اما عند نوره راحت عند الباب للباب عشان تنادي واحد من اخوانها عشان يجيب الناقص من الأغراض
نوره شافت واحد ومشابه لشكل نايف من ورا
راحت وكبت القروره عليه وقالت:مشاء الله ماهو انا الي تطفي الكيف حق غرفتي وتروح بارده مبرده ولا حساب ولا عقاب
اما عند فيصل الي كان طالع يشم هوا.
لكن التفت وشاف أنثى اول مره يشوفها من زماان الي هي نوره حب الطفولة .
كانت لبسه لبس وردي ضيق من فوق وواسع من تحت وعاري الأكتاف وكانت حطه ميكب خفيف لكن يبرز ملامحها الحاده
التفت وشافها فيصل بكل هدوء:وش ينسمى الي سويتيه قبل شوي؟
نوره ماعرفته وقالت بخرشه:ا..ا. اسفه على بالي انت نايف اخوي
فيصل ضحك وقال:وش جاب فيصل بن فهد ل نايف بن سالم نوره تضحكين على مين وبعدين وش مطلعتس برا بالحوش والحوش كله رجال
نوره بحده :يخي مالك شغل وصد جعل عيونك للفقع
فيصل ابتسم وصد:اذا انتي تبين تتزوجين واحد عيونه مفقعه ماعندي مشكله ابد وخليتس هنا بروح انادي الرعد لتس
مشى وخلى نوره وراه وهي ترجف وخايفه ان احد شافهم وهم مع بعض وش بيقلون الناس عنهم؟
_____________________________يوم الجمعه بعد الغداء كان زواج سالم و الهنوف(احفاد عايض ابوالجد ابو فهد)
عائله ام سالم.
عبد العزيز:ابو سالم
قمراء:ام سالم
سالم البكر:عمر 27
سلمى:عمرها25
عبد المجيد:عمره24
نور:عمرها 22
عائله ابو علي
فيصل:ابو علي
نجوى:ام علي
علي البكر:29
مهند؛عمره:26
الهنوف:عمرها25
العنود:عمرها23
_______________________________
دخل محمد المستشفى يطلع رهف من المستشفى
محمد:صح بتروحين زراج صدقتس
رهف:قصدك الهنوفي؟
محمد ضحك:اي حق الهنوفي على قولتس
رهف:يب اكيد ان شاء الله
محمد:اسمعي بنزلتس عند اثير وبنات عمي
رهف:ليش اهلي متبرين مني؟
محمد ضحك:لا وش دعوه بس مايمدينا نسوي حفله عشانتس طلعتي عشان الزواج واثير قالت لي انهم يبونتس وتتجهزين معاهم وترحون من بيت جدي لزواج
رهف:تمام بس اهلي ماسلمت عليهم
محمد:عادي اصلا شافوتس امس تشفينهم في الزواج
رهف ضحكت وقالت:اجل من قول لا اوردي مشتاقه لبنات هناك
محمد بصوت اشبه للهمس:ياحظ البنات بس
رهف سمعته وابتسمت وقالت:ياحظ العيال بس
محمد انفجر ضحك من عرف انها سمعته وقال لا شعورياً:يزينتس
رهف صارخت ومحمد انفجع وقال:ولعنه استغفرالله وش فيتس!
رهف:كل تبن واستغفر يحمار
محمد بصدمه:اوب اوب يلحجيه تراتس في سيارتي البخي لا انزلتس
رهف :نزلين ان قدرت
محمد:خلاص اسف بس اخرعتني
رهف بعد مده سألت محمد وقالت:محمد
محمد:لبيه
رهف لفت عليه وقالت:لبيت حاج اسمع الحين بنات عمك يتغطون عنكم يالعيال
محمد:اي كلهم اتوقع وهناك جدي شديد شوي الله يصلحه
رهف ضحكت وبعد مده قصيره وصل لقُصور(عبد المجيد ال عايض)
رهف باشبه للصدمه:مشاء الله من متى عايشين في قصور
محمد ضحك:انزلي لهبدتس بس
رهف استحقرته وكملت مشي مع محمد وقاطع طريقهم فيصل و نايف
نايف بصوت عالي:افاا يحمود تزوجت ولا عزمتني ماهي من عوايدك
محمد الخم بسبب رهف الي كانت وراه ولا يقدر يطقطق معاهم مثل دايم
فيصل انفجر ضحك من وجه محمد الي قلب لونه أصغر
محمد:الله ينكبك مين كذب عليك اني متزوج
نايف:مدري شفت كائن معاك قلت يمكن زوجتك
فيصل:بقري كان سألتني طيب
نايف ضحك:تصدق عاد كنت بقولك صغير وانت في ورده شبابك حرام تتزوج الحين!
محمد:يشيخ ورده شبابي اكلتها الغنم مير الله يسلمك اذلف أنت والي معك وراح بنمر انا والكائن الطيف الي معي
نايف همس لفيصل:وجحدك اخوك
مشى محمد ورهف داخل.
