شكا قلبي العناءَ.. ولكن تلك أقداري

البارت العاشر

خذت المفتاح بسرعه وقفلت من برا وسكرت الباب حق السيب الي يفصل مابين الغرف والصاله وباقي البيت
نضمت أنفاسها وراحت لصاله وجلست جنب امها وقالت:امي بروح البيت
ام دانه:ياله والله اني تعبانه
وراحت دانه مع امها وهي حالفه ماتعتب البيت مره ثانية
_______________________________
في القسم
الظابط احمد:ان شاءالله يقوم العميد سعود بالسلامة وموضوع وليد ان شاءالله بشوفه
محمد وقف وسلم عليه وقال:يعطيك العافيه تعبناك معنا
احمد ضحك وقال:شدعوه يخوي عادي
نايف ابتسم وقال:ماتقصر
ضربو التحيه وانصرفو لما سمعوه يقول"استراح يعسكري"مشى محمد ونايف
نايف التفت لمحمد وقال:بتوقع الحين؟
محمد ناظر الساعه وقال:لا بروح لمكتبي بخلص شغلي لي كم يوم ماسويت شي
نايف خبط كتفه وقال:الله معاك وبروح وخلي فيصل يجيب سيارتك
محمد:ياله ولا تنسى اليوم المغرب بروح لسعود
نايف:ان شاءالله
مشى نايف لسيارته وراح للبيت
اما عند محمد الي اتجه لمكتبه ودخله وسكر الباب وجلس وحط رجله على الثانيه وبدا بشوف الأوراق
بعد ساعتين قاطع تفكيره اتصال نجلاء
ابتسم ونفث دخانه ورد:لبيه
نجلاء:لبيت حاج متى تجي؟
محمد:ليه اشتقتي لي
نجلاء بتمثيل:وبموت من الشوق
ضحك محمد وقال:كلها ساعه بالكثير وانا عندتس
نجلاء:زين وكيف راسك؟
محمد:ابشرتس
نجلاء:الحمدلله
محمد:ياله بسكر تبين شي؟
نجلاء:سلامتك
سكر محمد ونزل الجوال وكان باقي له كم معامله لكن شد نظره احد الشكاوي الي جته وكان محتواها"تم تقديم شكوى بااسم سارة عبد العزيز بن تركي على صقر بن خالد بن تركي بتهمت اغتصاب وخطف"ضحك بنفسه وقال(غريييب العالم حتى ولد عمك الي من لحمك ودمك معاد تضمنه تضمن الغريب عنه)
عند البنات كانو جالسين برا في الجلسه
بدور وقفت وقالت:بنوتات تبون عصير؟
اثير وهي تهف على نفسها:اي والله تكفين وجيبي معاه كيلو ثلج
بدور ضحكت بخفه وقالت:ابشري ي عمري
راحت للمطبخ
نوره:بنات بدور تجنن مشاءالله
مريم:اخلاق وخلق مشاءالله
دانه:صدق تهبل واسلوبها حلو بعد
رولا:لايغركم بس
صالحه ضحكت وقالت:ليه؟
رولا: مدري بس ماارتحت الصراحه
راما:عادي شعور عادي
نجلاء:صح يمكن عشانه اول مره تقابلينها
رولا:يمكن
عند بدور دقت على بنات عمها(وجدان وريهام الي هم بنات فالح الي يصير اخو ابو محمد وابو دانه وابو مشعل وابو نايف وابو مريم الي كان ساكت في جده)بدور:بنات متى تجون؟
ريهام:دحين بابا قال انو باقي تقريبا نُص ساعه
بدور:تعالو على طول بيت جدي عبد المجيد
ريهام:يبب اكيد
بدور:ياله بسكر
سكرت ريهام وراحت تركض ل ام فهد
بدور:جدده
ام فهد التفتت:سمي
بدور:بنات عمي فالح بيجون بعد شوي
ام فهد ابتسمت:ايي قالي والله بس ماقال متى
ابتسمت وقالت وأخذت العصير وأخذت الثلج وطلعت
رولا:سنه!
بدور:اسفه كنت اكلم بنات عمي فالح ونسيت
رولا:تتوقعون بيجون؟
بدور:اي قالت لي ريهام انه تقريبا باقي نص ساعه ويوصلون
الكل شهق وقالوا بصوت واحد:كذااابه
بدور انفجعت وقالت:بسم الله اي وربي
نجلاء اخذت المخده وحطت وجهها وصارخت وقالت:لا ماابيهم ماابيههم
اثير ضحكت وقالت:معليييتس ان شاءالله يموتون بنص الطريق
بدور رفعت حاجها:خير ان شاءالله وش سوو لتس عشان تدعين؟
اثير ضحكت:نعم تمونين انتي وجهتس وش دخلتس؟
بدور استحقرتها وراحت
نجلاء بصدمه:يع الحمدلله والشكر
دانه:اي والله
عند العيال الي كانو(نايف،رعد،فيصل،فهد)
دخل محمد وقال:السلام يرجال
ردو السلام وجلس
فتح بدلته وهف على نفسه وقال:ي عيال بروح لسعود المغرب احد بيروح
رعد لف له وقال:مين بيروح معاك؟
محمد:عمتي ام مشعل وزوجتي ومشعل
فيصل:دامه كذا نروح ي عيال بيوم ثاني
محمد وقف وتثاوب وقال:ياله بروح اغير واصلي بعدها على المستشفى
نايف:الله يسهلك
محمد ابتسم وراح للحوش سمع أصوات البنات زفر وقال بهمس:والله وهاذي البلشه كيف اناديها؟
شاف حنان تركض و تكلم محمد بصوت شبه عالي:ي حنااان
حنان اتجهت له وضمته وقالت:وشو؟
بأس خدها وقال:نادي عمه نجلاء لي
هزت راسها وراحت عند نجلاء وضربت كتفها بخفه
نجلاء التفتت لها:لبيه؟
حنان:عمو حمود قال لي نادي عمه نجلاء
نجلاء وقفت وقالت:ياله روحي ل ماما ي قلبي
وراحت ل محمد و همست:سم
التفتت محمد وابتسم وفتح يده لها وقال:اقربي
نجلاء:عندك احد؟
هز راسه وتقدمت وضمته وقالت:وش بغيت؟
محمد بأس راسها وقال:بروح اغير ملابسي وتعالي معي عشان نروح ل سعود
نجلاء فزت ورفعت راسها وقالت:صدقق؟
محمد ضحك وقال:ايه اجل اكذب؟وقولي ل عمتي
رفعت رجولها وباست فكه وقالت:من عيوني كم عندي محمد
محمد فتح عيونه بقوه وقال:اسللم
نجلاء:هاه؟وش
محمد:خلاص ولاشي بس قولي لعمتي
ارتفع صوت فيصل وهو ينادي محمد:حميييد
محمد شد على نجلاء وقال:وقف ي ولد محرمنا
فيصل جاء ونسى نجلاء ولا طرت في باله وقال بسخريه:اثير تراه اختي بعد
محمد ماكان يقدر يلف وقال وهو يصارع لسانه:فيصل ولعنه حرمتي موجوده
فيصل صد على طول وقال بفشله:اسف يبو فهد والله اني قد نسيتها على بالي اثير
محمد:اقلب وجهك بس
فيصل راح يركض وهو يسب محمد
نجلاء ضحكت وقرصت كتفه بخفه وقالت:حرام عليك
محمد:خليه وادخلي البسي عباتس وتعالي لي في السياره وباله عليتس نادي امي لي
نجلاء:تمام وراحت داخل ونادت ام محمد لولدها
نجلاء:عمه محمد برا يبيتس
ام محمد:ياله الحين بروح
قامت وطلعت برا فز محمد وضمها وقال:أرحبي مليون
ابتسمت وقالت:البقى ي روحي
ابعد ورفع يدها الي مليانه تجاعيد وباسها وقال:يزينتس يم محمد
ام محمد بحنيه:الله يخليك لي ولزوجتك يوليدي
محمد ابتسم وقال:امييين ان شاءالله وترا اليوم المغرب بروح لسعود
ام محمد:معاك الله
بأس راسها وقال:منتي جايه؟
ام محمد:لاوالله ان ركبي توجعني
محمد:خليني اوديتس بطريقي للمستشفى
ام محمد:لا ان شاءالله بحط كريم وتطيب
اثير بصوت عالي:يممممه وينتس فيه
ام محمد:تعالي هنا برا
طلعت وشافت محمد وضمته وقالت:حيوووان وحشتني من تزوجت وانت سااحب
محمد ضحك وباس خدها وقال:يبنت فاضي انا لتس الحمدلله تزوجت وافتكيت
اثير كشت بوجهه وقالت:وع تصدق الشرهه ماهو عليك علي انا انقلع بس
محمد ضحك وقال:وش فيتس صايره حساسه امزح معاتس
اثير:غصب عنك
جت نجلاء وشافت كيف كانت اثير ضامته وكأنه ماهو اخوها وماكانت تدري كيف علاقتهم مع بعض الي يشوفها يحلف انها لو غيرتها نار احرقت الرياض كلها
مشت وتنحنحت وقالت:محمد ياله انا بروح السياره
محمد التفت بعدم اهتمام وقال:روحي وانا بجيتس بعد شوي
مشت وهي معصبه بعدين استوعبت على نفسها وقالت(اقسم اني غبية اغار من الجحلط ذولي شهقت وقالت لا بس حمود الجحلطي اثيري مالها دخل)ضحكت على نفسها وركبت السياره
عند محمد واثير
محمد:ياله ادخلي وجهزي القسم حقنا انا ونجلاء بنجي اليوم ان شاءالله
اثير:ان شاءالله
ومشت التفت محمد وطلع دخانه وولعه وكان بيمشي لكن توقف من صوت
بدور:محمد
التفتت لها بدون شعور وقال:ي عيونه
ضحكت بدور وقالت:تدري ان عمي فالح بيجي اليوم؟
محمد تكى على الباب:اي ادري ليه مدري ماهو عمي مثل ماهو عمتس
ضحكت ومسكت شعرها وبدت تلعب فيه وقالت:هو شدعوه بس اسأل
استوعبت محمد الذنب الي كان يسويه وصد وقال:ياله مع السلامه
بدور بقهر:مع السلاامه
مشى بدون رد وركب السياره
ناظر نجلاء الي كانت هاديه وحاطه راسها على القزاق ابتسم واخذ يدها وحطها على القير وحرك
نجلاء:خير؟
محمد:وش
نجلاء:انسى
ناظرها وقال:وش فيتس
نجلاء:الصراحه ماتوقعت علاقتك مع اختك كذا
محمد باستغراب:كيف؟
نجلاء:الي أحضان وكذا الي يشوفكم مايقول اخوان وانت اصلا ماسويت كذا بزوجتك عشان تسويه بختك
سكت شوي بعدين ضحك بقوه من استوعبت كلامها وانها تغار
مسك يدها ورفعها واشر على خاتم زواجهم:والله عاد زوجتي ذي عنيده واذا بغيت اتمم زواجنا ترفض ومع ذالك اشوفها الدنيا والي فيها دامها حلالي وعلى ذمتي لا اختي ولا الف غيرها يجون مثل حبي ل بنت حلالي زوجتي والنجلاء
ابتسمت وقالت:كيوت كلامك
ناظر فيها وقال:اعقبي انا كيوت
ضحكت وابتسم من ضحكت وادرك محمد ان عوض الله جميل واجمل من مانتوقع
ووصلوا الفندق ووقف محمد السياره في المكان الخاص لها ونزل وفتح باب نجلاء ومد يده لها وقال بضحكه:ياله ي أميرتي
ضحكت ومسكت يد وقالت:تسلم ي اميري
مشوا وراحو لشقتهم ودخلوا
نزل بدلته وراح اخذ منشفته ودخل الحمام
اما عند نجلاء الي راحت تزيل المكياج وتغير لبسها وسوت عشاء خفيف وحطته على الطاوله تنتظر محمد يخلص
محمد ربط منشفته على خصره وطلع ونادى نجلاء:نجلاء
دخلت نجلاء عليه وصدت بسرعه من شافته بس لابس المنشفه:وجع محمد ليش مالبست
محمد بحده:نعم وش فيتس صاده تراي زوجتس الا متى بقعد اذكرتس؟
نجلاء لفت ووجها احمر وقالت:وش بغيت؟
محمد ماانتبه لوجهها وقال:ابي ثوبي الاسود الي قلت لتس اغسليه
نجلاء راحت ل الدولاب وقالت:ابعد شوي
محمد وقف وراها وقال:واذا ماابعدت وش بتسوين ي النتفه؟
بلعت ريقها وقالت:ولاشي بس ابعد
نزل راسه لكتفها المكشوف وقال:دامتس منتي مسويه شي ليش ابعد عن شي مُلكي
نجلاء لفت وقالت:احسن احسن خل قلت أدبك تطلع لك ثوبك
لفت بتروح لكن مسكها محمد من يدها ورفعها لحضنه وحط راسه في رقبتها واستنشق ريحت عطرها وقال:انا مايذبحني الا النجلاء وعطرها
نجلاء حاوطت خصره برجولها وقالت:أعوذ بالله وش الي تذبحني نجلاء وعطرها
جلس على السرير وهي بحضنه وقال:عندي مهمه عسكريه بعد ثلاث ايام امسك فيها ستين الف جندي بقعد فيها ست شهور ولازم يكون عندي سبب عشان احافظ على نفسي عشانه غيرتس
نجلاء بصدمه:خير توك متزوج وش الي مهمه
محمد بأس نحرها وقال:هذا أمر ملكي مايمديني ارفضه فا هل تسمحين لي اسويها
دفته وقالت:لا بعد انت توك متروش
ابتسم محمد وقال:عادي اتروش مره ثانيه بسيطه
نجلاء:لا انت قلت تسمحين لي وانا قلت لا
محمد:انتي حلالي زوجتي ماراح اروح للمهمه بدون ما أسويها لازم عشان يكون عندي سبب اقدر ارجع فيه
نجلاء:محمد ماابي
ابعد محمد عن رقبتها وحط خشمه على خشمه وقال:انا اعلمتس وانتي حلالي وشد على كلمة حلالي وكمل واسويها واذا رفضتي تلعنتس الملائكه
سكتت وماردت
ضحك بهدوء وقال:السكوت علامة الرضا ولا؟
نجلاء حطت يدينها ورا رقبته وقالت:توعدني انك راح تنتبه لنفسك
محمد بأس خدها وقال:وعد
وكتبت نجلاء ل محمد كزوجة و.........
في بيت الجد عبد المجيد
ام مشعل:يوليدي فيصل دق على اخوك صيف علينا بروح لسعود
فيصل:ابشري
اخذ جواله ودق على محمد ووصله صوته الثقيل:هممم
ضحك فيصل وقال:اسللم ي الصوت نايم؟
ناظر محمد ب نجلاء الي نايمه ومكان يبي يصحيها:اي نايم وش بغيت
فيصل:وين الي يقول بروح لسعود
محمد:يلييل صدق خلاص سكر بشوف
فيصل:مافيه اشوف عطني كلمه عشان تقول ل ام مشعل
محمد:يغثيث سكر دقايق بس
سكر فيصل والتفت على نجلاء وهزها:نجلاء
نجلاء بكسل:وشش
محمد ابتسم وقال:ياله قومي بروح لسعود اخوتس
قامت وقالت:حسبي الله عليك جسمي متكسر
محمد ضحك وقال:استغفري ربتس بس وقومي واول مانرجع من المستشفى بروح لبيت اهلي
نجلاء:ليه
محمد:قسمنا هناك
نجلاء:اها
قامت وأخذت روبها ودخلت الحمام وأخذت شور ووقفت عند المرايه تحط كريم وترطب بشرتها من دلع بنات
دق محمد الباب وقال:نجلاء حشى كذا هذا تروش بسرعه ابي اتروش انا بعد
نجلاء بصوت عالي عشان يسمعها:خلاص الحيين بطلع
ماهي إلا خمس دقايق وطلعت نجلاء وكان محمد على الباب يطقطق بجواله
رفع عيونه لها ونزلت تدرجين ركبتها الظاهر بسبب قصر الروب
ابعد وقال:حشى ساعه
ضحكت وقالت:والله بكيفي
مسكها من خصرها وابعدها وقال:ياله الحين دوري
دخل الحمام يتروش وكان جواله يدق ناظرت نجلاء وابتسمت وثقلت صوتها وردت:أرحب يبو سالم
نايف ماستوعبت وكان اصلا مشغول:اسمع محمد تعال بسرعه جدي بيثور فيك انت وزوجتك
نجلاء:نعم؟وش دخلني انا
نايف:نجلاء هاه؟
ضحكت:سم
نايف ابتسم:الله يخلف على محمد كل شوي ماخذه الجوال
نجلاء:مالك شغل زوجي الا صح بسألك
نايف:هاه
نجلاء:محمد بيروح مهمه ست شهور؟
نايف:لا ليه؟
نجلاء شهقت:الله ياخذ نفسه وانا استغفر الله كذب علي
نايف:اي عنده مهمه بس ماهو ست شهور سنه ونص
نجلاء بصدمه:نعم؟؟
نايف:عشان يترقى يلعن شكله بيصير أعلى مني منصب
نجلاء:حسبي الله عليهم انا الحين بسكر باي
نايف:طيب
سكرت والبست وانتضرته على السرير
طلع من الحمام وهو لابس وحاط المنشفه على كتفه وناظر فيها وقال:وش فيتس تناظريني كذا احد مات؟راحو لسعود وخلونا؟تهاوشتي مع احد؟احد زعلتس لا سمح الله؟
نجلاء:لا بس تعال ابيك
ابتسم وجلس عند رجولها وقال:سمي ي النجلاء
نجلاء:ليش كذابت علي؟
محمد رفع جاجبه وقال:وش كذبت فيه؟
نجلاء:انت قلت لي ان المهمه حقتك ست شهور وطلعت تكذب علي لي انه المهمه سنه ونص
ناظرها بتمعن وقال:مين علمتس
نجلاء كانت تحاول ماتبكي:مالك شغل بس قلي صدق؟
محمد ناظر فيها وقال:ايه
قامت بسرعه ومكانت تبي يشوفها تبكي وش بتقول له؟انها حبته وتعلقت فيه وهي كد قالت له انا مااحبك واني مجبوره عليك؟
استغربت لكن طنش وقام ولبس ثوبه وشاف نجلاء تعدل شعرها
محمد:ياله؟
ناظرت فيه وقالت:دقيقه باحط مكياج
محمد:اذا خلصتي قولي لي
هزت راسها وراح هو لصاله وجلس
حطت لمستاتها الاخيره وأخذت عبايتها وراحت لصاله وشافت محمد جالس وقالت:ياله مشينا؟
ناظرها وابتسم وقال:
انتي اجمل من تفاصيل الجمال