الكصيب في الليل

القطره الرابعه

زهراء مصطفى
الكصيب في الليل
عندما تكون قبطان البحر
البحر يصبح عاصفه.
لا تنسون التصويتات اي لڤ يوووو

زهراء...

بيوم كعدت العصر طلعت للبلكونه الجو حلو كعدت فرفحت على نفسي وانسى الضغوطات شوي ورجعت لغرفتي دك رقم غريب استغربت منو هذه فتحته سمعت صوت ابنيه
جوري:الو
زهراء:اهلا منو
جوري:انتي زهراء
زهراء:اي اني زهراء انتي منو
جوري:اني مرت شهم
عيني فتحتهن وانصدمت وكف كلبي ايدي رجفت شنو الي حجته ستوههه
زهراء:شنو مرت شهم ما فهمت
جوري:اي اني مرته وجايتج بطلب
بلعت ريكي بصعوبه واحجي برجفه
زهراء:كولي
جوري:زهراء انتي بنيه واني بنيه وثنيناتنه نفتهم هذه الشعور اني اكلج لا توافقين على شهم بداعتي وبداعت كل عزيز عندج لا توافقين
زهراء:وهوه اذا مزوج شعنده اجاني
جوري:احنه متزوجين واحد يحب الثاني وبيوم وليله تغير عليه زهراء ساعديني
زهراء:عمري اني شلي دخل هوه شهم لازك بيه ما جاي يعوفني واني رفضته كذه مره
بلحضه تحولت ضلت أصيح
جوري:اسمعي كلش زين زوجي تعوفيه لا والله اكلب الدنيه عليج
عصبت واستغربت هاي شبيه
زهراء:احترمي نفسج ولا تحجين بهاي الطريقه واني معليه بزوجج انتي وياه اني معليه بيكم
جوري:لج لا ليله ليل ولا نهاره نهار كل شوي طالع ويشرب جكاير وتصير عركات ابينه عوفيهه
ضلت تغلط وتحجي ما تحملت لكن حجيت بهداوه
زهراء:يا بت الناس اني معليه مع السلامه
سديت الخط واني متعصبه انوب هاي اجتني اوف اوفف اطيته بلوك ومسحته كلت خل اطلع لبست جبتي وحجابي وجانت عصر وغيوم وهواء حلو طلعت لكيته كبال البيت كل عاده ويشرب جكاره كلت خل اروح واكله علمود يلزم مرته ما اريد ادخل بمشاكل رحت يمه ذب الجكاره ابتسم اجيت يمه
زهراء:اهلا شهم
شهم:هلا بروحه وكلبه وفستقته الغاليه ليش هيج معذبتني
زهراء:اريد احجي وياك بشغله
شهم:كولي يا بعد روحي
زهراء:أنته مزوج
تخربطت أحواله واستغرب مين عرفت اني
شهم:شلون عرفتي
زهراء:كول
شهم:اي مزوج بس والله ما رايده
زهراء:اتصلت عليه اليوم وكالت عوفي زوجي وضلت تحجي عليه وتغلط الزم مرتك اني ما اقبل احد يجي ويحجي عليه
عصب بانت عروكه صار يصب نار صار جمره استغرب هذه شبيه هيج صار لزم ايدي وحجه
شهم:اني أعلمه هيج اسوي بيج مو
زهراء:شهم ما اريد مشكله لا ادخلني بالموضوع
شهم:وداعتج اله أدبه الج
زهراء:وانته هم ارجع لمرتك وارجع لنفسك هيج تموت نفسك
شهم:لج جاي اموت باليوم الف موته اريدج لا تعذبني هيج والله اطلكه بس وافقي
زهراء:اسفه شهم واتمنى بعد لا اشوفك كبال البيت لا احد يشوفك من اهلي أو بالشارع شيكولون عليه
شهم:ما يهمني احد اريدج انتي
زهراء:تدري اني استغرب منك هواي
شهم:من شنو تستغربين
زهراء:يعني حبك الي اصرارك عليه شي غريب حيل
كلما اشوفك هيج والله اتعب اتعذب من جواي ليش هيج شهم ارجع لحياتك لمرتك
عيني دمعت والقهر بكلبي
شهم:شلون اخسرج الحب والغرام ما اكدر امنعهن من اشوفج والله اعوف العراق كله علمودج من هسه استغني عن الكل علمودج ما اريد وحده غيرج
انتي بعقلي وبكلبي
جر نفس بحسره بوجع
_اخخ ما جاي اكدر ابتعد عنج
زهراء:اني رايحه مع السلامه بس اسفه شهم والله ما اكدر احبك الي يصير بيك اني ما اكدر اتحمل شخص يتعذب بسببي
ردت اروح ودموعي تنزل لزم ايدي قربني حجه بنبره حسره وتعب
زهراء:وخر شبيك شهم لا احد شيوفنه منا الناس والله نروح بالرجلين وخرر
شهم:زهراء صعدي بالسياره بس خل نتفاهم
زهراء:مستحيل وخرر
شهم:صعدي
زهراء:ما اصعد
شهم:لج دصعدي
زهراء:ما اصعد
شهم:ولج والكروه على حسابي دصعدي وياي
زهراء:شبيك شهم ما اصعد اصير فضيحتنه ماله والي
شهم:عفت اهلي وعمامي شلون وياي دصعديي
زهراء:مااا وخرر لا احد يشوفنه تريد ننشهر
شهم:والله اخذج غصب زهراء خل نتفاهم
زهراء:زين بس وخر بس بسرعه ما اريد اتاخر
صعدت بالسياره محد يشوفنه
مشه بالسياره اني تخبلت وين يريد يوديني
زهراء:وين موديني ويننن شهمم
شهم:اشش نروح مكان بعيد نتفاهم بيه بعيد عن الناس
زهراء:شهم لا تتخبللل لا شهم فدوه والله اخافف حرامممم رجعنيي لاهلي
ضليت ابجي وتخبلت وادفع بيه باستهتار ضليت ارجف اشاهك
شهم:ولج ما اسويلج شي سكتي راح اندعم
زهراء:وين مودينه
شهم:مكان هنا قريب ولج كافي اهدي
زهراء:اني شورطني وصعدت وياك يا سافل
شهم:كافي زهراء والله العظيم ما اسويلج شي بس احجي وياج شوي بعيد عن الناس
زهراء:لك حرامممم
شهم:الذنب بركبتي لا تخافينن كافي ترجفين زهراء
زهراء:رجعنيي الاهلي عندك شي حاجيني هناك والله اذا درو اخواني وحك الله يموتوك
شهم:اي ذولي العفطيه شيسون يسون
زهراء:لاااا تحجيي على اخواننييي والله موتك اصير على ايدهم اذا صار شي بيه لو لمست شعره مني
عاط بيه وضرب الاستيرن بقوه
شهم:كافييييي
ساق بسرعه ومهاره وكفنه بشارع ما ادري شنو هذه ما بيه أحد كلت هاي نهايتي راح اموت هنا اريد اهلي ضليت ارجف خايفه بلكوه أمثل القوه ابجي اشاهك من الخوف اكول شيصير بيه
زهراء:رجعنيي الاهليي
شهم:كلبي اسمعيني
زهراء:شسمعع شهم راح اموت من الخوف
شهم:وداعت امي وحك داحي باب خيبر ما اذيج أو اسوي شي غلط اني اريد افتهم شغله ونرجع
فستقتي اهدي كافي
زهراء:تمام بس شهم ما اسمحلك ادلعني كم مره كتلك اني اسمي زهراء مو فستقتي خلي حدود
شهم:تمام اني اسف
ضل يهدي بيه بلكوه هديت شوي حجيت
زهراء:كول شرايد
شهم:ليش ما ترديني
زهراء:بالبدايه جنت ما اريدك لأن اني ما اريد ازوج
جنت افكر بمستقبلي حياتي وبعدين ازوج وبعدين انته صرت تتقربلي اني كمت اخاف منك وأكرهك بكل مره تتقربلي ولمن مديت ايدك على اخوي واني ما اقبل احد يمد أيده على اخوي كرهتك أكثر وفوكاه طلعت متزوج و تريدني اصير الثاني
شهم:بس انتي الاول بكلبي وإذا تردين اطلكه ما عندي مشكله
زهراء:اني مستحيل اصير مرتك مال ادخل أبين اثنين متزوجين لا اني أرضاه ولا اهلي واهلي اذا درو اكيد ما يوافقون
شهم:من خر* بمرتي لج ما اريدههه اكرههه لمن ازوجته اني جنت ما رايده
عكدت حاجبي باستغراب
زهراء:شنو ما جنت رايده لعد شلون ازوجته غريبب
شهم:هاي بت عمي الساق* جان ابوي يزن عليه علمود أخذه واني رافض وعمي وره ابوي لحد ما يوم كالي ابوي اذا ما ازوجته اغضب عليك واموت واني غاضب عليك اني وافقت بيه بس هيه جانت لازكه بيه واني ما أريده والله ما أريده
زهراء:واذا ازوجتك اكيد راح اصير مشاكل
شهم:اطلكه وما ادري بال الي واحد واني احميج من اي شخص يحجي عليج انعل أبوه يابو الخلفه
زهراء:يكولون اخذته من زوجه وحيه وام الرجاجيل
شهم:هههههه وعلي اطكه طك الي يحجي عليج
زهراء:واهلي بله اني قبلت همه شلون إذا درو
شهم:اموتهم غير
زهراء:شنوووو اهلي ذول شبيك شهم
شهم:لعد شنو يحرموني منج اجنزهم اجنز
زهراء:لعد ما راح افكر بيك يله رجعني
شهم:هههههه عمي اني اسف هوه اني بالكوه خليتج تفكرين
زهراء:رجعني للبيت فدوه
شهم:ماكو رجعه
زهراء:شنوووو شجاي تكولل
شهم:ما ترحين اله وانتي فرحانه وياي
زهراء:لا فرحانه ميته من الفرح بس رجعني
سويت حركات مخابيل يعني اني فرحانه شفته مات ضحك على حركاتي واني ضحكت على ضحكته ضل صافن واني اذا اضحك ما اسكت راح نفسي وسكتت انتبهت هوه صافن عليه يباوعلي ومبتسم ويشرب جكاره مصغر عيونه بلعت ريكي وانتبهت على روحي من كون ثول هسه ضحكت دضمي الضحكه
زهراء:شبيك صافن
شهم:(بخمول)اعشك تفاصيلج وضحكتج الذوبتني وشعلت الجابني
زهراء:أنته شنو ما تلعب نفسك من الجكاير
شهم:هيه الوحيده الي تخليني اصبر نفسي من اشوفج
زهراء:احم هسه وديني كافي
شهم:خليني اشم ركبتج
فتحت عيوني من الصدمه
زهراء:ولك شهم رجعني شبيكك وحق الله راح ابلش اكرهك كافي
شهم:زين نفتر
زهراء:لا لا اتاخر على اهلي
شهم:ما نتأخر شوي ونرجع خل نفتر
زهراء:اشايفني وحده من الشارع رجعني حرام الناس اشوفنه ويطيح حضنه
شهم:بويه شبيج شوي ونرجع
زهراء:كتلك لااا كافي رجعني اريد اهلي
ابتسم
شهم:تمام روحي
زهراء:شبيك ايععع شنو روحيي لا ادلععع اسمي زهراء
شهم:هههههه زين زهوره
زهراء:يبووو
ضحك مشينه طول الطريق وهوه يضحك وياي ويسولف الي يكول يعرفني من زمان ومرتاح بحجيه واني بس اسمع ومره احجي وصلنه
شهم:يله زهوره نزلي بس لا تنسين فكري ولمن اتصل ردي
زهراء:افكر ارد عليك
شهم:ها ولج اشو أخذتي راحتج لأن وصلتي
زهراء:كافي اني نازله
ردت أنزل لزم ايدي بأسه واخذ نفس جربته منه بعصبيه
زهراء:اني أعلمك على هاي الحركه اله اكرهكك
شهم:هههههه لا ولج تعاييي
زهراء:اذا بطلت سوالفك هاي راح ابدي احبك
شهم:اعشكج يا روح كلبي
زهراء:احمم احممم سوالفك لا تنسى يله كود باي
ودعته وهوه يضحك واني مستغربه من نفسي شجاي اسوي رجعت للغرفه واني افكر بدلت وكعدت وافكر كلت خل اكول لريتاج ما دام هيه أكثر وحده قريبه الي صحته اجتي
ريتاج:ها ولج
زهراء:تعالي كعدي اريدج بشغله
اجت كعدت يمي
ريتاج:كولي
زهراء:باعي مو تعصببن عليه وهيه الشغله ادوخ
ريتاج:كولي يله مو طككتي مرارتي
زهراء:تعرفين هذه الي اجه خطبني شهم
ريتاج:ايي
زهراءهوه يراسلني ويحاجيني ويحبني هواي بس شنو
ريتاج:ولجج شنو تراسلي
زهراء:ثول ولج هوه يراسلني اني ما ارد عليه انتي تعرفيني بهيج سوالف يعني مرات ارد
ريتاج:اي هسه شنو
زهراء:يريد يزوجني
ريتاج:شنو بكل عين صلفه يرجع ويريد يزوجج اخوانج يموتوه
زهراء:مو هنا المشكله
ريتاج:لعد
زهراء:احم احم مزوج
ريتاج:شنوووو ويريد يزوجج على يا اساس هاا
زهراء:لج ما ادري لازك برأيه يريدني يكول ما أريده وازوجته غصب ومرته خابرتني اليوم وصلت تحجي عليه تكول لا تزوجيه عوفيه وتصيح سديت الخط وطيته حضر ومسحته
ريتاج:شنووو هاي مرته يرادله كتله شلون هيج تحجي عليج هوه غير رجله لازك براج
زهراء:ما ادري
ريتاج:زين عنده جهال
زهراء:ما ادري ما كلتلي ولا هوه سئلته
ريتاج:باعي اني انصحج لا تزوجيه وتصيرين الثانيه تصير مشاكل هواي وهم أهلنه ما يقبلون
واذا عنده جهال يبووو شيصير بيج
زهراء:ما ادري شسوي ريتاج اكله عوفني ما يعوفني ومرته خابرت بحيره اني
ريتاج:دعوفيه خل يولي بعد ذاك اليوم الي سواه بيج خل يولي
زهراء:احب حبه الي وعشكه ورجال جميل بس متردده بحبه
ريتاج:شنوو تحبه خيهه بابه هذه مزوج ولج تعرفين شنو مزوج يعني مشاكل وهذيج ما تعوفج وتسوي هواي اشياء
زهراء:ما ادري مره اكره مره احبه
ريتاج:كرهيه احسن لان ما راح الزوجيه من الأصل وانتي شمدريج من يزوج ما يعوفج ويروح للوله ويتسلى بيج
زهراء:هسه اريد حل
ريتاج:الحل الاخير انو تعوفيه وهوه يعوفج غير هاي ماكو
زهراء:هوه يريدني ما يعوفني متعلق بيه
ريتاج:ليش لهل درجه يحبج شهم
رفعت جتفي يعني ما ادري
ريتاج:كولي لأبوي
زهراء:لا مستحيل انتي شتحجين
ريتاج:اي علمود يحجي وياه ويعوفج
زهراء:لا مستحيل اكول لأبوي شنو مخبله
ريتاج:ترى ابوي متفاهم راح يفتهمج
زهراء:اي متفاهم بغير أمور بس بهذه الموضوع يطيح حضي
ريتاج:بكيفج بعد
زهراء:حيره والله ها هيه افكر وأشوف
ريتاج: زهراء وخر عنه لا تصيرين زوجه الثانيه ترى ما راح تحسين بالفرح ابد
زهراء:افكر
ريتاج:زين اني طالعه فكري انتي
دخل علينه قسوره بسرعه واحنه نخلسنه جتف أيده اني كمت ارجف وريتاج خافت
حجه بعصبيه وعاط
قسوره:اي كملن شبيجن سكتن
زهراء:من شوكت أنته هنا
قسوره:من ريتاج كالت دعوفيه خل يولي بعد ذاك اليوم الي سواه بيج خل يولي وانتي كلتي احب حبه الي وعشكه ورجال جميل بس متردده بحبه
ريتاج:وشكو تسنط مو عيب سوالف بنات
قسوره:اي سوالف البنات حب وعشك
باوعلي بتحسر وعصبيه
_مو لج شلون هيج سوين مو واثقين بيج وحك الله اذا ما ربيتج ما اطلع قسوره
حجيت بخوف ورجفه بلكوه احجي
زهراء:والله ما جنت احجي وياه والله ما ار...
بعدني ما مكمله اجاني لزم شعري وضل يجر بيه يصيح
_لج شمسوي بيجج احجييي شمسوييي بيجج
ويضربني ضرب قوي وريتاج تدفعه وهوه يدفعه موتني بالكاع واني ابجي واصيح اجو اهلي حيدر دفعه
حيدر:شبيككك قسورهه ليش هيج تضربههه
قسوره:لك اسمععع اختك شمسويههه
حيدر:شمسويههه
قسوره:ادور حب وعشك وي شهم السكط وما ادري شمسويله واني اكول ليش هيج رايده ومتعلق بيه طلعت الساق** تحجي وياه
أنصدم حيدر وامي وأبوي ضلو صافنين مستغربين اني هيج اسوي
حيدر:لا قسوره شنو اسوي هيج زهراء مستحيل
قسوره:اي والله هذه الي صار
ما اكدر احجي من الوجع بس اون
حيدر:صدك زهراءءءء احجييي
ساكته ما اكدر انطق حرف
قسوره:طبعن ما تحجي هم اله عين
ريتاج:والله اختي وأعرفه ما اسو هيج هيه جانت تكلي هوه لازم بيه ما يعرفه وتريد حل
حيدر:لج شنوو الكلام نعال هذه السكط يسوي هيج باختنه اني اعلمج زهراء اذا ما امسح بيج الكاع بس خل اروح لهذه السكط اسكطه اسكط تعال قسوره
قسوره:طبعن جاييي لعد شنو أفواته لهذه الكوا* ابن الكواو**
فارس:بويه احجو بالتفاهم
حيدر:وحك الحسين اله انعل شيب الخلفه
فارس:لا اذا هيج لازم اجي وياكم
قسوره:اي زين تعال
راحوا وباسلحتهم ومعصبين وابوي يهدي بيهم
اريام:لج نزلتي رأسه ياادب بسزز
شهد:يمه اهدييي شبيج اهدي
اجتني امي ضربتني وملختني انهد حيلي واني ابجي واصيح وخواتي يوخرن بامي وهيه تضرب وتصيح
اريام:ولج شقصرت وياج وهيج اسويننن يمههه ولج نزلتي رأسنه اني وابوج
ريتاج ادافع عليه وتحجي وامي ما تسمع بس تضرب دخت حيل وانغمى عليه ضلو يضربون بوجهي يحولون يكعدوني شمرو ألمي عليه كعدت واني بالجربايه واخواتي فوكاي وامي ماكو
زهراء:وين امي
ريتاج:زهراء خوفتينه عليج
شهد:يمه زهراء الله يعينج اليوم
زهراء:وين ابوي واخواني
ريتاج:الي هسه ما جاين
زهراء:شكد صارلهم
شهد:قبل شوي راحوا اصلا يمكن بعدهم ما واصلين
زهراء:عزه زين اتصلتوا عليهم
ريتاج:اي خابرنه ما ردو
زهراء:والله خايفه والله ريتاج انتي تعرفيني اني ما اسوي هيج هسه خسرت ثقت اهلي بسببه
ريتاج:اهدي زهراء لا تخافين احنه يمج
شهد: خل نكوم ريتاج خل ترتاح زين حبي ارتاحي شوي
زهراء:لا خليجن يمي والله خايفه
ريتاج:قفلي الباب عليج
زهراء:تمام
طلعوا واني بلكوه احرك نفسي كلت خل اكول لشهم بلكت لا اصير مصيبه شكبره وتصير دم
خابرت عليه ما رد المره الثانيه رد
شهم:ها يا نبض كلبي
زهراء:لك وينك أنته
شهم:شبيج كلبي بيج شي
زهراء:لك اخواني درو بيك تراسلني وتحاجيني وجايك للبيت بالمسدسات وضربوني
أنصدم صار عصبي
شهم:ضربوجج الساقطي* لجج انيي أعلمهمم الهه ارجعهه الهمم دمم
زهراء:شهم فدوه ما اريد عركه لك خسرت ثقت اهلي بسببك
شهم:وحكك اللههه ارجعمم ميتينن يضربوجج مووو
زهراء:لا شهم لخاطري لا اسوي شي شهم
شهم:لج ضربوجج الساقطي* اله اكسر ايدهم لج ما اقبل تنضربين ما اقبل احد يلمس شعره منج وهيج يسون بيج العفطيهه اسمعي ابقي بغرفتج اني جايج تجين وياي اخليج بحمايتي محد يلمس منج شعره
زهراء:مستحيل اجي وياك لك مخبل يكرهوني ويضربوني أكثر
شهم:لج اذا رجعوا وضربوج غير اخلسهم خلس اله انعنع ضلوعهم وحك العباس وجفوفه هسه اني أعلمهم العفطيه
زهراء:اني خابرتك علمود لا تكبر المشكله وانوب أنته تريد تكتلهم احجي بالتفاهم وياهم فدوه
شهم:بعد ما ضربوج ترديني احجي بتفاهم اله ادكهم دك وحك العباس وجفوفه اله اشعل صفحتهم وصفحت الخلفوهم
زهراء:لا تغلط ديربالك شهم بايي بس لخاطري لا اسوي الهم شي خايفه شهم ما اريد مشكله
شهم:مع السلامه فستقتي لا تخافين والله اله اكسر ايدهم واخليه بحضنهم
سد الخط وهوه فاير واني خايفه ابجي وارجف قفلت الباب والشبابيك افتر بالغرفه اطكطك باصابيعي اليوم شيصير بيه اله اصير بحر مال دم اوف اوف تعبت كعدت على الجربايه بعد ساعه او اكثر اندك الباب خفت كمت ورجلي يرجفن بالكوه امشي خطوه حجيت بنبره خوف
زهراء:منو
ريتاج:اني ريتاج افتحي بسرعه
فتحته ركض دخلته وسديت الباب
زهراء:ها شكو
ريتاج:ولج اخواني بالمستشفى وحالتهم تخوف وانوب يكول ابوي مضروبين اكثر شي بأيديهم ومضررين هواي وشهم موجود
زهراء:شنووو

----------------------------
زهراء مصطفى
الذي نهج لـ تلك العيون الخضراء
فستقته

انتظروني بالبارت5
هذه حسابي

هنا تابعوني
نهج لارساتي 🌸