අසේලට ඉස්සරහින් බිම බලාගෙන ඇවිදින මහීශ ටික වෙලාවකින් හැරිලා ආපස්සට හැරිලා බැලුවෙ මග නැවතිලා.
"අසේල ? මට පයින් ඇවිදලම මහන්සියි. අපි කවද්ද ඔයාගෙ ඩැට්සන් එක ගන්නෙ?"
මහීශ අහනවා ඇහිලා අසේල හිනාවුනේ මහීශට ලන් වෙලා මහීශගෙ උරහිස වටේ තමන්ගෙ අත ඔතාගන්න වෙලේ.මේ තරම් කාලයක් තමන්ගෙ බැන්කු ගිණුමට එකතු වෙන මුදලෙන් භාගයක්ම දෙමව්පියන්ට යැව්වත් ඉතුරු සම්පූර්ණ මුදල එහෙම්ම අසේලගෙ ගිණුමෙ ඉතුරු වෙලා තිබුනෙ අසේල ඒ සල්ලි වලින් මොනවත්ම කරේ නැති නිසයි. ඒ අයගෙ එදිනෙදා අවශ්යතා වලටත් වියදම් කලේ මහීශගෙ සල්ලි නිසා අසේල මේ වෙද්දිත් මුදල් වලින් වැහි වැහැලා හිටියත් ඒ මුදලින් කරන්න දෙයක් ගැන හිතුවෙ නෑ.
"අපි නිවාඩුවක් දාලා දවසක නුවර ගිහින් එමු."
අසේල කියනවා ඇහිලා මහීශ තමන්ගෙ උරහිස වටේ එතෙන අසේලගෙ අත හෙමින් පිරිමැද්දෙ ඉස්සරහට ගාටන අතරතුරේ."අසේල ? ඔයා කොහෙද මාව එක්ක යන්නෙ ? අපි දෙන්නා කවද්ද වොලිබෝලයක් ගන්නෙ ? අපි කවද්ද වොලිබෝල් ගහන්නෙ? අශෝක එක්කද?"
මහීශ අහනවා ඇහිලා අසේල මහීශගෙ නලලට හාදුවක් දුන්නෙ මහීශ ඒ කියපු හැමදේම අහගෙන ඉදලා තියෙන්නෙ කියලා තේරුණ නිසයි."දන්නවද මහී ! ඔයා එහෙම ඉද්දි මට බය හිතුනා. මන් මීට කලින් කවදාවත් දැනගෙන හිටියෙ නෑ ඔයාට ඒ තරමට විශාදය හැදෙන බව. මට නින්ද ගියෙත් නෑ."
අසේල කිව්වෙ මහීශව තව ටිකක් තමන්ට ලන් කරගෙන. ඒ නිසා මහීශ තමන්ගෙ උරහිස වටේ එතෙන අසේලගෙ අතට හාදුවක් දුන්නෙ ඒ අත තද කරලා අල්ලගෙන.
"මන් දැනන් හිටියෙත් නෑ."මහීශ කිව්වෙ අසේලගෙ අතින් අල්ලගෙන බස් රතයට නගින වෙලේ. සෙනග පිරෙන තැන් වලදි ඒ අය තම තමන්ගෙ දුරස්තබාවය තියාගන්න පුරුදු වෙලා හිටියත් හැමෝගෙම ඇස් වලට හොරෙන් හාදුවක් හුවමාරු කරගන්න අමතක කලෙත් නෑ.
මහීශ වෙනදා විදිහටම ටියුලිප් ආයතනය ඉස්සරහ නවත්තලා තිබුන අයිස් ක්රීම් ට්රක් රතයට බැන බැන ඒ ට්රක් රතයෙන්ම අයිස් ක්රීම් අරගෙන එන දිහා බලාගෙන ඉද්දි සහේනි සැනසුම් හුස්මක් පිට කලේ මහීශ පරන විදිහටම හොදින් ඉන්නවා දැකලයි. සහේනි මහීශගෙ අතේ එල්ලිලා මොනවදෝ කියව කියව ඇතුලට යන දිහා බලාගෙන අසේල හෙමින් ආවෙ තමන්ගෙ බෑග් එක ඇතුලෙ හිටපු මාරිව එලියෙන් තියන අතරෙ. දැනටමත් ගෝල්ඩන් මාරි ආයතනයේ වටපිටාවට පුරුදු වෙලා හිටපු නිසා වටේ රවුම් ගහලා හවසට අසේලව හෝ මහීශව හොයාගෙන ආපන ශාලාවට එන්න පුරුදු වෙලයි හිටියෙ. ඒ වුනත් සමහර වෙලාවට පොත් අස්සෙයි කොල අස්සෙයි නට නට වද දෙන හින්දා ඒ වෙලාවට මාරිව ඇවිද්දවන්න එක්කරගෙන යන්න වුනේ ආයතනයේ මුරකරුට. ඒ නිසා මුරකරුත් මාරිට සැලකුවේ තමන්ගෙ දරුවෙකුට සලකනවා වගෙයි. නැතත් මාරිගෙ හැම වෙලේම ඇගේ බැදලා තිබුනු කරපටිය නිසා මුරකරු එයත් එක්ක සෙල්ලම් කලේ බලු පැටියෙක් එක්ක සෙල්ලම් කරනවා වගෙයි.
ESTÁS LEYENDO
සංධ්වනිය | boy love | completed
No Ficciónරුසියානු ආදර කතා ඒ තරම් ලස්සනද ? ඒ ලස්සන ආදර කතා අස්සෙ ප්රශ්න තිබුනෙ නැද්ද ? ඔයාගෙයි මගෙයි ආදර කතාවත් රුසියානු ආදර කතාවක් වගේද ? කවුදෝ කෙනෙක් එහෙම කියනවා ඇහුනා අසේල... අපි දෙන්නත් හරියට රුසියානු ආදර කතාවක පිටු අස්සෙ හැන්ගුනු පරිඡ්චේද දෙකක් වගේලු...