සංධ්වනිය | boy love | completed

chapter 34

වටේටම රෙදි කණු වල රෙදි වනලා තියෙන ස්ලැබ් එකට වෙලා හතර දෙනා හවස් වරුවෙ බියර් බිව්වෙ ඌරු මස් තෙල්දාගෙන මුරුක්කු පැකට් දෙක තුනකුත් දිග ඇරගෙන. ඒ වුනත් මත්පැන් පානය දශමෙටම නතර කරලා තිබුන මහීශ ඉගුරු බීම බෝතලෙන් උගුරක් දෙකක් බිව්වෙ ඌරු මස් කෑල්ලක් කටේ දාගන්න වෙලෙයි.

නිවුන්නො දෙන්නා කෑගගහා ආගිය තොරතුරු කිව්වෙ ඒ අය විදෙස් රටවලින් ගෙනපු රසකැවිලිත් දිග ඇර ඇර මේසෙ උඩින් තියන වෙලෙයි. ඒ අතරෙ කවුදෝ කෙනෙක් දෙවෙනි තට්ටුවෙ කෑගගහා අසේලවයි මහීශවයි හොයන සද්දෙ ඇහුන නිසා මහීශ පුටුවෙන් නැගිටගත්තෙ ඔලුවෙ අතගහගෙන.
"ඒ අපිට පල්ලෙහා තට්ටුව කුලියට දීලා තියෙන ගෑණු ලමයා. එයා හිටපු ගමන් දොර කඩාගෙන ගේ ඇතුලට කඩාගෙන පනිනවා"

මහීශ එහෙම කියලා ස්ලැබ් එකට යන්න තිබුනු දොර ලගින් පහලට ඔලුව දාගෙන කෑගැහුවෙ ආදිත්‍යයා ගේ වටේ ඇවිද ඇවිද අසේලවයි මහීශවයි හෙව්ව නිසයි.
"අපි මෙහෙ උඩ ඉන්නෙ. උඩට එන්න."
මහීශගෙ කටහඩ ඇහිලා ආදිත්‍යයා ස්ලැබ් එක උඩට ආවෙ ලොකු මැටි වලදක හදලා තිබුන කොස් කොත්තුවකුත් අරන්. ඈතින්ම කොත්තුවෙ සුවද දැනෙද්දි තරුණයො හතර දෙනාගෙ බඩවල් පිණුම් ගහන්න පටන් ගත්තෙ කටට කෙල උනද්දියි.

"මේ ආදිත්‍යයා. අපිත් එක්ක සංසදේ එකට වැඩ කරන්නෙ. එතකොට මේ අසංක. මේ සසංක. අපි පොඩි කාලෙ හොස්ටල් වල එකටම ඉදපු යාලුවො."
මහීශ එහෙම කියලා එකිනෙකාව හදුන්වලා දුන්නෙන් පස්සෙ ආදිත්‍යයා ලැජ්ජාවෙන් අමුත්තො දෙන්නට කතා කරේ එයා ස්ලැබ් එකට ආවෙ අමුත්තො ඉන්න බව නොදැන නිසයි. සසංකයි අසංකයි බලෙන්ම ආදිත්‍යටත් පුටුවක් දුන්න නිසා ආදිත්‍යයත් පැත්තකින් වාඩි වුනේ පුටුව උඩ කකුල් දෙක තියාගෙන.

"අපි ලංකාවට ආවෙ පොඩි හදිස්සියක් වෙලා. ඔයාලට මතකද අපෙ අම්මා නැවතිලා හිටපු වැඩිහිටි නිවාසෙ ? මාස දෙකකට විතර කලින් ඒ වැඩිහිටි නිවාසෙ කඩාගෙන වැටිලා. ඒ නිසා වැඩිහිටි නිවාසෙන් අපිට කතා කරලා කිව්වා අම්මව ගෙදර එක්කරගෙන එන්න කියලා. සමහර අයව වෙන වැඩිහිටි නිවාස වලට ගෙනිහින් දාලා. උඹ දන්නවනෙ අපි පිරිමි දෙන්නෙක්නෙ. අම්මට තාම සිහියක් පතක් තියෙන නිසා කැමති නෑ අපි අම්මව සුද්ද බුද්ද කරන්න යනවට. ඒ නිසා අම්මව වැඩිහිටි නිවාසෙකට ගිහින් දානවනම් අම්මත් කැමතියි. අම්මව අලුත් වැඩිහිටි නිවාසෙකට ගිහින් දාන්න වෙන එක ප්‍රශ්නයක් නෙවෙයි. ඒ වුනත් ඒ පලාතටම තිබුනු එකම වැඩිහිටි නිවාසෙයි ඒ කඩාගෙන වැටුනෙ.