අශෝකගෙන් පොලීසියේ මහත්තයෙක් ප්රශ්න කරන වෙලේ අසේල පැත්තක හිටගෙන අශෝක දිහා ඇස් දල්වගෙන ඉදපු නිසා අශෝකට දැනුනෙ තමන්ගෙ කටෙන් එලියට වචන එන්නෙ නෑ වගෙයි. අසේලගෙ අප්පච්චිත් තමන්ගෙ දරුවා ගැන හිතලා වද වුනත් අසේල අශෝක දිහා බලාගෙන හිටියෙ රයිනෝසරයෙක් වගේ කියලයි මහීශටත් හිතුනෙ. ඒ නිසා මහීශ අසේල එක්ක පොලිස් මද්යස්තානයෙන් එලියට ආවෙ පොලීසියෙ අයට ඒ අයගෙ රාජකාරිය කරගන්න දීලා.
"බලන්නකො මෝඩයා වගේ මේකා මූණ දිහා බලාගෙන ඉන්න විදිහ ! යාලුවො එක එක එව්වා පාවිච්චි කරා කියලා මූත් ගිහින් එව්වා අත්හදා බලන්න මූ මොකෙක්ද ? ඇටිකුකුලෙක්ද ?"
අසේල පැත්තක බන්කුවකින් වාඩි වෙන අතරෙ කියවනවා ඇහිලා මහීශ අසේල දිහා පුදුමෙන් බැලුවෙ අසේලට මේ තරම් තරහ යනවද කියලා හිතන අතරෙ."ඒකට කමක් නෑ. ඒ ලමයා තාම පොඩීනෙ. ඔය කාලෙට ගම් වල කොල්ලො කුරුට්ටො ඔහොම තමා."
මහීශ කිව්වෙ අසේලගෙ තරහ නිමන්න කියලා හිතාගෙන. ඒ වුනත් අසේල නොනවත්වා අශෝකට බනිනවා අහගෙන මහීශ අසේල දිහා බලාගෙන හිටියෙ පුදුමෙන්."හැම ගමේම කොල්ලො කුරුට්ටො ඔහොම තමා කියලා ඔයත් එයාව හුරතල් කරන්න එපා. ඒකව පොලීසියට එක්ක එන්න ඔයා හිටියෙ නැත්තන් මන්ම ගෙදරදි මේකගෙ ඔලුවට සාමාන්ය දැනුම කව්වනවා. අපි හිටියෙ නැත්තන් මේ අයත් තොවිල් නට නට ඉදී. මූත් ඒ තොවිලෙට අඩව් අල්ල අල්ල ඉදී. ඉස්කෝලෙ යන්න බැරි නම් ගෙදරට වෙලා ඉන්න එපැයි කැලෑ ගානෙ ගිහින් නාස්ති වෙන්නෙ නැතුව. මූ හැදෙන්නෙත් කුඩු කාරයෙක් වගේ. මේකට උදේ සිහිය ආව වෙලේ ලග පොල්ලක්වත් තිබ්බා නම් පලු යන්න ගහන්නෙ"
අසේල කියනවා ඇහිලා මහීශ තරහෙන් අසේලගෙ පිටට හයියෙන් තුන් හතර පාරක් ගැහුවෙ හිතේ තරහ වාවගන්න බැරුව. මහීශ කොයි තරම් හයියෙන් ගැහුවද කියනවනම් වටේ පිටේ අයත් හැරිලා තරුණයො දෙන්නා දිහා හැරි හැරි බැලුවා. මහීශට දැනුනෙ තමන් ගහපු සැරට තමන්ගෙ අතේ අල්ල පුපුරු ගහනවා වගෙයි.
"ඇයි ඔයත් මගෙ තාත්තා වගේ කතා කරන්නෙ ?"
මහීශ තරහෙන් අහද්දි අසේල මහීශ දිහා බලලා අහකට ඇවිදගෙන ගියේ තමන්ගෙ පිට අතගගා. මහීශට තරම්ම අසේලටත් රිදුන නිසා අසේලට දැනුනෙ තමන්ගෙ පිටට කවුරුහරි කසේකින් ගැහුවා වගෙයි. මහීශ බන්කුවෙන් වාඩි වෙලා බිම බලාගෙන ඉන්න අතරෙ ටික වෙලාවකින් අසේල ඇවිත් බන්කුවෙ අනිත් කොනේ වාඩි වුනේ බිම බලාගෙන.
YOU ARE READING
සංධ්වනිය | boy love | completed
Non-Fictionරුසියානු ආදර කතා ඒ තරම් ලස්සනද ? ඒ ලස්සන ආදර කතා අස්සෙ ප්රශ්න තිබුනෙ නැද්ද ? ඔයාගෙයි මගෙයි ආදර කතාවත් රුසියානු ආදර කතාවක් වගේද ? කවුදෝ කෙනෙක් එහෙම කියනවා ඇහුනා අසේල... අපි දෙන්නත් හරියට රුසියානු ආදර කතාවක පිටු අස්සෙ හැන්ගුනු පරිඡ්චේද දෙකක් වගේලු...