شكا قلبي العناءَ.. ولكن تلك أقداري

البارت الثامن

صحى محمد من البسه الي كانت فوقه وأخذها ونزل تحت وهو معصب وواصل حده
ندى بصراخ:نجلاء ولعنه
طلعت من الحمام وكانت لابسه شورت وهي حسبته نايم ومن الفجعه نست هي وش كانت لابسه اصلا
نجلاء:يمه بسم الله وش فيك؟
محمد تصنم مكانه اخذ نفس عمييق وقال:انا وش قلت لتس ماقلت لا تطلعينها من القفص؟
نجلاء اخذتها من يده وقالت:كل هذا عشانها مالك داعي الصراحه
محمد بهدوء:والله ي حبيبي ماهو بيتي عشان كذا قلتي لتس لا تخلينها تطلع تخرب اي شي
نجلاء:حبيبي؟
محمد:ايه وروحي بعد رجعيها ب القفص وتعالي نامي الساعه وحده امشي
نجلاء بزعل:طيب
مشت وكان يتأملها لين اختفت استوعبت وهو مستغرب من نفسه كان معصب وكان ناوي يهاوشها لكن مايدري ليش اربط لسانه وقال(خير محمد خير؟بتطيح ب الحب ثاني مره وش فيك تطالعها كذا تراها مثل اختك اصحى على نفسك)مشى لغرفه ودخل وانسدح على السرير
دخلت نجلاء وقالت:خير ان شاءالله؟
محمد:وش
نجلاء:بتنام على السرير
محمد:زوجتس يحلوه عادي وامشي نامي بدون دلع على اساس فيه مكان ثاني
مشت وراحت بآخر السرير وانسدحت ونامت على طول من التعب وهي كملت اربع وعشرين ساعه صاحيه
ابتسم بهدوء ونام
وانتهت اول ليله لهم مع بعض.
_______________________________________________
الساعه١١:٣٧ عند نجلاء ومحمد
صحت نجلاء و ناظرت ب محمد الي للحين نايم قامت وصلت الفجر وراحت تصحي محمد
هزت وماصحى ناظرت ب الساعه الي معلقه فوق الجدار وصار لها خمس دقايق تصحيه
آخذت نفس عميق وصارخت بقوه
صحى محمد مفجوع
محمد بفجعه:بسسسم الله وش فيتس انتي!!
نجلاء:تعبت وانا اصحي فيك صار لي ساعه اصحيك قوم صل الفجر
محمد:كم الساعه؟
نجلاء:ثنعش
فز محمد وراح ل الحمام واخذ شور على السريع وتوضى وطلع وفرش سجادته وكبر وخلص صلاة
عند نجلاء راحت تلبس وهي جهزت كل شي أمس قبل لاتنام لبست وخلصت وكانت لبسه فستان أخضر فاتح يوصل لحد الركبه وماسك على جسمها وبرز تفاصيله بشكل واضح وشعرها الاسود الي يوصل لين نص  ظهرها ويسمح لنا نشوف شوي من فخذها بسبب الفتحه وقفت عند المرايه والتفتت على محمد وقالت:فطورك في الصاله افطر والبس ترا تأخرنا واجد
وجهه بصره ل فستانها القصير
محمد:وش فيتس لابسه كذا؟
نجلاء ناظرت بنفسها وقالت:ليه ماهو حلو؟
محمد هز راسه وقال:لا بالعكس جميل لكن ليش قصير؟
نجلاء:عند حريم ترا
مارد وراح افطر ونجلاء كملت مكياجها وكان جرئ ولبست طقم الماس يوضح انها عروس
عند محمد لبس وخلص
محمد:ياله ي نجلاء
نزلت نجلاء ولتفتت على الطاوله وقالت:وين الصحون؟
محمد وهو يشخص بالشماغ:وديتها ل المطبخ
ابتسمت وراحت معاه لسياره
وصلوا لبيت الجد عبد المجيد
أطلقوا عيال ال عايض الرصاص من اسلحتهم
نايف بصوت عالي:ارررحب ي محمد في ذمتي ارحبب
محمد بنفس الطبقه:البقى يمرحب
سعود:أرحب ابو فهد وارحبي يبنت خالد ارحبيي
ضحكت وقالت بصوته العذب:ابقه يالله
ناظرها محمد وقال بحده:ادخلي داخل بس
استحقرته وراحت
محمد:البقى ي رجال
نزل محمد وضم فيصل
فيصل عظ اذنه بخفه وقال:وحشتني يحيوان
محمد ضحك:مايوحشك غالي ي فيصل
نايف من وراهم:يليل ماهو وقتكم فيصل جبه دوري
محمد بصدمه:وجع صدق كأني أصغر عيالك
ضحك نايف وسحبه وقال:بسم الله على عيالي
محمد:يشيخ علتبن
نايف:اوف ي كلب والله وطلع فيصل صادق وحشتني
محمد ضحك:لاعاد انت بالذات لك مكانه خاصه
ضحك نايف وغمز له وقال:طبيعي ماهو انا الزوجه الأولى
محمد انفجر ضحك ونايف معاه
رعد جاء وقال:وش السالف؟
محمد سكت يبي يشرح وناظر بنايف ورجع يضحك
نايف كان يضحك لين دمع
جاء سعود وابتسم:يستر وش فيهم
رعد:مدري
عند نايف ومحمد الي انهار ضحك وقف نايف ومسح دموعه قال وهو يرجف:خلاص يرحم والديك
محمد بضحك:خلاص يزوجتي القديم
رجعوا انهاروا ضحك
ابو فهد بصراخ:العنه تلعنك انت وياه بلا سنون انت وهو اهجموا فضحتونا
محمد قام وهو يترنح ويرجع ونايف ماهو اقل منه
فهد:ايه بتقولون لنا وش فيكم؟
محمد اخذ نفس وقال:قبل سنتين تقريباً.........
قبل سنتين ونصف تقريبا دخل محمد على نايف في المكتب وكان وقتها نايف برتبت العقيد ومحمد برتبت مقدم
دخل محمد عليه وجلس
ناظره نايف وقال:التحيه ياعسكري
محمد مسك المنديل ورماه عليه وقال:يبوي انقلع فاضي لك انا
نايف ضحك:هاه عن الغلط ولا نسيت اني أعلى منك؟
محمد ابتسم وقال:ماعندي انا منصب مامنصب عندي انا شي اسمه رجوله ماهو تقعد تتخبى ورا منصبك
نايف:تعال لي برا كانك رجال
محمد:رجال غصبً عليك وتم ياله
مشى محمد مع نايف وطلعوا برا
نايف:مستعد ي ابو فهد
محمد:في استعداد تام
فز نايف وفي اقل من من ثانيه طير محمد وطاح على الأرض جلس فوقه وقال:هاه مين فاز؟
قلبه محمد وقال:لاتستعجل
نايف ارفع راسه وضرب محمد مع بطنه قّح محمد ابعد وتفل الدم على بدلت نايف ابتسم نايف وقام ومسك يد محمد وقومه وقال:بسم الله عليك خطاك الشر
محمد مسح فمه وقال:والله انك طويل وجه بس تمون لو انه احد ثاني فركت وجهه بالأرض
نايف احد يده على كتفه:مير غصبً عنك
محمد بضحكه:يزوجتي الأولى
التفت نايف بصدمه وقال:حبيبي زوجي
انفجر محمد يضحك وطرش الماء الي كان يشربه
نايف بقرف:الله يمغصك قوم
محمد:هاهه وش الزوجه الي تقرف من زوجها
نايف:بس يزوجي العزيز انا اقرف
محمد:اقول يالوطي استغفر الله العظيم قوم
نايف مشى هو ومحمد موتجهين ل القسم
جاء عسكري وقال:العقيد نايف بن سالم؟
نايف بهمس:لازوجت المقدم
محمد لف وجهه وقام ضحك
العسكري:العميد حسام يبيك
نايف هز راسه وراح العسكري
التفت ل محمد:شكلي تقمصت الدور صدق
محمد بضحكه:زوجت المقدم محمد
ضحك نايف
محمد ضرب راسه وقال:يالسبك مقدم ماهو المقدم 
نايف:دز امها
مشوا في طريق متعاكس
ترجع ل العيال الي انفجرو ضحك كلهم من الطريقه الي يسردون فيها نايف ومحمد القصه
رعد مسح دموعه وقال:اهخخ تزوجت ينايف ولا درينا عنك حنا ي هلك
مشعل تكلم والمسواك بين سنونه:رعد لزم يسوي دراما
سعود:دراما ولا راما
عم الصمت وانفجر فيصل ضحك وكان يسلك
سعود ابتسم وضمه:ي بعد حيي ي فيصل يسلك
فيصل سكت:طبيعي وش الذبه النايمه ذي
سعود ضحك:طيب انكر يحيوان
محمد التفت ل وليد
محمد:شعنده النسيب هاجد؟
سعود بهمس:هاجد ولا ماجد
فيصل ناظر له بطرف عين وقال:يدبل تسبدي
وليد:ابد ولا شي
فهد:متى اخر مره شفتك فيها تضحك وتسولف وتمزح تقريباً الفين وعشرين
وليد:تشوف اقولك الحب مهلك
سعود التفت عليه بصدمه وقال:تحبها لك اربع سنوات!
وليد هز راسه
نايف:اربع سنوات ولا تزوجتها يالله يرب تزوجهم بعض
مشعل:واذا مكان فيها خيره تصرفها قطعه وليد من فز وقال:واذا مافيها خيرها يرب تخلي فيها خير ونتزوج
مشعل ضحك:ان شاءالله
قاطع حديثهم دخول ابو هيثم وعياله ولد اخو ابو فهد
<<تعريف بسيط على عائله ابو هيثم>>
ابو هيثم:ظافر
ام هيثم:عايشه(متوفيه)
هيثم:عمره 28
بدر: عمره27
مشاري:عمره25
بدر:عمره 23
بدور:عمرها20
_______________________________
نايف بصدمه:وش جابهم ذولي؟
محمد بهدوء مسح على شنبه:جدي الله يصلحه
سعود زفر بغيض وقال:يعيال امسكوني وربي انهم قاهريني هل الجحلط
ضحك وليد وقال محمد:سعود يويلك تقرب صوبهم تسمع؟
سعود:يصير خير
محمد:تسلك انت ووجهك
مشعل:ياعيال بلا مبزره امشوا المجلس
قاموا كلهم ودخلوا المجلس بشكل مهيب وقال محمد بصوت جهوري:السلام يرجال
جلسوا عادي
عند الحريم جلست نجلاء بين نوره واثير
نجلاء:تخيلوا
نوره واثير بنفس الوقت:وش صار
نجلاء ضحكت:بسم الله
اثير:وش صار؟
نجلاء:كان كان حلمي اشتري بسه وامس انا ومحمد راحنا نجيبها
نوره بصدمه:من متى محمد طلع حليل؟
اثير:خير نوره؟
نوره:وربي صادقه اتذكر محمد كان مهيب ويخوف وكان يرعد ويبرق بالمكان صدق
نجلاء:اي والله
اثير:يخكريه زوجتس المهم عندتس صوره لها
نجلاء بحماس:ايي تعالوا شوفوا
نوره صارخت:وووه كيوت نجلاء
اثير:حقير انا لي كم اقوله يجيب اي ذاك الفار ويقول لا
نجلاء بصدمه:وش فاره انتي بعد؟
اثير:اقصد الهامستر
سكتت شوي وتققت ب الصوره سوت زوم لها وقالت:نجلاء
نجلاء:هلا
اثير التفتت عليها وقالت بخبث:نجول حبيبتي ليش لابسه شورت في ليله الدخله؟
نجلاء ماستوعبت:وش كان محمد وقتها نايم
نوره شرقت ب القهوه وقالت بضحكه:اثير يملعونه وش التفكير ذا!
اثير انفجرت ضحك عكس نجلاء الي فهمتها متأخر وافجرت من الاحراج
الكل سكت من ارتفع صوت الرجال وخمنو انه هواش بسبب العن والسبب الي يسمعونه
ام مشعل:الله يستر وش فيهم ذولي؟
ام محمد:الله يستر بس
نرجع بالحداث شوي
مشاري بصوت عالي:الا ي محمد ليش اخذت نجلاء؟
محمد بحده:ليه عسى ماشر وبعدين لا تقول اسمها
مشاري ضحك ضحكه مستفزه وقال:هذيك رهف وينها ولا بس جيد تلعب على بنات الناس ولا نجلاء فيها بلا وانت ي ولد عمها بتستر عليها
وليد طار له وهو كان يدورها من الله طار وقطع مجرى التنفس عنده وسدد له لكمه وقال:يبن الكلاب كيييف تتكلم على وحده اخوانها وزوجها وعيال عمها موجدين ب المجلس
فز بدر وشال وليد ورماه بعيد سعود توجه له وعطاه كف ااي يحلف مشاري ان معاد معه ملامح بعد الكف:يقليل الخاتمه ماكمل الا سمع صوت طلق
عند بدر الي استغل الفرصه واخذ سلاحه وأطلق على سعود
طلعوا الرجال الي كانو في المجلس وطلع الحريم
فزو عيال عمه له
محمد بصوت علي:دقوا على الإسعاف بسرعه!
نايف طار واخذ السلاح من يد بدر وهو كان نويه على محمد
نايف أخذه وضربه على رأسه دخل وليد ودخل مشاري وبدا بينهم هواش وكان وليد يضرب مشاري بحرقه محد قدر يفكه تقدم محمد وسحبه بقوه وثبته وصارخ بوجهه:ولييد بس اهجدد
وليد دفه واتجه لبدر وسدد له لكمه على خشمه الي يحلف بدر ان معاد فيه عظمه صاحيه ولمس خشمه وابعد يده من اجتاحه ألم فضييع وتأكد انه مكسور
عند الحريم صارخت ام مشعل وتوجهت لسعود هي ونجلاء
ام مشعل بدموع:قوم يسعود يوليدي قوم لاتخليني تكفى يوليدي
نجلاء:سعود قوم قامت قيامتهم عيال الحرام لاتخلينا وراك
سعود رفع نفسه بصعوبه وقال:ماعليكم انا طيب
فزو وضموه عند محمد الي فرق العيال ومشى ابو هيثم من المجلس كله وكان يناظر نجلاء كيف كانت تضم سعود حس بشعور غريب بس مكان عاجبه الوضع تقدم وقال:خطاك الشر يبو خالد قوم وصل الإسعاف
جاء وليد وساعده وركبوا الإسعاف
ام مشعل:وش صار يا محمد
محمد شد على يده من تذكر كلام بدر عن نجلاء
أبتسم وحب راسها:ابد يخاله تعرفين عيال طايشين ولا مافيه شي
جت ام محمد بتمعن:صار لك شي يجنيني
محمد تقدم وحب راسها وهمس لها:اي والله ي يمه ان قلبي يحترق كيف ابن الكلب يسبها وانا ساكت كيييف
ام محمد:وش قالوا
محمد:هاه؟انسي خلاص
التفت ل نجلاء وقال لها تجي
نجلاء:هلا
محمد بهدوء:ليش صوتس قبل شوي طالع
نجلاء بصدمه:خير محمد انا اشوف اخوي قدامي يموت وانت تهاوش وتنفخ
محمد تقدم له ومسك فكها وقال:انا مااهاوش ولا أنفخ انا اغار ي نجلاء اغاار وانتي تصارخين الرجال ينظرون فيتس وانتي ولا همتس اصلا
نجلاء بكت:ابعد ترا أوجعتني ابعد
محمد ابعد وحب راسها وقال:ماابيها تتكرر سامعه؟
نجلاء:يع يطول وجهك وتتامر بعد
محمد ابتسم:اسف يا نجلاء اسف بس انا انسان مقدر اسيطر على غيرتي
نجلاء:خلاص مايحتاج تتأسف
محمد ضحك:اجل اسمعي روحي انتي واثير وفيصل ل الفندق وجيبوا الأغراض وودوها ل القسم حقنا عشان ماتوقع اننا بنطول بالفندق
نجلاء:ابشر بس وين بتروح؟
محمد:بروح اشوف وش صار على سعود
نجلاء مسكت يده وقالت:طيب دامك معاهم طمني على سعود
محمد رفع يدها وباسه:من عيني هذا قبل ذي بس ادخلي داخل لحد يجيتس وانتي بالشكل ذا لي اني بحرقه
نجلاء ضحكت بخجل:تمام استودعتك الله
نجلاء بينها وبين نفسها(اهخخ يجنن مقدر بعدين تذكرت كلامه وقت الشوفه يوم قال انا تزوجتس عشان انساها فقط لا أكثر عشان تسذا ماابيتس تبنين أحلامتس على اوهام وحب ماراح يصير بيننا، وقالت لزم اسأله مين هي وليه اخذني انا)
مشى محمد ودق على نايف
نايف:أرحب
محمد:البقى وش صار على سعود؟
نايف:دخلوه غرفة العمليات وقالو يحتاجون دم واخذو مني دم عشان مثل فصيلة الدم
محمد:يزينك ينايف
نايف:ادري انه يزيني
محمد:اقول البخ واحس انه بدر وخوانه مهم ساكتين لعيال عمي ابو مشعل
نايف:وش بيسون وحنا عيال عمهم ووراه؟
محمد شاش راسه وقال:حييي ينيوفي طلعت قادح
ضحك نايف وقال:متى بتجي؟
محمد:الان!
سكر محمد بعد ماسمع رده"تمام"
وصل محمد لمستشفى وتقدم وشاف نايف ووليد ومشعل ورعد
دقدم ومسك كتف وليد وقال:وش صار
وليد بحزن:دخلوه غرفة العمليات عشان يطلعون الرصاص
محمد ضمه:هونها وتهون ي وليد
حاوطه وليد:ماتقصر
جلسوا كلهم
عند ابو هيثم وعياله
بدر بحده:علي الحرام اني لا اشكي عليهم عيال الكلب
مشاري بخبث:وندخلهم السجن بذات وليد الكريه
بدر:والله ماراح ارتاح لين اشوف محمد داخل السجن
مشاري:ليش حاقد عليه؟
بدر:ليش ياخذ نجلاء
مشاري ضحك:ودك فيها؟
بدر هز راسه مشاري سحبه وابعد عنهم وقال:وش رايك ندخل وليد بقضيه وندخله السجن وبعدها بنكلم نجلاء ونقول تتطلق من محمد وتاخذها زوجه لك
بدر:واذا ماواقفت؟
مشاري ابتسم بخبث وشر:تاخذها وتعدمها وتخليها توقع على أوراق الطلاق وتجبرها تتزوجك ولاعاد تشوف أهلها مره ثانيه ابدا
بدر صفق:كفو يخوي تربيتي
مشاري:ازهل بس
في المستشفى فزو العيال من دخلو عسكر ومعاهم الين استغربو من جيتهم
محمد كان يناظر بالعساكر ومكان يناظر البنات:خير؟
احد العسكر:عيال عايض؟
نايف ناظر الين:وصلتوا خير؟
تكلمت الين بحكم انها أعلى منصب فيهم:جانا امر بي القى القبض على وليد بن خالد وسعود بن خالد
فز مشعل:وليش ان شاءالله
نايف مسكه:مشعل هد بنعرف وش السالفه
الين:ماعليكم ماراح يصير شي بس استجواب ونشوف وقتها وش بيصير
نايف:الشاكي بدر بن ظافر؟
الين:ومشاري بن ظافر
محمد:اسمعي هذولي عيال من اقاربنا والسالفه..
الين:لا ماابي السالفه هنا ابي اسمع كل شي في القسم وفي الاستجواب
وليد:طيب سعود في غرفت العمليات
الين ابتسمت:زييين ابيكم تجبون تقرير يدل على انه دخل عمليه بسببهم وابيكم تجبون لدله عشان تنقلب السالفه عليهم واول مايطلع سعود تجيبونه وتجون انتم بعد
نايف:ابشري وان شاءالله اول مايطلع وحنا عندتس
هزت راسها ومشت
محمد:شفت الله يهديك ي وليد ليتك ماسويت شيء
وليد ضحك بسخريه:وليه ان شاءالله تبيني اسكت مثلك وهو متكلم عن اختي
محمد بحده:مريض انت مريض وش تبيني اسوي قدام الرجال كان طنشته
وليد:اشوفك مجهز أعذار ي رحرمه و..
مسكه محمد مع يقته وصارخ بوجهه:والله انك تعقب انت الرحمه يرخمه لايتكلم عن الي ارجل منك
تقدم نايف ومسك محمد وسحبه وقال وهو يصارع على لسانه:محمد و ووجع بس اهجد ماهو وقتك ترا
محمد:يغبن الله يخذ نفسه وانا استغفر الله
جاء الدكتور:السلام عليكم انتم أهل سعود صح؟
هزو روسهم وكمل المريض سعود دخل بغيبوبة من مضاعفات العمليه الله اعلم متى بيصحى منها
مشعل بصدمه:ايشش
الدكتور ببرود:الي سمعتوه
طاح وليد بصدمه وقال:مستحييييل
محمد:اهدوا ان شاءالله انها مابتطول والمضافات تاخذ اسبوعين شهر بالكثير
صار العيال يهدون اخوان سعود وأهله
محمد:شوف روحوا للقسم وانا بجيب العيال الباقين وأم مشعل واخته
هز نايف راسه وراح محمد متجه للبيت
فزت ام مشعل من صوت محمد
محمد:ياولد ادعو لي النجلاء وامها
جت ام مشعل ونجلاء
ام مشعل:طمني تكفى ي محمد
ناظر ب نجلاء وقال:اول شي اذكري الله ي عمه
ام مشعل انهارت تحسبه صار له شي
محمد فز ومسكها وقال:ي عمه ماصار له شي طيب طيب
ام مشعل:ماصار له شي؟
محمد:بس دخل بغيبوبة آثار المضاعفات حقت العمليه والغيبوبه ماتخذ شهر بالكثير ووليد عيال الحرام رفعوا عليه قضيه والبسي عباتس وتعالي انتي ونجلاء بروح نشوف وش بيصير على وليد
ام مشعل انهارت من جديد
نجلاء:خلاص محمد روح وحنا نلحقك
مشى محمد وراح للغرفه القديمه له ولبس بدلته وراح لسيارته وانتظر زوجته وعمته
نزلو بعد نص ساعه وحرك محمد وراح للقسم
في القسم وصل نايف والعيال وكانوا وفهد وفيصل موجدين
الين:وين العميد سعود
نايف بهدوء:دخل غيبوبة
شهقت الين وقالت بحزن:معليش وان شاء الله يقوم بالسلامه وترا ماراح يجيه شي لي اننا شفنا مقطع مسجل للهوشه والقاضي اعتبره دفاع عن النفس اما وليد ماراح ينزل الحكم لين تاخذ افادته
فزر وليد براحه وقال:يعني اخوي ماراح يجيه شي؟
الين:ايوه
وصل محمد وأم مشعل ونجلاء ركضت ام مشعل ل وليد وفز وضمها:وش فيتس ي جنتي لاتبكين جعلني قبلتس
ام مشعل:مجار مجار يوليدي وش صار عليك
وليد:ماصار شي لسه
الين:اسفه يخاله بس وليد تفضل معي غرفة الاستجواب
وليد مشى وطاحت عينه على دانه الي جت مع فيصل واثير وابتسم لها ومشى
نجلاء التفتت ل محمد وقالت:تكفى ي
محمد
محمد بحده:وش فيتس
نجلاء نزلت دموعهاوقالت بهدوء:تكفى لايخذون اخوي تكفى ي ولد عمي
محمد من شاف دموعها نزل لمستواها وقال:والله بعد دموعتس اني لاسوي المستحيل عشان تتخفف العقوبه
نجلاء ضمته وقالت:وش الي عقوبه يعني اخوي بينسجن
محمد حاوطها:وليد أخطأ طبيعي انه بيأخذ جزاه لكن بحاول ونجلاء
ابعدت من طلع وليد وطلعت بعد بخمس دقايق الين واثنين عسكر
الين بصوت عالي:اول شي سعود بن خالد معفي من الحكم والسبب انه كان دفاع عن النفس وحكم على بدر بن ظافر بالسجن سنتين ونصف بسبب إطلاق النار على مواطن وحكم على وليد بن خالد بسنه بسبب الظرب المُبرح ل المدعي بدر بن ظافر وانتهى
محمد فز وقال:كيف ضرب مُبرح وهو اصلا بس ضرب خشمه
الين:ومين قال بس خشمه؟هو ضارب خشمه وانكسر وفكه وانكسر ويده انكسرت
مشعل بصدمه: كيييف فك ويد ماضرب الا خشمه واشك بعد انه انكسر
ام مشعل:طلبتس ي بنتي ماهو معقوله بيغيب وليدي عني سنه كامله عني
نجلاء بدموع:مايسوى شي وليد والله ميسوي شي وبعدين ماهو انتم تقولون انه فيه كاميرات وشفتها ماسوى شي الا انه ضرب خشمه بس
الين بضيق من حالتهم وكيف ام مشعل انهارت:معليه يخاله هونها وتهون
محمد: دام كلنت قلنا كلام نفس المعنى بنشوف الطب الشرعي هو الي بيحدد إذ وليد ضربه ولا من بدر
الين:تمام روحوا انتم وراح يبقى اللواء محمد واللواء نايف وبنات خالد وامه
راحت للعسكر يشوفون بدر والطب الشرعي عشان يحددون الحكم الاخير
وفعلاً وراحو وأخذوا بدر لمستشفى عشان يشفون
عند العيال
مشعل:يمه وش بتسوين هنا عند الرجال امشي معي
محمد:روحي ي عمه وان صار شي علمتس وبتجين انتي
راحت ام مشعل والباقين الا نجلاء
التفتت عليها محمد وقال:خير ليش ماتروحين مهاهم؟
نجلاء مسكت يده وشبكتها بيدها ورفعتها وقالت:ماابي ابي اجلس هنا
محمد:تستهبلين انتي المكان كله رجال!
نجلاء:تكفى انت معي طيب وماراح ابقي لحالي عندي دانه
التفت محمد لدانه ورجع ناظر ب نجلاء وقال:مشاء الله اشوفكم جلستي انتي وياها
نجلاء:بس انت قلت لي انتس اذا طلبتي طلب ماراح تلقين غير ابشري وسمي ولبيه صح؟والحين مني قاعده اشوفك تسوي وعدك لي والرجال أخبره اذا وعد وقال كلمته يكون قدها ويتحملها
محمد زفر وقال:خلاص اجل اجلس جنبي انتي والي معاتس ولاترحون ابدً
نجلاء أشرت على خشمه وقالت:على هل خشم
مسك خشمها وسحبه بخفه وقال:عليه الشحم واجلسي هنا واشر على كرسي وجلست هي
وراح محمد لنايف يتكلم معاه
عند وليد التفت ل دانه الي كانت لحالها وراح لها
وليد:اشوفتس قاعده هنا ولارحتي معاهم خايفه علي انا؟
دانه:لاشدعوه قعدت هنا عشان نجلاء واثير كانت مصدعه فا جلست هنا
قرب وليد وقال:وليش اصلا من الأساس جيتي؟
دانه بحده:مالك دخل تسمع!
وليد ابتسم وهمس وقال:تدرين اذا دخلت السجن بشتاق لدانتي كيف ببعد سنه كيف طاوعهم قلبهم يبعدوني عن قمري كيف؟
دانه شهقت وحطت يدها على منطوقه وقالت:لا تقول كذا ان شاءالله ماراح تدخله وان دخلته ماراح تطول
ابعد يدها وباسها:بتشتاقين لي؟
دانه:مااحل لك
وليد:ماكسر ظهري ولوا ذراعي الا انتس مني بحلالي وجاوبي على سوالي
دانه:اي سوال؟
وليد:بتشتاقين لي؟
دانه:لا طبعا
مشى معصب منها ورفع يده وسلم عليها من بعيد وقال:ودعناتس الله
شهقت وهي تبكي من ورا النقاب وهي استوعبت انها حبته جد
بعد ثلاث ساعات جاء العسكري وسلم ورقه ل الين
محمد فز وقال:هاه؟
الين:ابد صار مثل ماقلتو صار بدر الي مسبب لنفسه الاصبات وبيزيد حكم
نايف:يعني؟
ألين:وش الي يعني
نجلاء:يعني وليد وش بيصير له؟
الين ناظرت فيها وابتسمت:وليد يروحي بيصير شهرين بسبب ان خشمه انكسر صدق
محمد:طيب شهرين كثير على كسر خشم
الين هزت راسها بالفي وقالت:لا المفروض ثلاث شهور بس عشان بدر كذب وكذا صار شهرين
محمد:طيب عشان شهرين تحطونه بالقسم مابيدخل السجن صح؟
الين:صح بس لازم يوقع احد منكم يكون برتبة فريق
نايف:بس ولا واحد مننا برتبة فريق
همست دانه لنجلاء:ماهو هي بهذي الرتبة ليش ماتوقع
نجلاء بنفس الهمس:وش دخلها هي؟
دانه:جربي تقولين لها
نجلاء التفت ل الين وقالت:طيب ماهو انتي بنفس الرتبة ليش ماتوقعين
نايف التفت لنجلاء بصدمه وقال:خير وش دخلها هي؟
الين:عادي عندي بس كنت خايفه انكم ماتبون
محمد:لاعادي بس انتي مالتس دخل
الين:اجل ابشرو أوقع انا
التفت محمد لوليد وضمه:معليك اعتبراها اجازه كلها شهرين ولاتخاف بحاول اطلعك قبلها ولا تقرب لا بدر ولاغيره
وليد:ابشر ان شاءالله والله ماهمني ولا كسر ظهري الا اني ببعد عن دانتي
ضحك محمد وقال:معليه واعتبره اختبار نشوف هي بتشتاق لك ولا مافرق
جت نجلاء وضمت وشهقت بقوه:ليتك ي وليد ماسويت شيء
ضحك وليد وباس راسها:على اساس بتفرق معاتس عندتس محمد ماراح تفكرين فيني ولا بسعيد
نجلاء ضربته بخفه:انقلع هذا جزاي
الين:باله عليكم ياله
نايف:ياله وليد
مشى وليد وناظر بدانه وغمز وضحك
محمد ناظر بدانه من شاف غمزت وليد وضحك بقوه
نجلاء:خير وش فيك تضحك اخوي بينسجن
محمد ضمها ومشى:يبنتي ماهو عليه
التفتت لنايف:نيوف بتروح الحين؟
نايف:لاوالله بخلص كم معامله وجيكم
محمد التفتت لدانه:دانه تعالي معنا
دانه مشت جنب نجلاء
ابعدت نجلاء عن محمد ومسكت يد دانه ناظرها محمد وسكت
وصلو عند السياره وركب محمد قدام وركبت نجلاء مع دانه ورا
محمد ناظرها من المرايه:خير اشتغل سواق
نجلاء:محمد ماهو وقتك امشى
محمد تنرفز مكان يبي يصارخ ويهاوشها وعندهم احد نزل المرايه وحطاه على المرتبه وقال:وين انزلتس يدانه
دانه:ببيت جدي
نجلاء:وانا بعد
محمد:تمام
بعد هل كلمه عم الصمت ووصلوا البيت ونزلوا وراحت نجلاء تعلم الحريم على الي صار وسوى محمد بالمثل والصدم البعض والبعض حمد ربه ان بس شهرين ولاصار سنه