مساء الخير..
الفصل نزلكم على خمس أقسام باقية القسم الأخير في الكومنتات هتلاقوه، فصل كبير جداً ويستحق نوقف بيه عشان ننزل بالخاتمة اللي مش هتقل عنه في الحجم ويمكن أكبر شويتين تلاتة، بس ليَّا عندكم طلب الفصل فعلًا تعبت فيه جدًّا، ربنا يعلم كتبته إزاي حتى أنا نزلته كله رغم معارضة شديدة من سمـر لأنها شايفة أنكم هتكروتوا الأحداث واللي فيها تفاصيل مهمة، ونقلات مختلفة لشخصيات كتيرة زي مثلًا سالي وسهم حتى رُومير والأهم نَّجم الدين ورُوبين، يعني تقدروا تقولوا ثقتي فيكم كانت كبيرة اتمنى تكونوا عند حسن ظني وتقدروا تعبي اللي لأول مرة أطلبه ليه مقابل وهو التقدير، كنت شايفة إني لما اكتب لكم كلمات بسيطة هتتأخد في عين الإعتبار لأني واثقة إني قدرت أكون في علاقات في الجروب ده عاملة إزاي، يمكن أنا مش الكاتبة المثالية واللي مؤخرًا بقت دايمًا متأخرة وغايبة عنكم لكن ده بيكون غصب عني، وده بحاول اعوضه بطرق تانية
اتمنى ميكونش غيابي الفترة اللي فاتت أثر على العلاقات ديه، ولا غيابي الفترة الجاية هيأثر
خليكم متأكدين إني مهما غبت راجعة في الآخر
بس محتاجة مساندة ودعوات كتيرة ليَّا الفترة الجاية
الفترة اللي جاية هكون بحقق حلمي حياتي اللي بحلمه بيه بدون مبالغة من ست سنين، مشاعر كتير متلخبطة ما بين تحدي وسرور لحلم بيقرب أو قلق إن الحلم ده يتحول لذكرى موجوعة لشخصية عمرها ما حبت طعم الفشل اللي دايمًا مـر عليها
اتمنى لما أرجع أكون محققة حلمي، اللي ساعتها هاجي اشارككم التفاصيل ونجاحي وأقولكم أخيرًا قدرت، وإن أنا دايمًا جزء من عيلة لطيفة وجميلة أوي كونتها بجهد السنين، اشوفكم على خير ومستنية رأيكم جدًّا في الفصل ولو على سبيل ذكرى لحد ما أرجع ده طلب شخصي مني♥️
أنت تقرأ
معشوقة النجم - الجُزء الرابع
Romansaعندما سألوه لِمَ هي من وسط نساء حواء، قال والعشق يفيض من مقلتيه "جذبني حُزنها؛ فشعرت أنه لا يوجد ملجأ غيري لها" أوجعوه بقولهم"هي لا تُلائمك، من تغنى بالمرح ليلًا ونهارًا، عاش حياته بألوان قوس قزح، لا وجود للون الأسود أو الرمادي عنده، لا تُناسبه "مل...
