මහීශ තමන්ගෙ මේසෙ වාඩි වෙලා කම්පියුටර් තිරයෙන් ටික වෙලාවක් ජයමිණ පත්තරේ පුවත්පත් දැන්වීම් ගැන කියව කියව හිටියෙ එයාගෙ ඒකකයෙ අයට හොරෙන්. ආයතනයෙ ඒකක වලට වෙන් කරපු කැබින් තිබුන නිසා තොග කළමණාකාරණය වෙනුවෙන් වෙන් කරලා තිබුන අංක පහ ඒකකය තිබුනෙ ශ්රවණාගාරයට පහළින් තට්ටුවේ.
ඒ වුනත් මහීශට පුටුවෙ ඉදගෙන කැරකි කැරකි ඉන්න කම්මැලි හිතුන නිසා පුවත්පත් දැන්වීම් ගැන කියෙව්වෙ එයා ආස කලේ ඒ දේට නිසයි. තමන්ට ආයතනයෙන් එලියට බැහැලා රවුම් ගහන්න තිබුනනම් හොදයි කියලා හිතුනත් මහීශට යන්න තැනක් තිබුනෙ නෑ. ඒ වුනත් අසේල තමන්ගෙ කැබින් එක පහු කරගෙන යනවා දැකලා මහීශ වටපිට බලලා හොර ගමනෙ පුටුවෙන් නැගිටලා කැබින් එකෙන් එලියට ආවෙ අනිත් අයට සැකයක් නොහිතෙන්න.
අසේල තමන්ගෙ කැබින් එකට ගිහින් දොර වහගන්නවා දැකලා මහීශත් ඒ පස්සෙන්ම ගිහින් දොර වහගත්තෙ අසේලගෙ කැබින් එක දැව වලින් හදලා තිබුන නිසයි. ඒ අයගෙ කැබින් වල වෙන වැඩ කටයුතු එලියෙ හිටපු අයට පෙනුනෙ නෑ.
"ගුස්තාපා මට කම්මැලියි ඒ නිසා-"
මහීශ එහෙම කියාගෙන හැරුනත් අසේලගෙ ලේකම් සහ මුදල් කලමණාකාරතුමා තමන් දිහා පුදුමෙන් බලාගෙන ඉන්නවා දැකලා මහීශගෙ ඔලුව රත් වුනා. මහීශ දැනන් හිටියෙ නෑ ඒ අයත් අද්යක්ශකතුමාගෙ කැබින් එකේම ඉන්නවයි කියලා."වැරදි කාමරේට ඇවිත් තියෙන්නෙ-"
අසේලගෙ ඇස් දිහා අංශුමාත්රෙකින්වත් නොබලා මහීශ ඉක්මනට සමාව ඉල්ලලා කැබින් එකෙන් එළියට ආවෙ කොරිඩෝව දිගේ අත් දෙකත් වන වන එහාට මෙහාට ඇවිදින අතරෙ. අන්තිමේ කරන්න වෙන වැඩක් නැති නිසාම ගොඩනැගිල්ලෙ උඩම තිබුනු උද්යානෙට ගියේ එතනට මුලු ටවුමම හොදට පෙනුනු නිසයි. මහීශ ටිකක් වෙලා තාප්පෙ එල්ලිලා අහස දිහා බලාගෙන හිටියෙ ඇස් දෙකත් අඩවන් කරගෙන.
සහේනිගෙ ගෙදරට යන පාර දෙපැත්තෙ තිබුන මාර ගස් වල අතු හෙලවෙන සද්දෙ මහීශට තාමත් හොදට මතකයි. ඒ බොරලු පාර දිගේ මහීශ අසේලත් එක්ක ඇවිද්දෙ සයිඩ් බෑග් එක අස්සෙ ගෝල්ඩන් මාරිවත් තියාගෙන. මහීශ ටික වෙලාවක් අහස දිහා බලාගෙන කල්පනා කලේ තමන්ට ඕනි වුනේ මේ දේමද කියලයි.
YOU ARE READING
සංධ්වනිය | boy love | completed
Non-Fictionරුසියානු ආදර කතා ඒ තරම් ලස්සනද ? ඒ ලස්සන ආදර කතා අස්සෙ ප්රශ්න තිබුනෙ නැද්ද ? ඔයාගෙයි මගෙයි ආදර කතාවත් රුසියානු ආදර කතාවක් වගේද ? කවුදෝ කෙනෙක් එහෙම කියනවා ඇහුනා අසේල... අපි දෙන්නත් හරියට රුසියානු ආදර කතාවක පිටු අස්සෙ හැන්ගුනු පරිඡ්චේද දෙකක් වගේලු...