايف سكت شوي وقال:تدرين انتس لو ماجيتي للعرس وشفتس هناك مكان اصلاً انتبهت لتس
حاولت ماتضحك عشانها اصلاً مكانت في هذا القسم الي فيه نايف فاء طبيعي ماراح بشوفها وقالت:والمطلوب؟
نايف ابتسم باستفزاز ورفع كتوفه وقال:ولا شي بس كذا
اخفت الابتسامه وناظرته ببرود وقالت:التحيه ياعسكري
اخذ ثواني وبعدين استوعب ودق التحيه ولفت هي وقالت:بلا كذب انا صلاً توني ناقله لهل قسم طبيعي انك ماراح تشوفني
كانت بتمشي بس ناظر نايف وكان للحين داق التحيه مكملت مشيها
بعد دقايق طلع نواف وشاف نايف رافع يده ومسوي التحيه
ناظر يمين يسار مافيه احد ووقف قدامه وقال:استريح ياعسكري
نزل يده وهو يلويها بتعب وقال نواف:ليش داق التحيه؟
نايف ناظر فيه وقال بحقد:الفريق جت وقالت لي بس سحبت علي
نواف فهم من كلامه انها انثى بس مايدري مين وقال:روح لعقاب بيفجر فيك لو ماجيت
نايف هز راسه وراح شبه يركض لمكتب عقاب
______________________________________
بارت يسد النفس صدق
