الكصيب في الليل

القطره السادس عشر

زهراء مصطفى
الكصيب في الليل
هستونة متلاگين بعدها عيونةٌ
من المستحِة مَدنگة بعدها تشوُفنا
عيون الشمس ظلين ما لحگنا نكسر
عينها بشبگة .

لا تنسون التصويتات اي لڤ يووو

زهراء...

سمعت رن موبايل وخرته ركضت الموبايل وشهم وراي شفت المتصل شهد
زهراء:هلو شهد وين رحتن
شهد: زهراء ابوي بالمستشفى
زهراء:شبيه
شهد:مدعوم
زهراء:شلوننننن ليش ما كلتلييي
شهد:طلعنا بسرعه والله ما لحكنا على روحنه بس نركص
زهراء:هسه شلونه خوما بيه شي
احس بصوته بجي وصراخ وهيه تبجي امي مستغربه
زهراء:ولجج احجييي بيههه شيي لا تخوفيني والله ابوي ما عندي غيره فدوه ردي فدوهه عليج الله ردي ولا تخوفيني
شهد:إلى رحمه الله
رجلي ما كدرت اشيلهن عقلي وكف ايدي خفت احساسي يكلي جذابه جذابه بس هاي بالمواضيع اجيب الصح وما اجذب مستحيل لا اكيد حجيت بترجي وصوت مهزوز
زهراء:شهد عليج الله لا تجذبين ولج هذه ابوج وهوه حي موتيه لا فدوه لا تكولين هيج هذه ابوي سندي روحي شبيج هذه ابونه ليش موتيه ليش ترى ما بيه شي ما بيهههه مابيههههه ولج رجلي ما جاي تشيلني احجي
شهد:ماتتت اخخخ ماتتت الغزيززز فركاههه صعب صعببب ابوي راح راح إلى دار حقه حقهه
نمل جسمي واني ما مستوعبه صرت بحاله الصدمه ومر شريط حياتي وي ابوي وضحكاتنه وحزنه وحبه النا وكع الموبايل ركض عليه شهم لزم كتفي
شهم:شكو شبيج شصاير
كمت صرت اضرب روحي واصيح مثل المخبله ابجي بهستيريه صرت اضرب بصدر شهم بكل قوتي من القهر والحزن هوه حاضني واصيح
زهراء:ابوي راح راح ماتتتت شلون واللههه جان ما بيه شي شهد
اجذب مو احجي شهم شهد اجذب عليه صح يعني راح واني بعدني
ما شفته لا ابوي بعد عايش مستحيل يعوفني وهيج يكسرني
اني مدللته وحبيبته هوه سندي والله سندي ما يروح إذا راح
اموت والله اموت براه ما اكدر بدونه مستحيل
شهم:أشش روح كلبي سكتي وعلي اموت ابراج منو يبقى يمي منو اذا رحتي روحي بيج
زهراء:بس هذه ابوييي ابوييي ما أريده يروح المفروض اني اروح من كون اني الميته ولا هوه اخخ بوييهههه اريد اموت ولا اسمع هيج خبر من كون ميته بويه ميته ليش ربييي أخذي امانتي
شهم:بويه راح لربنه هوه ارحم منه كلنا ارضي بقدر ربج هذه الي رايده ربج ولا تدعين على روحج وحك علي اذا عفتيني اموت
زهراء:اريد ابوي اريد ابوي وديني اله اريد اشوفه اريد اتاكد يا رب ما ميت يا رب بعد عايش وما يعوفنه
وكعت بالكاع ما كدرت اكوم رجلي ما تشيلني كعد حيدر مستغرب من حالتي عباله من شهم مسوي شي
حيدر:هاي شنووو
راح يمه شهم يم حيدر وحضنه وكال
شهم:ابوك راح إلى دار حقه بقيه بحياتك
دفعه بصدمه وكال
حيدر:شلون شني مات زهراء هههههه شوفي شهم شجاي يحجي يشاقه مو دروح هسه ابوي يجي جان بالشغل هسه يجي ننتضر ما عدنه شي هسه يجي وناكل سوه ونضحك مستحيل يعوفنه ادريييي ابويييي ابويييي ما يعوفنههههه
زهراء:لا ما مات شهم لا تحجي هيجججج لا تحجييي
شهم:كافي حيدر ارضى أنته لازم توكف وي اختك ما تشوف اختك شلونه أنته هسه لازم توكف وياه مو تعوفه هيج
اجاني حيدر كومني رحت لبست الجبه والحجاب واني روحي تناشغ ما اكدر اشيل ريشه منهد حيلي طلعت شفت حيدر وشهم واكفين يباوعلي بحزن ونضراتهم بمعنى هذه القدر ولازم ترضين بيه اجه شهم لازمني
شهم:حيدر روح شغل السياره بسرعه
راح واني كوه امشي كل شوي اوكع وبرأسي يكول ما راح بعده عايش مستحيل صرت ادعي بالسياره بعد عايش لحد ما وصلنا للمستشفى نزلت ركض وعفتهم سئلت عن اسمه دلوني وركضت عليه شفت اهلي يبجون وامي تصيح بهستريه واكعه بالكاع رحت عليهم شافوني واجتني ريتاج
زهراء:لا تكليلي ابوي مات فدوه فرحني ولا اجذبين الشغله مو لعبه فدوه اروحلج
ريتاج:الله يرحمه كلنا تمنينه هيج ويرجعلنه بضحكته الحلوه وراح
ضربت روحي قوي وصدري بقوه ريتاج ما كدرت تلزمني واصيح
زهراء:ابوي عافنييي ابوييي الي ما شفتههه راححح شلوننن كدرررر يروححح هوه ما شايفنيي اني بتههه بتههه المددلههه عنده يحبننييي ما يكدررر يعوفنييي والله ما يكدررر يعوفنييي ادري بيههه
اجه شهم ركض حضني قوي وسيطر على حركتي ما كدرت اسوي شي بي أصيح واشاهك
شهم:كافي بويه اني اصيلج ابو وحبيب لا تخافين اني اصيلج والله اصيريلج بس لا اريد اشوفج هيج كافي ابوج راح
زهراء:اريد اشوفه اشوفههه بس اريد احجي وياه كم كلمه بس اريد اعاتبه شلون عافني بلكي يكعد يمكن هاي غيبوبه لأن ادري بيه ما مات ما مات مو شهم أنته ما اجذب عليه كلي كلي ما مات مو
ضل ساكت لزمني ودخلني على ابوي علمود اصدك شفته متمدد ومغطين وجه كله ابيضرحت يمه بطء
جني ما مصدكه بعدت الغطه عن ابوي ولكيته ابوي
زهراء:ابوييييي لااااااا ابوييييي شهمممم شوفففف اريده شهم اريدهه أنته مو تكلي الي اطلبيه اني حاضر اريد ابوي اريد ابوي رجعه فدوه والله بس هذه الي أريده والله ما رايد غيره
ارجف واحرك ابوي يمكن يكعد صرت مخنوكه
شهم:ما اكدر ارجعه بعد روح كلبي ارضي ارضي هذه قضاء ربي وقدره ما نكدر نغيره
زهراء:ربييي ليششش هيججج ليشش الي نحبههه يموتتت ربييي مصطفى روحي وكلبي راحححح وعافنييي وجان فركاهه صعب واجه الاصعب منه ابويييي ربيييي اني شنو سويتتت وهيججج تحاسبنييي اذا تريددد تحاسبنييي موتينييي اني اني واخلص من هل عذاب جاي اخخخ يالجبل الي بصدرييي
ركضت على شهم وحجيت
زهراء:شهم اريد اموت اريد اخاف احبك وتموت دائما نلكه الي نحبهم يموتون ليش ما جاي افتهم
لزم وجهي باثنين أيده وكال
شهم:لا لا ما تعوفيني اذا رحتي اني وراج والله عادي حبيني ما عندي مشكله علمود حبج احارب الموت لخاطرج وحك العباس وجفوفه
زهراء:بس ابوي صار بكفن ابيض مصطفىوقسوره ماتوا واني عندياهم أغلى من روحي جانوا سندي وكسروني كسره بعمري ما أنساه
شهم:زهراء شنو كلت اني مو كتلج مصطفى ما احب طاريه
زهراء:بس احب ...
ردت اكمل سد حلكي وكال
شهم:أشش بويه ما اريد اسمع هاي الكلمه
طلعت بره ودموعي تحركني وأشوف امي تبجي وخواتي وحيدر دخل برأي واسمع صباحه واعتابه طلعت بره المستشفى امشي مثل المخبله ما اريد احد تعبانه ومختنكه طلعت بره اشتم هوه وكعدت على الصبه واني ساكته ما مصدومه ودموعي تنزل عقلي واكف اجاني شهم كعد يمي صار يحاجيني ويحاول يخليني ارضى بموت ابوي هديت شوي من كلامه
زهراء:زين هوه ما شافني ليش ليش والله مشتاقتله
شهم:بويه ربي هيج رايد شنو نرجع بالزمن بعد شي صار وخلص
وكعت على كتفه شبه ميته مسح دموعي وحضني يمسح على ضهري اجه حيدر
حيدر:شهم تعال
كام وبعدوا عني كم مسافه وحجوا بصوت ناصي وشهم يهز برأسه بمعني اي اجاني وكال
شهم:روح كلبي امشي لبيتكم
زهراء:لا اريد ابقى يم ابوي
شهم:همه راح يجبوه للبيت بس مثل ما كلت كافي بجي ودموع اهدي وصيري هاديه اكيد ابوج ما راح يقبل هيج اسوين بروحج انتي مدللته الدموع ما تفيد ادعيله صليله زين بويه
حجيت برود وحركت وجهي
زهراء:تمام
كومني وصعدني بالسياره وما اريد اي شي مسلمه روحي للدنيه شنو يصير اني مالي خلكه شهم يهديني واني بس ساكته لحد ما وصلت للبيت لكيت الكل موجود أقاربي كلهم مجتمعين ويبجون ويضربون واكو الي مشككين ملابسهم اذكرت اخوي قسوره من مات نفس المواقف جاي تنعاد حسيت بخوفه مرعوبه ما اريد ادخل بسرعه صرت وره شهم حضنته من وره كلت
زهراء:شهم ما اريد ادخل هسه يكولون اني السبب ما اريد اخاف
دار عليه مستغرب كال
شهم:لا تخافين اني وياج
زهراء:لا ما اريد هذه البيت ما احبه
شهم:ابوج راح يجيبون تابوته هنا ادخلي بويه
زهراء:اخاف اصير اني السبب ويرجع يتكرر الموقف نفسه
شهم:كلبي انتي نجرتي شلون تخافين نجره شهم
انتي هم مالج دخل بالموضوع شعدهم يحاجوج
زهراء:اوكي
لزم ايدي ودخلنا نفس الاشياء جاي تتكرر عليه دخلت جوه ما تحملت ابد لان راح اتخبل كبل صرت فوك ما اريد احد بس ابوي اريد اشوفه اريد احجي وياه صعدت والكل يباوعلي باستغراب قفلت غرفتي ورجعت على الحايط وكعدت وحاضنه وجهي وابجي بدون صوت وأصوات الصراخ والبجي والدك والحجي ومرت هاي الاغنيه على عقلي