الكصيب في الليل

القطره الثانيه والثلاثون

الكصيب في الليل

لطفاً تعاليق بين الفقرات والتصويت

لا بيه اگُلك لا تجَي
ولا بيه أگول أرجعلي
دوامه وتودي لحربّ
مابين گلبي وَ عقليّ
خايف أجَيك بلا وعيّ
وما بيك تستقبلني
أنه أعرف تحَب تبتعُد
بس ما عرفت تحَبنيّ

زهراء مصطفى

ذهب...

كمنا وطلعنا بره المكان وكفنا منضر خلانه مثل الصاعقه ضربتنه منضر شهم وهوه عيونه دم احمر وشعره مخربط هلكان وادهم ومرتضى لازميه امي وهيه تركض عليه كانو تخبلت من شافت ابنه هيج صاحت بعلوا صوته

_يمهههه ابنييييي شبيككك

راحت يمه وصارت تردد بكلمه اسم الله شبيك يمه رد مرتضى بحزن

مرتضى:ابنج موته الحب
ام شهم:يا حب يمه مو أخذ زهراء شيريد بعد
محمد:امشي خل نكعد بعدين نسولفلكم
ذهب:شسولف ليش شصاير
ادهم:أخذوه وكعدوه خل يرتاح

اخذته امي اذكر شكد جانت خايفه عليه حالته مزريه الابعد الحدود كعدنه حوله وهوه ولا ينطق بشي بس يباع على الي يصير

صرنا نحاول وياه إلى أن بده ينطق ويحجي ويانه
كالت امي

ام شهم:شبيك حبيبي
شهم:ما بيه شي خل نكوم
ام شهم:اكعد واحجيلي اني امك شماله هيج حالك بيك شي هذيج الايام صرنه ما نشوفك وكل يوم وجاينه وحالك بالضيم حتى شيبت
شهم:شحجيلج ومين ابديلج هاي حياة كله تعب ولا بيوم ضرب وياي الحض
ام شهم:الحياة متعبتك ؟
شهم:والحب هم
مرتضى:شسوي بالحب ينوكل ينشرب
شهم:دجربه وتعال احجي
مرتضى:هوه ياهو هيج لاعب بحالك جوري لأن اطلكتوا
شهم:أنته تعرف
ام شهم:ما تحجي

تنهدت ورد بحسره

شهم:طلكت زهراء ولكم شسويت بروحي بس رجعوني اموت ولا لافضه وخليته تروح

صار يضرب برأسه بقوه من يمي راسي صار يوجعني لزموا أيده امي واخواني وأبوي يهدي بيه ولا راضي يسكت ويلوم بروحه

ما نخفي الصدمه لكن يبقى السؤال غريب ليش طلكه وهوه مهوس بيه رجعت للواقع وشفته يحجي وكلامه بيه غصه كالت امي

ام شهم:انيي شكتلك ولك مو كتلك عوفه مو كلنالك ليش ما اخذت بكلمتنه ها هل عايشه حياته وانته كل يوم كاتل روحك
محمد:اربطيه يم الحسين ويسكت بعد
ابو شهم:ولك أنته عفت بنات كله ركضت على زهراء
ترف:ليش هيج مسوي بروحه
محمد:دك اليتيمه هناك جوه خله الكل صافن هسه اروح اذبحه شوف شمسويه بيه
ام شهم:هاك مي اشرب واحنه غلطنه وياه
ذهب:لو مأخذ الي يحبه من زمان وفاضه ولا انتم مزوجيه من كيفكم شحصلنا الرجال تخبل